મઞ્જુશ્રીમૂલકલ્પ · અધ્યાય 14

ઇતિ ।
બોધિસત્ત્વપિટકાવતંસકાન્મહાયાનવૈપુલ્યસૂત્રાદ્ આર્યમઞ્જુશ્રીમૂલકલ્પાત્ ત્રયોદશમપટલવિસરઃ પરિસમાપ્તમિતિ ॥
અથ ચતુર્દશઃ પટલવિસરઃ ।
અથ ખલુ ભગવાન્ શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ ત્વદીયવિદ્યારહસ્યસાધનોપયિકસર્વમન્ત્રાણાં સમનુજ્ઞઃ તથાગતધર્મકોશવિસૃતધર્મમેઘાનુપ્રવિષ્ટગગનસ્વભાવસર્વમન્ત્રાણાં લૌકિકલોકોત્તરાણાં પ્રભુઃ જ્યેષ્ઠતમઃ, યથા કુમારઃ સર્વસત્ત્વાનામ્ । તથાગતો અત્ર આખ્યાયતે જ્યેષ્ઠતમઃ શ્રેષ્ઠો દેવમનુષ્યાણાં પુરુષઋષભઃ બુદ્ધો ભગવાં । એવં હિ કુમાર સર્વમન્ત્રાણામયં વિદ્યારાજા અગ્રમાખ્યાયતે શ્રેષ્ઠતમઃ પૂર્વનિર્દિષ્ટં તથાગતૈઃ અનભિલાપ્યૈર્ગઙ્ગાનદીસિકતપુણ્યૈર્બુદ્ધિઅર્ભગવદ્ભિઃ રત્નકેતોસ્તથાગતસ્ય પરમહૃદયં પરમગુહ્યં સર્વમઙ્ગલસમ્મતસર્વબુદ્ધસંસ્તુતપ્રશસ્તં સર્વબુદ્ધસત્ત્વસમાશ્વાસકં સર્વપાપપ્રણાશકં સર્વકામદં સર્વાશાપરિપૂરકમ્ । કતમં ચ તત્ । અત્રાન્તરે ભગવતઃ શાક્યમુનેઃ ઊર્ણાકોશાત્ સર્વબુદ્ધસઞ્ચોદની નામ રશ્મિઃ નિશ્ચરતિ સ્મ । યેયં દશદિક્ષૂર્ધ્વમધઃ સર્વાવન્તં બુદ્ધક્ષેત્રાણ્યવભાસ્ય સર્વસત્ત્વાં મનાંસિ ચાહ્લાદ્ય ઉપરિ ભગવતઃ શાક્યમુનિઃ ઉષ્ણીષા અન્તર્ધીયતે સ્મ । ઉષ્ણીષાચ્ચ ભગવતઃ સમન્તજ્વાલાર્ચિતમૂર્તિઃ અનવલોકનીયો સર્વસત્ત્વૈઃ દુર્ધર્ષઃ મહાપ્રભાવસમુદ્ગતઃ પ્રભામણ્ડલાલઙ્કૃતદેહઃ વિવિધાકારરૂપી મહાચક્રવર્તિરૂપી વિદ્યારાજા એકાક્ષરો નામ નિશ્ચરતિ સ્મ । નિશ્ચરિત્ત્વા સર્વં ગગનતલમવભાસ્ય સર્વવિદ્યારાજપરિવૃતઃ અનેકવિદ્યાકોટીનયુતશતસહસ્રપુરસ્કૃતઃ પૂજ્યમાનો સર્વલોકોત્તરૈઃ વિદ્યાચક્રવર્ત્તિરાજાનૈઃ અભિષ્ટૂયમાનો સર્વમન્ત્રૈઃ પ્રભાવ્યમાનો સર્વબુદ્ધબોધિસત્ત્વૈઃ દશભૂમિપ્રતિલબ્ધૈઃ મહાત્મભિઃ સર્વગગનતલમાપૂર્ય દિવ્યરત્નોપશોભિતમહામણિરત્નાલઙ્કૃતદેહઃ ચારુરૂપી પ્રભાસ્વરતરઃ વિવિધરૂપનિર્માણકોટીનયુતશતસહસ્રમુત્સૃજમાનઃ એકાક્ષરં શબ્દમુદીરયમાનઃ મહારશ્મિજાલં પ્રમુઞ્ચમાનઃ અન્તરિક્ષે સ્થિતો ઽભૂત્ ભગવતઃ શાક્યમુનિરુપરિષ્ટાત્ સમ્મુખમવલોકયમાનઃ સર્વાવન્તં શુદ્ધાવાસભવનં મહાપર્ષન્મણ્ડલઞ્ચાવભાસ્યમાનઃ ॥
અથ ભગવાન્ શાક્યમુનિઃ એકાક્ષરં વિદ્યાચક્રવર્ત્તિનં સર્વતથાગતહૃદયં રત્નકેતુર્નામ તથાગતસ્ય પરમહૃદયપરમગુહ્યતમં સર્વતથાગતૈર્ભગવતઃ રત્નકેતોઃ સન્નિવિષ્ટં સાલેન્દ્રરાજ અમિતાભ દુઃપ્રસહ સુનેત્ર સુકેતુ પુષ્પેન્દ્ર સુપિનાન્તલોકમુનિઃ કનકાદ્યૈસ્તથાગતૈર્ભાષિતં ચાનુભ્યમોદિતં ચ સર્વૈશ્ચાતીતૈઃ સમ્યક્ સમ્બુદ્ધૈઃ લપિતં ચાનુમન્યં ચ । કતમં ચ તત્ । તદ્યથા - ભ્રૂં ।
એષ સ મઞ્જુશ્રીઃ પરમહૃદયઃ સર્વતથાગતાનાં અસર્વગુણાં વિદ્યાચક્રવર્તિનઃ એકાક્ષરં નામ મહાપવિત્રમ્ । અનેન સાધ્યમાનઃ સર્વમન્ત્રા સિદ્ધ્યન્તે । ત્વદીયં યે કુમારકલ્પરાજવરે સર્વમન્ત્રાનુકૂલં પરમરહસ્ય અગ્રઃ સમનુજ્ઞઃ સર્વકર્માવરણવિશોધકઃ અવશ્યં તાવત્ સાધ + + + + + + + + + + + + + કર્માણિ સર્વમન્ત્રેષુ અસ્મિં કુમાર ત્વદીયકલ્પરાજે સર્વલૌકિકલોકોત્તરાણિ ચ મન્ત્રતન્ત્રાણિ સાધયિતવ્યાનિ । અનેન કૃતરક્ષઃ, અધૃષ્યો ભવતિ સર્વભૂતાનામિતિ ।
સર્વવિઘ્નૈશ્ચ લૌકિકલોકોત્તરૈર્નાભિભૂયત ઇતિ ॥
સમન્તરત્નભાપિતે ચ ભગવતા શાક્યમુનિના સર્વો ઽપિ ત્રિસાહસ્રમહાસાહસ્રો લોકધાતુઃ ષડ્વિકારં પ્રકમ્પિતા અભૂવં । સર્વાણિ ચ બુદ્ધક્ષેત્રાણિ અવભાસિતાનિ સર્વશ્ચ બુદ્ધા ભગવન્તઃ ( વૈદ્ય 96 ) સન્નિપતિતા ભવેયુઃ । તસ્મિં પર્ષન્મણ્ડલે શુદ્ધાવાસભવનોપનિષણ્ણ સર્વે ચ બોધિસત્ત્વા દશભૂમિપ્રતિલબ્ધા અવૈવર્તિકા હ્યનુત્તરાયાં સમ્યક્ સમ્બોધૌ સર્વશ્રાવકપ્રત્યેકબુદ્ધાશ્ચ સર્વસત્ત્વા મહર્દ્ધિકા વિદ્યારાજરશ્મિસઞ્ચોદિતા આગચ્છેયુર્વશીભૂતાઃ । અન્યે ચ સત્ત્વા વહવઃ અનન્તાપર્યન્તલોકધાતુવ્યવસ્થિતા નરકતિર્યકપ્રેતદુઃખગતિસન્નિશ્રિતાઃ તેન મહતા રશ્મ્યવભાસેન સ્પૃષ્ટા અવભાસિતા દુઃખપ્રતિપ્રબુદ્ધવેદનાસન્નસ્થઃ સુખહ્લાદિતમનસઃ નિયતં ત્રિધાયાનસન્નિશ્રિતા ભવેયુરિતિ ॥
અથ ભગવાન્ શાક્યમુનિઃ તં મહાપર્ષન્મણ્ડલમલોક્ય મઞ્જુશ્રિયં કુમારભૂતમામન્ત્રયતે સ્મ - શૃણુ મઞ્જુશ્રીઃ ઇમં વિદ્યારાજં મહર્દ્ધિકમેકવીરં સર્વકર્મિકં સર્વવિદ્યારાજચક્રવર્ત્તિનં સર્વસત્ત્વાનામાશાપારિપૂરકં સર્વકલ્પવિસ્તરે ત્વદીયમન્ત્રતન્ત્રકલ્પવિસ્તરસમનુપ્રવિષ્ટં સર્વમન્ત્રાણાં સાધકઃ સાધારણભૂતં મહેશાખ્ય મહોત્સાહસત્ત્વસાધકવિશેષપ્રજ્ઞોપાયકૌશલસર્વબોધિમાર્ગસંશોધકનિર્વાણપ્રતિષ્ઠાપનાક્રમણબોધિમણ્ડનિષદનાક્રમણકુશલસમ્ભારભૂતં અસ્યૈવં સમાસતઃ કલ્પવિસ્તરં પટવિધાનમણ્ડલં સંસાધનોપયિકં પૂર્વમન્ત્રચર્યાનુચરિતં યત્ર પ્રતિષ્ઠિતાઃ સત્ત્વાઃ સાધયિષ્યન્તિ મહાચક્રવર્તિનં વિદ્યારાજં મહદ્ભૂતં સર્વમન્ત્રાણાં પરમેશ્વરં પ્રભઙ્કરં સર્વાશાપારિપૂરકં વિનાયકં સર્વજગદ્ધિતં બુદ્ધમિવ સાક્ષાત્ પ્રત્યુપસ્થિતં સ્વયમ્ભુવં ઉત્તમોત્તિષ્ઠમધ્યમકન્યસસર્વકર્મિકમ્ ।
ક્ષેમઙ્ગમં શિવં શાન્તં સર્વપાપપ્રનાશનમ્ ।
દેવાનામપિ તં દેવં મુનીનાં મુનિપુઙ્ગવમ્

બુદ્ધમાદિત્યતં બદ્ધં વિશુદ્ધં લોકવિશ્રુતમ્ ।
સર્વકર્મસ્વભાવજ્ઞં ભૂતકોટિરનાવિલમ્ ।
વક્ષ્યે કલ્પવરં તસ્ય શૃણુધ્વં ભૂતિકાંક્ષિણામ્

આદૌ તાવત્ પટો દિવ્યે વિકેશે શ્લેષવર્જિતે ।
નવે શુક્લે વિશેષેણ સદશે ચૈવમાલિખેત્ ।
દ્વિહસ્તમાત્રપ્રમાણેન હસ્તમાત્રં ચ તિર્યક્

તથાવિધે શુભે ચૈવ નિર્મલે ચારુદર્શને ।
સિતે દૌમ્યે તથા શુક્લે સુવ્રતે પિચિવર્જિતે

શઙ્કારાપકરે શુક્લં પટે ચૈવ દુકૂલકે ।
આતસ્યે વાલ્કલૈ ચૈવ શુદ્ધે તન્તુવિવર્જિતે

ક્રિમાનિલઅસમ્ભૂતે જન્તૂનાં ચાનુપાપને ।
અકૌશેયે તથા ચાન્યે યત્કિઞ્ચિત્ સાધુવર્ણિતે

તાદૃશે ચ પટે શ્રેષ્ઠે કુર્યાદાલેખ્યમાલયમ્ ।
શાસ્તુબિમ્બમાલિખ્ય પ્રભામણ્ડલમાલિનમ્

હેમવર્ણં તદાલિખ્ય જ્વાલામાલિનં વિદુમ્ ।
એકાકિનં ગુહ્યલીનં પર્વતસ્થં મહાયસમ્

રત્નમાલાવનદ્ધં વૈ કુર્યાત્પટ્ટવિતાનકમ્ ।
ઉપરિષ્ટાદુભૌ દેવૌ ધાર્યમાણૌ નુ માલિખેત્

પર્વતસ્યોપરિષ્ટા વૈ કુર્યાદ્ રત્નમાલકામ્ ।
સમન્તતશ્ચ વિતાનસ્ય મુક્તાહારાર્દ્ધભૂષિતમ્

ઉપરિષ્ટાચ્છૈલરાજસ્ય સર્વમાલિખ્ય યત્નતઃ ।
અધશ્ચૈવ તથા શૈલે મહોદધિસમપ્લુતમ્

પટાન્તે ચૈવ પુષ્પાણિ સમન્તાચ્ચૈવમાલિખેત્ ।
નાગકેસરપુન્નાગવકુલં ચૈવ યૂથિકામ્

માલતીકુસુમં ચૈવ પ્રિયઙ્ગુકુરબકં સદા ।
ઇન્દીવરં ચ સૌગન્ધી પુણ્ડરીકમતઃપરમ્

વિવિધાનિ પુષ્પજાતીનિ તથાન્યાં ગન્ધમાશ્રિતામ્ ।
એતેષામેવ પુષ્પાણિ + + + + + + + + + +

+ + ચૈવ પૂજાર્થં દદ્યુઃ શાસ્તુર્મનોરમમ્ ।
પૂર્વનિર્દિષ્ટવિધિના પટે જ્યેષ્ઠે તથા પટે

સૂત્રં તન્તુવાયં ચ તથા ચિત્રકરં મતમ્ ।
પ્રાતિહારકપક્ષે ચ આલિખેચ્છુદ્ધતમે ઽહનિ

તથાપ્રવૃત્તે ચ કાલે ચ જાપે ચૈવ વિધીયતે ।
સર્વં સર્વમેવાસ્ય પૂર્વમુક્તં સમાચરેત્

રઙ્ગોજ્જ્વલં વિચિત્રાઢ્યં શાસ્તુવિશ્વ સમાલિખેત્ ।
અનેકાકારસમ્પન્નં કર્ણિકારસમપ્રભમ્

ચમ્પકાભાસમાભાસં આલિખેદ્ધેમવર્ણિતમ્ ।
એભિરાકારસમ્પન્નં મુનિંમાલિખ્ય રત્નજમ્

રત્નકેતું મહાભાગં શ્રેષ્ઠં વૈ મુનિપુઙ્ગવમ્ ।
સર્વધર્મવશિપ્રાપ્તં બુદ્ધરત્નં તમાલિખેત્

રત્નપર્વતમાસીનં ગુહારત્નોપશોભિતમ્ ।
પર્યઙ્કોપરિવિષ્ટં તુ દત્તધર્માનુદેશનમ્

ઈષિસ્મિતમુખં વીરં ધ્યાનાલમ્બનચેતસઃ ।
ગુહાબહિઃ સમાલિખ્ય અધશ્ચૈવ સમન્તતઃ

પટાન્તકોણે સન્નિવિષ્ટં સાધકં જાનુકર્પૂરમ્ ।
ધૂપવ્યગ્રકરં ચૈવ ઈષિત્કાયાવનામિતમ્

ઉત્તરાસઙ્ગિનં કુર્યાદ્ યથાવેષાનુલિઙ્ગિનમ્ ।
દક્ષિણે ભગવતસ્યાધઃ મહોદધિતલાદપિ

આલિખેન્નિત્યયુક્તાત્મા મન્ત્રિણં શ્રેયસાર્થિનમ્ ।
એતત્ પટવિધાનં તુ કથિતં લોકપૂજિતૈઃ

મણ્ડલં તસ્ય દેવસ્ય સામ્પ્રતં તુ પ્રવક્ષ્યતે ।
યુક્તમન્ત્રસ્તદા મન્ત્રી તસ્મિન્ કાલે સુમન્ત્રવિત્

કૃતસેવઃ સદામન્ત્રે અભ્યસ્તા જાપસમ્પદે ।
અભિષિક્તસ્તદા મન્ત્રે કલ્પે ઽસ્મિન્ મઞ્જુભાણિતે

મણ્ડલાચારસમ્પન્ને નિત્યં ચાભિષેચિતે ।
અભિષિક્તઃ સર્વમન્ત્રાણાં મણ્ડલે ઽસ્મિં વિશારદઃ

યુક્તિમન્તઃ સદા તન્ત્રે આત્મરક્ષે હિતે મતઃ ।
સહાયાંશ્ચૈવ રક્ષઘ્નૈઃ સુપરીક્ષ્ય મહાદ્યુતિઃ

આચાર્યઃ સુસંરબ્ધઃ આરબ્ધાવ્રતસેવિનઃ ।
મહાપ્રજ્ઞો ઽથ સુસ્નિગ્ધઃ શ્રીમાન્ કારુણિકઃ સદા

સહાયાનાં ચ સર્વેષાં તથા લક્ષણમાદિશેત્ ।
એકદ્વૌ ત્રયો વાપિ તથાચાષ્ટમથાપરામ્

કુર્યાચ્છિષ્યાં સુસમ્પન્નાં પ્રભૂતાંશ્ચાપિ વર્જયેત્ ।
પૂર્વદૃષ્ટવિધાનં તુ મણ્ડલે ઽસ્મિં સદા ચરેત્

પ્રથમા યે તુ નિર્દિષ્ટા મણ્ડલા દશવલોદિતા ।
મઞ્જુઘોષસ્ય નાન્યં તુ આલિગ્વે નાન્યકર્મણા

પ્રમાણં તુ પ્રવક્ષ્યામિ મણ્ડલસ્ય મહાદ્યુતેઃ ।
ચતુર્હસ્તં દ્વિહસ્તં વા તથાચાષ્ટમતઃપરામ્

શુચૌ દેશે નદીકૂલે પર્વતાગ્રે વિશેષતઃ ।
પઞ્ચરઙ્ગિકચૂર્ણેન પૂર્વદૃષ્ટેન કર્મણા

ચતુરશ્રં ચતુર્દ્વારં ચતુસ્તોરણભૂપિતમ્ ।
ચતુઃકોણં સમં દિવ્યં દિવ્યાચારસમપ્રભમ્

રઙ્ગોજ્જ્વલં વિચિત્રં ચ ચારુવર્ણં સુશોભનમ્ ।
સસુગન્ધં સરૂપં ચ સુસહાયઃ સમારભેત્

મૌની વ્રતસમાચારઃ અષ્ટઙ્ગોપસેવિનઃ ।
અક્લિષ્ટચિઅત્તો માત્રજ્ઞઃ ધાર્મિકો ઽથ જપી સદા

અપાપકર્મસમારબ્ધઃ શાન્તિકપૌષ્ટિક ।
મધ્યસ્થા તે તતો વિશ્ય આલિખેત્ શાસ્તુ વર્ણિભિઃ

પ્રથમં સર્વં તં લેખ્યં નાનારત્નવિભૂષિતમ્ ।
ગુહાસીનં મહાતેજં રત્નકેતું તથાગતમ્

પર્યઙ્કોપવિષ્ટં તુ ધર્મચક્રાનુવર્તકમ્ ।
પટે યથૈવ તત્ સર્વં આલિખેચ્છાસ્તુપૂજિતમ્

ત્રિપઙ્ક્તિભિસ્તથા રેખૈઃ મુદ્રૈશ્ચાપ્યલઙ્કૃતમ્ ।
કુર્યાત્ સઞ્છાદિતાં સર્વાં પઙ્ક્તિશ્ચૈવ સમન્તતઃ

અવ્યસ્તાં સમસ્તાં ચ અનાકુલિતતદ્ભતામ્ ।
તેષાં તુ મધ્યે કુર્વીત ચક્રવર્તી મહાપ્રભુમ્

ઉદિતાદિત્યસઙ્કાશં કુમારાકારમર્ચિષમ્ ।
આલિખેદ્ યત્નમાસ્થાય મહાચક્રાનુવર્તિનમ્

મહારાજસમાકારં મુકુટાલઙ્કારભૂષિતમ્ ।
કિરીટિનં મહાસત્ત્વં સર્વાલઙ્કારભૂષિતમ્

ચારુપટ્ટાર્દ્ધસંવીતં ચિત્રપટ્ટનિવાસિનમ્ ।
સ્રગ્મિણં સૌમ્યવર્ણાભં માલ્યામ્બરવિભૂષિતમ્

જિઘ્રન્તો દક્ષિણેનૈવ કરેણ વકુલમાલકમ્ ।
ઈષિસ્મિતમુખં દેવં મહાવીર્યં પ્રભવિષ્ણુવમ્

સુરૂપં ચારુરૂપં વૈ બાલવૃદ્ધવિવર્જિતમ્ ।
વામહસ્તસદાચક્રં દીપ્તમાલિન પરામૃષ્યન્તમ્

તદાલેખ્યં અર્દ્ધપર્યઙ્ક સુનિવિષ્ટમર્દ્ધેન ભુજસંનિશ્રિતમ્ ।
આલિખેદ્ દિવ્યવર્ણાભં સુરૂપં રૂપમાશ્રિતમ્

નિષણ્ણં રત્નખણ્ડે ઽસ્મિન્ સર્વતાનો મહાદ્યુતેઃ ।
શ્રેયસઃ સર્વમન્ત્રાણાં પ્રવૃત્તો વરદઃ સદા

જ્વલન્તં વહ્નિરાકારં + + + મણ્ડલશોભિનમ્ ।
સમન્તજ્વાલામાલોપજ્ય જ્વલતે વાયુમીરિતઃ

એવં મન્ત્રપ્રયોગૈસ્તુ જ્વાલ્યન્તે માનુષં ભુવિ ।
તથાવિધં મહાવીર્યં સર્વમન્ત્રપ્રસાધકમ્

પશ્યેદ્ યો હિ સ ધર્માત્મા મુચ્યતે સર્વકિલ્વિષાત્ ।
પઞ્ચાનન્તર્યકારીપિ દુઃશીલો મન્દમેધસઃ

સર્વપાપપ્રશાન્તા વૈ મુચ્યતે દર્શનાદ્ વિભોઃ ।
મણ્ડલં દૃષ્ટમાત્રં તુ દેવદેવસ્ય ચક્રિણે

તત્ક્ષણા મુચ્યતે પાપા યે ઽન્યે પરિકીર્તિતાઃ ।
તતઃ પૂર્વદ્વારં સંશોધ્ય મન્ત્રેણૈવ સમં વિભોઃ

પરિક્ષિપ્તં તોરણૈઃ સર્વં કદલ્યાભિશ્ચોપશોભિતમ્ ।
પરિસ્ફુટં મણ્ડલં કૃત્વા અશેષં ચારુરૂપિણમ્

બલિં ધૂપં પ્રદીપં ચ ગન્ધમાલ્યં સદાશુભમ્ ।
પૂર્વેણૈવ વિધાનેન કુર્યાત્ સર્વમાદરાત્

મધ્યસ્થં પૂર્ણકુમ્ભં તુ ચક્રિણસ્યાગ્રતો ન્યસેત્ ।
તત્કુમ્ભં વિજયેત્વાખ્યા મન્ત્રજ્ઞસ્તં ન ચાલયેત્

તથાગ્નિકુણ્ડં પૂર્વં તુ વિધિદૃષ્ટેન કર્મણા ।
હોમકર્મસમારમ્ભો વિભુમન્ત્રેણ નાન્ય વૈ

હોમં ચાષ્ટસહસ્રં તુ ખદિરેન્ધનવહ્નિના ।
પાલાશં ચાપિ શ્રીકણ્ઠં બિલ્વોદુમ્વરચાક્ષકમ્

અપામાર્ગં તથા જુહુયાત્ સર્વકર્મેષુ યત્નતઃ ।
તિલં વા આજ્યસંપૃક્તં દગ્ધગન્ધસમપ્લુતમ્

જુહુયાત્ સર્વકર્મેષુ સહસ્રં સાષ્ટકં સદા ।
ત્રિસન્ધ્યં પૂર્વનિર્દિષ્ટં સ્નાનં ચેલાવધારણમ્

ત્રિશૂલં શુભનક્ષત્રં કથિતં ચ મનીષિભિઃ ।
પૂર્વનિર્દિષ્ટકર્માણિ જાપં હોમં તથાપરમ્

કુર્યાન્મન્ત્રયુક્તેન ચક્રવર્તિકુલેન વા ।
એકાક્ષરેણેવ સર્વાણિ કુર્યાત્ સર્વકર્મસુ

મહાપ્રભાવાર્થયુક્તો ઽસૌ એકવીર સદાપરમ્ ।
આચરેત્ સર્વમન્ત્રાણાં કલ્પં તેષુ સદા જપી

સિદ્ધ્યન્તે સર્વકલ્પાનિ લૌકિકા લોકસમ્મતા ।
લોકોત્તરાશ્ચ મહાવીર્યા વિદ્યારાજાશ્ચ મહાતપાઃ

સિદ્ધ્યન્તે સર્વમન્ત્રા વૈ અસ્મિન્ કલ્પે તુ તાન્યતઃ ।
મુનિભિઃ કથિતં યે વૈ મન્ત્રં તથા દશબલાત્મજૈઃ

શક્રાદ્યૈર્લોકપાલૈસ્તુ વિષ્ણુરીશાનબ્રહ્મણૈઃ ।
ચન્દ્રસૂર્યૈસ્તથાન્યૈર્વા યક્ષેન્દ્રૈરાક્ષસૈસ્તથા

મહોરગૈઃ કિન્નરૈશ્ચાપિ તથા ઋષિવરૈર્ભુવિ ।
ગરુડૈર્માતરૈર્લોકૈઃ તથાન્યૈઃ સત્ત્વસંજ્ઞિભિઃ

ભાષિતા યે તુ મન્ત્રા વૈ સિદ્ધિં ગચ્છન્તિ તે ઇહ ।
આકૃષ્ટાઃ સર્વમન્ત્રાણાં પ્રણેતા સર્વકર્મણામ્

વશિતા સર્વમન્ત્રાણાં પ્રણેતા સર્વકર્મણામ્ ।
વશિતા સર્વભૂતાનાં તન્ત્રમન્ત્રસવિસ્તરામ્

એષ એકાક્ષરો મન્ત્રઃ કરોતિ સર્વમન્ત્રિણામ્ ।
સફલં જપ્તમાત્રસ્તુ આકૃષ્ટા સર્વદેવતામ્

વશિતા સર્વકલ્પાનાંશ્ચમી એકાક્ષરો મહામ્ ।
કરોતિ વિવિધાકારાં વિચિત્રાં સાધુવર્ણિતામ્

લૌકિકાં લોકમન્ત્રા તુ સાધયેત્સમ્યક્ પ્રયોજિતઃ ।
પરિસ્ફુટં તુ પટં કૃત્વા અશેષં ચારુદર્શનમ્

શુચૌ દેશે નદીકૂલે પર્વતાગ્રે ચ તં ન્યસેત્ ।
પૂર્વકર્મપ્રયોગેણ કુર્યાત્ પશ્ચાન્મુખં સદા

સાધકઃ પ્રાઙ્મુખો ભૂત્વા વિધિદૃષ્ટેન કર્મણા ।
દર્ભવિણ્ડોપવિષ્ટસ્તુ કુર્યાજ્જપમનાકુલમ્

નોચ્ચશબ્દો ન મૃદુઃ નાપિ ચિત્તપરસ્ય તુ ।
દૂષયં સર્વભૂતાનાં ક્ષિપ્રસિદ્ધિર્ભવેદિહ

મૈત્રચિત્તઃ સદા લોકે દુઃખિતાં કૃપણાં સદા ।
અનાથાં દીનમનસાં વ્યસનાર્ત્તાં સુદુર્બલામ્

પતિતાં સંસારઘોરે ઽસ્મિં કૃપાવિષ્ટો ઽથ સિદ્ધ્યતિ ।
પટસ્યાગ્રત યત્નેન મહાપૂજાં ન્યસેત્ સદા

માનસી માનુષીંશ્ચાપિ દિવ્યાં હૃદયમુદ્ભવામ્ ।
ચિન્તયેત્ કુર્યાદ્વાપિ જિનેન્દ્રવિશ્વપટસ્ય તુ

તત્રૈવાગ્નિકુણ્ડં કુર્યા તત્ત્વવિધાનતઃ ।
સુસમૃદ્ધં સાધકો હ્યગ્નિ જુહુયાત્તત્ર માહુતિઃ

શ્વેતચન્દનકર્પૂરં કુઙ્કુમં મિશ્રપૂજિતઃ ।
શતાષ્ટં આહુતિં જુહ્વં ષડ્ભૌ દીપ્તિતુમન્ત્રવિતુ

ખદિરે પ્લક્ષ્યન્યગ્રોધે પાલાશે ચાપિ નિત્યતઃ ।
એષા સમુદ્ભવે કાષ્ઠે જ્વાલયેદ્ વહ્નિમૂર્જિતઃ

એષામભાવે કાષ્ઠાનામન્યં કાષ્ઠં સમાહરેત્ ।
પિચુમર્દં કદ્વમમ્લં ચ તથૈવ મદનોદ્ભવમ્

સર્વકણ્ટકિનઃ વર્જ્યાઃ પાપકર્મેષુ કીર્ત્તિતાઃ ।
એકાક્ષરેણૈવ મન્ત્રેણ કુર્યાચ્છાન્તિકપૌષ્ટિકમ્ ।
આશુ સિદ્ધિર્ભવેત્ તસ્ય પાપં કર્મ સમાચરેત્

સર્વમન્ત્રધરા હ્યત્ર સકર્મા કલ્પવિસ્તરા ।
પ્રયોક્તવ્યા નિર્વિકલ્પેન સિદ્ધિં ગચ્છન્તિ તે સદા ।
આકૃષ્યન્તે તદા મન્ત્રા વરદા ચૈવ ભવન્તિ હ

પલાશોદુમ્બરસમિધાનાં પ્લક્ષન્યગ્રોધ એવ વા ।
ઘૃતાક્તાનાં દધ્નસંયુક્તાં મધ્વોપેતાં સમાહિતામ્

જુહુયાત્ સર્વતો મન્ત્રી રાજ્યકામો મહીતલે ।
દેવીં રાજ્યમાકાંક્ષં જુહુયાત્ કુઙ્કુમચન્દનમ્

વિદ્યાધરાણાં દેવાનાં અધિપત્યમકાંક્ષયમ્ ।
જુહુયાત્ પદ્મલક્ષાણિ ષટ્ત્રિંશત્ સકેસરામ્

હોમાન્તે વૈ તત્ર કુર્વીત અર્ઘ્યં શાસ્તુનિવેદનમ્ ।
સમન્તા જ્વલતે તત્ર પટશ્રેષ્ઠો જિનાઙ્કિતઃ

તં ચ સ્પૃષ્ટમાત્રં તુ ઉત્પતેદ્ બ્રહ્મમાલયમ્ ।
અકનિષ્ઠા યાવદેવાસ્તુ યાવાચ્ચાપાતાલસઞ્ચયમ્

અત્રાન્તરે સર્વસિદ્ધાનાં રાજાસૌ ભવતે સદા ।
વિદ્રાપયતિ ભૂતાનિ મહાવીર્યો દૃઢવ્રતઃ

ક્રમઃ વિદ્યાધરાણાં સદા રાજા ભવિતા કર્મસાધને ।
પુનશ્ચ કલ્પમાત્રં તુ સ જીવેદ્ દીર્ઘમધ્વનમ્

ચ્યુતસ્તસ્મિં મહાકાલે નિયતો બોધિપરાયણઃ ।
અપરં કર્મનિત્યેષ કથિતં સંક્ષેપવિસ્તરમ્

શ્વેતપદ્માં સમાહૃત્ય શ્વેતચન્દનસંયુતામ્ ।
જુહુયાચ્છતલક્ષાણિ રત્નકેતું સ પશ્યતિ

દૃષ્ટ્વા તં જિનં શ્રેષ્ઠં પઞ્ચાભિજ્ઞો ભવેત્ તદા ।
મહાકલ્પં ચિરં જીવેદ્ બુદ્ધસ્યાનુચરો ભવેત્

પશ્યતે ચ તદા બુદ્ધાં અનન્તાં દિશિ સંસ્થિતામ્ ।
તેષાં પૂજયેન્નિત્યં તયૈરેવ ચ સંવસેત્

રત્નાવતી નામ ધાત્વૈક યત્રાસૌ ભગવાં વસેત્ ।
મુનિઃ શ્રેષ્ઠો વરઃ અગ્રો રત્નકેતુસ્તથાગતઃ

તત્રાસૌ વસતે નિત્યં મન્ત્રપૂતો ન સંશયઃ ।
અપરં કર્મમિષ્ટં ચ કથિતં હ્યગ્રપુદ્ગલૈઃ

નાગકેસરકર્પૂરં ચન્દનં કુઙ્કુમં સમમ્ ।
એકીકૃત્ય તદા મન્ત્રી જુહુયાલ્લક્ષાષ્ટસપ્તતિ

હોમાવસાને તદા દેવ આયાતીહ સચક્રિણઃ ।
તુષ્ટો વરદો નિત્યં મૂર્ધ્નિ સ્પૃશતિ સાધકમ્

સ્પૃષ્ટમાત્રસ્તદા મન્ત્રી સપ્તભૂમ્યાધિપો ભવેત્ ।
જિનાનામૌરસઃ પુત્રો બોધિસત્ત્વઃ સ ઉચ્યતે

નિયતં બોધિનિષ્ટસ્તુ વ્યાકૃતો ઽસૌ ભવિષ્યતિ ।
તતઃ પ્રભૃતિ યત્કિઞ્ચિદ્ જ્ઞાનં જ્ઞેયં જિનાત્મજમ્

જાનામિ સર્વમન્ત્રાણાં ગતિમાહાત્મમૂર્જિતમ્ ।
પઞ્ચાભિજ્ઞો ભવેત્ તસ્મિન્ દૃષ્ટમાત્રેણ મન્ત્રરાટ્

કરોતિ વિવિધાકારામાત્મભાવં સદા યદા ।
સર્વાકારવરોપેતાં પૂજાકર્મિ સદા રતઃ

ભવતે તત્ક્ષણાદેવ ઉદ્યુક્તો બોધિકર્મણિ ।
ક્ષણમાત્રે તદા લોકાં બુદ્ધક્ષેલાં સ ગચ્છતિ

લોકધાતુસહસ્રાણિ અણ્ડા હિણ્ડન્તિ સર્વતઃ ।
બુદ્ધાનાં બોધિસત્ત્વાનાં પશ્યન્તે ચરિતાં તદા

ધર્મં શૃણોતિ તત્તેષાં પૂજાં કર્મે સમુદ્યતઃ ।
અપરં કર્મમસ્તીહ ચક્રવર્તિજિનોદ્ભવે

પ્રદીપલક્ષણં દદ્યાચ્છુચિવર્તિર્ઘૃતઃ સમે ।
સૌવર્ણે ભાજને રૌપ્યે તામ્રે મૃત્તિકમે ઽપિ વા

તે તુ પ્રજ્વલિતે દીપે પુરુષૈર્લક્ષપ્રમાણિભિઃ ।
ગણમાત્રસંન્યસ્તે શતસાહસ્રનાવિકૈઃ

સ્ત્રીવર્જૈઃ પુરુષૈશ્ચાપિ પ્રદીપહસ્તૈઃ સમન્તતઃ ।
પટં શાસ્તુ વિમ્વાખ્યે દદ્યાત્ પૂજા ચ કર્મણિ

સમં સર્વપ્રવૃત્તાસ્તુ મન્ત્રે કૈકસમન્ત્રિતે ।
દદ્યાચ્છાસ્તુનો મન્ત્રૈસ્તત્ક્ષણાત્ સિદ્ધિમાદિશેત્

સમન્તાદ્ ગર્જિતનિર્ઘોષં દુન્દુભીનાં ચ નિઃસ્વનમ્ ।
દેવસઙ્ઘા હ્યનેકા વૈ સાધુકારં પ્રમુઞ્ચયેત્

બુદ્ધા બોધિસત્ત્વાશ્ચ ગગનસ્થં તસ્થુરે તદા ।
સાધુ સાધુ ત્વયા પ્રાજ્ઞ સુકૃતં કર્મ કારિતમ્

ન પશ્યસિ પુનર્દુઃખં સંસારાર્ણવસંપ્લુતમ્ ।
ક્ષેમે શિવે ચ નિર્વાણે અભયે બુદ્ધત્વમાશ્રિતઃ

માર્ગે શુભે ચ વિમલે અષ્ટાઙ્ગે સાધુચેષ્ટિતે ।
પ્રપન્નસ્ત્વં મન્ત્રરૂપેણમ્ ચક્રિમેકાક્ષરાક્ષિતે

અપરં કર્મમેવાસ્તિ ઉત્તમાં ગતિનિશ્રિતઃ ।
મહાપ્રભાવાર્થવિજ્ઞાતં સર્વબુદ્ધૈઃ સમ્પ્રકાશિતમ્

ગૃહ્ય નિમ્બમયં કાષ્ઠં કુર્યાદ્ વજ્રં ત્રિશૂચિકમ્ ।
ઉભયાગ્રં મધ્યપાર્શ્વં તુ કુર્યાત્ કુલિશસમ્ભવમ્

મન્ત્રપૂતં તતઃ કૃત્વા પટસ્યાગ્રતઃ કન્યસે ।
પરામૃશ્ય તતો મન્ત્રી જપેન્મન્ત્રાં સમાહિતઃ

લક્ષષોડશકાષ્ઠં ચ સમાપ્તે સિદ્ધિરિષ્યતે ।
એકજ્વાલી તતો વજ્રઃ સમન્તાત્ પ્રજ્વલતે હિ સઃ

ઉજ્જહાર તતો ઽચિન્ત્યમૂર્ધ્વસંક્રમતે હિ સઃ ।
બ્રહ્મલોકં તતો યાતિ અન્યાં વા દેવસમ્મિતિમ્

આકાશેન તતો ગચ્છે સર્વસિદ્ધેષુ અગ્રણીઃ ।
કુરુતે આધિપત્યં વૈ સિદ્ધવિદ્યાધરાદિષુ

ચક્રવર્ત્તિસ્તતો રાજા ભવતે દેવસન્નિધૌ ।
કરોતિ વિવિધાકારં આત્મભાવવિચેષ્ટિતમ્

દશ ચાન્તરકલ્પાનિ ચિરં તિષ્ઠન્ન ચાલયેત્ ।
સૌખ્યભાગી સદા પૂજ્યઃ સુરૂપો રૂપવાં સદા

બોધિચિત્તો સમાચારો જન્મદુઃખવિવર્જિતઃ ।
ભવતે સુરસિદ્ધસ્તુ સર્વપાપવિવર્જિતઃ

ચ્યુતસ્તસ્માદ્ ભવેન્મર્ત્યો બહુસૌખ્યપરાયણઃ ।
ગતિં સર્વાં વિચેરુસ્થઃ ભવતે બોધિપરાયણઃ

અનન્તા વિવિધા કર્મા બહુલોકાર્થપૂજિતમ્ ।
પઠ્યન્તે મન્ત્રરાજે ઽસ્મિં સકલ્પાકલ્પવિસ્તરાત્

ભૌમ્યાધિપત્યં શક્રત્વં ચક્રવર્તિત્વં ચ વા પુનઃ ।
વિદ્યાધરાણાં તથા દેવાં કુરુતે ચાધિચેષ્ટિતમ્

અનેકાકારરૂપં વા + + + યદિહોચ્યતે ।
સર્વસિદ્ધિમવાપ્નોતિ સુપ્રયુક્તસ્તુ મન્ત્રિણા

રાત્રૌ પર્યઙ્કમારુહ્ય + + અચિન્ત્યં જપતો વ્રતી ।
પ્રભાતે સિદ્ધિમાયાતિ પઞ્ચાભિજ્ઞો ભવેજ્જપી

શ્મશાને શવમાક્રમ્ય નિશ્ચલો તં જપેદ્ વ્રતી ।
એકાક્ષરં મહાર્થં તુ પ્રભાતે સિદ્ધિમિષ્યતે

શ્મશાનસ્થો યદિ યપ્યેત વિદ્યારાજમહર્દ્ધિકઃ ।
ષણ્માસૈઃ સિદ્ધિમાયાતિ યથેષ્ટં કુરુતે ફલમ્

યત્ર વા તત્ર વા સ્થાને જપ્યમાનો મહર્દ્ધિકઃ ।
તત્રસ્થઃ સિધિમાયાતિ સુપ્રયુક્તસ્તુ મન્ત્રિભિઃ

સિતં છત્રં તથા ખડ્ગં મણિપાદુકકુણ્ડલમ્ ।
હારકેયૂર પટકં + + + ચાઙ્ગુલીયકમ્

કટિસૂત્રં તથા વસ્ત્રં દણ્ડકાષ્ઠકમણ્ડલુમ્ ।
યજ્ઞોપવીતમુષ્ણીષં કવચં ચાપિ ચર્મિણમ્

અજિનં કમલં ચૈવ અક્ષસૂત્રં ચ પાદુકે ।
સર્વે તે ભૂષણાશ્રેષ્ઠા લોકે ઽસ્મિં સમતાવુભૌ

સુરૈર્મર્ત્યૈસ્તથા ચાન્યૈઃ + + + ભૂષણાનિ હ ।
સર્વે સિદ્ધિમાયાન્તિ પટસ્યાગ્રત જાપિને

સર્વદ્રવ્યં તથા ધાતું ભૂષણં મણયો ઽપિ ચ ।
અનેકપ્રહરણાઃ સર્વે વિન્યસ્તા પટમગ્રતે

સકૃજ્જપ્તાથ સંશુદ્ધા લક્ષમષ્ટૌ ભિમન્ત્રિતા ।
જ્વલતે સર્વસંયુક્તા ઉત્તિષ્ઠે સ્પૃશનાજ્જપી

સત્ત્વપ્રકૃતયો વાપિ વિવિધાકારરૂપિણઃ ।
ભૂષણાઃ પ્રહરણાશ્ચાપિ મૃન્મયા વા સ્વભાવિકા

સુરૂપચેષ્ટપ્રકૃતયઃ નાનાપક્ષિગણાદપિ ।
સર્વભૂતાસ્તુ યે ખ્યાતા કૃત્રિમા વા હ્યકૃત્રિમા

સત્ત્વસંજ્ઞાથ નિઃસંજ્ઞા સિદ્ધ્યન્તે મન્ત્રપૂજિતા ।
વિવિધદ્રવ્યવિન્યસ્તા વિવિધા ધાતુકારિતા

+ + + + + + + વાપિ ગતિયોનિસુપૂજિતા ।
વિન્યસ્તા પટમગ્રે ઽસ્મિં પૂર્વદૃષ્ટવિધાનતઃ

આમૃષ્ય તં જપેન્મન્ત્રી ષડ્ લક્ષાણિ ચ સપ્ત ચ ।
જપાન્તે જ્વલિતે તેષુ સિદ્ધિં પ્રાપ્નોતિ પુષ્કલામ્

સ્પૃષ્ટમાત્રેષુ તત્તેષાં ઉત્પતેત્તુ ચતુર્દિશમ્ ।
ચિરં જીવેચ્ચિરં સૌખ્યં પ્રાપ્નોતીહ દિવૌકસામ્

યથા યથા પ્રયુજ્યેતે વિદ્યારાજમહર્દ્ધિકઃ ।
તથા તથા ચ તુષ્યેત વરદો ચ ભવેત્ સદા

અન્યકર્મપ્રવૃત્તાસ્તુ કર્મભિઃ કલ્પવિસ્તરૈઃ ।
તૈરેવ સિદ્ધ્યન્તે ક્ષિપ્રં વિદ્યારાજમહર્દ્ધિકઃ

શુચિના શુચિચિત્તેન શુચિકર્મસદારતઃ ।
શુચૌ દેશે ઽથ મન્ત્રજ્ઞઃ શુચિસિદ્ધિ સમૃચ્છતિ

તત્કર્મ તત્ફલં વિન્દ્યાદધિકાદધિકં ભવેત્ ।
મધ્યે મધ્યમકર્મે તુ કન્યસં તુ મતઃ પરમ્

કર્મા પ્રભૂતમર્થ દત્વા કરોતિ ભૂતચેષ્ટિતમ્ ।
અસાધિતઃ કર્મસિદ્ધિસ્તુ ફલં દદ્યાલ્પમાત્રકમ્

નિત્યં ચ જાપમાત્રેણ મહાભોગો ઽથ મહાબલઃ ।
રાજ્ઞા પ્રિયત્વમન્ત્રિત્વં કરોતિ જપિનઃ સદા

પાપં પ્રણશ્યતે તસ્ય સકૃજ્જપ્તસ્તુ મન્ત્રરાટ્ ।
દ્વિજપ્તઃ સપ્તજપ્તો વા આત્મરક્ષા ભવેન્મહાં

સહાયાનાં સર્વતો રક્ષા અષ્ટજપ્તઃ કરોતિ સઃ ।
વસ્ત્રાણામભિમન્ત્રીત ઉભૌ મન્ત્રી તદા પુનઃ

મુચ્યતે સર્વરોગાણાં ઉભૌ વસ્ત્રાભિમન્ત્રિતૌ ।
સ્પર્શનં તેષુ મન્ત્રેષુ જ્વરં નશ્યતિ દેહિનામ્

સુખં ચાભિમન્ત્રિતઃ અક્ષ્ણી વા ચાપિ યત્નતઃ ।
ક્રુદ્ધસ્ય નશ્યતે ક્રુદ્ધો દૃષ્ટમાત્રસ્તુ મન્ત્રિભિઃ

યે ચ ભૂતગણા દુષ્ટા હિંસકા પાપકર્મિણઃ ।
મુખં તેષુ નિરીક્ષેત ત્રિંશજ્જપ્તેન મન્ત્રરાટ્

હસ્તં ચાભિમન્ત્રીત સ્વકં ચૈવ પુનઃ પુનઃ ।
તેષાં પ્રહારમાવર્જ્યામુચ્યતે સર્વદેહિનામ્

બાલાનાં નિત્યકુર્વીત સ્નપનં પાનભોજનમ્ ।
ષષ્ટિજપ્તવરે મન્ત્રે ઉત્કૃષ્ટે દેવપૂજિતે

ત્યજન્તે સર્વદુષ્ટાસ્તુ ક્રવ્યાદા માતરા ગ્રહાઃ ।
મન્ત્રભીતાસ્તુ નશ્યન્તે ત્યજન્તે બાલિશાન્ સદા

એવંપ્રકારાન્યનેકાનિ કર્માં ચૈવ મહીતલે ।
માનુષાણાં તથા ચક્રે ક્ષિપ્રં ચૈવ સદા ન્યસેત્

સરિસૃતા યે તુ ભૂતા વૈ વિવિધા સ્થાવરજઙ્ગમાઃ ।
સવિષા નિર્વિષાશ્ચૈવ નશ્યન્તે મન્ત્રદીરિતા

યે કેચિદ્ વિવિધા દુઃખા યા કાચિત્ સત્ત્વવેદના ।
વિન્યસ્તા મન્ત્રરાજેન શાન્તિમાશુ પ્રયચ્છતિ

વિવિધાયાસદુઃખાનિ મહામાર્યોપુસર્ગિણઃ ।
નશ્યન્તે ક્ષિપ્રમેવં તુ મન્ત્રજપ્તેન ષટ્છતમ્

કુર્યાદ્ધોમકર્માણિ મધ્વમધ્વાજ્યમિશ્રિતમ્ ।
નીલોત્પલં સુગન્ધં વૈ સહસ્રં ચાષ્ટ પૂજિતમ્

શાન્તિં તિલેન ભૂતાનિ પ્રજગ્મુઃ સ્વસ્થતાં જનઃ ।
એવંપ્રકારાન્યનેકાનિ બહુકલ્પસમુદ્ભવામ્

સર્વાં કરોતિ ક્ષિપ્રં વૈ સુપ્રયુક્તસ્તુ મન્ત્રિભિઃ ।
જપમાત્રેણ કુર્વીત અરીણાં ક્રોધનાશનમ્

અનેકમન્ત્રાર્થયુક્તાનાં કલ્પાનાં બહુવિસ્તરામ્ ।
વિધિદૃષ્ટા ભવેત્ તેષાં તેષુ સિદ્ધિરિહોચ્યતે

અવશ્યં ક્ષુદ્રકર્માણિ મન્ત્રજપ્તો કરોતિ હ ।
સર્વાન્યેવ તુ જપ્તેન ક્ષિપ્રમર્થકરઃ સદા

વશ્યાર્થં સર્વભૂતાનાં ત્રિસન્ધ્યં જપમિષ્યતે ।
હોમકર્મં ચ કુર્વીત માલત્યાઃ કુસુમૈઃ સદા

શ્વેતચન્દનકર્પૂરકુઙ્કુમાચ્ચ વિધીયતે ।
વરજાપિને મન્ત્રઃ સફલાં કુરુતે સદા

મનીષિતાન્સાધયેદર્થા નિત્યહોમેન જાપિનમ્ ।
કર્પૂરાદિભિ યુક્તૈસ્તુ નિત્યહોમં પ્રકલ્પિતમ્

સાધયેદ્ વિવિધાં કર્માં યથેષ્ટપરિકલ્પિતામ્ ।
અલ્પાદલ્પતરં કર્મ પ્રભૂતા ભૂતિમુદ્ભવમ્

મધ્યે મધ્યકર્માણિ સદા સિદ્ધિરુદાહૃતા ।
તસ્માત્ સર્વેષુ કર્મેષુ કુર્યાદ્ધોમં વિશેષતઃ