Mahabharata · Chapter 10.14

iṅgitenaiva dāśārhastasyābhiprāyamāditaḥ /
drauṇerbuddhā mahābāhurarjunaṃ pratyabhāṣata //

arjunārjuna yaddivyamastraṃ te hṛdi vartate /
droṇopadiṣṭaṃ tasyāyaṃ kālaḥ samprati pāṇḍava //

bhrātṝṇāmātmanaścaiva paritrāṇāya bhārata /
visṛjaitattvamapyājāvastramastranivāraṇam //

keśavenaivamukto'tha pāṇḍavaḥ paravīrahā /
avātaradrathāttūrṇaṃ pragṛhya saśaraṃ dhanuḥ //

pūrvamācāryaputrāya tato'nantaramātmane /
bhrātṛbhyaścaiva sarvebhyaḥ svastītyuktvā parantapaḥ //

devatābhyo namaskṛtya gurubhyaścaiva sarvaśaḥ /
utsasarja śivaṃ dhyāyannastramastreṇa śāmyatām //

tatastadas्raṃ sahasā sṛṣṭaṃ gāṇḍīvadhanvanā /
prajajvāla mahārciṣmadyugāntānalasannibham //

tathaiva droṇaputrasya tadastraṃ tigmatejasaḥ /
prajajvāla mahājvālaṃ tejomaṇḍalasaṃvṛtam //

nirghātā bahavaścāsanpeturulkāḥ sahasraśaḥ /
mahadbhayaṃ ca bhūtānāṃ sarveṣāṃ samajāyata //

saśabdamabhavadvyoma jvālāmālākulaṃ bhṛśam /
cacāla ca mahī kṛtsnā saparvatavanadrumā //

tāvastratejasā lokāṃstrāsayantau tataḥ sthitau /
maharṣī sahitau tatra darśayāmāsatustadā //

nāradaḥ sarvadharmātmā bharatānāṃ pitāmahaḥ /
ubhau śamayituṃ vīrau bhāradvājadhanañjayau //

tau munī sarvadharmajñau sarvabhūtahitaipiṇau /
dīptayoras्rayormadhye sthitau paramatejasau //

tadantaramanādhṛṣyāvupagamya yaśasvinau /
āstāmṛṣivarau tatra jvalitāviva pāvakau //

prāṇabhṛdbhiranādhṛṣyau devadānavasammatau /
astratejaḥ śamayituṃ lokānāṃ hitakāmyayā //
ṛṣī ūcatuḥ /

mahāstraviduṣaḥ pūrve ye'pyatītā mahārathāḥ / naitadas्raṃ manuṣyeṣu taiḥ prayuktaṃ kathañcana /
kimidaṃ sāhasaṃ vīrau kṛtavantau mahātyayam //