નરસિંહપુરાણ · અધ્યાય 23

ઃતૃતીય ઉત્તમો નામ મનુઃ ।
ઃસુધામાનઃ સત્યાઃ શિવાઃ પ્રતર્દના વંશવર્તિનશ્ ચ દેવાઃ ।
ઃપઞ્ચૈતે દ્વાદશગણાઃ ॥

ઃતસ્યાન્તરે ઽમિતા નિરતા વૈકુણ્ઠાઃ સુમેધસ ઇત્ય્ એતે દેવગણાશ્ ચતુર્દશકા ગણાઃ ।
ઃઅસુરાન્તકો નામ દેવેન્દ્રઃ ।
ઃસપ્તકાદ્યા મનોઃ સુતા રાજાનો વૈ બભૂવુઃ ॥

ઃષષ્ઠશ્ ચાક્ષુષો નામ મનુઃ ।
ઃપુરુશતદ્યુમ્નપ્રમુખાસ્ તસ્ય સુતા રાજાનઃ ।
ઃસુશાન્તા આપ્યાઃ પ્રસૂતા ભવ્યાઃ પ્રથિતાશ્ ચ મહાનુભાવાઃ લેખાદ્યાઃ પઞ્ચૈતે હ્ય્ અષ્ટકા ગણાસ્ તત્ર દેવાઃ ॥

ઃભવિષ્યાણિ મન્વન્તરાણિ કથ્યન્તે ।
ઃતદ્ યથા આદિત્યાત્ સંજ્ઞાયાં જાતો યો મનુઃ પૂર્વોક્તશ્ છાયાયામ્ ઉત્પન્નો મનુર્ દ્વિતીયઃ સ તુ ।
ઃપૂર્વજસ્ય સાવર્ણસ્ય મન્વન્તરં સાવર્ણિકમ્ અષ્ટમં શૃણુ ॥

ઃવિરુદ્ધાદયસ્ તત્ર દેવાઃ ।
ઃતેષાં શાન્તિર્ ઇન્દ્રઃ ।
ઃહવિષ્માન્ સુકૃતિઃ સત્યસ્ તપોમૂર્તિર્ નાભાગઃ પ્રતિમોકઃ સપ્તકેતુર્ ઇત્ય્ એતે સપ્તર્ષયઃ ॥

ઃત્રયોદશો રુચિર્ નામ મનુઃ ।
ઃસ્રગ્વી બાણઃ સુધર્મા પ્રભૃતયો દેવગણાઃ ।
ઃતેષામ્ ઇન્દ્ર ઋષભો નામ ભવિતા ॥

ઃભૌમશ્ ચતુર્દશો મનુર્ ભવિતા ।
ઃસુરુચિસ્ તત્રેન્દ્રઃ ।
ઃચક્ષુષ્મન્તઃ પવિત્રાઃ કનિષ્ઠાભા દેવગણાઃ ॥

મનુઃ સપ્તર્ષયો દેવા ભૂપાલાશ્ ચ મનોઃ સુતાઃ
મન્વન્તરે ભવન્ત્ય્ એતે શક્રાશ્ ચૈવાધિકારિણઃ ॥

ચતુર્દશભિર્ એતૈસ્ તુ ગતૈર્ મન્વન્તરૈર્ દ્વિજ
સહસ્રયુગપર્યન્તઃ કાલો ગચ્છતિ વાસરઃ ॥

તાવત્પ્રમાણા ચ નિશા તતો ભવતિ સત્તમ
બ્રહ્મરૂપધરઃ શેતે સર્વાત્મા નૃહરિઃ સ્વયમ્ ॥

ત્રૈલોક્યમ્ અખિલં ગ્રસ્તા ભગવાન્ આદિકૃદ્ વિભુઃ
સ્વમાયામ્ આસ્થિતો વિપ્ર સર્વરૂપી જનાર્દનઃ ॥

અથ પ્રબુદ્ધો ભગવાન્ યથા પૂર્વં તથા પુનઃ
યુગવ્યવસ્થાં કુરુતે સૃષ્ટિં ચ પુરુષોત્તમઃ ॥

એતે તવોક્તા મનવો ઽમરાશ્ ચ પુત્રાશ્ ચ ભૂપા મુનયશ્ ચ સર્વે
વિભૂતયસ્ તસ્ય સ્થિતૌ સ્થિતસ્ય તસ્યૈવ સર્વં ત્વમ્ અવેહિ વિપ્ર ॥