Narasimha Purana · Chapter 23

ḥtṛtīya uttamo nāma manuḥ |
ḥsudhāmānaḥ satyāḥ śivāḥ pratardanā vaṃśavartinaś ca devāḥ |
ḥpañcaite dvādaśagaṇāḥ ||

ḥtasyāntare 'mitā niratā vaikuṇṭhāḥ sumedhasa ity ete devagaṇāś caturdaśakā gaṇāḥ |
ḥasurāntako nāma devendraḥ |
ḥsaptakādyā manoḥ sutā rājāno vai babhūvuḥ ||

ḥṣaṣṭhaś cākṣuṣo nāma manuḥ |
ḥpuruśatadyumnapramukhās tasya sutā rājānaḥ |
ḥsuśāntā āpyāḥ prasūtā bhavyāḥ prathitāś ca mahānubhāvāḥ lekhādyāḥ pañcaite hy aṣṭakā gaṇās tatra devāḥ ||

ḥbhaviṣyāṇi manvantarāṇi kathyante |
ḥtad yathā ādityāt saṃjñāyāṃ jāto yo manuḥ pūrvoktaś chāyāyām utpanno manur dvitīyaḥ sa tu |
ḥpūrvajasya sāvarṇasya manvantaraṃ sāvarṇikam aṣṭamaṃ śṛṇu ||

ḥviruddhādayas tatra devāḥ |
ḥteṣāṃ śāntir indraḥ |
ḥhaviṣmān sukṛtiḥ satyas tapomūrtir nābhāgaḥ pratimokaḥ saptaketur ity ete saptarṣayaḥ ||

ḥtrayodaśo rucir nāma manuḥ |
ḥsragvī bāṇaḥ sudharmā prabhṛtayo devagaṇāḥ |
ḥteṣām indra ṛṣabho nāma bhavitā ||

ḥbhaumaś caturdaśo manur bhavitā |
ḥsurucis tatrendraḥ |
ḥcakṣuṣmantaḥ pavitrāḥ kaniṣṭhābhā devagaṇāḥ ||

manuḥ saptarṣayo devā bhūpālāś ca manoḥ sutāḥ
manvantare bhavanty ete śakrāś caivādhikāriṇaḥ //

caturdaśabhir etais tu gatair manvantarair dvija
sahasrayugaparyantaḥ kālo gacchati vāsaraḥ //

tāvatpramāṇā ca niśā tato bhavati sattama
brahmarūpadharaḥ śete sarvātmā nṛhariḥ svayam //

trailokyam akhilaṃ grastā bhagavān ādikṛd vibhuḥ
svamāyām āsthito vipra sarvarūpī janārdanaḥ //

atha prabuddho bhagavān yathā pūrvaṃ tathā punaḥ
yugavyavasthāṃ kurute sṛṣṭiṃ ca puruṣottamaḥ //

ete tavoktā manavo 'marāś ca putrāś ca bhūpā munayaś ca sarve
vibhūtayas tasya sthitau sthitasya tasyaiva sarvaṃ tvam avehi vipra //