Mahabharata · Chapter 5.74

etachrutvā mahābāhuḥ keśavaḥ prahasanniva /
abhūtapūrvaṃ bhīmasya mārdavopahitaṃ vacaḥ //

gireriva laghutvaṃ tacchītatvamiva pāvake /
matvā rāmānujaḥ śauriḥ śārṅgadhanvā vṛkodaram //

santejasaṃstadā vāgbhirbhātariśveva pāvakam /
uvāca bhīmamāsīnaṃ kṛpayā'bhipariplutam //
śrībhagavānuvāca /

tvamanyadā bhīmasena yuddhameva praśaṃsasi /
vadhāminandinaḥ krūrāndhārtarāṣṭranmimardiṣuḥ //

na ca svapiṣi jāgarṣi nyubjaḥ śeṣe parantapa /
ghorāmaśāntāṃ ruśatīṃ sadā vācaṃ prabhāṣase //

niḥśvasannagnivattena santaptaḥ svena manyunā /
apraśāntamanā bhīma sadhūma iva pāvakaḥ //

ekānte niḥśvasañśepe bhārārta iva durbalaḥ /
api tvāṃ kecidunmattaṃ manyante'tadvido janāḥ //

ārujya vṛkṣānnirmūlāngajaḥ parirujanniva /
nighnanpadbhiḥ kṣitiṃ bhīma niṣṭananparidhāvasi //

nāsmiñjane na ramase rahaḥ kṣipasi pāṇḍava /
nānyaṃ niśi divā cāpi kadācidabhinandasi //

akasmātsmayamānaśca rahasyāsse rudanniva /
jānvormūrdhānamādhāya ciramāste pramīlitaḥ //

bhrukiṭiṃ ca punaḥ kurvannoṣṭhau ca vidaśanniva /
abhīkṣṇaṃ dṛśyase bhīma sarvaṃ tanmanyukāritam //

yathā tapurastātsavitā dṛśyate śukramuccaran /
yathā ca paścānnirmukto dhruvaṃ paryeti raśmivān //

tathā satyaṃ bravīmyetannāsti tasya vyatikramaḥ /
hantāhaṃ gadayābhyetya duryodhanamamarpaṇam //

iti sma madhye bhrātṛṇāṃ satyenālabhase vadām /
tasya te praśame buddhirdhriyate'dya parantapa //

aho yuddhābhikāṅkṣāṇāṃ yuddhakāla upasthite /
cetāṃsi vipratīpāni yattvāṃ bhībhīma vindati //

aho pārtha nimittāni viparītāni paśyasi /
svapnānte jāgarānte ca tasmātpraśamamicchasi //

aho nāśaṃsase kiñcitpuṃstvaṃ klība ivātmani /
kaśmalenābhipanno'si tena te vikṛtaṃ manaḥ //

udvepate te hṛdayaṃ manaste pratisīdati /
ūrustambhagṛhīto'si tasmātpraśamamicchasi //

anityaṃ kila martyasya pārtha cittaṃ calācalam /
vātavegapracalitā aṣṭhīlā śālmaleriva //

tavaiṣā vikṛtā buddhirgavāṃ vāgiva mānuṣī /
manāṃsi pāṇḍuputrāṇāṃ mañjayatyaplavāniva //

idaṃ me mahādāścaryaṃ parvatasyeva sarpaṇam /
yadīdṛśaṃ prabhāṣethā bhīmasenāsamaṃ vacaḥ //

sa dṛṣṭvā svāni karmāṇi kule janma ca bhārata /
uttiṣṭhasva viṣādaṃ mā kṛthā vīra sthiro bhava //

na caitadanurūpaṃ te yatte glānirarindama /
yadojasā na labhate kṣatriyo na tadaśrute //