Mṛtyuvañcanatārāsādhana · Part 11
Mṛtyuvañcanatārāsādhana
// namaḥ sitatārāyai //
pūrvavac chūnyatāparyantaṃ vibhāvya
sitāravindamadhyasthāṃ tāṃbhūtāṃ candraviṣṭarām /
ābaddhavajraparyaṅkāṃ varadotpaladhāriṇīm
śaraccandrakarākārāṃ pṛṣṭhacandrasamāśritām /
sarvālaṅkārasaṃpūrṇāṃ ṣoḍaśābdavapuḥkramām
dhyātvāryatārāṃ hṛdaye tasyāś cakraṃ sitadyuti /
aṣṭakoṣṭhakam aṣṭābhir akṣaraiḥ paripūritam
oṃhāvyañjanamadhyasthasādhyanāmādyanābhikam /
dhyāyād ekāgracittaḥ san ṣaṇ māsān dṛḍhaniścayaḥ
japed akhinnacittaḥ san mantram enaṃ daśākṣaram //
tatrāiṣa mantraḥ oṃ tāre tuttāre ture svāhā
mṛtyudoṣair na liptaḥ syāt tārāhṛccakrabhāvakaḥ /
lābhī ca sarvasiddhīnāṃ ṣaṇmāsāvadhi tatparaḥ
// mṛtyuvañcanatārāsādhanam //
Original text: Mṛtyuvañcanatārāsādhana · Edition: Johannes Schneider: Vāgīśvarakīrtis Mṛtyuvañcanopadeśa, eine buddhistische Lehrschrift zur Abwehr des Todes. Wien : Verlag der Österreichischen Akademie der Wissenschaften 2010. (Beiträge zur Kultur- und Geistesgeschichte Asiens ; 66) (Denkschriften der philosophisch-historischen Klasse ; 394) ISBN 978-3-7001-6722-8, p. 225 · Data entry Johannes Schneider · GRETIL (Göttingen) · CC BY-NC-SA 4.0