Mahabharata · Chapter 7.2

hataṃ bhīṣmamathādhirathirviditvā bhinnāṃ nāvaṃ vāridhāvatyagādhe / sodaryavadvyasanātsūtaputraḥ
santārayiṣyaṃstava putrasya senām //

śrutvā tu karṇaḥ puruṣendramacyutaṃ nipātitaṃ śāntanavaṃ mahāratham /
athopayāyātsahasārikarṣaṇo dhanurdharāṇāṃ pravarastadā nṛpa //

hate tu rathasattame parairnimajjatīṃ nāvamivārṇave kurūn /
piteva putrāṃstvarito'bhyayāttataḥ santārayiṣyaṃstava putrasya senām //

sammṛjya divyaṃ dhanurātatajyaṃ sa rāmadattaṃ ripusaṅghahantā / bāṇāṃśca kālānalavāyukalpānullālayanvākyamidaṃ babhāṣe /
karṇa uvāca /
yasmindhṛtirbuddhiparākramaujaḥ satyaṃ smṛtirvīraguṇāśca sarve / astrāṇi divyānyatha sannatihrīḥ priyā ca vāganasūyā ca bhīṣme //

sadā kṛtajñe dvijaśatrughātake sanātanaṃ candramasīva lakṣmīḥ /
sa cetpraśāntaḥ paravīrahantā manye hatāneva ca sarvavīrān //

neha dhruvaṃ kiṅcana jātu vidyate / loke hyasminkarmaṇo'nityayogāt /
sūryodaye ko hi vimuktasaṅśayo bhāvaṃ kurvītāryamahāvrate hate //

vasuprabhāve vasuvīryasambhave gate vasūneva vasundharādhipe /
vasūni putrāṃśca vasundharāṃ tathā kurūṃśca śocadhvamimāṃ ca vāhinīm //
sañjaya uvāca /

mahāprabhāve varade nipātite lokeśvare śāstari cāmitaujasi /
parājiteṣu bharateṣu durmanāḥ karṇo bhṛśaṃ nyaśvasadaśru vartayan //

idaṃ ca rādheyavaco niśamya sutāśca rājaṃstava sainikāśca ha /
parasparaṃ cukruśurārtijaṃ muhustadāśru netrairmumucuśca śabdavat //

pravartamāne tu punarmahāhave vigāhyamānāsu camūṣu pārthivaiḥ /
athābravīddharṣakaraṃ tadā vaco ratharpabhānsarvamahāratharṣabhaḥ //

jagatyanitye satataṃ pradhāvati pracintayannasthiramadya lakṣaye /
bhavatsu tiṣṭhatsviha pātito mṛdhe niriprakāśaḥ kurupuṅgavaḥ katham //

nipātite śāntanave mahārathe divākare bhūtalamāsthite yathā /
na pārthivāḥ soḍhumalaṃ dhanañjayaṃ giripravoḍhāramivānilaṃ drumāḥ //

hatapradhānaṃ tvidamārtarūpaṃ parairhatotsāhamanāthamadya vai /
maryā kukhṇāṃ paripālyamāhave balaṃ yathā tena mahātmanā tathā //

samāhite cātmani bhāramīdṛśaṃ jagattathā'nityamidaṃ ca lakṣaye /
nipātitaṃ cāhavaśauṇḍamāhakhe kathaṃ nu kuryāmahamīdṛśe bhayam //

ahaṃ tu tānkuruvṛṣabhānajihmagaiḥ praveśayanyamasadanaṃ caranraṇe /
yaśaḥ paraṃ jagati vibhāvya vartitā parairhato bhuvi śayitāthavā punaḥ //

yudhiṣṭhiro dhṛtimatisatyasatvavān vṛkodaro gajaśatatulyavikramaḥ /
tathārjunastridaśavarātmajo yuvā na tadbalaṃ sujayamihāmarairapi //

yamau raṇe yatra yamopamau bale sasātyakiryatra ca devakīsutaḥ /
na tadbalaṃ kāpuruṣo'bhyupeyivānnivartate bhṛtyumukhādivāsubhṛt //

tapo'bhyudīrṇaṃ tapasaiva bādhyate balaṃ balenaiva tathā manasvibhiḥ /
manaśca me śatrunivāraṇe dhruṃ svarakṣaṇe cācalavadvyavasthitam //

evaṃ caiṣāṃ bādhamānaḥ prabhāvaṃ gatvaivāhaṃ tāñjayāmyadya sūta /
mitradroho marṣaṇīyo na me'yaṃ bhagne sainye yaḥ sameyātsa mitram //

kartāsmyetatsatpuruṣāryakarma tyaktvā prāṇānanuyāsyāmi bhīṣmam /
sarvānsaṅkhye śatruśaṅghānhaniṣye hatastairvā vīralokaṃ prapatsye //

samprākruṣṭe ruditastrīkumāre parāhate pauruṣe dhārtarāṣṭre /
mayā kṛtyamiti jānāmi sūta tasmādrājñastvadya śatrūnvijeṣye //

kurūnrakṣanpāṇḍuputrāñjighāṃsaṃstyaktvā prāṇānghorarūpe raṇe'smin / sarvānsaṅkhye śatrusaṅghānnihatya dāsyāmyahaṃ dharmaxxxxxxxx

nibadhyatāṃ me kavacaṃ vicitraṃ haimaṃ śubhraṃ maṇiratnāvabhāsi /
śirastrāṇaṃ cārkasamānabhāsaṃ dhanuḥ śarāṃścāgnivipāhikalpān //

upāsaṅgānpoḍaśa yojayantu dhanūmpi divyāni tathā'harantu /
asīṃśca śaktīśca gadāśca gurvīḥ śaṅkhaṃ ca jāmbūnadacitranālam //

imāṃ raukmīṃ nāgakakṣyāṃ vicitrāṃ dhvajaṃ jaitraṃ divyamindīvarāṅkam /
ślakṣṇairvastrairvipramṛjyānayantu citrāṃ mālāṃ cārubaddhāṃ salājām //

aśvānagryānpāṇḍurābhraprakāśān puṣṭānsnātānmantrapūtābhiradbhiḥ /
taptairbhāṇḍaiḥ kāñcanairabhyupetān śīghrāñśīghraṃ sūtaputrānayasva //

rathaṃ cāgryaṃ hemamālāvanaddhaṃ ratnaiścitraṃ sūryacandraprakāśaiḥ /
dravyairyuktaṃ samprahāropapannairbāhairyuktaṃ tūrṇamāvartayasva //

citrāṇi cāpāni ca vegavanti jyāścottamāḥ sannahanopapannāḥ /
tūṇāṃśca pūrṇānmahataḥ śarāṇāmāsādya gātrāvaraṇāni caiva //

prāyātrikaṃ cānayatāśu sarvaṃ pūrṇaṃ kāntyā vīrakāṃsyāṃ ca haimam /
ānīya mālāmavabadhya cāṅge pravādayantvāśu jayāya bherīḥ //

prayāhi mūtāśu yataḥ kirīṭī vṛkodaro dharmasuto yamau ca /
tānvā haniṣyāmi sametya saṅkhye bhīṣmo yathaiṣyāmi hato dviṣadbhiḥ //

yasminrājā satyadhṛtiryudhiṣṭhiraḥ samāsthito bhīmasenārjunau ca /
vāsudevaḥ sātyakiḥ sṛñjayāśca manye balaṃ tadajayyaṃ mahīpaiḥ //

taṃ cenmṛtyuḥ sarvaharo'bhirakṣetsadā'pramattaḥ samare kirīṭinam /
tathāpi hantāsmi sametya saṅkhye yāsyāmi vā bhīṣmamukho yamāya //

na tvevāhaṃ na gamiṣyāmi teṣāṃ madhye śarāṇāṃ tatra cāhaṃ bravīmi /
mitradruho durbalabhaktayo ye pāpātmāno na mamaite sahāyāḥ //
sañjaya uvāca /

samṛddhimantaṃ rathamuttamaṃ dṛḍhaṃ sakūbaraṃ hemapariṣkṛtaṃ śubham /
patākinaṃ vātajavairhayottamairyuktaṃ samāsthāya yayau jayāya //

sampūjyamānaḥ kurubhirmahātmā ratharṣabho devagaṇairyathendraḥ /
yayau tadāyodhanamugradhanvā yatrāvasānaṃ bharatarṣabhasya //

varūthinā mahatā sadhvajena suvarṇamuktāmaṇiratnamālinā /
sadaśvayuktena rathena karṇo meghasvanenārka ivāmitaujāḥ //

hutāśanābhaḥ sa hutāśanaprabhe śubhaḥ śubhe vai svarathe dhanurdharaḥ /
sthito rarājādhirathirmahārathaḥ svayaṃ vimāne surarāḍivāsthitaḥ //