madhusūdanastotram · Chapter 1

śrī gaṇeśāya namaḥ //
omiti jñānamātreṇa rogājīrṇena nirjitā /
kālanidrāṃ prapanno'smi trāhi māṃ madhusūdana

na gatirvidyate cānyā tvameva śaraṇaṃ mama /
pāpapaṅke nimagnosmi trāhi māṃ madhusūdana

mohito mohajālena putradāragṛhādiṣu /
tṛṣṇayā pīḍyamāno'smi trāhi māṃ madhusūdana

bhaktihīnaṃ ca dīnaṃ ca duḥkhaśokāturaṃ prabho /
anāśrayamanāthaṃ ca trāhi māṃ madhusūdana

gatāgatenaśrāntosmi dīrghasaṃsāravatmarstu /
yena bhūyo na gacchāmi trāhi māṃ madhusūdana

vahavo hi mayā dṛṣṭāḥ kleśāścaiva pṛthak pṛthak /
garbhavāse mahadduḥkhaṃ trāhi māṃ madhusūdana

tena deva prapannosmi trāṇārthaṃ tvatparāyaṇaḥ /
duḥkhārṇavaparitrāṇāt trāhi māṃ madhusūdana

vācā yacca pratijñātaṃ karmaṇā topapāditam /
tatpāpārjitamagnosmi trāhi māṃ madhusūdana

sukṛtaṃ na kṛtaṃ kiñcidduṣkṛtaṃ ca kṛtaṃ mayā /
saṃsāraghore magnosmi trāhi māṃ madhusūdana

dehāntarasahastreṣu cānyonyabhrāmito mayā /
tiryaktvaṃ mānuṣtvaṃ ca trāhi māṃ madhusūdana

vācayāmi yathonmattaḥ pralapāmi tavāgrataḥ /
jarāmaraṇabhītosmi trāhi māṃ madhusūdana

yatra yatra ca yātosmi strīṣu vā puruṣeṣu ca /
tatra tatrācalā bhaktistrāhi māṃ madhusūdana

gatvā gatvā nivartante candrasūryādayo grahāḥ /
adyāpi na nibarttante dvādaśākṣaracintakāḥ

ūrdhvapātālamartyeṣu vyāptaṃ lokaṃ jagattrayam /
dvādaśākṣarātparaṃ nāsti vāsudevena bhāṣitam

dvādaśākṣaraṃ mahāmantraṃ sarvakāmaphalapradam /
garbhavāsanivāsena śukena paribhāṣitam

dvādaśākṣaraṃ nirāhāro yaḥ yaḥ paṭhedharivāsare /
sa gacchedvaiṣṇavasthānaṃ yatra yogeśvaro hariḥ

iti śrīśukadevaviracitaṃ madhusūdanastotraṃ saṃpūrṇam //