Mahabharata · Chapter 8.84

xxxxxxxxxxxprabarairvalairbhīmamabhidrutam /
xxxxxxxxxx kaunteyamusthihīrṣurdhanañjayaḥ //

xxxxxxxxx senāṃ mārata sāyakaiḥ /
xxxxxxxxxx paravīrāndhanañjayaḥ //

xxxxxxxxxxx śarajālāni bhāgaśaḥ /
adṛśyanta tathānye ca nijaghnustava vāhinīm //

sa pakṣisaṅghācaritamākāśaṃ pūrayañśaraiḥ / dhanañjayo mahābāhuḥ kurūṇāmantako'mayat

tato bhallaiḥ kṣurapraiśca nārācairvimalairapi /
gātrāṇi prācchinatpārthaḥ śirāṃsi ca cakarta ha //

chinnagātrairvikavacairviśiraskaiḥ samantataḥ /
pātitaiśca patadbhiśca yodhairāsītsamāvṛtā //

dhanañjayaśarābhyastaiḥ syandanāśvarathadvipaiḥ / sañchinnabhinnavidhvastairvyaṅgāṅgāvayavaiḥ stṛtā /
gatasatvaiḥ sasatvaiśca saṃvṛtā'sīdvasundharā //

sudurgamā suviṣamā ghorā'tyarthaṃ sudurdṛśā /
raṇabhūmirabhūdrājanmahāvaitaraṇī yathā //

īṣācakrākṣabhallaiśca vyaśvaiḥ sāśvaiśca yudhyatām /
sasūtairhatasūtaiśca rathaiḥ stīrṇā'bhavanmahī //

suvarṇavarmasannāhairyodhaiḥ kanakamālibhiḥ /
āsthitāḥ klṛptavarmāṇo bhadrā nityamadā dvipāḥ //

kruddhāḥ krurairmahāmātraiḥ preṣitārjunamabhyayuḥ /
catuḥ śatā rathavarā hatāḥ petuḥ kirīṭinā //

paryastānīva śṛṅgāṇi sasatvāni mahāgireḥ /
dhanañjayaśarābhyastaiḥ stīrṇā bhūrvaravāraṇaiḥ //

samantājjaladaprakhyānvāraṇānmadavarṣiṇaḥ /
abhipede'rjunaratho ghanānbhindannivāṃśumān //

hatairgajamanuṣyāśvairbhinnaiśca bahudhā rathaiḥ / viśastrayantrakavacairyuddhaśauṇḍairgatāsubhiḥ /
upaviddhāyudhairmārgaḥ stīrṇo'bhūtphalgunena vai //

visphāritaṃ ca gāṇḍīvamatyāsīdbhairavasvanam sughoṣaṃ vajraniṣpeṣaṃ stanayanniva toyadaḥ //

tataḥ prādīryata camūrdhanañjayaśarāhatā /
mahāvātasamāviddhā mahānauriva sāgare //

nānārūpāḥ prāṇaharāḥ śarā gāṇḍīvacoditāḥ /
alātolkāśaniprakhyāstava sainyaṃ vinirdahan //

mahāgirau veṇuvanaṃ niśi prajvalitaṃ yathā /
tathā tava mahāsainyaṃ prāsphuraccharapīḍitam //

tadvinaṣṭaṃ suvidhvastaṃ tava sainyaṃ kirīṭinā /
hatapravihataṃ bāṇaiḥ sarvataḥ pradrutaṃ diśaḥ //

saśvāpadā mṛgagaṇā dāvāgnitrāsitā yathā /
kuravaḥ paryavartanta nirdagdhāḥ savyasācinā //

utsṛjya ca mahābāhuṃ bhīmasenaṃ tathā raṇe /
balaṃ kurūṇāmudvignaṃ sarvamāsītparāṅmukham //

tataḥ kuruṣu bhagneṣu bībhatsuraparājitaḥ /
bhīmasenaṃ samāsādya muhūrtaṃ so'bhyavartata //

samāgamya ca bhīmena mantrayitvā ca phalgunaḥ /
viśalyamarujaṃ cāsmai kathayitvā yudhiṣṭhiram //

bhīmasenābhyanujñātastataḥ prāyāddhanañjayaḥ /
nādanrathaghoṣeṇa pṛthivīṃ dyāṃ ca bhārata //

tataḥ parivṛto vīrairdaśabhiḥ śatrutāpanaḥ /
duḥśāsanādavarajaistava putrairdhanañjayaḥ //

te tamabhyardayanbāṇairulkābhiriva kuñjaram /
ātateṣvasanā vīrā nṛtyanta iva bhārata //

apasavyāṃstu tāṃścakre rathena madhusūdanaḥ /
niyuktānhi sa tānmene yamāyāśu kirīṭinā //

tathānye prāṇadanmūḍhāḥ parāṅmukhamivārjunam //

teṣāṃ nānadatāṃ ketūnaśvāṃścāpāni sārathīn /
nārācairardhacandraiśca kṣipraṃ pārtho nyakṛntata //

*athānyairdaśabhirbhallaiḥ śirāṃsyeṣāmapātayat /
roṣasaṃraktanetrāṇi sandaṣṭauṣṭhāni bhūtale //

teṣāṃ vakrāṇi vibabhurvyomni tārāgaṇā iva //

tāṃstu bhallairmahāvegairdaśabhirdaśa kauravān /
rukmāṅgadāvrukmapuṅkhairhatvā prāyādamitrahā //