Mahabharata · Chapter 1.131

jyeṣṭhā'nujyeṣṭhatāṃ teṣāṃ nāmāni ca pṛthakpṛthak /
dhṛtarāṣṭrasya putrāṇāmānupūrvyātprakīrtaya //
vaiśampāyana uvāca /

duryodhano yuyutsuśca rājanduḥśāsanastathā /
duḥsaho duḥśalaścaiva jalasandhaḥ samaḥ sahaḥ //

vindānuvindau durdharṣaḥ subāhurduṣpradharṣaṇaḥ /
durmarṣaṇo durmukhaśca duṣkarṇaḥ karṇa eva ca //

viviṃśatirvikarṇaśca śalaḥ satvaḥ sulocanaḥ /
citropacitrau citrākṣaścārucitraḥ śarāsanaḥ //

durmado durvigāhaśca vivitsurvikaṭānanaḥ /
ūrṇanābhaḥ sunābhaśca tathā nandopanandakau //

citrabāṇaścitravarmā suvarmā durvimocanaḥ /
ayobāhurmahābāhuścitrāṅgaścitrakuṇḍalaḥ //

bhīmavego bhīmabalo balākī balavardhanaḥ /
ugrāyudhaḥ suṣeṇaśca kuṇḍadhāro mahodaraḥ //

citrāyudho niṣaṅgī ca pāśī vṛndārakastathā /
dṛḍhavarmā dṛḍhakṣatraḥ somakīrtiranūdaraḥ //

dṛḍhasandho jarāsandhaḥ satyasandhaḥ sadaḥ suvāk /
ugraśravā ugrasenaḥ senānīrduṣparājayaḥ //

aparājitaḥ kuṇḍaśāyī viśālākṣo durādharaḥ /
dṛḍhahastaḥ suhastaśca vātavegasuvarcasau //

ādityaketurbahvāśī nāgadatto'grayāyyapi /
kavacī krathanaḥ kuṇḍī kuṇḍadhāro dhanurdharaḥ //

ugrabhīmarathau vīrau vīrabāhuralolupaḥ /
abhayo raudrakarmā ca tathā dṛḍharathāśrayaḥ //

anādhṛṣyaḥ kuṇḍabhedī virāvī citrakuṇḍalaḥ /
pramathaśca pramāthī ca dīrgharomaśca vīryavān //

dīrghabāhurmahābāhurvyūḍhorāḥ kanakadhvajaḥ /
kuṇḍāśī virājāścaiva duḥśalā ca śatādhikā //

iti putraśataṃ rājankanyā caiva śatādhikā /
nāmadheyānupūrvyeṇa viddhi janmakramaṃ nṛpa //

sarve tvatirathāḥ śūrāḥ sarve yuddhaviśāradāḥ /
sarve vedavidaścaiva sarve sarvāstrakovidāḥ //

sarveṣāmanurūpāśca kṛtā dārā mahīpate /
dhṛtarāṣṭreṇa samaye parīkṣya vivivannṛpa //

duḥśalāṃ cāpi samaye dhṛtarāṣṭro narādhipaḥ /
jayadrathāya pradadau vidhinā bharatarṣabha //

iti putraśataṃ rājanyuyutsuśca śatādhikaḥ /
kanyakā duḥśalā caiva yathāvatkīrtitaṃ mayā //