Mahabharata · Chapter 13.191

kiñciddharmaṃ pravakṣyāmi mānuṣāṇāṃ sukhāvaham /
sarahasyāśca ye doṣāstāñśṛṇudhvaṃ samāhitāḥ //

agnikāryaṃ ca kartavyaṃ paramānnena bhojanam /
dīpakaścāpi kartavyaḥ pitṝṇāṃ satilodakaḥ //

etena vidhinā martyaḥ śraddadhānaḥ samāhitaḥ /
caturo vārṣikānmāsānyo dadāti tilodakām //

bhojanaṃ ca yathāśaktyā brāhmaṇe vedapārage /
paśubandhaśatasyeha phalaṃ prāpnoti puṣkalam //

idaṃ caivāparaṃ guhyamapraśastaṃ nibodhata /
agnestu vṛṣalo netā havirmūḍhāśca yoṣitaḥ //

manyate dharma eveti ca cādharmeṇi lipyate /
agnayastasya kupyanti śūdrayoniṃ sa gacchati //

pitaraśca na tuṣyanti sahadevairviśeṣataḥ / prāyaścittaṃ tu yattatra bruvatastannibodha me /
yatkṛtvā tu naraḥ samyaksukhī bhavati vijvaraḥ //

gavāṃ mūtrapurīṣeṇi payasā ca ghṛtena ca /
agnikāryaṃ tryahaṃ kuryānnirāhāraḥ samāhitaḥ //

tataḥ saṃvatsare pūrṇe pratigṛhṇanti devatāḥ /
hṛṣyanti pitaraścāsya śrāddhakāla upasthite //

eṣa hyadharmo dharmaśca sarahasyaḥ prakīrtitaḥ / martyānāṃ svargakāmānāṃ pretya svargasukhāvaha // ] //