Mokṣopāyaṭīkā · Chapter 4.33

sarvātiśayasāphalyāt sarvaṃ sarvatra sarvadā /
sambhavaty eva tasmāt svaṃ śubhodyogaṃ na santyajet //

mitrasvajanabandhūnāṃ nandinānandadāyinā N17: °da(nā)dāyi° /
sarasīśvaram ārādhya mṛtyur apy upanirjitaḥ //

sarvotkarṣeṇa vartante devā api vimarditāḥ /
dānavair dānavāryāḍhyair gajaiḥ padmākarā iva //

maruttanṛpater yajñe saṃvartena maharṣiṇā /
brahmaṇevāparaḥ sargo racitaḥ sasurāsuraḥ //

mahātiśayayuktena viśvāmitreṇa vipratā /
bhūyo bhūyaḥ prayuktena duṣprāpā tapasārjitā //

piṣṭātakāmbu duṣprāpaṃ rasāyanam ivāśnatā /
durbhagenedṛśenāptaḥ kṣīroda upamanyunā //

trailokyamallāṃs tṛṇavan nighnan viṣṇvabjajādikān /
yuktyātiśayadārḍhyena N17: °dā[r]ḍhye° kālaḥ śvetena N17: °te⟨m⟩[n]a kālitaḥ //

praṇayena yamaṃ jitvā kṛtvā vacanasaṅgaram /
paralokād upānītaḥ sāvitryā satyavān patiḥ //

na so ḥsty atiśayo loke yasyāsti N17: °ā(ti)sti na phalaṃ sphuṭam /
bhavitavyaṃ vicāryātaḥ sarvātiśayaśālinā //

ātmajñānam aśeṣāṇāṃ N17: a(ṣe)śe° sukhaduḥkhadaśādṛśām /
mūlaṃ kaṣakaraṃ tasmād bhāvyaṃ tatrātiśāyinā //

nānayopahatārthinyā dṛśyadṛṣṭyātiduṣṭayā /
duḥkhād ṛte nirābādhaṃ sukhaṃ kiñcid avāpyate //

aśamaḥ paramam brahma śamaś ca paramam padam /
yady apy evaṃ tathāpy enam praśamaṃ viddhi śaṅkaram //

abhimānam parityajya śamam āśritya śāśvatam /
vicārya prajñayāryatvaṃ kuryāt sajjanasevanam //

na tapāṃsi na tīrthāni na śāstrāṇi jayanti vaḥ /
saṃsārasāgarottāre sajjanāsevanaṃ yathā //

lobhamoharuṣāṃ yasya tanutānudinam bhavet /
yathāśāstraṃ viharataḥ svakarmasu sa sajjanaḥ N17: °mas[u] sa sa⟨-⟩[jja]naḥ //

adhyātmaviduṣaḥ N17: adhyā⟨-⟩[tma]° saṅgāt tasya sā dhīḥ pravartate /
atyantābhāva evāsya N17: °ā⟨-⟩[s]ya yayā dṛśyasya dṛśyate //

dṛśyātyantābhāvatas tu param evāvaśiṣyate /
anyābhāvavaśād āśu jīvas N17: jī⟨-⟩[vas] tatraiva līyate //

na cotpannaṃ na caivāsīd dṛśyaṃ na ca bhaviṣyati /
vartamāne ḥpi N17: p⟨a⟩[i] naivāsti param evāsty aveditam N17: °st[y] ave° //

etad yuktisahasreṇa darśitaṃ darśyate N17: darś[y]a° ḥpi ca /
sarvair evānubhūtaṃ N17: (o)evā° hi darśayiṣyāmi cādhunā //

yathedam akhilaṃ śāntaṃ trijagat saṃvidambaram /
idaṃ tattvaṃ tv asattvādi kuto ḥtra syāt kathañcana //

cic camatkurute cāru cañcalācañcalātmani /
yat tayaiva tad evedaṃ jagad ity avabudhyate //

trailokyarūpo ḥnubhavaś N17: °va⟨c⟩[ś] cidādityāṃśumaṇḍalam /
kva vendvaṃśumator bhedo nirvikatthana kathyatām //

svabhāvato ḥsyāś N17: asyā⟨c⟩[ś] ciddṛṣṭer ye unmeṣanimeṣaṇe /
jagadrūpānubhūtes tāv etāv astamayodayau Vgl. Spandakārikā 1.1. //

ahamartho ḥparijñātaḥ paramārthāmbare malaḥ /
parijñāto ḥhamarthas tu paramārthāmbaram bhavet //

ahambhāvaḥ parijñāto nāhambhāve N17: °v(e)⟨*o*⟩[e] bhavaty alam /
ekatām ambunevāmbu yāti cinnabhasātmanā //

ahamādijagaddṛśyaṃ kila nāsty eva vastutaḥ /
avaśyam eva tat kasmāc chiṣyate ḥhaṃvicāriṇaḥ //