Mahabharata · Chapter 8.13

śrutakīrtimathāyāntaṃ kirantaṃ niśitāñśarān /
madrarājo mahārāja vārayāmāsa hṛṣṭavat //

madrarājaṃ samāsādya śrutakīrtirmahārathaḥ /
vivyādha bhallairviśatyā kārtasvaravibhūṣitaiḥ //

prativivyādha taṃ śalyaṃ tribhistūrṇamajihmagaiḥ /
sārathiṃ cāsya bhallena bhṛśaṃ vivyādha bhārata //

sa śalyaṃ śaravarṣeṇa cchādayāmāsa saṃyuge /
mumoca niśitānbāṇānmadrarājarathaṃ prati //

tataḥ śalyo mahārāja śrutakīrtibhujacyutān /
ciccheda samare bāṇāsanbaṇaiḥ sannataparvabhiḥ //

śrutakīrtistataḥ ślyaṃ bhittvā navabhirāyasaiḥ /
sārathiṃ tribhirānarcchatpunaḥ śalyaṃ ca pa़ñcabhiḥ //

tasya śalyo dhanuśchittvā hastāvāpaṃ nikṛtya ca /
vivyādha samare tūrṇaṃ saptabhistaṃ śarottamaiḥ //

athānyaddhanurādāya śrutakīrtirmahārathaḥ /
bhadreśvaraṃ catuḥṣaṣṭyā bāhvorurasi cārpayat //

tatastu samare rājaṃstena vidvaḥ śilīmukhaiḥ /
xxvivyādha taṃ cāpi navatyā niśitaiḥ śaraiḥ //

tasya madreśvaraścāpaṃ punaściccheda māriṣa /
sa cchinnadhanvā samare gadāṃ cikṣepa satvaraḥ //

paṭṭairjāmbūnadairbaddhāṃ rupyapaṭṭaiśca bhārata /
bhrājamānāṃ yathā nārīṃ divyavastravibhūṣitām //

tāmāpatantīṃ sahasā dīpyamānāśaniprabhām /
śarairanekasāhasrairvyaṣṭambhayata madrarāṭ //

viṣṭabhya ca gadāṃ vīraḥ pātayitvā ca bhūtale /
śrukīrtimathāyatto rājanvivyādha pañcabhiḥ //

tasya śaktiṃ rame bhūyaścikṣepa bhujopamām /
tāṃ dvidhā cāchinacchalyo medinyāṃ sā tvaśīryata //

tasya śalyaḥ kṣurapreṇa yantuḥ kāyācchiro'harat /
bālahastādyathā śyena āmiṣaṃ vai narottama //

sa papāta rathopasthātsārathistasya bhārata /
tataste prādravansaṅkhye haynāstasya mahātmanaḥ //

palāyamānaistairaśvaiḥ sopanīto ramājirāt /
śrutakīrtirmahārāja paśyatāṃ sarvayodhinām //

tato madreśvaro rājā pāṇḍavānāmanīkinīm /
vyagāhata mudā yukto nalinīṃ dvirado yathā //

lolayāmāsa sa balaṃ siṃhaḥ paśugaṇāniva /
śalyastatra mahāraṅge pāṇḍavānāṃ mahātmanām //

nipātya pāṇḍupāñcālānpṛtanāsu vyavasthitaḥ /
aśobhata raṇe śalyo vidhūmo'gniriva jvalan //

senākakṣaṃ mahaddagdhvā kakṣamagnirivotthitaḥ /
sthito rarāja samare puraṃ dagdhveva śaṅkaraḥ //