નામલિઙ્ગાનુશાસન · અધ્યાય 2.3

મહીધ્રે શિખરિક્ષ્માભૃદહાર્યધરપર્વતાઃ । અથ શૈલવર્ગઃ

અદ્રિગોત્રગિરિગ્રાવાચલશૈલશિલોચ્ચયાઃ

લોકાલોકશ્ચક્રવાલસ્ત્રિકૂટસ્ત્રિકકુત્સમૌ

અસ્તસ્તુ ચરમક્ષ્માભૃદુદયઃ પૂર્વપર્વતઃ

હિમવાન્નિષધો વિન્ધ્યો માલ્યવાન્પારિયાત્રિકઃ

ગન્ધમાદનમન્યે ચ હેમકૂટાદયો નગાઃ

પાષાણપ્રસ્તરગ્રાવોપલાશ્માનઃ શિલા દૃષત્

કૂટો ઽસ્ત્રી શિખરં શૃઙ્ગં પ્રપાતસ્ત્વતટો ભૃગુઃ

કટકો ઽસ્ત્રી નિતમ્બો ઽદ્રેઃ સ્નુઃ પ્રસ્થઃ સાનુરસ્ત્રિયામ્

ઉત્સઃ પ્રસ્રવણં વારિપ્રવાહો નિર્ઝરો ઝરઃ

દરી તુ કન્દરો વા સ્ત્રી દેવખાતબિલે ગુહા

ગહ્વરં ગણ્ડશૈલાસ્તુ ચ્યુતાઃ સ્થૂલોપલા ગિરેઃ

દન્તકાસ્તુ બહિસ્તિર્યક્ પ્રદેશાન્નિર્ગતા ગિરેઃ

ખનિઃ સ્ત્રિયામાકરઃ સ્યાત્પાદાઃ પ્રત્યન્તપર્વતાઃ

ઉપત્યકાદ્રેરાસન્ના ભૂમિરૂર્ધ્વમધિત્યકા

ધાતુર્મનઃશિલાદ્યદ્રેર્ગૈરિકં તુ વિશેષતઃ

નિકુઞ્જકુઞ્જૌ વા ક્લીબે લતાદિપિહિતોદરે । ઇતિ શૈલવર્ગઃ
વનૌષધિવર્ગઃ।