Mahabharata · Chapter 3.235
imaṃ tu te mārgamapetadoṣaṃ vakṣyāmi cittagrahaṇāya bhartuḥ /
asminyathāvatsakhi vartamānā bhartāramācchetsyasi kāminībhyaḥ //
naitādṛśaṃ daivatamasti kiñci- tsarveṣulokeṣu sadevakeṣu /
yathā patistasya tu sarvakāmā labhyāḥ prasāde kupitaś hanyāt //
tasmādapatyaṃ vividhāś bhogāḥ śayyāsanānyadbhutadarśanāni /
vastrāṇi mālyāni tathaiva gandhāḥ svargaścaloko vipulā ca kīrtiḥ //
sukhaṃ sukhaneha na jātu labhyaṃ duḥkhena sādhvī labhate sukhāni /
sā kṛṣṇamārādhaya sauhṛdena premṇā ca nityaṃ pratikarmaṇā ca //
snānāsanaiścārubhiragramālyai- rdākṣiṇyayogairvividhaiśca gandhaiḥ /
asyāḥ priyosmīti yathā viditvā tvāmeva saṃśliṣyati sarvabhāvaiḥ //
śrutvā svaraṃ dvāragatas bhartuḥ pratyutthitā tiṣṭha gṛhasya madhye /
dṛṣṭvā praviṣṭaṃ tvaritā'sanena pādyena cainaṃ pratipūjayasva //
sampreṣitāyāmatha caiva dāsyā- mutthāya sarvaṃ svayameva kāryam /
jānātu kṛṣṇastava bhāvametaṃ sarvātmanā māṃ bhajatīti satye //
tvatsannidhau yatkathayetpatiste yadyapyaguhyaṃ parirakṣitavyam /
kācitsapatnī tava vāsudevaṃ pratyādiśettena bhavedvirāgaḥ //
priyāṃśca ramyāṃśca hitāṃś bhartu- stānbhojayethā ravividhairupāyaiḥ /
dveṣyairupekṣyairahitaiś tasya bhidsvanityaṃ kuhakoddhataiśca //
madaṃ pramādaṃ puruṣeṣu hitvā saṃyaccha mānaṃ pratigṛh vācam /
pradyumnasāmbāvapi te kumārau nopāsitavyau rahite kadācit //
mahākulīnābhirapāpikābhiḥ strībhiḥ satībhistava sakhyamastu /
caṇḍāś śauṇḍāśca mahāśanāśca corāśca duṣṭāścapalāśca varjyāḥ //
etadyaśasyaṃ bhagavetanaṃ ca svārthaṃ tadā śatrunibarhaṇaṃ ca /
mahārhamālyābharaṇāṅgarāgā bhartāramārādhaya puṇyagandhaiḥ //
Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0