Mahāyānasūtrālaṃkāra (another edition) · Chapter 15
mahāyānasūtrālaṃkāre avavādānuśāsanyadhikāraścaturdaśaḥ
pañcadaśo 'dhikāraḥ
uddānama
upāyasahitakarmavibhāge catvāraḥ ślokāḥ
adhimukterbahulatā dharmaparyeṣṭideśane /
pratipattistathā samyagavavādānuśāsanaṃ
yathā pratiṣṭhā vanadehiparvatapravāhinīnāṃ pṛthivī samantataḥ /
tathaiva dānādiśubhasya sarvato budheṣu karma trividhaṃ nirucyate
suduṣkaraiḥ karmabhirudyatātmānāṃ vicitrarūpairbahukalpanirgataiḥ /
na kāyavāk cittamayasya karmaṇo jinātmajānāṃ bhavatīha saṃnatiḥ
yathā viṣācchastramahāśanād[ne] ripornivārayedātmahitaḥ svamāśrayaṃ /
nihinayānadvividhājjinātmajo nivārayetkarma tathā trayātmakaṃ
na karmiṇaḥ karma na karmaṇaḥ kriyāṃ sadāvikalpaḥ samudīkṣate tridhā /
tato 'sya tatkarma viśuddhipāragaṃ bhavatyanantaṃ tadupāyasaṃgrahāt
Original text: Mahāyānasūtrālaṃkāra · Edition: S. Bagchi: Mahayana sutralankara of Asanga with its Svavrtti. Darbhanga : The Mithila Institute, 1970, 1-180 (karika only). · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0