Mahabharata · Chapter 13.13

atrāpyudāharantīmamitihāsaṃ purātanam /
caturṇāmapi vedānāṃ saṃvādaṃ śṛṇu putraka //
ṛgveda uvāca /

gṛhānāśrayamāṇasya agnihotraṃ ca juhvataḥ /
sarvaṃ sukṛtamādatte yaḥ sāye nudyate'tithiḥ //

na skandate na vyathate nāsyordhvaṃ sarpate rajaḥ /
variṣṭhamagnihotrācca brāhmaṇasya mukhe hutam //
sāmaveda uvāca /

na ceddhanti pitaraṃ mātaraṃ vā na brāhmaṇaṃ nāpavādaṃ karoti /
yatkiñcidanyadvṛjinaṃ karoti / prīto'tithistadupahanti pāpam //
atharvaveda uvāca /

yatkrodhano yajate yaddadāti yadvā tapastapyati yajjuhoti /
vaivasvato harate sarvamasya moghaṃ ceṣṭaṃ bhavati krodhanasya //