Mahabharata · Chapter 13.63

idaṃ me tattvato rājanvaktumarhasi bhārata /
ahiṃsayitvā'pi kathaṃ brahmahatyā vidhīyate //
bhīṣma uvāca /

vyāsamāmantrya rājendra purā yatpṛṣṭavānaham /
tatte'haṃ sampravakṣyāmi tadihaikamanāḥ śṛṇu //

caturthastvaṃ vasiṣṭhasya tattvamākhyāhi me mune /
ahiṃsayitvā keneha brahmahatyā vidhīyate //

iti pṛṣṭo mayā rājanparāśaraśarīrajaḥ /
abravīnnipuṇo dharme niḥsaṃśayamanuttamam //

brāhmaṇaṃ svayamāhūya bhikṣārthe kṛśavṛttinam /
brūyānnāstīti yaḥ paścāttaṃ vidyādbrahmaghātinam //

madhyasthasyeha viprasya yo'nūcānasya bhārata /
vṛttiṃ harati durbuddhistaṃ vidyādbrahmaghātinam //

gokulasya tṛṣārtasya jalārthamabhidhāvataḥ /
utpādayati yo vighnaṃ taṃ vidyā** hmaghātinam //

yaḥ pravṛttāṃ śrutiṃ samyakū śāstra vā munibhiḥ kṛtam /
dūṣayatyanabhijñāya taṃ vidyādbrahmaghātinam //

ātmajāṃ rūpasampannāṃ mahatīṃ sadṛśe vare /
na prayacchati yaḥ kanyāṃ taṃ vidyādbrahmadhātinam //

adharmanirato mūḍho mithyā yo vai dvijātiṣu /
dadyānmarmātigaṃ śokaṃ taṃ vidyādbrahmaghātinam //

cakṣuṣā viprahīṇasya paṅgulasya jaḍasya vā /
hareta yo vai sarvasvaṃ taṃ vidyā *** ghātinam //

āśrame vā vane vā'pi grāme vā yadi vā pure /
agniṃ samutsṛjenmohāttaṃ vidyādbrahmaghātinam //