Nāmaliṅgānuśāsana = Amarakośa · Chapter 2.3

mahīdhre śikharikṣmābhṛdahāryadharaparvatāḥ | atha śailavargaḥ

adrigotragirigrāvācalaśailaśiloccayāḥ

lokālokaścakravālastrikūṭastrikakutsamau

astastu caramakṣmābhṛdudayaḥ pūrvaparvataḥ

himavānniṣadho vindhyo mālyavānpāriyātrikaḥ

gandhamādanamanye ca hemakūṭādayo nagāḥ

pāṣāṇaprastaragrāvopalāśmānaḥ śilā dṛṣat

kūṭo 'strī śikharaṃ śṛṅgaṃ prapātastvataṭo bhṛguḥ

kaṭako 'strī nitambo 'dreḥ snuḥ prasthaḥ sānurastriyām

utsaḥ prasravaṇaṃ vāripravāho nirjharo jharaḥ

darī tu kandaro vā strī devakhātabile guhā

gahvaraṃ gaṇḍaśailāstu cyutāḥ sthūlopalā gireḥ

dantakāstu bahistiryak pradeśānnirgatā gireḥ

khaniḥ striyāmākaraḥ syātpādāḥ pratyantaparvatāḥ

upatyakādrerāsannā bhūmirūrdhvamadhityakā

dhāturmanaḥśilādyadrergairikaṃ tu viśeṣataḥ

nikuñjakuñjau vā klībe latādipihitodare | iti śailavargaḥ
vanauṣadhivargaḥ|