મધુસૂદનસ્તોત્રમ્ · અધ્યાય 1

શ્રી ગણેશાય નમઃ ॥
ઓમિતિ જ્ઞાનમાત્રેણ રોગાજીર્ણેન નિર્જિતા ।
કાલનિદ્રાં પ્રપન્નોઽસ્મિ ત્રાહિ માં મધુસૂદન

ન ગતિર્વિદ્યતે ચાન્યા ત્વમેવ શરણં મમ ।
પાપપઙ્કે નિમગ્નોસ્મિ ત્રાહિ માં મધુસૂદન

મોહિતો મોહજાલેન પુત્રદારગૃહાદિષુ ।
તૃષ્ણયા પીડ્યમાનોઽસ્મિ ત્રાહિ માં મધુસૂદન

ભક્તિહીનં ચ દીનં ચ દુઃખશોકાતુરં પ્રભો ।
અનાશ્રયમનાથં ચ ત્રાહિ માં મધુસૂદન

ગતાગતેનશ્રાન્તોસ્મિ દીર્ઘસંસારવત્મર્સ્તુ ।
યેન ભૂયો ન ગચ્છામિ ત્રાહિ માં મધુસૂદન

વહવો હિ મયા દૃષ્ટાઃ ક્લેશાશ્ચૈવ પૃથક્ પૃથક્ ।
ગર્ભવાસે મહદ્દુઃખં ત્રાહિ માં મધુસૂદન

તેન દેવ પ્રપન્નોસ્મિ ત્રાણાર્થં ત્વત્પરાયણઃ ।
દુઃખાર્ણવપરિત્રાણાત્ ત્રાહિ માં મધુસૂદન

વાચા યચ્ચ પ્રતિજ્ઞાતં કર્મણા તોપપાદિતમ્ ।
તત્પાપાર્જિતમગ્નોસ્મિ ત્રાહિ માં મધુસૂદન

સુકૃતં ન કૃતં કિઞ્ચિદ્દુષ્કૃતં ચ કૃતં મયા ।
સંસારઘોરે મગ્નોસ્મિ ત્રાહિ માં મધુસૂદન

દેહાન્તરસહસ્ત્રેષુ ચાન્યોન્યભ્રામિતો મયા ।
તિર્યક્ત્વં માનુષ્ત્વં ચ ત્રાહિ માં મધુસૂદન

વાચયામિ યથોન્મત્તઃ પ્રલપામિ તવાગ્રતઃ ।
જરામરણભીતોસ્મિ ત્રાહિ માં મધુસૂદન

યત્ર યત્ર ચ યાતોસ્મિ સ્ત્રીષુ વા પુરુષેષુ ચ ।
તત્ર તત્રાચલા ભક્તિસ્ત્રાહિ માં મધુસૂદન

ગત્વા ગત્વા નિવર્તન્તે ચન્દ્રસૂર્યાદયો ગ્રહાઃ ।
અદ્યાપિ ન નિબર્ત્તન્તે દ્વાદશાક્ષરચિન્તકાઃ

ઊર્ધ્વપાતાલમર્ત્યેષુ વ્યાપ્તં લોકં જગત્ત્રયમ્ ।
દ્વાદશાક્ષરાત્પરં નાસ્તિ વાસુદેવેન ભાષિતમ્

દ્વાદશાક્ષરં મહામન્ત્રં સર્વકામફલપ્રદમ્ ।
ગર્ભવાસનિવાસેન શુકેન પરિભાષિતમ્

દ્વાદશાક્ષરં નિરાહારો યઃ યઃ પઠેધરિવાસરે ।
સ ગચ્છેદ્વૈષ્ણવસ્થાનં યત્ર યોગેશ્વરો હરિઃ

ઇતિ શ્રીશુકદેવવિરચિતં મધુસૂદનસ્તોત્રં સંપૂર્ણમ્ ॥