Mahāparinirvāṇasūtra · Chapter 14

(bhagavān tatraiva veṇugrāmake varṣām upagata ānandena bhikṣuṇopasthāya)k(e)na ||

t(asya) kh(al)u (varṣopagatasyotpannaḥ khara ābādhaḥ pragāḍhā vedanā māraṇāntikā ||)

(atha bhagavata etad abhavat ||)

(utpanno me khara ābādhaḥ pragāḍhā ve)danā māraṇāntikā viprakrānta(ś ca bhikṣusaṃghaḥ ||)

(na mama pratirūpaṃ syād yad ahaṃ viprakrānte bhikṣusaṃghe parinirvāyām || yan nv ahaṃ tata ekatyā vedanā vī)ryeṇa pr(a)tiprasrabhya sarvanimi(ttānām amanasikārād ānimittaṃ cetaḥsamādhiṃ kāyena sākṣīkṛtvopasaṃpadya vihareyam ||)

(atha bhagavān tata e)katyā vedanā vīryeṇa pratiprasra(bhya) sarvanimittā(nām amanasikārād animittaṃ cetaḥsamādhiṃ kāyena sākṣīkṛtvopasaṃpadya vyahārṣīt || tena tathāgatasya kṣemaṇī)yatarañ cābhūd yāpanīyatara(ñ ca ||)

(athāyuṣmān ā)nandaḥ s(ā)yāhn(e) pratis(aṃlayanād vyutthāya yena bhagavāṃs tenopajagāma || upetya bhagavataḥ pādau śirasā va)nditvaikānte 'sthāt ||

ekāntasthit(a āyuṣmān ānando bhagavantam idam a)vocat ||

api me bhada(n)ta m. .............. lapante bhagavata imam evaṃ .r .......... (ā)śvāsamātram || na tāvad bhagav(ān parinirvā)syati yāvad bhagavān bhikṣusaṃ(gh). .............

(ya)syānandaivaṃ syāt || (mamāsti bhikṣu)saṃgha(ḥ || ahaṃ) bhikṣusaṃghaṃ pari(hariṣyāmīti) ......

(mama khalv ā)nanda naivaṃ bhava(ti || mamāsti bhikṣu)s(a)ṃghaḥ || a(ha)ṃ (bhikṣusaṃghaṃ parihariṣyāmīti) ................

..............

(tadyathā catvāri smṛtyupasthānāni catvāri samyakprahāṇāni catvāra ṛddhipādāḥ pañcendriyāṇi pañca balāni sapta bodhyaṅgāny āryāṣṭāṅgo mārgaḥ ||)

(na tatrānanda tathāgatasya dharmeṣv ācāryamu)ṣṭi(r) yaṃ tathāgataḥ praticchādayitavyaṃ manyeta || kaccin me pare na vi(dyur iti ||)

(utpannaḥ kadāpi tathāgatasya khara ābādhaḥ pragāḍhā vedanā māraṇā)ntik(ā ||)

tasya ma etad abhavat || utpanno me khara ābādhaḥ pragāḍhā veda(nā māraṇāntikā viprakrāntaś ca bhikṣusaṃghaḥ ||)

(na mama pratirūpaṃ syād yad ahaṃ vi)prakrānte bhikṣusaṃghe parinirvāyām || yan nv ahaṃ tata ekatyā vedanā vīryeṇa pratipra(s)r(abhya sarvanimittānām amanasikārād animittaṃ cetaḥsamā)dhiṃ kāyena sākṣīkṛtvopasaṃpadya vihareyam ||

so 'haṃ tata (ekatyā ve)danā vīryeṇa pratiprasr(abhya sarvanimittānām amanasikārād animittaṃ cetaḥsamādhiṃ kāyena) sākṣīkṛtvopasaṃpadya vyahārṣam || tena tathāgatasya (kṣemaṇīyatarañ cā)bhūd yāpanīyatarañ (ca ||)

(punar aparam ānanda tathāgato vṛddho jīrṇatāṃ prāpto 'śī)tike vayasi vartate dvaidhāniśrayeṇa yāpy(ate || tadyathā jīrṇaṃ śakaṭaṃ dvaidhāniśraye)ṇa y(ā)pyata evam eva (tathāgato vṛddho jīrnatāṃ prāpto) 'śītike vayasi vartate dvaidhāniśrayeṇa yā(pyate ||)

(mā tasmāt tvam ānanda śoca mā klāma || kasmā)d eva tat || kuta etal labhy(aṃ yat taj jātaṃ bhūtaṃ kṛtaṃ saṃskṛtaṃ vedayi)taṃ pratītyasamutpannaṃ kṣayadharmaṃ vyayadharmaṃ vi(rodhadharmaṃ pralokadharmaṃ na prarujya)te || nedaṃ sthānaṃ vidyate ||

prāg (eva bhi)kṣavo mayākhyātaṃ sarvair iṣṭaiḥ kāntaiḥ priyair manāpai(r nānābhāvo bhaviṣyati vinābhāvo viprayogo visaṃyogaḥ ||)

(tasmād) ānandaitarhi mam(a vā)tyayād ātmadvīpair vihartavyam ātmaśaraṇair dharmadvīpair dha(rmaśaraṇair ananyadvīpair ananyaśaraṇaiḥ || tat kasmād dhetoḥ ||)

(ye kecid ānandaitarhi mama vāt)yayād ātmadvīpā ātmaśaraṇā dharmadvīpā dharmaśaraṇā ananyadvīpā a(nanyaśaraṇās te 'graṃ bhaviṣyanti yaduta mama śr)āvak(āṇāṃ śikṣākāmānāṃ ||)

(kathaṃ cānanda bhi)kṣ(u)r ātmadvīpo bhavaty ātmaśaraṇo dharmadvīpo dharmaśaraṇo 'nanyadvīpo 'nanyaśaraṇaḥ ||

iha bhikṣur (a)dhy(ā)tm(aṃ) kāy(e) kāyānupaśyī viha(raty) ātāpī saṃprajānaḥ smṛtimā(n) vinīyābhidhyā loke daurmanasyam || bahirdhā kāye 'dhyātmabahirdhā kāye 'dhyātmaṃ vedanāsu bahirdhā vedanāsv adhyātmabahirdhā vedanāsv adhyātmaṃ citte bahirdhā citte 'dhyātmabahirdhā citte 'dhyātmaṃ dharmeṣu bahirdhā dharmeṣv adhyātmabahirdhā dharmeṣu dharmānupaśyī viharaty ātāpī saṃprajānaḥ smṛtimān vinīyābhidhyā loke daurmanasyam ||

evaṃ hi bhikṣur ātmadvīpo bhavaty ātmaśaraṇo dharmadvīpo dharmaśaraṇo 'nanyadvīpo 'nanyaśaraṇaḥ ||
<Hier im Tib. Uddāna>