Laghusiddhāntakaumudī · Verses 523-542

salopaḥ / edheta / edheyātām //
jhasya ran

liṅo jhasya ran syāt / edheran / edhethāḥ / edheyāthām / edhedhvam //
iṭo 't

liṅādeśasya iṭo 'tsyāt / edheya / edhevahi / edhemahi //
suṭ tithoḥ

liṅastathoḥ suṭ / yalopaḥ / ārdhadhātukatvātsalopo na / edhiṣīṣṭa / edhiṣīyāstām / edhiṣīran / edhiṣīṣṭhāḥ / edhiṣīyāsthām / edhiṣīdhvam / edhiṣīya / edhiṣīvahi / edhiṣīmahi / aidhiṣṭa / aidhiṣātām //
ātmanepadeṣvanataḥ

anakārātparasyātmanepadeṣu jhasya adityādeśaḥ syāt / aidhiṣata / aidhiṣṭhāḥ / aidhiṣāthām / aidhiḍhvam / aidhiṣi / aidhiṣvahi / aidhiṣmahi / aidhiṣyata / aidhiṣyetām / aidhiṣyanta / aidhiṣyathāḥ / aidhiṣyethām / aidhiṣyadhvam / aidhiṣye / aidhiṣyāvahi / aidhiṣyāmahi // kamu kāntau // 2 //
kramerṇiṅ

svārthe / ṅittvāttaṅ / kāmayate //
ayāmantālvāyyetnviṣṇuṣu

ām anta ālu āyya itnu iṣṇu eṣu ṇerayādeśaḥ syāt / kāmāyāñcakre / āyādaya iti ṇiṅ vā / cakame / cakamāte / cakamire / cakamiṣe / cakamāthe / cakamidhve / cakame / cakamivahe / cakamimahe / kāmayitā / kāmayitāse / kamitā / kāmayiṣyate, kamiṣyate / kāmayatām / akāmayata / kāmayeta / kāmayiṣīṣṭa //
vibhāṣeṭaḥ

iṇaḥ paro ya iṭ tataḥ pareṣāṃ ṣīdhvaṃluṅliṭāṃ dhasya vā ḍhaḥ / kāmayiṣīḍhvam, kāmayiṣīdhvam / kamiṣīṣṭa / kamiṣīdhvam //
ṇiśridruśrubhyaḥ kartari caṅ

ṇyantāt śryādibhyaśca cleścaṅ syāt kartrarthe luṅi pare / akāmi a ta iti sthite -- .
ṇeraniṭi

aniḍādāvārdhadhātuke pare ṇerlopaḥ syāt /
ṇau caṅyupadhāyā hrasvaḥ

caṅpare ṇau yadaṅgaṃ tasyopadhāyā hrasvaḥ syāt //
caṅi

caṅi pare anabhyāsasya dhātvavayavasyaikācaḥ prathamasya dve sto 'jāderdvitīyasya //
sanvallaghuni caṅpare 'naglope

caṅpare ṇau yadaṅgaṃ tasya yo 'bhyāso laghuparaḥ, tasya sanīva kāryaṃ syāṇṇāvaglope 'sati //
sanyataḥ

abhyāsasyāta it syāt sani //
dīrgho laghoḥ

laghorabhyāsasya dīrghaḥ syāt sanvadbhāvaviṣaye / acīkamata, ṇiṅbhāvapakṣe -- ( kameścleścaṅ vācya ḥ) / acakamata / akāmayiṣyata, akamiṣyata // aya gatau // 3 // ayate //
upasargasyāyatau

ayatiparasyopasargasya yo rephastasya latvaṃ syāt / plāyate / palāyate //
dayāyāsaśca

day ay ās ebhya ām syālliṭi / ayāñcakre / ayitā / ayiṣyate / ayatām / āyata / ayeta / ayiṣīṣṭa / vibhāṣeṭaḥ / ayiṣīḍhvam, ayiṣīdhvam / āyiṣṭa / āyiḍhvam, āyidhvam / āyiṣyata // dyuta dīptau // 4 // dyotate //
dyutisvāpyoḥ samprasāraṇam

anayorabhyāsasya samprasāraṇaṃ syāt / didyute //
dyudbhyo luṅi

dyutādibhyo luṅaḥ parasmaipadaṃ vā syāt / puṣādītyaṅ / adyutat, adyotiṣṭa / adyotiṣyata // evaṃ śvitā varṇe // 5 // ñimidā snehane // 6 // ñiṣvidā snehanamocanayoḥ // 7 // mohanayorityeke / ñikṣvidā cetyeke // ruca dīptāvabhiprītau ca // 8 // ghuṭa parivartane // 9 // śubha dīptau // 10 // kṣubha saṃcalane // 11 // ṇabha tubha hiṃsāyām // 12-13 // sraṃsu bhraṃsu dhvaṃsu avasraṃsane // 14-15-16 // dhvaṃsu gatau ca // srambhu viśvāse // 17 // vṛtu vartane // 18 // vartate / vavṛte / vartitā //
vṛdbhyaḥ syasanoḥ

vṛtādibhyaḥ pañcabhyo vā parasmaipadaṃ syātsye sani ca //
na vṛdbhyaścaturbhyaḥ