Mahabharata · Chapter 3.198
idamanyacchrūtāṃ yayātirnāhuṣo rājā rājyasthaḥ paurajanāvṛta āsāñcakre // gurvarthī brāhmaṇa upetyābravīt bho rājangurvarthaṃ bhikṣeyaṃ samayāditi rājovāca //
bravītu bhagavānsamayamiti //
brāhmaṇa uvāca /
vidveṣaṇaṃ paramaṃ jīvaloke kuryānnaraḥ pārthiva yācyamānaḥ /
taṃ tvāṃ pṛcchāmi kathaṃ tu rāja- ndadyādvāndayitaṃ ca me'dya //
rājovāca /
nacānukīrtaye dadya dattvā ayācyamarthaṃ na ca saṃśṛṇomi /
prāpyamarthaṃ ca saṃśrutya taṃ cāpi dattvā susukhī bhavāmi //
dadāmi te rohiṇīnāṃ sahasraṃ priyo hi me brāhmaṇo yācamānaḥ /
na me manaḥ kupyati yācamāne dattaṃ na śocāmi kadācidartham //
ityuktvā brāhmaṇā rājā gosahasraṃ dadau / prāptavāṃśca gavāṃ sahasraṃ brāhmaṇa iti //
Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0