Mahabharata · Chapter 12.148

vamānasthau tu tau rājaṃllubdhakaḥ gve dadarśa ha /
dṛṣṭvā tau dampatī rājanvyacintayata tāṃ gatim //

kīdṛśeneha tapasā gaccheyaṃ paramāṃ gatim /
iti buddhyā viniścitya gamanāyopacakrame //

mahāprasthānamāśritya lubdhakaḥ pakṣijīvakaḥ /
niścaṣṭo marudāhāro nirmamaḥ svargakāṅkṣayā //

tato'paśyatsuvistīrṇaṃ hṛdyaṃ padmābhibhūṣitam /
nānāpakṣigaṇākīrṇaṃ saraḥ śītajalaṃ śivam //

pipāṃsārto'pi tadṛṣṭvā tṛptaḥ syānnātra saṃśayaḥ //

upavāsakṛśo'tyarthaṃ sa tu pārthiva lubdhakaḥ /
upasṛtya tu taddhṛṣṭaḥ śvāpadādhyupitaṃ vanam //

mahāntaṃ niścayaṃ kṛtvā lubdhakaḥ praviveśa ha /
praviśanneva sa vanaṃ nigṛhītaḥ sa kaṇṭakaiḥ //

sa kaṇṭakairvibhinnāṅgo lohitārdrīkṛtacchaviḥ /
vabhrāma tasminvijane nānāmṛgasamākule //

tato drumāṇāṃ mahatāṃ pavanena vane tadā /
udatiṣṭhata sangharṣānsumahānhavyavāhanaḥ //

tadvanaṃ vṛkṣasankīrṇaṃ latāviṭapasankulam /
dadāha pāvakaḥ kruddho yugāntāgnisamaprabhaḥ //

sa jvalaiḥ pavanodbhūtairvisphuliṅgaiḥ samantataḥ /
dadāha tadvanaṃ ghoraṃ mṛgapakṣisamākulam //

tataḥ sa dehamokṣārthaṃ samprahṛṣṭena cetasā /
abhyadhāvata vardhantaṃ pāvakaṃ lubdhakastadā //

tatastenāgninā dagdho lubdhako naṣṭakalmaṣaḥ /
jagāma paramāṃ siddhiṃ tato bharatasattama //

tataḥ svargasthamātmānamapaśyadvigatajvaraḥ /
yakṣagandharvasiddhānāṃ madhye bhrājantamindravat //

evaṃ khalu kapotaśca kapotī ca pativratā /
lubdhakena saha svargaṃ gatāḥ puṇyena karmaṇā //

yā'nyā caivaṃvidhā nārī bhartāramanuvartate /
virājate hi sā kṣipraṃ kapotīva divi sthitā //

evametatpurāvṛttaṃ lubdhakasya mahātmanaḥ /
kapotasya ca dharmiṣṭhā gatiḥ puṇyena karmaṇā //

yaścedaṃ śṛṇuyānnityaṃ yaścedaṃ parikīrtayet /
nāśubhaṃ vidyate tasya manasā'pi pramādataḥ //

yudhiṣṭhira mahāneṣa dharmo dharmabhṛtāṃ vara /
goghneṣvapi bhavedasminniṣkṛtiḥ pāpakarmaṇaḥ //

na niṣkṛtirbhavettasya yo hanyāccharaṇāgatam / itihāsamimaṃ śrutvā puṇyaṃ pāpapraṇāśanam /
na durgatipravāpnoti svargalokaṃ ca gacchati //