Mañjuśrīmūlakalpa · Chapter 14

iti /
bodhisattvapiṭakāvataṃsakānmahāyānavaipulyasūtrād āryamañjuśrīmūlakalpāt trayodaśamapaṭalavisaraḥ parisamāptamiti //
Atha caturdaśaḥ paṭalavisaraḥ /
atha khalu bhagavān śākyamuniḥ punarapi śuddhāvāsabhavanamavalokya mañjuśriyaṃ kumārabhūtamāmantrayate sma / asti mañjuśrīḥ tvadīyavidyārahasyasādhanopayikasarvamantrāṇāṃ samanujñaḥ tathāgatadharmakośavisṛtadharmameghānupraviṣṭagaganasvabhāvasarvamantrāṇāṃ laukikalokottarāṇāṃ prabhuḥ jyeṣṭhatamaḥ, yathā kumāraḥ sarvasattvānām / tathāgato atra ākhyāyate jyeṣṭhatamaḥ śreṣṭho devamanuṣyāṇāṃ puruṣaṛṣabhaḥ buddho bhagavāṃ / evaṃ hi kumāra sarvamantrāṇāmayaṃ vidyārājā agramākhyāyate śreṣṭhatamaḥ pūrvanirdiṣṭaṃ tathāgataiḥ anabhilāpyairgaṅgānadīsikatapuṇyairbuddhiarbhagavadbhiḥ ratnaketostathāgatasya paramahṛdayaṃ paramaguhyaṃ sarvamaṅgalasammatasarvabuddhasaṃstutapraśastaṃ sarvabuddhasattvasamāśvāsakaṃ sarvapāpapraṇāśakaṃ sarvakāmadaṃ sarvāśāparipūrakam / katamaṃ ca tat / atrāntare bhagavataḥ śākyamuneḥ ūrṇākośāt sarvabuddhasañcodanī nāma raśmiḥ niścarati sma / yeyaṃ daśadikṣūrdhvamadhaḥ sarvāvantaṃ buddhakṣetrāṇyavabhāsya sarvasattvāṃ manāṃsi cāhlādya upari bhagavataḥ śākyamuniḥ uṣṇīṣā antardhīyate sma / uṣṇīṣācca bhagavataḥ samantajvālārcitamūrtiḥ anavalokanīyo sarvasattvaiḥ durdharṣaḥ mahāprabhāvasamudgataḥ prabhāmaṇḍalālaṅkṛtadehaḥ vividhākārarūpī mahācakravartirūpī vidyārājā ekākṣaro nāma niścarati sma / niścarittvā sarvaṃ gaganatalamavabhāsya sarvavidyārājaparivṛtaḥ anekavidyākoṭīnayutaśatasahasrapuraskṛtaḥ pūjyamāno sarvalokottaraiḥ vidyācakravarttirājānaiḥ abhiṣṭūyamāno sarvamantraiḥ prabhāvyamāno sarvabuddhabodhisattvaiḥ daśabhūmipratilabdhaiḥ mahātmabhiḥ sarvagaganatalamāpūrya divyaratnopaśobhitamahāmaṇiratnālaṅkṛtadehaḥ cārurūpī prabhāsvarataraḥ vividharūpanirmāṇakoṭīnayutaśatasahasramutsṛjamānaḥ ekākṣaraṃ śabdamudīrayamānaḥ mahāraśmijālaṃ pramuñcamānaḥ antarikṣe sthito 'bhūt bhagavataḥ śākyamunirupariṣṭāt sammukhamavalokayamānaḥ sarvāvantaṃ śuddhāvāsabhavanaṃ mahāparṣanmaṇḍalañcāvabhāsyamānaḥ //
atha bhagavān śākyamuniḥ ekākṣaraṃ vidyācakravarttinaṃ sarvatathāgatahṛdayaṃ ratnaketurnāma tathāgatasya paramahṛdayaparamaguhyatamaṃ sarvatathāgatairbhagavataḥ ratnaketoḥ sanniviṣṭaṃ sālendrarāja amitābha duḥprasaha sunetra suketu puṣpendra supināntalokamuniḥ kanakādyaistathāgatairbhāṣitaṃ cānubhyamoditaṃ ca sarvaiścātītaiḥ samyak sambuddhaiḥ lapitaṃ cānumanyaṃ ca / katamaṃ ca tat / tadyathā - bhrūṃ /
eṣa sa mañjuśrīḥ paramahṛdayaḥ sarvatathāgatānāṃ asarvaguṇāṃ vidyācakravartinaḥ ekākṣaraṃ nāma mahāpavitram / anena sādhyamānaḥ sarvamantrā siddhyante / tvadīyaṃ ye kumārakalparājavare sarvamantrānukūlaṃ paramarahasya agraḥ samanujñaḥ sarvakarmāvaraṇaviśodhakaḥ avaśyaṃ tāvat sādha + + + + + + + + + + + + + karmāṇi sarvamantreṣu asmiṃ kumāra tvadīyakalparāje sarvalaukikalokottarāṇi ca mantratantrāṇi sādhayitavyāni / anena kṛtarakṣaḥ, adhṛṣyo bhavati sarvabhūtānāmiti /
sarvavighnaiśca laukikalokottarairnābhibhūyata iti //
samantaratnabhāpite ca bhagavatā śākyamuninā sarvo 'pi trisāhasramahāsāhasro lokadhātuḥ ṣaḍvikāraṃ prakampitā abhūvaṃ / sarvāṇi ca buddhakṣetrāṇi avabhāsitāni sarvaśca buddhā bhagavantaḥ ( Vaidya 96 ) sannipatitā bhaveyuḥ / tasmiṃ parṣanmaṇḍale śuddhāvāsabhavanopaniṣaṇṇa sarve ca bodhisattvā daśabhūmipratilabdhā avaivartikā hyanuttarāyāṃ samyak sambodhau sarvaśrāvakapratyekabuddhāśca sarvasattvā maharddhikā vidyārājaraśmisañcoditā āgaccheyurvaśībhūtāḥ / anye ca sattvā vahavaḥ anantāparyantalokadhātuvyavasthitā narakatiryakapretaduḥkhagatisanniśritāḥ tena mahatā raśmyavabhāsena spṛṣṭā avabhāsitā duḥkhapratiprabuddhavedanāsannasthaḥ sukhahlāditamanasaḥ niyataṃ tridhāyānasanniśritā bhaveyuriti //
atha bhagavān śākyamuniḥ taṃ mahāparṣanmaṇḍalamalokya mañjuśriyaṃ kumārabhūtamāmantrayate sma - śṛṇu mañjuśrīḥ imaṃ vidyārājaṃ maharddhikamekavīraṃ sarvakarmikaṃ sarvavidyārājacakravarttinaṃ sarvasattvānāmāśāpāripūrakaṃ sarvakalpavistare tvadīyamantratantrakalpavistarasamanupraviṣṭaṃ sarvamantrāṇāṃ sādhakaḥ sādhāraṇabhūtaṃ maheśākhya mahotsāhasattvasādhakaviśeṣaprajñopāyakauśalasarvabodhimārgasaṃśodhakanirvāṇapratiṣṭhāpanākramaṇabodhimaṇḍaniṣadanākramaṇakuśalasambhārabhūtaṃ asyaivaṃ samāsataḥ kalpavistaraṃ paṭavidhānamaṇḍalaṃ saṃsādhanopayikaṃ pūrvamantracaryānucaritaṃ yatra pratiṣṭhitāḥ sattvāḥ sādhayiṣyanti mahācakravartinaṃ vidyārājaṃ mahadbhūtaṃ sarvamantrāṇāṃ parameśvaraṃ prabhaṅkaraṃ sarvāśāpāripūrakaṃ vināyakaṃ sarvajagaddhitaṃ buddhamiva sākṣāt pratyupasthitaṃ svayambhuvaṃ uttamottiṣṭhamadhyamakanyasasarvakarmikam /
kṣemaṅgamaṃ śivaṃ śāntaṃ sarvapāpapranāśanam /
devānāmapi taṃ devaṃ munīnāṃ munipuṅgavam

buddhamādityataṃ baddhaṃ viśuddhaṃ lokaviśrutam /
sarvakarmasvabhāvajñaṃ bhūtakoṭiranāvilam /
vakṣye kalpavaraṃ tasya śṛṇudhvaṃ bhūtikāṃkṣiṇām

ādau tāvat paṭo divye vikeśe śleṣavarjite /
nave śukle viśeṣeṇa sadaśe caivamālikhet /
dvihastamātrapramāṇena hastamātraṃ ca tiryak

tathāvidhe śubhe caiva nirmale cārudarśane /
site daumye tathā śukle suvrate picivarjite

śaṅkārāpakare śuklaṃ paṭe caiva dukūlake /
ātasye vālkalai caiva śuddhe tantuvivarjite

krimānilaasambhūte jantūnāṃ cānupāpane /
akauśeye tathā cānye yatkiñcit sādhuvarṇite

tādṛśe ca paṭe śreṣṭhe kuryādālekhyamālayam /
śāstubimbamālikhya prabhāmaṇḍalamālinam

hemavarṇaṃ tadālikhya jvālāmālinaṃ vidum /
ekākinaṃ guhyalīnaṃ parvatasthaṃ mahāyasam

ratnamālāvanaddhaṃ vai kuryātpaṭṭavitānakam /
upariṣṭādubhau devau dhāryamāṇau nu mālikhet

parvatasyopariṣṭā vai kuryād ratnamālakām /
samantataśca vitānasya muktāhārārddhabhūṣitam

upariṣṭācchailarājasya sarvamālikhya yatnataḥ /
adhaścaiva tathā śaile mahodadhisamaplutam

paṭānte caiva puṣpāṇi samantāccaivamālikhet /
nāgakesarapunnāgavakulaṃ caiva yūthikām

mālatīkusumaṃ caiva priyaṅgukurabakaṃ sadā /
indīvaraṃ ca saugandhī puṇḍarīkamataḥparam

vividhāni puṣpajātīni tathānyāṃ gandhamāśritām /
eteṣāmeva puṣpāṇi + + + + + + + + + +

+ + caiva pūjārthaṃ dadyuḥ śāsturmanoramam /
pūrvanirdiṣṭavidhinā paṭe jyeṣṭhe tathā paṭe

sūtraṃ tantuvāyaṃ ca tathā citrakaraṃ matam /
prātihārakapakṣe ca ālikhecchuddhatame 'hani

tathāpravṛtte ca kāle ca jāpe caiva vidhīyate /
sarvaṃ sarvamevāsya pūrvamuktaṃ samācaret

raṅgojjvalaṃ vicitrāḍhyaṃ śāstuviśva samālikhet /
anekākārasampannaṃ karṇikārasamaprabham

campakābhāsamābhāsaṃ ālikheddhemavarṇitam /
ebhirākārasampannaṃ muniṃmālikhya ratnajam

ratnaketuṃ mahābhāgaṃ śreṣṭhaṃ vai munipuṅgavam /
sarvadharmavaśiprāptaṃ buddharatnaṃ tamālikhet

ratnaparvatamāsīnaṃ guhāratnopaśobhitam /
paryaṅkopariviṣṭaṃ tu dattadharmānudeśanam

īṣismitamukhaṃ vīraṃ dhyānālambanacetasaḥ /
guhābahiḥ samālikhya adhaścaiva samantataḥ

paṭāntakoṇe sanniviṣṭaṃ sādhakaṃ jānukarpūram /
dhūpavyagrakaraṃ caiva īṣitkāyāvanāmitam

uttarāsaṅginaṃ kuryād yathāveṣānuliṅginam /
dakṣiṇe bhagavatasyādhaḥ mahodadhitalādapi

ālikhennityayuktātmā mantriṇaṃ śreyasārthinam /
etat paṭavidhānaṃ tu kathitaṃ lokapūjitaiḥ

maṇḍalaṃ tasya devasya sāmprataṃ tu pravakṣyate /
yuktamantrastadā mantrī tasmin kāle sumantravit

kṛtasevaḥ sadāmantre abhyastā jāpasampade /
abhiṣiktastadā mantre kalpe 'smin mañjubhāṇite

maṇḍalācārasampanne nityaṃ cābhiṣecite /
abhiṣiktaḥ sarvamantrāṇāṃ maṇḍale 'smiṃ viśāradaḥ

yuktimantaḥ sadā tantre ātmarakṣe hite mataḥ /
sahāyāṃścaiva rakṣaghnaiḥ suparīkṣya mahādyutiḥ

ācāryaḥ susaṃrabdhaḥ ārabdhāvratasevinaḥ /
mahāprajño 'tha susnigdhaḥ śrīmān kāruṇikaḥ sadā

sahāyānāṃ ca sarveṣāṃ tathā lakṣaṇamādiśet /
ekadvau trayo vāpi tathācāṣṭamathāparām

kuryācchiṣyāṃ susampannāṃ prabhūtāṃścāpi varjayet /
pūrvadṛṣṭavidhānaṃ tu maṇḍale 'smiṃ sadā caret

prathamā ye tu nirdiṣṭā maṇḍalā daśavaloditā /
mañjughoṣasya nānyaṃ tu āligve nānyakarmaṇā

pramāṇaṃ tu pravakṣyāmi maṇḍalasya mahādyuteḥ /
caturhastaṃ dvihastaṃ vā tathācāṣṭamataḥparām

śucau deśe nadīkūle parvatāgre viśeṣataḥ /
pañcaraṅgikacūrṇena pūrvadṛṣṭena karmaṇā

caturaśraṃ caturdvāraṃ catustoraṇabhūpitam /
catuḥkoṇaṃ samaṃ divyaṃ divyācārasamaprabham

raṅgojjvalaṃ vicitraṃ ca cāruvarṇaṃ suśobhanam /
sasugandhaṃ sarūpaṃ ca susahāyaḥ samārabhet

maunī vratasamācāraḥ aṣṭaṅgopasevinaḥ /
akliṣṭaciatto mātrajñaḥ dhārmiko 'tha japī sadā

apāpakarmasamārabdhaḥ śāntikapauṣṭika /
madhyasthā te tato viśya ālikhet śāstu varṇibhiḥ

prathamaṃ sarvaṃ taṃ lekhyaṃ nānāratnavibhūṣitam /
guhāsīnaṃ mahātejaṃ ratnaketuṃ tathāgatam

paryaṅkopaviṣṭaṃ tu dharmacakrānuvartakam /
paṭe yathaiva tat sarvaṃ ālikhecchāstupūjitam

tripaṅktibhistathā rekhaiḥ mudraiścāpyalaṅkṛtam /
kuryāt sañchāditāṃ sarvāṃ paṅktiścaiva samantataḥ

avyastāṃ samastāṃ ca anākulitatadbhatām /
teṣāṃ tu madhye kurvīta cakravartī mahāprabhum

uditādityasaṅkāśaṃ kumārākāramarciṣam /
ālikhed yatnamāsthāya mahācakrānuvartinam

mahārājasamākāraṃ mukuṭālaṅkārabhūṣitam /
kirīṭinaṃ mahāsattvaṃ sarvālaṅkārabhūṣitam

cārupaṭṭārddhasaṃvītaṃ citrapaṭṭanivāsinam /
sragmiṇaṃ saumyavarṇābhaṃ mālyāmbaravibhūṣitam

jighranto dakṣiṇenaiva kareṇa vakulamālakam /
īṣismitamukhaṃ devaṃ mahāvīryaṃ prabhaviṣṇuvam

surūpaṃ cārurūpaṃ vai bālavṛddhavivarjitam /
vāmahastasadācakraṃ dīptamālina parāmṛṣyantam

tadālekhyaṃ arddhaparyaṅka suniviṣṭamarddhena bhujasaṃniśritam /
ālikhed divyavarṇābhaṃ surūpaṃ rūpamāśritam

niṣaṇṇaṃ ratnakhaṇḍe 'smin sarvatāno mahādyuteḥ /
śreyasaḥ sarvamantrāṇāṃ pravṛtto varadaḥ sadā

jvalantaṃ vahnirākāraṃ + + + maṇḍalaśobhinam /
samantajvālāmālopajya jvalate vāyumīritaḥ

evaṃ mantraprayogaistu jvālyante mānuṣaṃ bhuvi /
tathāvidhaṃ mahāvīryaṃ sarvamantraprasādhakam

paśyed yo hi sa dharmātmā mucyate sarvakilviṣāt /
pañcānantaryakārīpi duḥśīlo mandamedhasaḥ

sarvapāpapraśāntā vai mucyate darśanād vibhoḥ /
maṇḍalaṃ dṛṣṭamātraṃ tu devadevasya cakriṇe

tatkṣaṇā mucyate pāpā ye 'nye parikīrtitāḥ /
tataḥ pūrvadvāraṃ saṃśodhya mantreṇaiva samaṃ vibhoḥ

parikṣiptaṃ toraṇaiḥ sarvaṃ kadalyābhiścopaśobhitam /
parisphuṭaṃ maṇḍalaṃ kṛtvā aśeṣaṃ cārurūpiṇam

baliṃ dhūpaṃ pradīpaṃ ca gandhamālyaṃ sadāśubham /
pūrveṇaiva vidhānena kuryāt sarvamādarāt

madhyasthaṃ pūrṇakumbhaṃ tu cakriṇasyāgrato nyaset /
tatkumbhaṃ vijayetvākhyā mantrajñastaṃ na cālayet

tathāgnikuṇḍaṃ pūrvaṃ tu vidhidṛṣṭena karmaṇā /
homakarmasamārambho vibhumantreṇa nānya vai

homaṃ cāṣṭasahasraṃ tu khadirendhanavahninā /
pālāśaṃ cāpi śrīkaṇṭhaṃ bilvodumvaracākṣakam

apāmārgaṃ tathā juhuyāt sarvakarmeṣu yatnataḥ /
tilaṃ vā ājyasaṃpṛktaṃ dagdhagandhasamaplutam

juhuyāt sarvakarmeṣu sahasraṃ sāṣṭakaṃ sadā /
trisandhyaṃ pūrvanirdiṣṭaṃ snānaṃ celāvadhāraṇam

triśūlaṃ śubhanakṣatraṃ kathitaṃ ca manīṣibhiḥ /
pūrvanirdiṣṭakarmāṇi jāpaṃ homaṃ tathāparam

kuryānmantrayuktena cakravartikulena vā /
ekākṣareṇeva sarvāṇi kuryāt sarvakarmasu

mahāprabhāvārthayukto 'sau ekavīra sadāparam /
ācaret sarvamantrāṇāṃ kalpaṃ teṣu sadā japī

siddhyante sarvakalpāni laukikā lokasammatā /
lokottarāśca mahāvīryā vidyārājāśca mahātapāḥ

siddhyante sarvamantrā vai asmin kalpe tu tānyataḥ /
munibhiḥ kathitaṃ ye vai mantraṃ tathā daśabalātmajaiḥ

śakrādyairlokapālaistu viṣṇurīśānabrahmaṇaiḥ /
candrasūryaistathānyairvā yakṣendrairākṣasaistathā

mahoragaiḥ kinnaraiścāpi tathā ṛṣivarairbhuvi /
garuḍairmātarairlokaiḥ tathānyaiḥ sattvasaṃjñibhiḥ

bhāṣitā ye tu mantrā vai siddhiṃ gacchanti te iha /
ākṛṣṭāḥ sarvamantrāṇāṃ praṇetā sarvakarmaṇām

vaśitā sarvamantrāṇāṃ praṇetā sarvakarmaṇām /
vaśitā sarvabhūtānāṃ tantramantrasavistarām

eṣa ekākṣaro mantraḥ karoti sarvamantriṇām /
saphalaṃ japtamātrastu ākṛṣṭā sarvadevatām

vaśitā sarvakalpānāṃścamī ekākṣaro mahām /
karoti vividhākārāṃ vicitrāṃ sādhuvarṇitām

laukikāṃ lokamantrā tu sādhayetsamyak prayojitaḥ /
parisphuṭaṃ tu paṭaṃ kṛtvā aśeṣaṃ cārudarśanam

śucau deśe nadīkūle parvatāgre ca taṃ nyaset /
pūrvakarmaprayogeṇa kuryāt paścānmukhaṃ sadā

sādhakaḥ prāṅmukho bhūtvā vidhidṛṣṭena karmaṇā /
darbhaviṇḍopaviṣṭastu kuryājjapamanākulam

noccaśabdo na mṛduḥ nāpi cittaparasya tu /
dūṣayaṃ sarvabhūtānāṃ kṣiprasiddhirbhavediha

maitracittaḥ sadā loke duḥkhitāṃ kṛpaṇāṃ sadā /
anāthāṃ dīnamanasāṃ vyasanārttāṃ sudurbalām

patitāṃ saṃsāraghore 'smiṃ kṛpāviṣṭo 'tha siddhyati /
paṭasyāgrata yatnena mahāpūjāṃ nyaset sadā

mānasī mānuṣīṃścāpi divyāṃ hṛdayamudbhavām /
cintayet kuryādvāpi jinendraviśvapaṭasya tu

tatraivāgnikuṇḍaṃ kuryā tattvavidhānataḥ /
susamṛddhaṃ sādhako hyagni juhuyāttatra māhutiḥ

śvetacandanakarpūraṃ kuṅkumaṃ miśrapūjitaḥ /
śatāṣṭaṃ āhutiṃ juhvaṃ ṣaḍbhau dīptitumantravitu

khadire plakṣyanyagrodhe pālāśe cāpi nityataḥ /
eṣā samudbhave kāṣṭhe jvālayed vahnimūrjitaḥ

eṣāmabhāve kāṣṭhānāmanyaṃ kāṣṭhaṃ samāharet /
picumardaṃ kadvamamlaṃ ca tathaiva madanodbhavam

sarvakaṇṭakinaḥ varjyāḥ pāpakarmeṣu kīrttitāḥ /
ekākṣareṇaiva mantreṇa kuryācchāntikapauṣṭikam /
āśu siddhirbhavet tasya pāpaṃ karma samācaret

sarvamantradharā hyatra sakarmā kalpavistarā /
prayoktavyā nirvikalpena siddhiṃ gacchanti te sadā /
ākṛṣyante tadā mantrā varadā caiva bhavanti ha

palāśodumbarasamidhānāṃ plakṣanyagrodha eva vā /
ghṛtāktānāṃ dadhnasaṃyuktāṃ madhvopetāṃ samāhitām

juhuyāt sarvato mantrī rājyakāmo mahītale /
devīṃ rājyamākāṃkṣaṃ juhuyāt kuṅkumacandanam

vidyādharāṇāṃ devānāṃ adhipatyamakāṃkṣayam /
juhuyāt padmalakṣāṇi ṣaṭtriṃśat sakesarām

homānte vai tatra kurvīta arghyaṃ śāstunivedanam /
samantā jvalate tatra paṭaśreṣṭho jināṅkitaḥ

taṃ ca spṛṣṭamātraṃ tu utpated brahmamālayam /
akaniṣṭhā yāvadevāstu yāvāccāpātālasañcayam

atrāntare sarvasiddhānāṃ rājāsau bhavate sadā /
vidrāpayati bhūtāni mahāvīryo dṛḍhavrataḥ

kramaḥ vidyādharāṇāṃ sadā rājā bhavitā karmasādhane /
punaśca kalpamātraṃ tu sa jīved dīrghamadhvanam

cyutastasmiṃ mahākāle niyato bodhiparāyaṇaḥ /
aparaṃ karmanityeṣa kathitaṃ saṃkṣepavistaram

śvetapadmāṃ samāhṛtya śvetacandanasaṃyutām /
juhuyācchatalakṣāṇi ratnaketuṃ sa paśyati

dṛṣṭvā taṃ jinaṃ śreṣṭhaṃ pañcābhijño bhavet tadā /
mahākalpaṃ ciraṃ jīved buddhasyānucaro bhavet

paśyate ca tadā buddhāṃ anantāṃ diśi saṃsthitām /
teṣāṃ pūjayennityaṃ tayaireva ca saṃvaset

ratnāvatī nāma dhātvaika yatrāsau bhagavāṃ vaset /
muniḥ śreṣṭho varaḥ agro ratnaketustathāgataḥ

tatrāsau vasate nityaṃ mantrapūto na saṃśayaḥ /
aparaṃ karmamiṣṭaṃ ca kathitaṃ hyagrapudgalaiḥ

nāgakesarakarpūraṃ candanaṃ kuṅkumaṃ samam /
ekīkṛtya tadā mantrī juhuyāllakṣāṣṭasaptati

homāvasāne tadā deva āyātīha sacakriṇaḥ /
tuṣṭo varado nityaṃ mūrdhni spṛśati sādhakam

spṛṣṭamātrastadā mantrī saptabhūmyādhipo bhavet /
jinānāmaurasaḥ putro bodhisattvaḥ sa ucyate

niyataṃ bodhiniṣṭastu vyākṛto 'sau bhaviṣyati /
tataḥ prabhṛti yatkiñcid jñānaṃ jñeyaṃ jinātmajam

jānāmi sarvamantrāṇāṃ gatimāhātmamūrjitam /
pañcābhijño bhavet tasmin dṛṣṭamātreṇa mantrarāṭ

karoti vividhākārāmātmabhāvaṃ sadā yadā /
sarvākāravaropetāṃ pūjākarmi sadā rataḥ

bhavate tatkṣaṇādeva udyukto bodhikarmaṇi /
kṣaṇamātre tadā lokāṃ buddhakṣelāṃ sa gacchati

lokadhātusahasrāṇi aṇḍā hiṇḍanti sarvataḥ /
buddhānāṃ bodhisattvānāṃ paśyante caritāṃ tadā

dharmaṃ śṛṇoti tatteṣāṃ pūjāṃ karme samudyataḥ /
aparaṃ karmamastīha cakravartijinodbhave

pradīpalakṣaṇaṃ dadyācchucivartirghṛtaḥ same /
sauvarṇe bhājane raupye tāmre mṛttikame 'pi vā

te tu prajvalite dīpe puruṣairlakṣapramāṇibhiḥ /
gaṇamātrasaṃnyaste śatasāhasranāvikaiḥ

strīvarjaiḥ puruṣaiścāpi pradīpahastaiḥ samantataḥ /
paṭaṃ śāstu vimvākhye dadyāt pūjā ca karmaṇi

samaṃ sarvapravṛttāstu mantre kaikasamantrite /
dadyācchāstuno mantraistatkṣaṇāt siddhimādiśet

samantād garjitanirghoṣaṃ dundubhīnāṃ ca niḥsvanam /
devasaṅghā hyanekā vai sādhukāraṃ pramuñcayet

buddhā bodhisattvāśca gaganasthaṃ tasthure tadā /
sādhu sādhu tvayā prājña sukṛtaṃ karma kāritam

na paśyasi punarduḥkhaṃ saṃsārārṇavasaṃplutam /
kṣeme śive ca nirvāṇe abhaye buddhatvamāśritaḥ

mārge śubhe ca vimale aṣṭāṅge sādhuceṣṭite /
prapannastvaṃ mantrarūpeṇam cakrimekākṣarākṣite

aparaṃ karmamevāsti uttamāṃ gatiniśritaḥ /
mahāprabhāvārthavijñātaṃ sarvabuddhaiḥ samprakāśitam

gṛhya nimbamayaṃ kāṣṭhaṃ kuryād vajraṃ triśūcikam /
ubhayāgraṃ madhyapārśvaṃ tu kuryāt kuliśasambhavam

mantrapūtaṃ tataḥ kṛtvā paṭasyāgrataḥ kanyase /
parāmṛśya tato mantrī japenmantrāṃ samāhitaḥ

lakṣaṣoḍaśakāṣṭhaṃ ca samāpte siddhiriṣyate /
ekajvālī tato vajraḥ samantāt prajvalate hi saḥ

ujjahāra tato 'cintyamūrdhvasaṃkramate hi saḥ /
brahmalokaṃ tato yāti anyāṃ vā devasammitim

ākāśena tato gacche sarvasiddheṣu agraṇīḥ /
kurute ādhipatyaṃ vai siddhavidyādharādiṣu

cakravarttistato rājā bhavate devasannidhau /
karoti vividhākāraṃ ātmabhāvaviceṣṭitam

daśa cāntarakalpāni ciraṃ tiṣṭhanna cālayet /
saukhyabhāgī sadā pūjyaḥ surūpo rūpavāṃ sadā

bodhicitto samācāro janmaduḥkhavivarjitaḥ /
bhavate surasiddhastu sarvapāpavivarjitaḥ

cyutastasmād bhavenmartyo bahusaukhyaparāyaṇaḥ /
gatiṃ sarvāṃ vicerusthaḥ bhavate bodhiparāyaṇaḥ

anantā vividhā karmā bahulokārthapūjitam /
paṭhyante mantrarāje 'smiṃ sakalpākalpavistarāt

bhaumyādhipatyaṃ śakratvaṃ cakravartitvaṃ ca vā punaḥ /
vidyādharāṇāṃ tathā devāṃ kurute cādhiceṣṭitam

anekākārarūpaṃ vā + + + yadihocyate /
sarvasiddhimavāpnoti suprayuktastu mantriṇā

rātrau paryaṅkamāruhya + + acintyaṃ japato vratī /
prabhāte siddhimāyāti pañcābhijño bhavejjapī

śmaśāne śavamākramya niścalo taṃ japed vratī /
ekākṣaraṃ mahārthaṃ tu prabhāte siddhimiṣyate

śmaśānastho yadi yapyeta vidyārājamaharddhikaḥ /
ṣaṇmāsaiḥ siddhimāyāti yatheṣṭaṃ kurute phalam

yatra vā tatra vā sthāne japyamāno maharddhikaḥ /
tatrasthaḥ sidhimāyāti suprayuktastu mantribhiḥ

sitaṃ chatraṃ tathā khaḍgaṃ maṇipādukakuṇḍalam /
hārakeyūra paṭakaṃ + + + cāṅgulīyakam

kaṭisūtraṃ tathā vastraṃ daṇḍakāṣṭhakamaṇḍalum /
yajñopavītamuṣṇīṣaṃ kavacaṃ cāpi carmiṇam

ajinaṃ kamalaṃ caiva akṣasūtraṃ ca pāduke /
sarve te bhūṣaṇāśreṣṭhā loke 'smiṃ samatāvubhau

surairmartyaistathā cānyaiḥ + + + bhūṣaṇāni ha /
sarve siddhimāyānti paṭasyāgrata jāpine

sarvadravyaṃ tathā dhātuṃ bhūṣaṇaṃ maṇayo 'pi ca /
anekapraharaṇāḥ sarve vinyastā paṭamagrate

sakṛjjaptātha saṃśuddhā lakṣamaṣṭau bhimantritā /
jvalate sarvasaṃyuktā uttiṣṭhe spṛśanājjapī

sattvaprakṛtayo vāpi vividhākārarūpiṇaḥ /
bhūṣaṇāḥ praharaṇāścāpi mṛnmayā vā svabhāvikā

surūpaceṣṭaprakṛtayaḥ nānāpakṣigaṇādapi /
sarvabhūtāstu ye khyātā kṛtrimā vā hyakṛtrimā

sattvasaṃjñātha niḥsaṃjñā siddhyante mantrapūjitā /
vividhadravyavinyastā vividhā dhātukāritā

+ + + + + + + vāpi gatiyonisupūjitā /
vinyastā paṭamagre 'smiṃ pūrvadṛṣṭavidhānataḥ

āmṛṣya taṃ japenmantrī ṣaḍ lakṣāṇi ca sapta ca /
japānte jvalite teṣu siddhiṃ prāpnoti puṣkalām

spṛṣṭamātreṣu tatteṣāṃ utpatettu caturdiśam /
ciraṃ jīvecciraṃ saukhyaṃ prāpnotīha divaukasām

yathā yathā prayujyete vidyārājamaharddhikaḥ /
tathā tathā ca tuṣyeta varado ca bhavet sadā

anyakarmapravṛttāstu karmabhiḥ kalpavistaraiḥ /
taireva siddhyante kṣipraṃ vidyārājamaharddhikaḥ

śucinā śucicittena śucikarmasadārataḥ /
śucau deśe 'tha mantrajñaḥ śucisiddhi samṛcchati

tatkarma tatphalaṃ vindyādadhikādadhikaṃ bhavet /
madhye madhyamakarme tu kanyasaṃ tu mataḥ param

karmā prabhūtamartha datvā karoti bhūtaceṣṭitam /
asādhitaḥ karmasiddhistu phalaṃ dadyālpamātrakam

nityaṃ ca jāpamātreṇa mahābhogo 'tha mahābalaḥ /
rājñā priyatvamantritvaṃ karoti japinaḥ sadā

pāpaṃ praṇaśyate tasya sakṛjjaptastu mantrarāṭ /
dvijaptaḥ saptajapto vā ātmarakṣā bhavenmahāṃ

sahāyānāṃ sarvato rakṣā aṣṭajaptaḥ karoti saḥ /
vastrāṇāmabhimantrīta ubhau mantrī tadā punaḥ

mucyate sarvarogāṇāṃ ubhau vastrābhimantritau /
sparśanaṃ teṣu mantreṣu jvaraṃ naśyati dehinām

sukhaṃ cābhimantritaḥ akṣṇī vā cāpi yatnataḥ /
kruddhasya naśyate kruddho dṛṣṭamātrastu mantribhiḥ

ye ca bhūtagaṇā duṣṭā hiṃsakā pāpakarmiṇaḥ /
mukhaṃ teṣu nirīkṣeta triṃśajjaptena mantrarāṭ

hastaṃ cābhimantrīta svakaṃ caiva punaḥ punaḥ /
teṣāṃ prahāramāvarjyāmucyate sarvadehinām

bālānāṃ nityakurvīta snapanaṃ pānabhojanam /
ṣaṣṭijaptavare mantre utkṛṣṭe devapūjite

tyajante sarvaduṣṭāstu kravyādā mātarā grahāḥ /
mantrabhītāstu naśyante tyajante bāliśān sadā

evaṃprakārānyanekāni karmāṃ caiva mahītale /
mānuṣāṇāṃ tathā cakre kṣipraṃ caiva sadā nyaset

sarisṛtā ye tu bhūtā vai vividhā sthāvarajaṅgamāḥ /
saviṣā nirviṣāścaiva naśyante mantradīritā

ye kecid vividhā duḥkhā yā kācit sattvavedanā /
vinyastā mantrarājena śāntimāśu prayacchati

vividhāyāsaduḥkhāni mahāmāryopusargiṇaḥ /
naśyante kṣipramevaṃ tu mantrajaptena ṣaṭchatam

kuryāddhomakarmāṇi madhvamadhvājyamiśritam /
nīlotpalaṃ sugandhaṃ vai sahasraṃ cāṣṭa pūjitam

śāntiṃ tilena bhūtāni prajagmuḥ svasthatāṃ janaḥ /
evaṃprakārānyanekāni bahukalpasamudbhavām

sarvāṃ karoti kṣipraṃ vai suprayuktastu mantribhiḥ /
japamātreṇa kurvīta arīṇāṃ krodhanāśanam

anekamantrārthayuktānāṃ kalpānāṃ bahuvistarām /
vidhidṛṣṭā bhavet teṣāṃ teṣu siddhirihocyate

avaśyaṃ kṣudrakarmāṇi mantrajapto karoti ha /
sarvānyeva tu japtena kṣipramarthakaraḥ sadā

vaśyārthaṃ sarvabhūtānāṃ trisandhyaṃ japamiṣyate /
homakarmaṃ ca kurvīta mālatyāḥ kusumaiḥ sadā

śvetacandanakarpūrakuṅkumācca vidhīyate /
varajāpine mantraḥ saphalāṃ kurute sadā

manīṣitānsādhayedarthā nityahomena jāpinam /
karpūrādibhi yuktaistu nityahomaṃ prakalpitam

sādhayed vividhāṃ karmāṃ yatheṣṭaparikalpitām /
alpādalpataraṃ karma prabhūtā bhūtimudbhavam

madhye madhyakarmāṇi sadā siddhirudāhṛtā /
tasmāt sarveṣu karmeṣu kuryāddhomaṃ viśeṣataḥ