મૃત્યુવઞ્ચનતારાસાધન · ભાગ 11

મૃત્યુવઞ્ચનતારાસાધન
॥ નમઃ સિતતારાયૈ ॥
પૂર્વવચ્ છૂન્યતાપર્યન્તં વિભાવ્ય
સિતારવિન્દમધ્યસ્થાં તાંભૂતાં ચન્દ્રવિષ્ટરામ્ ।
આબદ્ધવજ્રપર્યઙ્કાં વરદોત્પલધારિણીમ્
શરચ્ચન્દ્રકરાકારાં પૃષ્ઠચન્દ્રસમાશ્રિતામ્ ।
સર્વાલઙ્કારસંપૂર્ણાં ષોડશાબ્દવપુઃક્રમામ્
ધ્યાત્વાર્યતારાં હૃદયે તસ્યાશ્ ચક્રં સિતદ્યુતિ ।
અષ્ટકોષ્ઠકમ્ અષ્ટાભિર્ અક્ષરૈઃ પરિપૂરિતમ્
ઓંહાવ્યઞ્જનમધ્યસ્થસાધ્યનામાદ્યનાભિકમ્ ।
ધ્યાયાદ્ એકાગ્રચિત્તઃ સન્ ષણ્ માસાન્ દૃઢનિશ્ચયઃ
જપેદ્ અખિન્નચિત્તઃ સન્ મન્ત્રમ્ એનં દશાક્ષરમ્ ॥
તત્રાઇષ મન્ત્રઃ ઓં તારે તુત્તારે તુરે સ્વાહા
મૃત્યુદોષૈર્ ન લિપ્તઃ સ્યાત્ તારાહૃચ્ચક્રભાવકઃ ।
લાભી ચ સર્વસિદ્ધીનાં ષણ્માસાવધિ તત્પરઃ
॥ મૃત્યુવઞ્ચનતારાસાધનમ્ ॥