Scripture Library

Mahabharata · Chapter 13.56

13.56.1

śrutaṃ bahuvidhaṃ vṛttaṃ kanyakānāṃ mahāmate /
icchāmi yoṣitāṃ śrotuṃ dharmādharmau parigrahe //
nārada uvāca /

13.56.2

aṣṭau bhāryāgamā dharmyā narāṇāṃ dārakarmaṇi /
pretyeha ca hitā yāstu saputrā havyakavyadāḥ //

13.56.3

sādhvī pāṇigṛhītā yā kaumārī pāṇivarjitā /
bhrātṛbhāryā svabhāryeti prasūyetputramaurasam //
mārkaṇḍeya uvāca /

13.56.4

trayo bhāryāgamā jñeyā yatra dharmo na naśyati /
pañcānyāḥ paścimā brūhi bhāryāstāsāṃ ca ye sutāḥ //
nārada uvāca /

13.56.5

sagotrabhāryā krītā ca parabhāryā ca kāritā /
gatāgatā ca yā bhāryā āśramādāhṛtā ca yā //

13.56.6

etā bhāryāgamāḥ pañca punarbhāryā bhavanti yāḥ / etā bhāryā nṛṇāṃ gamyāstatputrā havyakavyadāḥ //

Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0