Nārāyaṇīya · Chapter 10.49

bhavatprabhāvāvidurā hi gopāstaruprapātādikamatra goṣṭḥe /
shetumutpātagaṇaṃ viśaṅkya prayātumanyatra mano vitenuḥ //

tatropanandābhidhagopavaryo jagau bhavatpreraṇayaiva nūnam /
itiḥ pratīcyāṃ vipinaṃ manojñaṃ bṛndāvanaṃ nāma virājatīti //

bṛhadvanaṃ tat khalu nandamukhyā vidhāya gauṣṭhīnamatha kṣaṇena /
tvadanvitatvajjananīniviṣṭagariṣtayānānugatā viceluḥ //

anomanojñadhvanidhenupālīkhurapraṇādāntarato vadhūbhiḥ /
bhavadvinodālapitīkṣarāṇi prapīya nājñāyata mārgadairghyam //

nirīkṣya bṛndāvanamīśa! nandatprasūnakundapramukhadrumaugham /
amodathāḥ śādvalasāndralakṣmyā harinmaṇīkuṭṭimapuṣṭaśobham //

navākanirvyuḍhanivāsabhedeṣvaśeṣagopeṣu sukhāsiteṣu /
vanaśriyaṃ gopakiśorapālīvimiśritaḥ paryagalokathāstvam //

arālamārgāgatanirmalāpāṃ marālakujākṛtanarmalāpām /
nirantarasmerasarojavaktrāṃ kalindakanyāṃ samalokayastvam //

mayūrakekāśatalobhanīyaṃ myūkhamīlaśabalaṃ maṇīnām /
viriñcalokaspṛśamuccaśṛṅgairgiriṃ ca govardhanamaikṣathāstvam //

samaṃ tato gopakumārakaistvaṃ samantato yatra vanāntamāgāḥ /
tatastatastāṃ kṛṭilāmapaśyaḥ kalindajāṃ rāgavatīmivaikām //

tathāvidhe'smin vipine paśavye samutsuko vatsagaṇapracāre /
caran sarāmo'tha kumārakaistvaṃ samīragehādhipa! pāhi rogāt //