Scripture Library

Mahabharata · Chapter 13.196

13.196.1

sāramuddhṛtya yuṣmābhiḥ sādhudharma udāhṛtaḥ /
dharmaguhyamidaṃ mattaḥ śṛṇudhvaṃ sarva eva ha //

13.196.2

yeṣāṃ dharmāśritā buddhiḥka śraddadhānāśca ye narāḥ /
teṣāṃ syādupadeṣṭavyaḥ sarahasyo mahāphalaḥ //

13.196.3

nirudvignastu yo dadyānmāsamekaṃ gavāhnikam /
ekabhaktaṃ tathā'śnīyācchrūyatāṃ tasya yatphalam //

13.196.4

imā gāvo mahābhāgāḥ pavitraṃ paramaṃ smṛtāḥ /
trīnlokāndhānayanti sma sadevāsuramānupān //

13.196.5

tāsu caiva mahāpuṇyaṃ śuśrūṣā ca mahāphalam /
ahanyahani dharmeṇa yujyate vai gavāhnikaḥ //

13.196.6

mayā hyetā hyanujñātāḥ pūrvamāsankṛte yuge /
tato'hamanunīto vai brahmaṇā padmayoninā //

13.196.7

tasmādvrajasthānagatastiṣṭhatyupari me vṛṣaḥ /
rame'haṃ saha gobhiśca tasmātpūjyāḥ sadaiva tāḥ //

13.196.8

mahāprabhāvā varadā varaṃ dadyurupāsitāḥ /
tā gāvo'syānumanyante sarvakarmasu yutphalam //

13.196.9

tasya tatra caturbhāgo yo dadāti gavāhnikam // ] //

Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0