નારાયણીય · અધ્યાય 10.49

ભવત્પ્રભાવાવિદુરા હિ ગોપાસ્તરુપ્રપાતાદિકમત્ર ગોષ્ટ્ઃએ ।
સ્હેતુમુત્પાતગણં વિશઙ્ક્ય પ્રયાતુમન્યત્ર મનો વિતેનુઃ ॥

તત્રોપનન્દાભિધગોપવર્યો જગૌ ભવત્પ્રેરણયૈવ નૂનમ્ ।
ઇતિઃ પ્રતીચ્યાં વિપિનં મનોજ્ઞં બૃન્દાવનં નામ વિરાજતીતિ ॥

બૃહદ્વનં તત્ ખલુ નન્દમુખ્યા વિધાય ગૌષ્ઠીનમથ ક્ષણેન ।
ત્વદન્વિતત્વજ્જનનીનિવિષ્ટગરિષ્તયાનાનુગતા વિચેલુઃ ॥

અનોમનોજ્ઞધ્વનિધેનુપાલીખુરપ્રણાદાન્તરતો વધૂભિઃ ।
ભવદ્વિનોદાલપિતીક્ષરાણિ પ્રપીય નાજ્ઞાયત માર્ગદૈર્ઘ્યમ્ ॥

નિરીક્ષ્ય બૃન્દાવનમીશ! નન્દત્પ્રસૂનકુન્દપ્રમુખદ્રુમૌઘમ્ ।
અમોદથાઃ શાદ્વલસાન્દ્રલક્ષ્મ્યા હરિન્મણીકુટ્ટિમપુષ્ટશોભમ્ ॥

નવાકનિર્વ્યુઢનિવાસભેદેષ્વશેષગોપેષુ સુખાસિતેષુ ।
વનશ્રિયં ગોપકિશોરપાલીવિમિશ્રિતઃ પર્યગલોકથાસ્ત્વમ્ ॥

અરાલમાર્ગાગતનિર્મલાપાં મરાલકુજાકૃતનર્મલાપામ્ ।
નિરન્તરસ્મેરસરોજવક્ત્રાં કલિન્દકન્યાં સમલોકયસ્ત્વમ્ ॥

મયૂરકેકાશતલોભનીયં મ્યૂખમીલશબલં મણીનામ્ ।
વિરિઞ્ચલોકસ્પૃશમુચ્ચશૃઙ્ગૈર્ગિરિં ચ ગોવર્ધનમૈક્ષથાસ્ત્વમ્ ॥

સમં તતો ગોપકુમારકૈસ્ત્વં સમન્તતો યત્ર વનાન્તમાગાઃ ।
તતસ્તતસ્તાં કૃટિલામપશ્યઃ કલિન્દજાં રાગવતીમિવૈકામ્ ॥

તથાવિધેઽસ્મિન્ વિપિને પશવ્યે સમુત્સુકો વત્સગણપ્રચારે ।
ચરન્ સરામોઽથ કુમારકૈસ્ત્વં સમીરગેહાધિપ! પાહિ રોગાત્ ॥