Kauśikasūtra · Part 6177

(KauśS_11,6[85].23) ukto homo dakṣiṇata staraṇaṃ ca
(KauśS_11,6[85].24) <etad ā roha [18.3.73]> <dadāmi [18.2.37]>_iti kaniṣṭho nivapati
(KauśS_11,6[85].25) <edaṃ barhir [18.4.52]> iti sthitasūnur yathāparu saṃcinoti
(KauśS_11,6[85].26) <mā te mano [18.2.24]> <yat te aṅgam [18.2.26]> <indro mā [18.3.25]>_<udapūr [18.3.37]> ity āto_anumantrayate
(KauśS_11,6[85].27) dhānāḥ saliṅgābhir āvapati
(KauśS_11,7[86].1) <idaṃ kasāmbu [18.4.37]>_iti sajātān avekṣayati
(KauśS_11,7[86].2) <ye ca jīvā [18.4.57]> <ye te pūrve parāgatā [18.3.72]> iti sarpirmadhubhyāṃ caruṃ pūrayitvā śīrṣadeśe nidadhāti
(KauśS_11,7[86].3) <apūpavān [18.4.16]> iti mantroktaṃ dikṣu_aṣṭamadeśeṣu nidadhāti
(KauśS_11,7[86].4) madhye pacantam
(KauśS_11,7[86].5) <sahasradhāraṃ śatadhāram [18.4.36]> ity adbhir abhiviṣyandya
(KauśS_11,7[86].6) <parṇo rājā [18.4.53]>_iti madhyamapalāśair abhinidadhāti
(KauśS_11,7[86].7) <ūrjo bhāgo [18.4.54]>_ity aśmabhiḥ
(KauśS_11,7[86].8) <ut te stabhnāmi [18.3.52]>_iti logān yathāparu
(KauśS_11,7[86].9) niḥśīyatām agham iti niḥśīyamānenāvachādya darbhair avastīrya
(KauśS_11,7[86].10) <idam id vā u na [18.2.50]>_<upa sarpa [18.3.49]>_<asau hā [18.4.66]> iti cinvanti
(KauśS_11,7[86].11) <yathā yamāya [18.4.55]>_iti saṃśritya
(KauśS_11,7[86].12) śṛṇātv agham ity upariśira stambam ādadhāti
(KauśS_11,7[86].13) pratiṣiddham ekeṣām
(KauśS_11,7[86].14) akalmāṣāṇāṃ kāṇḍānām aṣṭāṅgulīṃ tejanīm antarhitam agham iti grāmadeśād ucchrayati
(KauśS_11,7[86].15) prasavyaṃ pariṣicya kumbhān bhindanti
(KauśS_11,7[86].16) <sameta [7.21.1 (thus em.!)]>_iti aparasyāṃ śmaśānasraktyāṃ dhruvanāni_ upayachante
(KauśS_11,7[86].17) paścād uttarato_agner <varcasā māṃ [18.3.10]> <vivasvān [18.3.61]> <indra kratuṃ [18.3.67]>_ity ātaḥ
(KauśS_11,7[86].18) <sam indhate [18.4.41 (e.a.)]>_iti paścāt saṃkasukam uddīpayati
(KauśS_11,7[86].19) <asmin vayaṃ [12.2.13]> <yad ripraṃ [12.2.40]> <sīse mṛḍḍhvaṃ [12.2.19]>_ity abhyavanejayati
(KauśS_11,7[86].20) kṛṣṇorṇayā pāṇipādān nimṛjya
(KauśS_11,7[86].21) <ime jīvā [12.2.22]> <udīcīnaiḥ [12.2.29]>_iti mantroktam
(KauśS_11,7[86].22) <triḥ sapta [12.2.29c]>_iti kūdyā padāni lopayitvā [ed. yopayitvā -- corrigenda ed. p. 424] śmaśānāt
(KauśS_11,7[86].23) <mṛtyoḥ padaṃ [12.2.30]>_iti dvitīyayā nāvaḥ
(KauśS_11,7[86].24) <paraṃ mṛtyo [12.2.21]> iti prāgdakṣiṇam kūdīṃ pravidhya
(KauśS_11,7[86].25) sapta nadīrūpāṇi kārayitvā_udakena pūrayitvā
(KauśS_11,7[86].26) <ā rohata savitur nāvam etāṃ [12.2.48c]> <sutrāmāṇaṃ [7.6.3]> <mahīm ū ṣu [7.6.2]>_iti sahiraṇyāṃ sayavāṃ nāvam ārohayati
(KauśS_11,7[86].27) <aśmanvatī rīyate [12.2.26]>_<ut tiṣṭhatā pra taratā sakhāyo [12.2.27]>_ity udīcas tārayati
(KauśS_11,7[86].28) śarkarādi_ā samidādhānāt
(KauśS_11,7[86].29) vaivasvatādi samānam
(KauśS_11,7[86].30) prāpya gṛhān samānaḥ piṇḍapitṛyajñaḥ
(KauśS_11,8[87].1) atha piṇḍapitṛyajñaḥ
(KauśS_11,8[87].2) amāvāsyāyāṃ sāyaṃ nyahne_ahani vijñāyate [cf. 18.4.65?]
(KauśS_11,8[87].3) <mitrāvaruṇā pari mām adhātām [18.3.12]> iti pāṇī prakṣālayate
(KauśS_11,8[87].4) <varcasā māṃ [18.3.10]>_ity ācāmati
(KauśS_11,8[87].5) punaḥ savyenācamanād apasavyaṃ kṛtvā praiṣakṛtaṃ samādiśati

(KauśS_11,8[87].6) ulūkhalamusalaṃ śūrpaṃ caruṃ kaṃsaṃ prakṣālaya barhir udakumbham ā hara_iti
(KauśS_11,8[87].7) yajñopavītī dakṣiṇapūrvam antardeśam abhimukhaḥ śūrpa ekapavitrāntarhitān haviṣyān nirvapati
(KauśS_11,8[87].8) idam <agnaye kavyavāhanāya [18.4.71]> <svadhā pitṛbhyaḥ pṛthiviṣadbhyaḥ [18.4.78]>_itīdaṃ <somāya pitṛmate svadhā [18.4.72]> <pitṛbhyaḥ somavadbhyaḥ [18.4.73]> <pitṛbhyo vāntarikṣasadbhyaḥ [18.4.79]>_itīdaṃ <yamāya pitṛmate [18.4.74]> <svadhā pitṛbhyaś ca diviṣadbhyaḥ [18.4.80]>_iti trīn avācīnakāśīn nirvapati
(KauśS_11,8[87].9) ulūkhala opya trir avahanti_<idaṃ vaḥ pitaro haviḥ>_iti
(KauśS_11,8[87].10) yathā havis tathā paricarati
(KauśS_11,8[87].11) havir hi_eva pitṛyajñaḥ
(KauśS_11,8[87].12) praiṣakṛtaṃ samādiśanti caruṃ prakṣālayādhiśrayāpa opya taṇḍulān āvapasva nekṣaṇena yodhayann āsva mā śiro grahīḥ
(KauśS_11,8[87].13) śirograhaṃ paricakṣate
(KauśS_11,8[87].14) bāhyena_upaniṣkramya yajñopavītī dakṣiṇapūrvam antardeśam abhimukha <ud īratām [18.1.44]> iti karṣūṃ khanati prādeśamātrīṃ tiryagaṅgurim
(KauśS_11,8[87].15) avāgaṅguriṃ parvamātrīm ity eke
(KauśS_11,8[87].16) <apahatā asurā rakṣāṃsi ye pitṛṣadaḥ [cf. VSM 2.29, ManB 2.3.3]>_iti prāgdakṣiṇaṃ pāṃsūn udūhati
(KauśS_11,8[87].17) karṣūṃ ca pāṇī ca prakṣālya_<etad vaḥ pitaraḥ pātram> iti karṣūm udakena pūrayitvā
(KauśS_11,8[87].18) antarupātītya mastunā navanītena vā pratinīya dakṣiṇāñcam udvāsya
(KauśS_11,8[87].19) dve kāṣṭhe gṛhītvā_<uśantas [18.1.56]>_ity ādīpayati
(KauśS_11,8[87].20) ādīptayor ekaṃ pratinidadhāti
(KauśS_11,8[87].21) <ihaivaidhi dhanasanir [18.4.38]> ity ekaṃ hṛtvā
(KauśS_11,8[87].22) pāṃsuṣu_ādhāya_upasamādadhāti <ye nikhātāḥ [18.2.34]> <sam indhate [18.4.41 (e.a.)]> <ye tātṛṣur [18.3.47]> <ye satyāso [18.3.48]>_iti
(KauśS_11,8[87].23) saṃbhārān upasādayati
(KauśS_11,8[87].24) paryukṣaṇīṃ barhir udakumbhaṃ kaṃsaṃ darvim ājyam āyavanaṃ caruṃ vāsāṃsy āñjanam abhyañjanam iti
(KauśS_11,8[87].25) yad atra_upasamāhāryaṃ bhavati tad upasamāhṛtya
(KauśS_11,8[87].26) ato yajñopavītī pitryupavītī barhir gṛhītvā vicṛtya saṃnahanaṃ dakṣiṇāparam aṣṭamadeśam abhyavāsyet
(KauśS_11,8[87].27) barhir udakena saṃprokṣya <barhiṣadaḥ pitara [18.1.51]> <upahūtā naḥ pitaraḥ [18.3.45]>_<agniṣvāttāḥ pitaro [18.3.44]> <ye naḥ pituḥ pitaro [18.3.46]> <ye 'smākaṃ [18.4.68]>_iti prastṛṇāti
(KauśS_11,8[87].28) āyāpanādīni trīṇi
(KauśS_11,8[87].29) <ud īratām [18.1.44]> iti tisṛbhir udapātrāṇi_anvṛcaṃ ninayet
(KauśS_11,8[87].30) ataḥ pitryupavītī yajñopavītī <ye dasyavaḥ [18.2.28]>_ity ubhayata ādīptam ulmukaṃ triḥ prasavyaṃ parihṛtya nirasyati
(KauśS_11,8[87].31) paryukṣya
(KauśS_11,9[88].1) <ye rūpāṇi pratimuñcamānā asurāḥ santaḥ svadhayā caranti | tvaṃ tān agne apa sedha dūrān satyāḥ naḥ pitṝṇāṃ santv āśiṣaḥ svahā svadhā [-, cf. VS 2.20, ManB 2.3.4]>_iti hutvā kumbhīpākam abhighārayati
(KauśS_11,9[88].2) <agnaya kavyavāhanāya [18.4.71]>_iti juhoti
(KauśS_11,9[88].3) yathāniruptaṃ dvitīyām
(KauśS_11,9[88].4) <yamāya pitṛmate [18.4.74] <svadhā pitṛbhyaḥ [18.4.78]> iti tṛtīyām
(KauśS_11,9[88].5) <yad vo agnir [18.4.64]> iti sāyavanān_taṇḍulān
(KauśS_11,9[88].6) <saṃ barhir [7.98.1]> iti sadarbhān_taṇḍulān paryukṣya
(KauśS_11,9[88].7) ato yajñopavītī pitryupavītī darvyā_uddharati
(KauśS_11,9[88].8) dyaur darvir akṣitāparimitānupadastā sā yathā dyaur darvir akṣitāparimitānupadastā_evā [read _evaṃ? ;Srautakośa I Eng. I p. 488] pratatāmahasya_iyaṃ darvir akṣitāparimitānupadastā
(KauśS_11,9[88].9) antarikṣaṃ darvir akṣitāparimitānupadastā sā yathāntarikṣam darvir akṣitāparimitānupadastā_evā [read _evaṃ? ;Srautakośa I Eng. I p. 488] tatāmahasya_iyaṃ darvir akṣitāparimitānupadastā
(KauśS_11,9[88].10) pṛthivī darvir akṣitāparimitānupadastā sā yathā pṛthivī darvir akṣitāparimitānupadastā_evā [read _evaṃ? ;Srautakośa I Eng. I p. 488] tatasya_iyaṃ darvir akṣitāparimitānupadastā_iti
(KauśS_11,9[88].11) uddhṛtyājyena saṃnīya trīn piṇḍān saṃhatān nidadhāti_<etat te pratatāmaha [18.4.75]>_iti
(KauśS_11,9[88].12) dakṣiṇataḥ patnībhyaḥ_<idaṃ vaḥ patnyaḥ>_iti
(KauśS_11,9[88].13) idam āśaṃsūnām idam āśaṃsamānānāṃ strīṇāṃ puṃsāṃ prakīrṇāvaśīrṇānāṃ <yeṣāṃ vayaṃ dātāro ye cāsmākam upajīvanti | tebhyaḥ sarvebhyaḥ sapatnīkebhyaḥ svadhāvad akṣayyam astu [-]>_iti triḥ prasavyaṃ taṇḍulaiḥ parikirati
(KauśS_11,9[88].14) piñjūlīr āñjanaṃ sarpiṣi paryasya_<addhvaṃ pitaraḥ>_iti nyasyati

(KauśS_11,9[88].15) <vaddhvaṃ pitaro mā vo 'to 'nyat pitaro yoyuvata [-]>_iti sūtrāṇi
(KauśS_11,9[88].16) <añjate vy añjate [18.3.18]>_ity abhyañjanam
(KauśS_11,9[88].17) ājyenāvichinnaṃ piṇḍān abhighārayati <ye ca jīvā [18.4.57]> <ye te pūrve parāgatā [18.3.72]> iti
(KauśS_11,9[88].18) <atra pitaro mādayadhvaṃ yathābhāgaṃ yathālokam āvṛṣāyadhvam [cf. VSM 2.31, ManB 2.3.6 etc.]> iti
(KauśS_11,9[88].19) <atra patnyo mādayadhvaṃ yathābhāgaṃ yathālokam āvṛṣāyadhvam [cf. VSM 2.31, ManB 2.3.6 etc.]> iti
(KauśS_11,9[88].20) yo_asau_antaragnir bhavati taṃ pradakṣiṇam avekṣya tisras tāmīs tāmyati
(KauśS_11,9[88].21) pratiparyāvṛtya_<amīmadanta pitaro yathābhāgaṃ yathālokam āvṛṣāyiṣata [cf. VSM 2.31, ManB 2.3.7 etc.]>_iti
(KauśS_11,9[88].22) <amīmadanta patnyo yathābhāgaṃ yathālokam āvṛṣāyiṣata [cf. VSM 2.31, ManB 2.3.7 etc.]>_iti
(KauśS_11,9[88].23) <āpo agniṃ [18.4.40]>_ity adbhir agnim avasicya
(KauśS_11,9[88].24) <putraṃ pautram abhitarpayantīr [18.4.39]> ity <ācāmata mama pratatāmahās tatāmahās tatāḥ sapatnīkās tṛpyantv ācāmantu [-]>_iti prasavyaṃ pariṣicya
(KauśS_11,9[88].25) <vīrān me pratatāmahā datta vīrān me tatāmahā datta vīrān me pitaro datta> pitṝn vīrān yācati
(KauśS_11,9[88].26) <namo vaḥ pitara [18.4.81ff.]> ity upatiṣṭhate
(KauśS_11,9[88].27) <akṣann [18.4.61]> ity uttarasicam avadhūya
(KauśS_11,9[88].28) <parā yāta [18.4.63]>_iti parāyāpayati
(KauśS_11,9[88].29) ataḥ pitryupavītī yajñopavītī <yan na idaṃ pitṛbhiḥ saha mano 'bhūt tad upāhvayāmi [-]>_iti mana upāhvayati
(KauśS_11,10[89].1) <mano nv ā hvāmahe nārāśaṃsena [corr. Bloomfield GGA 1902 514 -- ed. nāra-] stomena | pitṝṇāṃ ca manmabhiḥ || ā na etu manaḥ punaḥ kratve dakṣāya jīvase | jyok ca sūryaṃ dṛśe || punar naḥ pitaro mano dadātu daivyo [ed. daivyaḥ] janaḥ | jīvaṃ vrātaṃ sacemahi || vayaṃ soma vrate tava manas tanūṣu bibhrataḥ prajāvantaḥ sacemahi [PS 19.24.10-13, VaitS 20.9]> || <ye sajātāḥ sumanaso jīvā jīveṣu māmakāḥ | teṣā;m śrīr mayi kalpatām asmin goṣṭhe śata;m samāḥ [VSM 19.46 etc.]>_iti
(KauśS_11,10[89].2) yat_carusthālyām odanāvaśiṣṭaṃ bhavati tasya_ūṣmabhakṣaṃ bhakṣayitvā brāhmaṇāya dadyāt
(KauśS_11,10[89].3) yadi brāhmaṇo na labhyetāpsu_abhyavaharet
(KauśS_11,10[89].4) nijāya dāsāya_ity eke
(KauśS_11,10[89].5) madhyamapiṇḍaṃ patnyai putrakāmāyai prayachati
(KauśS_11,10[89].6) <ā dhatta pitaro garbhaṃ kumāraṃ puṣkarasrajam | yatheha puruṣo 'sat || [VSM 2.33 etc.]> <ā tvārukṣad vṛṣabhaḥ pṛśnir agriyo medhāvinaṃ pitaro garbham ā dadhuḥ | ā tvāyaṃ puruṣo gamet puruṣaḥ puruṣād adhi | sa te śraiṣṭhyāya jāyatāṃ sa some sāma gāyatu [-, cf. .RV 9.83.3]>_iti
(KauśS_11,10[89].7) yadi_anyā dvitīyā bhavati_aparaṃ tasyai
(KauśS_11,10[89].8) prāgratamaṃ śrotriyāya
(KauśS_11,10[89].9) atha yasya bhāryā dāsī vā pradrāviṇī bhavati ye_amī taṇḍulāḥ prasavyaṃ parikīrṇā bhavanti tān_tasyai prayachati
(KauśS_11,10[89].10) <arvācy +upasaṃkrāma [ed. upasaṃkrame] mā parācy apa vartathāḥ [ed. upa vastathā] | annaṃ prāṇasya bandhanaṃ tena badhnāmi tvā mayi [-, emendations Caland, Ahnencult p. 192, cf. ManB 1.3.10]>_iti
(KauśS_11,10[89].11) paryukṣaṇīṃ samidhaś cādāya <mā pra gāma [13.1.59]>_ity āvrajya_<ūrjaṃ bibhrad [7.60.1]> iti gṛhān upatiṣṭhate
(KauśS_11,10[89].12) <ramadhvaṃ mā bibhītanāsmin goṣṭhe karīṣiṇaḥ | ūrjaṃ duhānāḥ śucayaḥ śucivratā gṛhā jīvanta upa vaḥ sadema || ūrjaṃ me devā adadur ūrjaṃ manuṣyā uta | ūrjaṃ pitṛbhya āhārṣam ūrjasvanto gṛhā mama || payo me devā adaduḥ payo manuṣyā uta | payaḥ pitṛbhya āhārṣaṃ payasvanto gṛhā mama || [PS 18.82.3-5]> <vīryaṃ me devā adaduḥ vīryaṃ manuṣyā uta | vīryaṃ pitṛbhya āhārṣaṃ vīravanto gṛhā mama || [-, cf. PS 18.82.4-5]>_iti
(KauśS_11,10[89].13) antarupātītya samidho 'bhyādadhāti | <ayaṃ no agnir adhyakṣo 'yaṃ no vasuvittamaḥ | asyopasadye mā riṣāmāyaṃ rakṣatu naḥ prajām || asmin sahasraṃ puṣyāsmaidhamānāḥ sve gṛhe | imaṃ sam indhiṣīmahy āyuṣmantaḥ suvarcasaḥ || [PS 20.61.5-6]> <tvam agna īḍito [18.3.42]>_<ā tvāgna indhīmahi [18.4.88]>_iti
(KauśS_11,10[89].14) <abhūd dūtaḥ [18.4.65]>_ity agniṃ pratyānayati
(KauśS_11,10[89].15) yadi sarvaḥ praṇītaḥ syād dakṣiṇāgnau tu_etad āhitāgneḥ
(KauśS_11,10[89].16) gṛhye +'pi_anāhitāgneḥ [ed. gṛhyeṣv, cf. Caland Ahnencult p. 15]
(KauśS_11,10[89].17) <idaṃ cin me kṛtam astīdaṃ cic chaknavāni | pitaraś cin mā vedan [-]>_iti
(KauśS_11,10[89].18) yo ha yajate taṃ devā vidur yo dadāti taṃ manuṣyā yaḥ śrāddhāni kurute taṃ pitaras taṃ pitaraḥ
(KauśS 11 Colophon) iti atharvavede kauśikasūtre ekādaśo 'dhyāyaḥ samāptaḥ
(KauśS_12,1[90].1) madhuparkam āhārayiṣyan darbhān āhārayati
(KauśS_12,1[90].2) atha viṣṭarān kārayati
(KauśS_12,1[90].3) sa khalu_ekaśākham eva prathamaṃ pādyaṃ dviśākham āsanaṃ triśākhaṃ madhuparkāya
(KauśS_12,1[90].4) sa yāvato manyeta tāvata upādāya vivicya saṃparyāpya mūlāni ca prāntāni ca yathāvistīrṇa iva syād ity upotkṛṣya madhyadeśe_abhisaṃnahyati
(KauśS_12,1[90].5) <ṛtena tvā satyena tvā tapasā tvā karmaṇā tvā>_iti saṃnahyati
(KauśS_12,1[90].6) atha ha sṛjati_<atisṛṣṭo dveṣṭā yo 'smān dveṣṭi yaṃ ca vayaṃ dviṣmaḥ>

(KauśS_12,1[90].7) asya ca dātur iti dātāram īkṣate
(KauśS_12,1[90].8) atha_udakam āhārayati pādyaṃ bho iti
(KauśS_12,1[90].9) hiraṇyavarṇābhiḥ pratimantrya dakṣiṇaṃ pādaṃ prathamaṃ prakarṣati | mayi brahma ca tapaś ca dhārayāṇīti
(KauśS_12,1[90].10) dakṣiṇe prakṣālite savyaṃ prakarṣati | mayi kṣatraṃ ca viśas ca dhārayāṇīti
(KauśS_12,1[90].11) prakṣālitau_anumantrayate | <imau pādāv avaniktau brāhmaṇaṃ yaśasāvatām | āpaḥ pādāvanejanīr dviṣantaṃ nir dahantu me [-, cf. AitB 8.27]>
(KauśS_12,1[90].12) asya ca dātur iti dātāram īkṣate
(KauśS_12,1[90].13) athāsanam āhārayati | saviṣṭaram āsanam bho iti
(KauśS_12,1[90].14) tasmin pratyaṅmukha upaviśati
(KauśS_12,1[90].15) <vimṛgvarīṃ pṛthivīm [12.1.29]> ity etayā viṣṭare pādau pratiṣṭhāpya_<adhiṣṭhito dveṣṭā yo 'smān dveṣṭi yaṃ ca vayaṃ dviṣmaḥ>
(KauśS_12,1[90].16) asya ca dātur iti dātāram īkṣate
(KauśS_12,1[90].17) atha_udakam āhārayati_arghyaṃ bho iti
(KauśS_12,1[90].18) tat pratimantrayate | <annānāṃ mukham asi mukham ahaṃ śreṣṭhaḥ samānānāṃ bhūyāsam | āpo 'mṛtaṃ sthāmṛtaṃ mā kṛṇuta dāsāsmākaṃ bahavo bhavanty aśvāvad goman mayy astu puṣṭoṃ (ed. puṣṭam oṃ; cf. Caland, Kl. Schr., p. 45, n. 1) bhūr bhuvaḥ svar janad om> iti
(KauśS_12,1[90].19) tūṣṇīm adhyātmaṃ ninayati
(KauśS_12,1[90].20) <tejo 'sy amṛtam asi>_iti lalāṭam ālabhate
(KauśS_12,1[90].21) atha_udakam āhārayati_ācamanīyaṃ bho iti
(KauśS_12,1[90].22) jīvābhir ācamya
(KauśS_12,1[90].23) athāsmai madhuparkaṃ vedayante dvyanucaro madhuparko bho iti
(KauśS_12,1[90].24) dvābhyāṃ śākhābhyām adhastād ekayā_upariṣṭād sāpidhānam
(KauśS_12,1[90].25) <madhu vātā ṛtāyate [PS 19.45.5]>_ity etābhir evābhimantraṇam
(KauśS_12,1[90].26) tathā pratimantraṇam
(KauśS_12,2[91].1) <madhu vātā ṛtāyate madhu kṣaranti sindhavaḥ | mādhvīr gāvo bhavantu naḥ || madhu naktam utoṣaso madhumat pārthivaṃ rajaḥ | mādhvīr naḥ santv oṣadhīḥ || madhumān no vanaspatir madhumā;m astu sūryaḥ | madhu dyaur astu naḥ pitā || [PS 19.45.5-7]>
(KauśS_12,2[91].2) tat <sūryasya tvā cakṣuṣā pratīkṣe [PS 20.57.11, VaitS 3.8, GB 2.1.2, etc.]> iti pratīkṣate
(KauśS_12,2[91].3) <ayuto 'ham [19.51.1]> <devasya tvā savituḥ [19.51.2]>_iti pratigṛhya puromukhaṃ prāgdaṇḍaṃ nidadhāti
(KauśS_12,2[91].4) <pṛthivyās tvā nābhau sādayāmy adityā upasthe [VaitS 3.10, etc.]>_iti bhūmau pratiṣṭhāpya
(KauśS_12,2[91].5) dvābhyām aṅgulibhyāṃ pradakṣiṇam ācālyānāmikayāṅgulyāṅguṣṭhena ca saṃgṛhya prāśnāti
(KauśS_12,2[91].6) <oṃ bhūs tat savitur vareṇyaṃ bhūḥ svāhā [.RV 3.62.10a e.a.]>_iti prathamam
(KauśS_12,2[91].7) <bhargo devasya dhīmahi bhuvaḥ svāhā [.RV 3.62.10b e.a.]>_iti dvitīyam
(KauśS_12,2[91].8) <dhiyo yo naḥ pracodayāt svaḥ svāhā [.RV 3.62.10c e.a.]>_iti tṛtīyam
(KauśS_12,2[91].9) <vayaṃ devasya dhīmahi janat svāhā [.RV 3.62.10d e.a.]>_iti caturtham
(KauśS_12,2[91].10) <turaṃ devasya bhojanaṃ vṛdhat svāhā [-, cf. .RV 5.82.1]>_iti pañcamam
(KauśS_12,2[91].11) <karat svāhā>_iti ṣaṣṭham
(KauśS_12,2[91].12) <ruhat svāhā>_iti saptamam
(KauśS_12,2[91].13) <mahat svāhā>_ity aṣṭamam
(KauśS_12,2[91].14) <tat svāhā>_iti navamam
(KauśS_12,2[91].15) <śaṃ svāhā>_iti daśamam
(KauśS_12,2[91].16) <om> iti ekādaśam
(KauśS_12,2[91].17) tūṣṇīṃ dvādaśam
(KauśS_12,2[91].18) tasya bhūyomātram iva bhuktvā brāhmaṇāya śrotriyāya prayachet
(KauśS_12,2[91].19) śrotriyālābhe vṛṣalāya prayachet
(KauśS_12,2[91].20) athāpy ayaṃ nigamo bhavati | <somam etat pibati yat kiṃ cāśnīta brāhmaṇāḥ | mābrāhmaṇāyocchiṣṭaṃ +dāt [em. Falk, m.c.; ed./Lāṭy;SS dāta] mā somaṃ pātv asomapaḥ [cf. Lāṭy;SS 2.12.17]>_iti

(KauśS_12,3[92].1) dadhi ca madhu brāhmo madhuparkaḥ
(KauśS_12,3[92].2) pāyasa aindro madhuparkaḥ
(KauśS_12,3[92].3) madhu cājyaṃ ca saumyo madhuparkaḥ
(KauśS_12,3[92].4) manthaś cājyaṃ ca pauṣṇo madhuparkaḥ
(KauśS_12,3[92].5) kṣīraṃ cājyaṃ ca sārasvato madhuparkaḥ
(KauśS_12,3[92].6) surā cājyaṃ ca mausalo madhuparkaḥ
(KauśS_12,3[92].7) sa khalu_eṣa dvaye bhavati sautrāmaṇyāṃ ca rājasūye ca
(KauśS_12,3[92].8) udakaṃ cājyaṃ ca vāruṇo madhuparkaḥ
(KauśS_12,3[92].9) tailaṃ cājyaṃ ca śrāvaṇo madhuparkaḥ
(KauśS_12,3[92].10) tailaś ca piṇḍaś ca pārivrājako madhuparkaḥ
(KauśS_12,3[92].11) iti khalu_eṣa navavidho madhuparko bhavati
(KauśS_12,3[92].12) athāsmai gāṃ vedayante gaur bho iti
(KauśS_12,3[92].13) tān pratimantrayate | <bhūtam asi bhavad asy annaṃ prāṇo bahur bhava | jyeṣṭhaṃ yan nāma nāmata oṃ bhūr bhuvaḥ svar janad om [-]> iti
(KauśS_12,3[92].14) atisṛjati | <mātādityānāṃ duhitā vasūnāṃ svasā rudrāṇām amṛtasya nābhiḥ | pra ṇo vocaṃ cikituṣe janāya mā gām anāgām aditiṃ vadhiṣṭa || [cf. .RV 8.101.15]> oṃ tṛṇāni gaur attv iti āha
(KauśS_12,3[92].15) <sūyavasād [7.73.11]> iti pratiṣṭhamānām anumantrayate
(KauśS_12,3[92].16) nālohito madhuparko bhavati
(KauśS_12,3[92].17) nānujñānam adhīmahe_iti kuruta_ity eva brūyāt
(KauśS_12,3[92].18) <svadhite mainaṃ hiṃsīḥ [VSM 6.15, ManB 1.6.6]>_iti śastraṃ prayachati
(KauśS_12,3[92].19) pāpmānaṃ me 'pa jahīti kartāram anumantrayate
(KauśS_12,3[92].20) āgneyīṃ vapāṃ kuryuḥ
(KauśS_12,3[92].21) api vā brāhmaṇa eva prāśnīyāt tad devataṃ hi tad dhavir bhavati
(KauśS_12,3[92].22) athāsmai snānam anulepanaṃ mālābhyañjanam iti
(KauśS_12,3[92].23) yad atra_upasamāhāryaṃ bhavati tad upasamāhṛtya
(KauśS_12,3[92].24) atha_upāsakāḥ prāya_upāsakāḥ smo bho iti vedayante
(KauśS_12,3[92].25) tān pratimantrayate | <bhūyāṃso bhūyāsma ye ca no bhūyasaḥ kārṣṭāpi ca no 'nye bhūyāṃso jāyantām>
(KauśS_12,3[92].26) asya ca dātur iti dātāram īkṣate
(KauśS_12,3[92].27) athānnāhārāḥ prāpyānnāhārāḥ smo bho iti vedayante
(KauśS_12,3[92].28) tān pratimantrayate | <annādā bhūyāsma ye ca no 'nādān kārṣṭāpi ca no 'nye 'nnādā bhūyāṃso jāyantām>
(KauśS_12,3[92].29) asya ca dātur iti dātāram īkṣate
(KauśS_12,3[92].30) āhṛte_anne juhoti <yat kāma kāmayamānā [19.52.1, sakala follows thus PS 1.30.5]> ity etayā
(KauśS_12,3[92].31) <yat kāma kāmayamānā idaṃ kṛṇmasi te haviḥ | tan naḥ sarvaṃ sam ṛdhyatām athaitasya haviṣo vīhi svāhā [19.52.1, sakala thus PS 1.30.5]>_iti
(KauśS_12,3[92].32) eṣa ācāryakalpa eṣa ṛtvikkalpa eṣa saṃyuktakalpa eṣa vivāhakalpa eṣo_atithikalpa eṣo 'tithikalpaḥ
(KauśS 12 Colophon) iti atharvavede kauśikasūtre dvādaśo 'dhyāyaḥ samāptaḥ
(KauśS_13,1[93].1) athādbhutāni
(KauśS_13,1[93].2) varṣe
(KauśS_13,1[93].3) yakṣeṣu
(KauśS_13,1[93].4) gomāyuvadane
(KauśS_13,1[93].5) kule kalahini
(KauśS_13,1[93].6) bhūmicale
(KauśS_13,1[93].7) ādityopaplave

(KauśS_13,1[93].8) candramasaś ca
(KauśS_13,1[93].9) auṣasyām anudyatyām
(KauśS_13,1[93].10) samāyāṃ dāruṇāyām
(KauśS_13,1[93].11) upatārakaśaṅkāyām
(KauśS_13,1[93].12) brāhmaṇeṣu_āyudhiṣu
(KauśS_13,1[93].13) daivateṣu nṛtyatsu cyodatsu hasatsu gāyatsu
(KauśS_13,1[93].14) lāṅgalayoḥ saṃsarge
(KauśS_13,1[93].15) rajjvos tanvoś ca
(KauśS_13,1[93].16) agnisaṃsarge
(KauśS_13,1[93].17) yamavatsāyāṃ havi
(KauśS_13,1[93].18) vaḍavāgardabhyor mānuṣyāṃ ca
(KauśS_13,1[93].19) yatra dhenavo lohitaṃ duhate
(KauśS_13,1[93].20) anaḍuhi dhenuṃ dhayati
(KauśS_13,1[93].21) dhenau dhenuṃ dhayantyām
(KauśS_13,1[93].22) ākāśaphene
(KauśS_13,1[93].23) pipīlikānācāre
(KauśS_13,1[93].24) nīlamakṣānācāre
(KauśS_13,1[93].25) madhumakṣānācāre
(KauśS_13,1[93].26) anājñāte
(KauśS_13,1[93].27) avadīrṇe
(KauśS_13,1[93].28) anudaka udakonmīle
(KauśS_13,1[93].29) tileṣu samataileṣu
(KauśS_13,1[93].30) haviḥṣu_abhimṛṣṭeṣu
(KauśS_13,1[93].31) prasavyeṣu_āvarteṣu
(KauśS_13,1[93].32) yūpe virohati
(KauśS_13,1[93].33) ulkāyām
(KauśS_13,1[93].34) dhūmaketau saptarṣīn upadhūpayati
(KauśS_13,1[93].35) nakṣatreṣu patāpateṣu
(KauśS_13,1[93].36) māṃsamukhe nipatati
(KauśS_13,1[93].37) anagnau_avabhāse
(KauśS_13,1[93].38) agnau śvasati
(KauśS_13,1[93].39) sarpiṣi taile madhuni ca viṣyande
(KauśS_13,1[93].40) grāmye_agnau śālāṃ dahati
(KauśS_13,1[93].41) āgantau ca
(KauśS_13,1[93].42) vaṃśe sphoṭati
(KauśS_13,1[93].43) kumbhodadhāne vikasati_ukhāyāṃ saktudhānyāṃ ca
(KauśS_13,2[94].1) atha yatra_etāni varṣāṇi varṣanti ghṛtaṃ māṃsaṃ madhu ca yad dhiraṇyaṃ yāni cāpi_anyāni ghorāṇi varṣāṇi varṣanti tat parābhavati kulaṃ vā grāmo vā janapado vā
(KauśS_13,2[94].2) tatra rājā bhūmipatir vidvāṃsaṃ brahmāṇam ichet
(KauśS_13,2[94].3) eṣa ha vai vidvān yad bhṛgvaṅgirovit
(KauśS_13,2[94].4) ete ha vā asya sarvasya śamayitāraḥ pālayitāro yad bhṛgvaṅgirasaḥ

(KauśS_13,2[94].5) sa āha_upakalpayadhvam iti
(KauśS_13,2[94].6) tad upakalpayante kaṃsamahate vasane śuddham ājyaṃ śāntā oṣadhīr navam udakumbham
(KauśS_13,2[94].7) trīṇi parvāṇi karmaṇaḥ paurṇamāsyamāvāsye puṇyaṃ nakṣatram
(KauśS_13,2[94].8) api ced eva yadā kadā ārtāya kuryāt
(KauśS_13,2[94].9) snāto_ahatavasanaḥ surabhir vratavān karmaṇya upavasati_ekarātraṃ trirātraṃ ṣaḍrātraṃ dvādaśarātraṃ vā
(KauśS_13,2[94].10) dvādaśyāḥ prātar yatra_evādaḥ patitaṃ bhavati tata uttaram agnim upasamādhāya
(KauśS_13,2[94].11) parisamuhya paryukṣya paristīrya barhir udapātram upasādya paricaraṇenājyaṃ paricarya
(KauśS_13,2[94].12) nityān purastāddhomān hutvājyabhāgau ca
(KauśS_13,2[94].13) atha juhoti
(KauśS_13,2[94].14) <ghṛtasya dhārā iha yā varṣanti pakvaṃ māṃsaṃ madhu ca yad dhiraṇyam | dviṣantam etā anu yantu vṛṣṭayo 'pāṃ vṛṣṭayo bahulāḥ santu mahyam || lohitavarṣaṃ madhupāṃsuvarṣaṃ yad vā varṣaṃ ghoram aniṣṭam anyat | dviṣantam ete anu yantu sarve parāñco yantu nirvartamānāḥ || agnaye svāhā [-]>_iti hutvā
(KauśS_13,2[94].15) <divyo gandharvo [2.2.1]>_iti mātṛnāmabhir juhuyāt
(KauśS_13,2[94].16) varam anaḍvāham brāhmaṇaḥ kartre dadyāt
(KauśS_13,2[94].17) sīraṃ vaiśyo_aśvaṃ prādeśiko grāmavaraṃ rājā
(KauśS_13,2[94].18) sā tatra prāyaścittiḥ
(KauśS_13,3[95].1) atha yatra_etāni yakṣāṇi dṛśyante tad yathā_etat_markaṭaḥ śvāpado vāyasaḥ puruṣarūpam iti tad evam āśaṅkyam eva bhavati
(KauśS_13,3[95].2) tatra juhuyāt
(KauśS_13,3[95].3) <yan markaṭaḥ śvāpado vāyaso yadīdaṃ rāṣṭraṃ jātavedaḥ patāti puruṣarakṣasaṃ iṣiraṃ yat patāti | dviṣantam ete anu yantu sarve parāñco yantu nivartamānāḥ || agnaye svāhā [-]>_iti hutvā
(KauśS_13,3[95].4) <divyo gandharvo [2.2.1]>_iti mātṛnāmabhir juhuyāt
(KauśS_13,3[95].5) sā tatra prāyaścittiḥ
(KauśS_13,4[96].1) atha ha gomāyū nāma maṇḍūkau yatra vadatas tad yat_manyante māṃ prati vadato māṃ prati vadata iti tad evam āśaṅkyam eva bhavati
(KauśS_13,4[96].2) tatra juhuyāt
(KauśS_13,4[96].3) <yad gomāyū vadato jātavedo 'nyayā vācābhi jañjabhātaḥ | rathaṃtaraṃ bṛhac ca sāmaitad dviṣantam etāv abhi nānadaitām || rathaṃtareṇa tvā bṛhac chamayāmi bṛhatā tvā rathaṭaraṃ śamayāmi | indrāgnī tvā brahmaṇā vāvṛdhānāv āyuṣmantāv uttamaṃ tvā karāthaḥ || indrāgnibhyāṃ svāhā [-, PS 1.83.4cd]>_iti hutvā
(KauśS_13,4[96].4) <divyo gandharvo [2.2.1]>_iti mātṛnāmabhir juhuyāt
(KauśS_13,4[96].5) sā tatra prāyaścittiḥ
(KauśS_13,5[97].1) atha yatra_etat kulaṃ kalahi bhavati tan nirṛtigṛhītam ity ācakṣate
(KauśS_13,5[97].2) tatra juhuyāt
(KauśS_13,5[97].3) <ārād arātim [8.2.12]> iti dve
(KauśS_13,5[97].4) <ayāś cāgne 'sy anabhiśastiś ca satyam it tvam ayā asi | ayāsā manasā kṛto 'yās +san [ed. 'yāsya] havyam ūhiṣe | ā [+ayā?] no dhehi bheṣajam | [MS 1.4.3:51.10, KS 5.4:57.1-4, KauśS 1.5.12 etc.]> || <svāhā>_ity agnau hutvā
(KauśS_13,5[97].5) tatra_eva_etān homāñ juhuyāt
(KauśS_13,5[97].6) <ārād agniṃ kravyādaṃ nirūhañ jivātave te paridhiṃ dadhāmi | indrāgnī tvā brahmaṇā vāvṛdhānāv āyuṣmantāv uttamaṃ tvā karāthaḥ || indrāgnibhyāṃ svāhā [8.2.9cd, PS 16.3.8cd; PS 1.83.4cd]>_iti hutvā
(KauśS_13,5[97].7) <apeta etu nirṛtir [PS 19.23.4ff.]> ity anena sūktena juhuyāt
(KauśS_13,5[97].8) <apeta etu nirṛtir nehāsyā api kiṃ cana | apāsyāḥ satvanaḥ pāśān mṛtyūn ekaśataṃ nude || ye te pāśā ekaśataṃ mṛtyo martyāya hantave | tāṃs te yajñasya māyayā sarvā;m apa yajāmasi || nir ito yantu nairṛtyā mṛtyava ekaśataṃ paraḥ sedhāmaiṣāṃ yat tamaḥ prāṇaṃ jyotiś ca dadhmahe || [PS 19.23.4-6]> <ye te śataṃ varuṇa ye sahasraṃ yajñiyāḥ pāśā vitatā mahāntaḥ | tebhyo asmān varuṇaḥ soma indro viśve muñcantu marutaḥ svarkāḥ || [PS 18.82.7]> <brahma bhrājad udagād antarikṣaṃ divaṃ ca brahmāvādhūṣṭāmṛtena mṛtyum | brahmopadraṣṭā sukṛtasya sākṣād brahmāsmad apa hantu śamalaṃ tamaś ca || [PS 16.150.2]>
(KauśS_13,5[97].9) varam anaḍvāham iti samānam
(KauśS_13,6[98].1) atha yatra_etad bhūmicalo bhavati tatra juhuyāt
(KauśS_13,6[98].2) <acyutā dyaur acyutam antarikṣam acyutā bhūmir diśo acyutā imāḥ | acyuto 'yaṃ rodhāvarodhād dhruvo rāṣṭre prati tiṣṭhāmi jiṣṇuḥ || yathā sūryo divi rocate yathāntarikṣaṃ mātariśvābhivaste | yathāgniḥ pṛthivīmā viveśaivāyaṃ dhruvo acyuto astu jiṣṇuḥ || yathā devo divi stanayan vi rājati yathā varṣaṃ varṣakāmāya varṣati | yathāpaḥ pṛthivīmā viviśur evāyaṃ dhruvo acyuto astu jiṣṇuḥ || yathā purīṣaṃ nadyaḥ samudram ahorātre apramādaṃ kṣaranti | evā viśaḥ saṃmanaso havaṃ me 'pramādam ihopa yantu sarvāḥ || dṛṃhatāṃ devī saha devatābhir dhruvā dṛḍhācyutā me astu bhūmiḥ | sarvapāpmānam apanudyāsmad amitrān me dviṣato 'nu vidhyatu || pṛthivyai svāhā [cf. AVPariś 11.1.11]>_iti hutvā
(KauśS_13,6[98].3) <ā tvāhārṣam [6.87.1]>_<dhruvā dyaur [6.88.1]>_<satyaṃ bṛhad [12.1.1]> ity etenānuvākena juhuyāt
(KauśS_13,6[98].4) sā tatra prāyaścittiḥ
(KauśS_13,7[99].1) atha yatra_etad ādityaṃ tamo gṛhṇāti tatra juhuyāt
(KauśS_13,7[99].2) <divyaṃ citram ṛtūyā kalpayantam ṛtūnām ugraṃ bhramayann udeti | tad ādityaḥ pratarann etu sarvata āpa imāṃ lokān anusaṃcaranti || oṣadhībhiḥ saṃvidānāv indrāgnī tvābhi rakṣatām | ṛtena satyavākena tena sarvaṃ tamo jahi || ādityāya svāhā [-]>_iti hutvā
(KauśS_13,7[99].3) <viṣāsahiṃ sahamānaṃ [17.1.1]>_ity anena sūktena juhuyāt

(KauśS_13,7[99].4) rohitair upatiṣṭhate
(KauśS_13,7[99].5) sā tatra prāyaścittiḥ
(KauśS_13,8[100].1) atha yatra_etat_candramasam upaplavati tatra juhuyāt
(KauśS_13,8[100].2) <rāhū rājānaṃ tsarati svarantam ainam iha hanti pūrvaḥ | sahasram asya tanva iha nāśyāḥ śataṃ tanvo vi naśyantu || candrāya svāhā [-]>_iti hutvā
(KauśS_13,8[100].3) <śakadhūmaṃ nakṣatrāṇi [6.128.1]>_ity etena sūktena juhuyāt
(KauśS_13,8[100].4) sā tatra prāyaścittiḥ
(KauśS_13,9[101].1) atha yatra_etad auṣasī na_udeti tatra juhuyāt
(KauśS_13,9[101].2) <ud etu śrīr uṣasaḥ kalpayantī pūlyān kṛtvā palita etu cāraḥ | ṛtūn bibhratī bahudhā virūpān mahyaṃ bhavyaṃ viduṣī kalpayāti || auṣasyai svāhā [-]>_iti hutvā
(KauśS_13,9[101].3) <divyo gandharvo [2.2.1]>_iti mātṛnāmabhir juhuyāt
(KauśS_13,9[101].4) sā tatra prāyaścittiḥ
(KauśS_13,10[102].1) atha yatra_etat samā dāruṇā bhavati tatra juhuyāt
(KauśS_13,10[102].2) <yā samā ruśaty eti prājāpatyān vi dhūnute | tṛptiṃ yāṃ devatā vidus tāṃ tvā saṃ kalpayāmasi || vyādhakasya mātaraṃ hiraṇyakukṣīṃ hariṇīm | tāṃ tvā saṃ kalpayāmasi || yat te ghoraṃ yat te viṣaṃ tad dviṣatsu ni dadhmasy amuṣminn [-]> iti brūyāt
(KauśS_13,10[102].3) <śivenāsmākaṃ same śāntyā sahāyuṣā samāyai svāhā [-]>_iti hutvā
(KauśS_13,10[102].4) <samās tvāgna [2.6.1]>_ity etena sūktena juhuyāt
(KauśS_13,10[102].5) sā tatra prāyaścittiḥ
(KauśS_13,11[103].1) atha yatra_etad upatārakāḥ śaṅkante tatra juhuyāt
(KauśS_13,11[103].2) <revatīḥ śubhrā iṣirā madantīs tvaco dhūmam anu tāḥ saṃ viśantu | pareṇāpaḥ pṛthivīṃ saṃ viśantv āpa imāṃ lokān anusaṃcarantu || adbhyaḥ svāhā [-]>_iti hutvā
(KauśS_13,11[103].3) <samutpatantu [4.15.1]> <pra nabhasva [7.18.1]>_iti varṣīr juhuyāt
(KauśS_13,11[103].4) sā tatra prāyaścittiḥ
(KauśS_13,12[104].1) atha yatra_etad brāhmaṇā āyudhino bhavanti tatra juhuyāt
(KauśS_13,12[104].2) <ya āsurā manuṣyā āttadhanvaḥ puruṣamukhāś carān iha | devā vayaṃ manuṣyās te devāḥ pra viśāmasi || indro no astu purogavaḥ sa no rakṣatu sarvataḥ | indrāya svāhā [-, cf. AVPariś 32.29]>_iti hutvā
(KauśS_13,12[104].3) <mā no vidan [1.19.1]> <namo devavadhebhyo [6.13.1]>_iti etābhyāṃ sūktābhyāṃ juhuyāt
(KauśS_13,12[104].4) sā tatra prāyaścittiḥ
(KauśS_13,13[105].1) atha yatra_etad daivatāni nṛtyanti cyotanti hasanti gāyanti vānyāni vā rūpāṇi kurvanti <ya āsurā manuṣyā [-, cf. KauśS 104.2]> <mā no vidan [1.19.1]> <namo devavadhebhyo [6.13.1]>_iti abhayair juhuyāt
(KauśS_13,13[105].2) sā tatra prāyaścittiḥ
(KauśS_13,14[106].1) atha yatra_etat_lāṅgale saṃsṛjataḥ puroḍāśaṃ śrapayitvā
(KauśS_13,14[106].2) araṇyasyārdham abhivrajya
(KauśS_13,14[106].3) prācīṃ sītāṃ sthāpayitvā
(KauśS_13,14[106].4) sītāyā madhye prāñcam idhmam upasamādhāya
(KauśS_13,14[106].5) parisamuhya paryukṣya paristīrya barhiḥ śamyāḥ paridhīn kṛtvā
(KauśS_13,14[106].6) atha juhoti | <vittir asi puṣṭir asi śrīr asi prājāpatyānāṃ tāṃ tvāhaṃ mayi puṣṭikāmo juhomi svāhā [-]>
(KauśS_13,14[106].7) <kumudvatī puṣkariṇī sītā sarvāṅgaśobhanī | kṛṣiḥ sahasraprakārā pratyaṣṭā śrīr iyaṃ mayi || urvīṃ tvāhur manuṣyāḥ śriyaṃ tvā manaso viduḥ | āśaye 'nnasya no dhehy anamīvasya śuṣmiṇaḥ || [-, cf. ;SāṅkhGS 1.27.7 etc.]> <parjanyapatni hariṇyabhijitāsy abhi no vada | kālanetre haviṣo no juṣasva tṛptiṃ no dhehi dvipade catuṣpade || yābhir devā asurān akalpayan yātūn manūn gandharvān rākṣasāṃś ca | tābhir no adya sumanā upā gahi sahasrāpoṣaṃ subhage rarāṇā || [-, cf. 7.48.2cd]> <hiraṇyasrakpuṣkariṇī śyāmā sarvāṅgaśobhanī | kṛṣir hiraṇyaprakārā pratyaṣṭā śrīr iyaṃ mayi || aśvibhyāṃ devi saha saṃvidānā indreṇa rādhena saha puṣṭyā na ā gahi | viśas tvā rāsantāṃ pradiśo 'nu sarvā ahorātrārdhamāsamāsā ārtavā ṛtubhiḥ saha || bhartrī devānām uta martyānāṃ bhartrī prajānām uta mānuṣāṇām | hastibhir itarāsaiḥ kṣetrasārathibhiḥ saha | hiraṇyair aśvair ā gobhiḥ pratyaṣṭā śrīr iyaṃ mayi || [-]>
(KauśS_13,14[106].8) atra śūnāsīrāṇi_anuyojayet
(KauśS_13,14[106].9) varam anaḍvāham iti samānam
(KauśS_13,15[107].1) atha yatra_etat sṛjantyor vā kṛtantyor vā nānā tantū saṃsṛjato <manāyai tantuṃ prathamaṃ [PS 2.87.1]>_ity etena sūktena juhuyāt
(KauśS_13,15[107].2) <manāyai tantuṃ prathamaṃ paśyed anyā atanvata | tan nārīḥ pra bravīmi vaḥ sādhvīr vaḥ santūrvarīḥ || sādhur vas tantur bhavatu sādhur etu ratho vṛtaḥ | atho horvarīr yūyaṃ prātar voḍhave dhāvata || khargalā iva patvarīr apām ugram ivāyanam | patantu patvarīr ivorvarīḥ sādhunā pathā || apācyau te totudyete todenāśvatarāv iva | pra stomam urvarīṇāṃ śaśayānām astāviṣam || nārī pañcamayūkhaṃ sūtravat kṛṇute vasu | ariṣṭo asya vastā prendra vāsa utodira || [PS 2.87]>
(KauśS_13,15[107].3) vāsaḥ kartre dadyāt
(KauśS_13,15[107].4) sā tatra prāyaścittiḥ
(KauśS_13,16[108].1) atha yatra_etad agnināgniḥ saṃsṛjyate <bhavataṃ naḥ samanasau samokasāv [-]> ity etena sūktena juhuyāt
(KauśS_13,16[108].2) <bhavataṃ naḥ samanasau samokasāv arepasau | mā hi;msiṣṭaṃ yajñapatiṃ mā yajñaṃ jātavedasau śivau bhavatam adya naḥ [cf. VSM 5.3 etc.]> <agnināgniḥ saṃsṛjyase kavir bṛhaspatir yuvā | havyavāṅ juhvāsyaḥ || [cf. .RV 1.12.6 etc.]> <tvaṃ hy agne agninā vipro vipreṇa san satā | sakhā sakhyā samidhyase || [cf. .RV 8.43.14]> <pāhi no agna ekayā pāhi na uta dvitīyayā | pāhi gīrbhis tisṛbhir ūrjāṃpate pāhi catasṛbhir vaso || samīcī māhanī pātām āyuṣmatyā ṛco mā satsi | tanūpāt sāmno vasuvidaṃ lokam anusaṃcarāṇi || [PS 20.52.4-5]>

(KauśS_13,16[108].3) rukmaṃ kartre dadyāt
(KauśS_13,16[108].4) sā tatra prāyaścittiḥ
(KauśS_13,17[109].1) atha yatra_etad ayamasūr yamau janayati tāṃ śāntyudakenābhyukṣya dohayitvā
(KauśS_13,17[109].2) tasyā eva gor dugdhe sthālīpākaṃ śrapayitvā
(KauśS_13,17[109].3) prāñcam idhmam upasamādhāya
(KauśS_13,17[109].4) parisamuhya paryukṣya paristīrya barhir udapātram upasādya
(KauśS_13,17[109].5) <ekaikayaiṣā sṛṣṭyā saṃ babhūva [3.28.1]> ity etena sūktenājyaṃ juhvan
(KauśS_13,17[109].6) udapātre saṃpātān ānayati
(KauśS_13,17[109].7) uttamaṃ saṃpātam odane pratyānayati
(KauśS_13,17[109].8) tato gāṃ ca prāśayati vatsau ca_udapātrād enān ācāmayati ca saṃprokṣati ca
(KauśS_13,17[109].9) tāṃ tasya_eva dadyāt
(KauśS_13,17[109].10) sā tatra prāyaścittiḥ
(KauśS_13,18[110].1) atha ced vaḍavā vā gardabhī vā syād evam eva prāñcam idhmam upasamādhāya
(KauśS_13,18[110].2) evaṃ paristīrya
(KauśS_13,18[110].3) evam upasādya
(KauśS_13,18[110].4) etena_eva sūktenājyaṃ juhvan
(KauśS_13,18[110].5) udapātre saṃpātān ānayati
(KauśS_13,18[110].6) udapātrād enān ācāmayati ca saṃprokṣati ca
(KauśS_13,18[110].7) tāṃ tasya_eva dadyāt
(KauśS_13,18[110].8) sā tatra prāyaścittiḥ
(KauśS_13,19[111].1) atha ced_mānuṣī syād evam eva prāñcam idhmam upasamādhāya
(KauśS_13,19[111].2) evaṃ paristīrya
(KauśS_13,19[111].3) evam upasādya
(KauśS_13,19[111].4) upasthe jātakau_ādhāya
(KauśS_13,19[111].5) etena_eva sūktenājyaṃ juhvan
(KauśS_13,19[111].6) amīṣāṃ mūrdhni sa mātuḥ putrayor ity anupūrvaṃ saṃpātān ānayati
(KauśS_13,19[111].7) udapātra uttarān saṃpātān
(KauśS_13,19[111].8) udapātrād enān ācāmayati ca saṃprokṣati ca
(KauśS_13,19[111].9) tāṃ tasya_eva dadyāt
(KauśS_13,19[111].10) sā tatra prāyaścittiḥ
(KauśS_13,19[111].11) tasyā niṣkrayo yathārhaṃ yathāsaṃpad vā
(KauśS_13,20[112].1) atha yatra_etad dhenavo lohitaṃ duhate <yaḥ pauruṣeyeṇa kraviṣā samaṅkte [8.3.15]> ity etābhiś catasṛbhir juhuyāt
(KauśS_13,20[112].2) varāṃ dhenuṃ kartre dadyāt
(KauśS_13,20[112].3) sā tatra prāyaścittiḥ
(KauśS_13,21[113].1) atha yatra_etad anaḍvān dhenuṃ dhayati tatra juhuyāt
(KauśS_13,21[113].2) <anaḍvān dhenum adhayad indro go rūpam āviśat | sa me bhūtiṃ ca puṣṭiṃ ca dīrgham āyuś ca dhehi naḥ || indrāya svāhā [-]>_iti hutvā
(KauśS_13,21[113].3) <mā no vidan [1.19.1]> <namo devavadhebhyo [6.13.1]>_iti etābhyāṃ sūktābhyāṃ juhuyāt
(KauśS_13,21[113].4) sā tatra prāyaścittiḥ
(KauśS_13,22[114].1) atha yatra_etad dhenur dhenuṃ dhayati tatra juhuyāt
(KauśS_13,22[114].2) <yogakṣemaṃ dhenuṃ vājapatnīm indrāgnibhyāṃ preṣite jañjabhāne | tasmān mām agne pari pāhi ghorāt pra +ṇo jāyantāṃ mithunāni rūpaśaḥ || indrāgnibhyāṃ svāhā [-, cf. KauśS 128.2]>_iti hutvā

(KauśS_13,22[114].3) <divyo gandharvo [2.2.1]>_iti mātṛnāmabhir juhuyāt
(KauśS_13,22[114].4) sā tatra prāyaścittiḥ
(KauśS_13,23[115].1) atha yatra_etad gaur vāśvo vāśvataro vā puruṣo vākāśaphenam avagandhayati tatra juhuyāt
(KauśS_13,23[115].2) <payo deveṣu paya oṣadhīṣu paya āśāsu payo 'ntarikṣe | tan me dhātā ca savitā ca dhattāṃ viśve tad devā abhi saṃ gṛṇantu || payo yad apsu paya usriyāsu paya utseṣūta parvateṣu | tan me dhātā ca savitā ca dhattāṃ viśve tad devā abhi saṃ gṛṇantu || yan mṛgeṣu paya āviṣṭam asti yad ejati patati yat patatriṣu [corr. Bloomfield GGA 1902 514 -- ed. patatatriṣu] | tan me dhātā ca savitā ca dhattāṃ viśve tad devā abhi saṃ gṛṇantu || yāni payāṃsi divy ārpitāni yāny antarikṣe bahudhā bahūni | teṣām īśānaṃ vaśinī no adya pra dattā dyāvāpṛthivī ahṛṇīyamānā || [PS 1.91]> ity etena sūktena juhuyāt
(KauśS_13,23[115].3) sā tatra prāyaścittiḥ
(KauśS_13,24[116].1) atha yatra_etat pipīlikā anācārarūpā dṛśyante tatra juhuyāt
(KauśS_13,24[116].2) <bhuvāya svāhā bhuvanāya svāhā bhuvanapataye svāhā bhuvāṃ pataye svāhāvoṣāya svāhā vinatāya svāhā śatāruṇāya svāhā>
(KauśS_13,24[116].3) <yaḥ prācyāṃ diśi śvetapipīlikānāṃ rājā tasmai svāhā | yo dakṣiṇāyāṃ diśi kṛṣṇapipīlikānāṃ rājā tasmai svāhā | yaḥ pratīcyāṃ diśi rajatapipīlikānāṃ rājā tasmai svāhā | ya udīcyāṃ diśi rohitapipīlikānāṃ rājā tasmai svāhā | yo dhruvāyāṃ diśi babhrupipīlikānāṃ rājā tasmai svāhā | yo vyadhvāyāṃ diśi haritapipīlikānāṃ rājā tasmai svāhā | ya ūrdhvāyāṃ diśy aruṇapipīlikānāṃ rājā tasmai svāhā>
(KauśS_13,24[116].4) tāś ced etāvatā na śāmyeyus tata uttaram agnim upasamādhāya
(KauśS_13,24[116].5) śaramayaṃ barhir ubhayataḥ parichinnaṃ prasavyaṃ paristīrya
(KauśS_13,24[116].6) viṣāvadhvastam iṅgiḍam ājyaṃ śākapalāśena_utpūtaṃ bādhakena sruveṇa juhoti
(KauśS_13,24[116].7) <ut tiṣṭhata nir dravata na va ihāstv ity añcanam | indro vaḥ sarvāsāṃ sākaṃ garbhān āṇḍāni bhetsyati [PS 17.13.3]> <phaḍ ḍhatāḥ pipīlikāḥ [cf. KauśS 47.21]>_iti
(KauśS_13,24[116].8) <indro vo yamo vo varuṇo vo 'gnir vo vāyur vaḥ sūryo vaś cendro vaḥ prajāpatir va īśāno vaḥ>_iti
(KauśS_13,25[117].1) atha yatra_etat_nīlamakṣā anācārarūpā dṛśyante tatra juhuyāt
(KauśS_13,25[117].2) <yā matyaiḥ sarathaṃ yānti ghorā mṛtyor dūtyaḥ kraviśaḥ saṃ babhūvuḥ | śivaṃ cakṣur uta ghoṣaḥ śivānāṃ śaṃ no astu dvipade śaṃ catuṣpade || śāntaṃ cakṣur uta vāyasīnāṃ yā cāsāṃ ghorā manaso visṛṣṭiḥ | manasaspate tanvā mā pāhi ghorān mā vi rikṣi tanvā mā prajayā mā paśubhir vāyave svāhā [-]>_iti hutvā
(KauśS_13,25[117].3) <vāta ā vātu bheṣajaṃ [PS 19.46.7 etc.]>_ity etena sūktena juhuyāt
(KauśS_13,25[117].4) <vāta ā vātu bheṣajaṃ śaṃbhu mayobhu no hṛde | pra ṇa āyūṃṣi tāriṣat || uta vāta pitāsi na uta bhrātota naḥ sakhā | sa no jīvātave kṛdhi || yad ado vāta te gṛhe nihitaṃ bheṣajaṃ guhā | tasya no dehi jīvase [PS 19.46.7-9, VaitS 38.1 etc.]>_ity etena sūktena juhuyāt
(KauśS_13,25[117].5) sā tatra prāyaścittiḥ
(KauśS_13,26[118].1) atha yatra_etat_madhumakṣikā anācārarūpā dṛśyante <madhu vātā [ed. vāta] ṛtāyate [PS 19.45.5, cf. KauśS 90.25-91.1]> ity etena sūktena juhuyāt
(KauśS_13,26[118].2) sā tatra prāyaścittiḥ
(KauśS_13,27[119].1) atha yatra_etad anājñātam adbhutaṃ dṛśyate tatra juhuyāt
(KauśS_13,27[119].2) <yad ajñātam anāmnātam arthasya karmaṇo mithaḥ | agne tvaṃ nas tasmāt pāhi sa hi vettha yathāyatham || agnaye svāhā [-]>
(KauśS_13,27[119].3) <vāyo sūrya candra>_iti ca
(KauśS_13,27[119].4) <puruṣasaṃmito 'rthaḥ karmārthaḥ puruṣasaṃmitaḥ | vāyur mā tasmāt pātu sa hi vettha yathāyatham || vāyave svāhā [-]>
(KauśS_13,27[119].5) <agnir mā sūryo mā candro mā>_iti ca
(KauśS_13,28[120].1) atha yatra_etad grāme vāvasāne vāgniśaraṇe samajyāyāṃ vāvadīryeta catasro dhenava upakḷptā bhavanti śvetā kṛṣṇā rohiṇī surūpā caturthī
(KauśS_13,28[120].2) tāsām etad dvādaśarātraṃ saṃdugdhaṃ navanītaṃ nidadhāti
(KauśS_13,28[120].3) dvādaśyāḥ prātar yatra_evādo_avadīrṇaṃ bhavati tata uttaram agnim upasamādhāya
(KauśS_13,28[120].4) parisamuhya paryukṣya paristīrya barhiḥ śvetāyā ājyena saṃnīya
(KauśS_13,28[120].5) <agnir bhūmyām [12.1.19]> iti tisṛbhir abhimantryālabhya
(KauśS_13,28[120].6) atha juhuyāt
(KauśS_13,28[120].7) tathā dakṣiṇārdhe
(KauśS_13,28[120].8) tathā paścārdhe
(KauśS_13,28[120].9) uttarārdhe saṃsthāpya vāstoṣpatyair juhuyāt
(KauśS_13,28[120].10) avadīrṇe saṃpātān ānīya saṃsthāpya homān
(KauśS_13,28[120].11) avadīrṇaṃ śāntyudakena saṃprokṣya
(KauśS_13,28[120].12) tā eva brāhmaṇo dadyāt
(KauśS_13,28[120].13) sīraṃ vaiśyo_aśvaṃ prādeśiko grāmavaraṃ rājā
(KauśS_13,28[120].14) sā tatra prāyaścittiḥ
(KauśS_13,29[121].1) atha yatra_etad anudaka udakonmīlo bhavati <hiraṇyavarṇāḥ [1.33.1]>_ity apāṃ sūktair juhuyāt

(KauśS_13,29[121].2) sā tatra prāyaścittiḥ
(KauśS_13,30[122].1) atha yatra_etat tilāḥ samatailā bhavanti tatra juhuyāt
(KauśS_13,30[122].2) <anūnāya svāhā | akṣitāya svāhā | aparimitāya svāhā | paripūrṇāya svāhā>
(KauśS_13,30[122].3) sa yaṃ dviṣyāt tasyāśāyāṃ <lohitaṃ te pra siñcāmi>_iti dakṣiṇāmukhaḥ prasiñcet
(KauśS_13,31[123].1) atha yatra_etad vapāṃ vā havīṃṣi vā vayāṃsi dvipadacatuṣpadaṃ vābhimṛśyāvagacheyur <ye agnayo [3.21.1]> <namo devavadhebhyo [6.13.1]>_ity etābhyāṃ sūktābhyāṃ juhuyāt
(KauśS_13,31[123].2) sā tatra prāyaścittiḥ
(KauśS_13,32[124].1) atha yatra_etat kumārasya kumāryā vā dvau_āvartau mūrdhanyau bhavataḥ savyāvṛd eko deśāvartas tatra juhuyāt
(KauśS_13,32[124].2) <tvaṣṭā rūpāṇi bahudhā vikurvañ janayan prajā bahudhā viśvarūpāḥ | sa me karotv aviparītam asmān anupūrvaṃ kalpayatām ihaiva || tvaṣṭre svāhā [-]>
(KauśS_13,32[124].3) <antar garbheṣu bahudhā saṃ tanoti janayan prajā bahudhā viśvarūpāḥ | sa me karotv aviparītam asmān anupūrvaṃ kalpayatām ihaiva || tvaṣṭre svāhā [-]>
(KauśS_13,32[124].4) <yady unmṛṣṭaṃ yadi vābimṛṣṭaṃ tiraścīn artha uta marmṛjante | śivaṃ tad devaḥ savitā kṛṇotu prajāpatiḥ prajābhiḥ saṃvidānaḥ || tvaṣṭre svāhā [-]>
(KauśS_13,32[124].5) <savyāvṛttāny uta yā viśvarūpā pratyagvṛttāny uta yā te paruṣaḥ | tāny asya deva bahudhā bahūni syonāni śagmāni śivāni santu || tvaṣṭre svāhā [-]>_iti hutvā
(KauśS_13,32[124].6) <tvaṣṭā me daivyaṃ vacaḥ [6.4.1]>_ity etena sūktena juhuyāt
(KauśS_13,32[124].7) sā tatra prāyaścittiḥ
(KauśS_13,33[125].1) atha yatra_etad yūpo virohati tatra juhuyāt
(KauśS_13,33[125].2) <yūpo virohañ chataśākho adhvaraḥ samāvṛto mohayiṣyan yajamānasya lokān | vedābhigupto brahmaṇā parivṛto 'tharvabhiḥ śāntaḥ sukṛtām etu lokān || yūpo hy arukṣad dviṣatāṃ vadhāya na me yajño yajamānaś ca riṣyāt | saptarṣīṇāṃ sukṛtāṃ yatra lokas tatremaṃ yajñaṃ yajamānaṃ ca dhehi || vanaspate svāhā [-, cf. Kāty;SS 2.2.8]]>_iti hutvā
(KauśS_13,33[125].3) <vanaspatiḥ saha devair na āgann [12.3.15]> iti juhuyāt
(KauśS_13,33[125].4) sā tatra prāyaścittiḥ
(KauśS_13,34[126].1) atha yatra_etad divolkā patati tad ayogakṣemāśaṅkaṃ bhavati_avṛṣṭyāśaṅkaṃ vā
(KauśS_13,34[126].2) tatra rājā bhūmipatir vidvāṃsaṃ brahmāṇaṃ vṛṇīyāt
(KauśS_13,34[126].3) sa vṛto_araṇyasyārdham abhivrajya tatra dvādaśarātram anuśuṣyet
(KauśS_13,34[126].4) sa khalu pūrvaṃ navarātram āraṇyaśākamūlaphalabhakṣaś cātha_uttaraṃ trirātraṃ nānyad udakāt
(KauśS_13,34[126].5) śvo bhūte sapta dhenava upakḷptā bhavanti śvetā kṛṣṇā rohiṇī nīlā pāṭalā surūpā bahurūpā saptamī
(KauśS_13,34[126].6) tāsām etad dvādaśarātraṃ saṃdugdhaṃ navanītaṃ nidadhāti
(KauśS_13,34[126].7) dvādaśyāḥ prātar yatra_evāsau patitā bhavati tata uttaram agnim upasamādhāya
(KauśS_13,34[126].8) parisamūhya paryukṣya paristīrya barhiḥ
(KauśS_13,34[126].9) athāmuṃ navanītaṃ sauvarṇe pātre vilāpya sauvarṇena sruveṇa rakṣoghnaiś ca sūktair <yām āhus tārakaiṣā vikeśīti [5.17.4]>_etena sūktenājyaṃ juhvan
(KauśS_13,34[126].10) avapatite saṃpātān ānīya saṃsthāpya homān
(KauśS_13,34[126].11) avapatitaṃ śāntyudakena saṃprokṣya
(KauśS_13,34[126].12) tā eva brāhmaṇo dadyāt
(KauśS_13,34[126].13) sīraṃ vaiśyo_aśvaṃ prādeśiko grāmavaraṃ rājā
(KauśS_13,34[126].14) sā tatra prāyaścittiḥ
(KauśS_13,35[127].1) atha yatra_etad dhūmaketuḥ saptarṣīn upadhūpayati tad ayogakṣemāśaṅkam ity uktam
(KauśS_13,35[127].2) pañca paśavas tāyante vāruṇaḥ kṛṣṇo gaur vājo vāvir vā harir vāyavyo bahurūpo diśyo mārutī meṣyāgneyaḥ prājāpatyaś ca kṣīraudano_apāṃ naptra udraḥ
(KauśS_13,35[127].3) <uteyaṃ bhūmir [4.16.3]> iti trir varuṇam abhiṣṭūya
(KauśS_13,35[127].4) <apsu te rājann [7.83.1]> iti catasṛbhir vāruṇasya juhuyāt
(KauśS_13,35[127].5) <vāyav ā rundhi no mṛgān asmabhyaṃ mṛgayadbhyaḥ | sa no nediṣṭham ā kṛdhi vāto hi raśanākṛtaḥ [PS 20.51.4]>_iti vāyavyasya
(KauśS_13,35[127].6) <āśānām [1.31.1]> iti diśyasya
(KauśS_13,35[127].7) <prati tyaṃ cārum adhvaraṃ gopīthāya pra hūyase | marudbhir agna ā gahi [PS 6.17.1, .RV 1.19.1]>_iti mārutasya
(KauśS_13,35[127].8) <apām agnis [4.15.10]>_ity āgneyasya
(KauśS_13,35[127].9) <prajāpatiḥ salilād [4.15.11]>_iti prājāpatyasya

(KauśS_13,35[127].10) apāṃ sūktair hiraṇyaśakalena saha_udram apsu praveśayet
(KauśS_13,35[127].11) pra haiva varṣati
(KauśS_13,35[127].12) sarvasvaṃ tatra dakṣiṇā
(KauśS_13,35[127].13) tasya niṣkrayo yathārhaṃ yathāsaṃpad vā
(KauśS_13,36[128].1) atha yatra_etat_nakṣatrāṇi patāpatānīva bhavanti tatra juhuyāt
(KauśS_13,36[128].2) <yan nakṣatraṃ patati jātavedaḥ somena rājñeṣiraṃ purastāt | tasmān mām agne pari pāhi ghorāt pra ṇo jāyantāṃ mithunāni rūpaśaḥ || indrāgnibhyāṃ svāhā [-, cf. KauśS 114.2]>_iti hutvā
(KauśS_13,36[128].3) <somo rājā savitā ca rājā [PS 19.33.1]>_ity etena sūktena juhuyāt
(KauśS_13,36[128].4) <somo rājā savitā ca rājā bhuvo rājā bhuvanaṃ ca rājā | śarvo rājā śarma ca rājā ta u naḥ śarma yachantu devāḥ || ādityair no bṛhaspatir bhagaḥ somena naḥ saha | viśve devā urv antarikṣaṃ ta u naḥ śarma yachantu devāḥ || utāvidvān niṣkṛdayāthosraghnī yathāyatham | mā no viśve devā maruto hetim ichata [PS 19.33.1-3]>
(KauśS_13,36[128].5) rukmaṃ kartre dadyāt
(KauśS_13,36[128].6) sā tatra prāyaścittiḥ
(KauśS_13,37[129].1) atha yatra_etat_māṃsamukho nipatati tatra juhuyāt
(KauśS_13,37[129].2) <ghoro vajro devasṛṣṭo na āgan yad vā gṛhān ghoram utā jagāma | tan nir jagāma haviṣā ghṛtena śaṃ no astu dvipade śaṃ catuṣpade || rudrāya svāhā [-]>_iti hutvā
(KauśS_13,37[129].3) <bhavāśarvau mṛḍataṃ mābhi yātaṃ [11.2.1]>_ity etena sūktena juhuyāt
(KauśS_13,37[129].4) sā tatra prāyaścittiḥ
(KauśS_13,38[130].1) atha yatra_etad anagnau_avabhāso bhavati tatra juhuyāt
(KauśS_13,38[130].2) <yā te 'vadīptir avarūpā jātavedo 'peto rakṣasāṃ bhāga eṣaḥ | rakṣāṃsi tayā daha jātavedo yā naḥ prajāṃ manuṣyāṃ saṃsṛjante || agnaye svāhā [-]>_iti hutvā
(KauśS_13,38[130].3) <agnī rakṣāṃsi sedhati [8.3.26]>_iti prāyaścittiḥ
(KauśS_13,39[131].1) atha yatra_etad agniḥ śvasatīva tatra juhuyāt
(KauśS_13,39[131].2) <śvetā kṛṣṇā rohiṇī jātavedo yās te tanūs tiraścīnā nirdahantīḥ śvasantīḥ | rakṣāṃsi tābhir daha jātavedo yā naḥ prajāṃ manuṣyāṃ saṃsṛjante || agnaye svāhā [-]>_iti hutvā
(KauśS_13,39[131].3) <agnī rakṣāṃsi sedhati [8.3.26]>_iti prāyaścittiḥ
(KauśS_13,40[132].1) atha yatra_etat sarpir vā tailaṃ vā madhu vā viṣyandati <yad yāmaṃ cakrur nikhananto [6.116.1]>_ity etena sūktena juhuyāt
(KauśS_13,40[132].2) sā tatra prāyaścittiḥ
(KauśS_13,41[133].1) atha yatra_etad grāmyo_agniḥ śālāṃ dahati_<apamityam apratīttaṃ [6.117-119]>_ity etais tribhiḥ sūktair maiśradhānyasya pūrṇāñjaliṃ hutvā
(KauśS_13,41[133].2) <mamobhā mitrāvaruṇā [PS 1.40]> <mahyam āpo madhumad erayantāṃ [6.61.1]>_ity etābhyāṃ sūktābhyāṃ juhuyāt
(KauśS_13,41[133].3) <mamobhā mitrāvaruṇā mamobhendrābṛhaspatī | mama tvaṣṭā ca pūṣā ca mamaiva savitā vaśe || mama viṣṇuś ca somaś ca mamaiva maruto bhavan | sarasvāṃś ca bhagaś ca viśve devā vaśe mama || mamobhe [ed. misprint mamobhā] dyāvāpṛthivī antarikṣaṃ svar mama | mamemāḥ sarvā oṣadhīr āpaḥ sarvā vaśe mama || mama gāvo mamāśvā mamājāś cāvayaś ca mamaiva puruṣā bhavan | mamedaṃ sarvam ātmanvad ejat prāṇad vaśe mama || [PS 1.40]>_iti
(KauśS_13,41[133].4) araṇī pratāpya sthaṇḍilaṃ parimṛjya
(KauśS_13,41[133].5) athāgniṃ janayet
(KauśS_13,41[133].6) <ita eva prathamaṃ jajñe agnir ābhyo yonibhyo adhi jātavedāḥ | sa gāyatryā triṣṭubhā jagatyānuṣṭubhā devo devebhyo havyaṃ vahatu prajānann [-]> iti janitvā
(KauśS_13,41[133].7) <bhavataṃ naḥ samanasau samokasāv [-, cf. KauśS 108.2]> ity etena sūktena juhuyāt
(KauśS_13,41[133].8) sā tatra prāyaścittiḥ
(KauśS_13,42[134].1) atha ced āgantur dahati_evam eva kuryāt
(KauśS_13,42[134].2) sā tatra prāyaścittiḥ
(KauśS_13,43[135].1) atha yatra_etad vaṃśa sphoṭati kapāle_aṅgārā bhavanti_udapātraṃ barhir ājyaṃ tad ādāya
(KauśS_13,43[135].2) śālāyāḥ pṛṣṭham upasarpati
(KauśS_13,43[135].3) tatrāṅgārān vā kapālaṃ vā_upanidadhāti_ā saṃtapanāt
(KauśS_13,43[135].4) prāñcam idhmam upasamādhāya
(KauśS_13,43[135].5) parisamuhya paryukṣya paristīrya barhir udapātram upasādya
(KauśS_13,43[135].6) paricaraṇenājyaṃ paricarya
(KauśS_13,43[135].7) nityān purastāddhomān hutvājyabhāgau ca
(KauśS_13,43[135].8) atha juhoti

(KauśS_13,43[135].9) <asau vai nāma te mātāsau vai nāma te pitā | asau vai nāma te dūtaḥ svavaṃśam adhi tiṣṭhati || uttamarātrī ṇāma mṛtyo te mātā tasya te antakaḥ pitā | samaṃdadhānas te dūtaḥ svavaṃśam adhi tiṣṭhati || bahavo 'sya pāśā vitatāḥ pṛthivyām asaṃkhyeyā aparyantā anantāḥ | yābhir vaṃśān abhinidadhāti prāṇināṃ yān kāṃś cemān prāṇabhṛtāṃ jighāṃsan | sa imaṃ dūtaṃ nudatu vaṃśapṛṣṭhāt sa me gachatu dviṣato niveśaṃ mṛtyave svāhā || bṛhaspatir āṅgiraso brahmaṇaḥ putro viśve devāḥ pra dadur viśvam ejat | sa imaṃ dūtaṃ nudatu vaṃśapṛṣṭhāt sa me gachatu dviṣato niveśaṃ bṛhaspataya āṅgirasāya svāhā || yasya te 'nnaṃ na kṣīyate bhūya evopajātaye | yasmai bhūtaṃ ca bhavyaṃ ca sarvam etat pratiṣṭhitam | sa imaṃ dūtaṃ nudatu vaṃśapṛṣṭhāt sa me gachatu dviṣato niveśam indrāya svāhā || mukhaṃ devānām iha yo babhūva yo jānāti vayunānāṃ samīpe | yasmai hutaṃ devatā bhakṣayanti vāyunetraḥ supraṇītiḥ sunītiḥ | sa imaṃ dūtaṃ nudatu vaṃśapṛṣṭhāt sa me gachatu dviṣato niveśam agnaye svāhā || yaḥ pṛthivyāṃ cyāvayann eti vṛkṣān prabhañjanena rathena saha saṃvidānaḥ | rasān gandhān bhāvayann eti devo mātariśvā bhūtabhavyasya kartā | sa imaṃ dūtaṃ nudatu vaṃśapṛṣṭhāt sa me gachatu dviṣato niveśaṃ vāyave svāhā || brahmacārī carati brahmacaryam ṛcaṃ gāthāṃ brahma paraṃ jigāṃsan | taṃ vighnā anupariyanti sarve ye antarikṣe ye ca divi śritāsaḥ | taṃ viśo anuparyanti sarvāḥ karmāṇi loke parimohayanti | sa imaṃ dūtaṃ nudatu vaṃśapṛṣṭhāt sa me gachatu dviṣato niveśam ādityāya svāhā || yo nakṣatraiḥ sarathaṃ yāti devaḥ saṃsiddhena rathena saha saṃvidānaḥ | rūpaṃrūpaṃ kṛṇvānaś citrabhānuḥ subhānuḥ | sa imaṃ dūtaṃ nudatu vaṃśapṛṣṭhāt sa me gachatu dviṣato niveśaṃ candrāya svāhā || oṣadhayaḥ somarājñīr yaśasvinīḥ | tā imaṃ dūtaṃ nudantu vaṃśapṛṣṭhāt sa me gachatu dviṣato niveśam oṣadhībhyaḥ somarājñībhyaḥ svāhā || oṣadhayo varuṇarājñīr yaśasvinīḥ | tā imaṃ dūtaṃ nudantu vaṃśapṛṣṭhāt sa me gachatu dviṣato niveśam oṣadhībhyo varuṇarājñībhyaḥ svāhā || aṣṭasthūṇo daśapakṣo yadṛchajo vanaspate | putrāṃś caiva paśūṃś cābhi rakṣa vanaspate || yo vanaspatīnām upatāpo babhūva yad vā gṛhān ghoram utā jagāma tan nir jagāma haviṣā ghṛtena śaṃ no astu dvipade śaṃ catuṣpade || yo vanaspatīnām upatāpo na āgad yad vā yajñaṃ no 'dbhutam ā jagāma | sarvaṃ tad agne hutam astu bhāgaśaḥ śivān vayam ut taremābhi vājān || tvaṣṭre svāhā [-]>_iti hutvā
(KauśS_13,43[135].10) <tvaṣṭā me daivyaṃ vacaḥ [6.4.1]>_ity atra_udapātraṃ ninayati
(KauśS_13,43[135].11) kapāle_agniṃ cādāya_upasarpati
(KauśS_13,43[135].12) sā tatra prāyaścittiḥ
(KauśS_13,44[136].1) atha yatra_etat kumbhodadhānaḥ saktudhānī vā_ukhā vāniṅgitā vikasati tatra juhuyāt
(KauśS_13,44[136].2) <bhūmir bhūmim agān [ed. em.: avāgān, but note AVPariś 40.6.5 and Keśava] mātā mātaram apy agāt | ṛdhyāsma putraiḥ paśubhir yo no dveṣṭi sa bhidyatām [-]> iti
(KauśS_13,44[136].3) sadasi san me bhūyād iti saktūn āvapate
(KauśS_13,44[136].4) atha ced odanasya_<annam asy annaṃ me dehy annaṃ mā mā hiṃsīr> iti triḥ prāśya
(KauśS_13,44[136].5) atha yathākāmaṃ prāśnīyāt
(KauśS_13,44[136].6) atha ced udadhānaḥ syāt <samudraṃ vaḥ pra hiṇomi [10.5.23-24]>_ity etābhyām abhimantrya
(KauśS_13,44[136].7) anyaṃ kṛtvā dhruvābhyāṃ dṛṃhayitvā
(KauśS_13,44[136].8) tatra <hiraṇyavarṇāḥ [1.33.1]>_ity udakam āsecayet
(KauśS_13,44[136].9) sa khalu_eteṣu karmasu sarvatra śāntyudakaṃ kṛtvā sarvatra cātanāni_anuyojayet_mātṛnāmāni ca
(KauśS_13,44[136].10) sarvatra varāṃ dhenuṃ kartre dadyāt
(KauśS_13,44[136].11) sarvatra kaṃsavasanaṃ gaur dakṣiṇā
(KauśS_13,44[136].12) brāhmaṇān bhaktena_upepsanti
(KauśS_13,44[136].13) yathoddiṣṭaṃ cādiṣṭāsu_iti prāyaścittiḥ prāyaścittiḥ
(KauśS 13 Colophon) iti atharvavede kauśikasūtre trayodaśo 'dhyāyaḥ samāptaḥ
(KauśS_14,1[137].1) yathāvitānaṃ yajñavāstu_adhyavaset
(KauśS_14,1[137].2) vedir yajñasyāgner uttaravediḥ
(KauśS_14,1[137].3) ubhe prāgāyate kiṃcidprathīyasyau paścād udyatatare
(KauśS_14,1[137].4) apṛthusaṃmitāṃ vediṃ vidadhyāt
(KauśS_14,1[137].5) ṣaṭśamīṃ prāgāyatāṃ catuḥśamīṃ śroṇyām
(KauśS_14,1[137].6) trīn madhye ardhacaturthān agrataḥ
(KauśS_14,1[137].7) trayāṇāṃ purastād uttaravediṃ vidadhyāt
(KauśS_14,1[137].8) dviḥśamīṃ prāgāyatām ṛjvīm adhyardhaśamīṃ śroṇyām
(KauśS_14,1[137].9) <grīṣmas te bhūme [12.1.36]>_ity upasthāya
(KauśS_14,1[137].10) <vi mimīṣva payasvatīṃ [13.1.27]>_iti mimānam anumantrayate
(KauśS_14,1[137].11) <bṛhaspate pari gṛhāṇa vediṃ sugā vo devāḥ sadanāni santu | asyāṃ barhiḥ prathatāṃ sādhv antarahiṃsrā ṇaḥ pṛthivī devy astu [Kāty;SS 2.2.12]>_iti parigṛhṇāti
(KauśS_14,1[137].12) <yat te bhūme [12.1.35]>_iti vikhanati
(KauśS_14,1[137].13) <yat te ūnaṃ [12.1.61c]>_iti saṃvapati
(KauśS_14,1[137].14) <tvam asy āvapanī janānām [12.1.61]> iti tatah pāṃsūn anyatodāhārya [-udāhārya]
(KauśS_14,1[137].15) <bṛhaspate pari gṛhāṇa vediṃ [Kāty;SS 2.2.12, see KauśS 137.11]>_iti uttaravedim opyamānāṇ parigṛhṇāti
(KauśS_14,1[137].16) <asaṃbādhaṃ madhyato [ed.: badhyato] mānavānāṃ [12.1.2]>_iti prathayati
(KauśS_14,1[137].17) <yasyāś catasraḥ pradiśaḥ pṛthivyā [12.1.4]> iti caturasrāṃ karoti
(KauśS_14,1[137].18) <devasya tvā savituḥ prasave aśvinor bāhubhyāṃ pūṣṇo hastābhyām ā dade [cf. 19.51.2 etc.]>_iti lekhanam ādāya yatrāgniṃ nidhāsyan bhavati tatra lakṣaṇaṃ karoti
(KauśS_14,1[137].19) <indraḥ sītāṃ ni gṛhṇātu [3.17.4]>_iti dakṣiṇata ārabhya_uttara ālikhati
(KauśS_14,1[137].20) prācīm āvṛtya dakṣiṇataḥ prācīm
(KauśS_14,1[137].21) aparās tisro madhye
(KauśS_14,1[137].22) tasyāṃ vrīhiyavau_opya

(KauśS_14,1[137].23) <varṣeṇa bhūmiḥ pṛthivī vṛtāvṛtā [12.1.52c]>_ity adbhiḥ saṃprokṣya
(KauśS_14,1[137].24) <yasyām annaṃ vrīhiyavau [12.1.42]>_iti bhūmiṃ namaskṛtya
(KauśS_14,1[137].25) athāgniṃ praṇayet | <tvām agne bhṛgavo nayantām aṅgirasaḥ sadanaṃ śreya ehi | viśvakarmā pura etu prajānan dhiṣṇyaṃ panthām anu te diśāma [-]>_iti
(KauśS_14,1[137].26) bhadraśreyaḥsvastyā vā
(KauśS_14,1[137].27) <agne prehi [4.14.5]>_iti vā
(KauśS_14,1[137].28) <viśvaṃbharā vasudhānī pratiṣṭhā [12.1.6]>_iti lakṣaṇe pratiṣṭhāpya
(KauśS_14,1[137].29) atha_idhmam upasamādadhāti
(KauśS_14,1[137].30) <agnir bhūmyām oṣadhīṣv [12.1.19]> <agnir diva ā tapaty [12.1.20]> <agnivāsāḥ pṛthivy asitajñūr [corr. Bloomfield GGA 1902 514 -- ed.: asitajūr] [12.1.21]> <etam idhmaṃ samāhitaṃ juṣāṇo [10.6.35]>_<asmai kṣatrāṇi dhārayantam agne [7.78.2]>_iti pañcabhi staraṇam
(KauśS_14,1[137].31) ata ūrdhvaṃ barhiṣaḥ
(KauśS_14,1[137].32) <tvaṃ bhūmim aty eṣy ojasā [PS 11.13.3, see KauśS 2.1]>_iti darbhān saṃprokṣya
(KauśS_14,1[137].33) <ṛṣīṇāṃ prastaro 'si [16.2.6]>_iti dakṣiṇato_agner brahmāsanaṃ nidadhāti
(KauśS_14,1[137].34) purastād agner udak saṃstṛṇāti
(KauśS_14,1[137].35) tathā pratyak
(KauśS_14,1[137].36) pradakṣiṇaṃ barhiṣāṃ mūlāni chādayantottarasyā [-uttarasyā] vediśroṇeḥ pūrvottarataḥ saṃsthāpya
(KauśS_14,1[137].37) <ahe daidhiṣavyod atas tiṣṭhāny asya sadane sīda yo 'smat pākataraḥ [TS 3.2.4.4, VaitS 1.20]>_iti brahmāsanam anvīkṣate
(KauśS_14,1[137].38) <nirastaḥ parāgvasuḥ saha pāpmanā nirastaḥ so 'stu yo 'smān dveṣṭi yaṃ ca vayaṃ dviṣmaḥ [GobhGS 1.6.14, ;SBM 1.5.1.23 etc.]>_iti dakṣiṇā tṛṇaṃ nirasyati (cf. KauśS 3.5ff.)
(KauśS_14,1[137].39) tad anvālabhya japati_<idam aham arvāgvasoḥ sadane sīdāmi_[GB 2.1.1, ;SBM 1.5.1.24]_ṛtasya sadane sīdāmi satyasya sadane sīdāmi_[PB 1.2.2 etc.]_iṣṭasya sadane sīdāmi pūrtasya sadane sīdāmi [-] māmṛṣad eva barhiḥ svāsasthaṃ tvādhyāsadeyam ūrṇamradam anabhiśokam [cf. AAśv;SS 1.4.7]>
(KauśS_14,1[137].40) <vimṛgvarīṃ [12.1.29]>_ity upaviśyāsanīyaṃ brahmajapaṃ japati <bṛhaspatir brahmā brahmasadana āsiṣyate [thus Bloomfield] [AAśv;SS 1.12.9]> <bṛhaspate yajñaṃ gopāya [AAśv;SS 1.12.9, TB 3.7.6.3]> <yad ud udvata un nivataḥ śakeyam [TS 3.2.4.4]>
(KauśS_14,1[137].41) <pātaṃ mā dyāvāpṛthivī adyāhna [em. Bloomfield GGA 1902 514 -- ed. aghān na] [-]> iti dyāvāpṛthivyau samīkṣate
(KauśS_14,1[137].42) <savitā prasavānām [5.24.1]> iti karmaṇikarmaṇi_abhito_abhyātānair ājyaṃ juhuyāt
(KauśS_14,1[137].43) vyākhyātaṃ sarvapākayajñiyaṃ tantram
(KauśS_14,2[138].1) aṣṭakāyām aṣṭakāhomāñ juhuyāt
(KauśS_14,2[138].2) tasyā havīṃṣi dhānāḥ karambhaḥ śaṣkulyaḥ puroḍāśa udaudanaḥ kṣiraudanas tilaudano yathopapādipaśuḥ
(KauśS_14,2[138].3) sarveṣāṃ haviṣāṃ samuddhṛtya
(KauśS_14,2[138].4) darvyā juhuyāt <prathamā ha vy uvāsa sā [3.10.1]>_iti pañcabhiḥ
(KauśS_14,2[138].5) <āyam āgan saṃvatsara [3.10.8]>_iti catasṛbhir vijñāyate
(KauśS_14,2[138].6) <ṛtubhyas tvā [3.10.10]>_iti vigrāham aṣṭau
(KauśS_14,2[138].7) <indraputre [3.10.13]> ity aṣṭādaśīm
(KauśS_14,2[138].8) <ahorātrābhyāṃ [6.128.3]>_ity ūnaviṃśīm
(KauśS_14,2[138].9) paśau_upapadyamāne dakṣiṇaṃ bāhuṃ nirlomaṃ sacarmaṃ sakhuraṃ prakṣālya
(KauśS_14,2[138].10) <iḍāyās padaṃ [3.10.6]>_iti dvābhyāṃ viṃśīm
(KauśS_14,2[138].11) anupadyamāna ājyaṃ juhuyāt
(KauśS_14,2[138].12) haviṣāṃ darviṃ pūrayitvā <pūrṇā darve [3.10.7c]>_iti sadarvīm ekaviṃśīm
(KauśS_14,2[138].13) ekaviṃśatisaṃstho yajño vijñāyate [cf. GB 1.1.12]
(KauśS_14,2[138].14) sarvā eva yajñatanūr avarunddhe sarvā evāsya yajñatanūḥ pitaram upajīvanti ya evam aṣṭakām upaiti
(KauśS_14,2[138].15) na darvihome na hastahome na pūrṇahome tantraṃ kriyeta_ity eke
(KauśS_14,2[138].16) aṣṭakāyāṃ kriyeta_itīṣuphālimāṭharau
(KauśS_14,3[139].1) abhijiti śiṣyān upanīya śvo bhūte saṃbhārān saṃbharati
(KauśS_14,3[139].2) dadhisaktūn pālāśaṃ daṇḍam ahate vasane śuddham ājyaṃ śāntā oṣadhīr navam udakumbham
(KauśS_14,3[139].3) bāhyataḥ śāntavṛkṣasya_idhmaṃ prāñcam upasamādhāya

(KauśS_14,3[139].4) parisamuhya paryukṣya paristīrya barhir udapātram upasādya paricaraṇenājyaṃ paricarya
(KauśS_14,3[139].5) nityān purastāddhomān hutvājyabhāgau ca
(KauśS_14,3[139].6) paścād agner dadhisaktūñ juhoti_agnaye brahmaprajāpatibhyāṃ bhṛgvaṅgirobhya uśanase kāvyāya
(KauśS_14,3[139].7) tato_abhayair aparājitair gaṇakarmabhir viśvakarmabhir āyuṣyaiḥ svastyayanair ājyaṃ juhuyāt
(KauśS_14,3[139].8) <mā no devā ahir vadhīt [6.56.1]>_<arasasya śarkoṭasya [7.56.5]>_<indrasya prathamo ratho [10.4.1]> <yas te sarpo vṛścikas tṛṣṭadaṃśmā [12.1.46]> <namas te astu vidyute [1.13.1]>_<āre 'sāv amad astu [1.26.1]> <yas te pṛthu stanayitnur [7.11.1]> iti saṃsthāpya homān
(KauśS_14,3[139].9) pratiṣṭhāpya sruvaṃ dadhisaktūn prāśyācamya_udakam upasamārabhante
(KauśS_14,3[139].10) <avyacasaś ca [19.68.1]>_iti japitvā sāvitrīṃ <brahma jajñānaṃ [4.1.1]>_ity ekāṃ triṣaptīyaṃ ca paccho vācayet
(KauśS_14,3[139].11) śeṣam anuvākasya japanti
(KauśS_14,3[139].12) yoyo bhogaḥ kartavyo bhavati taṃtaṃ kurvate
(KauśS_14,3[139].13) sa khalu_etaṃ pakṣam apakṣīyamāṇaḥ pakṣam adhīyāna upaśrāmyetā darśāt
(KauśS_14,3[139].14) dṛṣṭe candramasi phalgunīṣu dvayān rasān upasādayati
(KauśS_14,3[139].15) <viśve devā [1.30.1]> <ahaṃ rudrebhir [4.30.1]>_<siṃhe vyāghre [6.38.1]> <yaśo havir [6.39.1]> <yaśasaṃ mendro [6.58.1]> <girāv aragarāṭeṣu (ed.: arāgarāṭeṣu) [6.69.1]> <yathā somaḥ prātaḥsavane [9.1.11]> <yac ca varco akṣeṣu [14.1.35]> <yena mahānaghnyā jaghanam [14.1.36]>_svāhā_ity agnau hutvā
(KauśS_14,3[139].16) raseṣu saṃpātān ānīya saṃsthāpya homān
(KauśS_14,3[139].17) tata etān prāśayati rasān madhu ghṛtān_śiṣyān
(KauśS_14,3[139].18) yoyo bhogaḥ kartavyo bhavati taṭaṃ kurvate
(KauśS_14,3[139].19) nānyata āgatān_śiṣyān parigṛhṇīyāt parasaṃdīkṣitatvāt
(KauśS_14,3[139].20) trirātronān_caturo māsān_śiṣyebhyaḥ prabrūyād ardhapañcamān vā
(KauśS_14,3[139].21) pādaṃ pūrvarātre_adhīyānaḥ pādam apararātre madhyarātre svapan
(KauśS_14,3[139].22) abhuktvā pūrvarātre_adhīyāna ity eke
(KauśS_14,3[139].23) yathāśaktyapararātre duṣparimāṇo ha pādaḥ
(KauśS_14,3[139].24) pauṣasyāparapakṣe trirātraṃ nādhīyīta
(KauśS_14,3[139].25) tṛtīyasyāḥ prātaḥ samāsaṃ saṃdiśya <yasmāt kośād [19.72.1, PS 19.35.3]> ity antaḥ
(KauśS_14,3[139].26) <yasmāt kośād udabharāma vedaṃ tasminn antar ava dadhma enam | adhītam [sic!] iṣṭaṃ brahmaṇo vīryeṇa tena mā devās tapasāvateha [19.72.1 (but note sakalapāṭha) = PS 19.35.3]>_iti
(KauśS_14,3[139].27) yoyo bhogaḥ kartavyo bhavati taṃtaṃ kurvate
(KauśS_14,3[139].28) ye parimokṣaṃ kāmayante te parimucyante
(KauśS_14,4[140].1) atha rājñām indramahasya_upācārakalpaṃ vyākhyāsyāmaḥ
(KauśS_14,4[140].2) proṣṭhapade śuklapakṣe_aśvayuje vāṣṭamyāṃ praveśaḥ
(KauśS_14,4[140].3) śravaṇena_utthāpanam
(KauśS_14,4[140].4) saṃbhṛteṣu saṃbhāreṣu brahmā rājā ca_ubhau snātau_ahatavasanau surabhiṇau vratavantau karmaṇyau_upavasataḥ
(KauśS_14,4[140].5) śvo bhūte śaṃ no devyāḥ pādair ardharcābhyām ṛcā ṣaṭkṛtvā_udakam ācāmataḥ
(KauśS_14,4[140].6) <arvāñcam indram [5.3.11]>_<trātāram [7.86.1]> <indraḥ sutrāmā [7.91.1]>_ity ājyaṃ hutvā
(KauśS_14,4[140].7) atha_indram utthāpayanti
(KauśS_14,4[140].8) <ā tvāhārṣam [6.87.1]>_<dhruvā dyaur [6.88.1]> <viśas tvā sarvā vāñchantu [6.87.1c]>_iti sarvato_apramattā dhārayeran
(KauśS_14,4[140].9) adbhutaṃ hi vimānotthitam upatiṣṭhante
(KauśS_14,4[140].10) <abhibhūr yajño [6.97.1]>_ity etais tribhiḥ sūktair anvārabdhe rājani pūrṇahomaṃ juhuyāt
(KauśS_14,4[140].11) atha paśūnām upācāram
(KauśS_14,4[140].12) indradevatāḥ syuḥ
(KauśS_14,4[140].13) ye rājño bhṛtyāḥ syuḥ sarve dīkṣitā brahmacāriṇaḥ syuḥ
(KauśS_14,4[140].14) indraṃ ca_upasadya yajeran_trirātraṃ pañcarātraṃ vā
(KauśS_14,4[140].15) trir ayanam ahnām upatiṣṭhante haviṣā ca yajante

(KauśS_14,4[140].16) āvṛta <indram ahaṃ [3.15.1]>_iti
(KauśS_14,4[140].17) <indra kṣatram [7.84.2]> iti haviṣo hutvā brāhmaṇān paricareyuḥ
(KauśS_14,4[140].18) na saṃsthitahomāñ juhuyād ity āhur ācāryāḥ
(KauśS_14,4[140].19) indrasyāvabhṛthād indram avabhṛthāya vrajanti
(KauśS_14,4[140].20) apāṃ sūktair āplutya pradakṣiṇam āvṛtyāpa upaspṛśyānavekṣamāṇāḥ pratyudāvrajanti
(KauśS_14,4[140].21) brāhmaṇān bhaktena_upepsanti
(KauśS_14,4[140].22) śvaḥśvo_asya rāṣṭraṃ jyāyo bhavati_eko_asyāṃ pṛthivyāṃ rājā bhavati na purā jarasaḥ pramīyate ya evaṇ veda yaś ca_evaṃ vidvān indramaheṇa carati
(KauśS_14,5[141].1) atha vedasyādhyayanavidhiṃ vakṣyāmaḥ
(KauśS_14,5[141].2) śrāvaṇyāṃ prauṣṭhapadyāṃ vā_upākṛtyārdhapañcamān māsān adhīyīran
(KauśS_14,5[141].3) evaṃ chandāṃsi
(KauśS_14,5[141].4) lomnāṃ cānivartanam
(KauśS_14,5[141].5) <ardhamāsaṃ copākṛtya kṣaperaṃs tryaham utsṛjya | ārambhaḥ śrāvaṇyām uktaḥ pauṣyām utsarga ucyate [-]>
(KauśS_14,5[141].6) athānadhyāyān vakṣyāmaḥ
(KauśS_14,5[141].7) brahmajyeṣu nivartate
(KauśS_14,5[141].8) śrāddhe
(KauśS_14,5[141].9) sūtakotthānachardaneṣu triṣu caraṇam
(KauśS_14,5[141].10) ācāryāstamite vā yeṣāṃ ca mānuṣī yoniḥ
(KauśS_14,5[141].11) yathāśrāddhaṃ tathā_eva teṣu
(KauśS_14,5[141].12) sarvaṃ ca śrāddhikaṃ dravyamadasāhavyapetaṃ pratigṛhyānadhyāyaḥ
(KauśS_14,5[141].13) prāṇi cāprāṇi ca
(KauśS_14,5[141].14) dantadhāvane
(KauśS_14,5[141].15) kṣurasaṃsparśe
(KauśS_14,5[141].16) prāduṣkṛteṣu_agniṣu
(KauśS_14,5[141].17) vidyutārdharātre stanite
(KauśS_14,5[141].18) saptakṛtvo varṣeṇa virata ā prātarāśam
(KauśS_14,5[141].19) vṛṣṭe
(KauśS_14,5[141].20) nirghāte
(KauśS_14,5[141].21) bhūmicalane
(KauśS_14,5[141].22) jyotiṣā_upasarjana ṛtau_api_ā kālam
(KauśS_14,5[141].23) viṣame na pravṛttiḥ
(KauśS_14,5[141].24) atha pramāṇaṃ vakṣyāmaḥ samānaṃ vidyudulkayoḥ | mārgaśīrṣapauṣamāghāparapakṣeṣu tisro_aṣṭakāḥ
(KauśS_14,5[141].25) amāvāsyāyāṃ ca
(KauśS_14,5[141].26) trīṇi cānadhyāni
(KauśS_14,5[141].27) <janane maraṇe caiva daśarātro vidhīyate | ācārye daśarātraṃ syāt sarveṣu ca svayoniṣu [-]>
(KauśS_14,5[141].28) sūtake tu_eko nādhīyīta trirātram upādhyāyaṃ varjayet
(KauśS_14,5[141].29) ācāryaputrabhāryāś ca
(KauśS_14,5[141].30) atha śiṣyaṃ sahādhyāyinam apradhānaguruṃ ca_upasannam ahorātraṃ varjayet
(KauśS_14,5[141].31) tathā sabrahmacāriṇaṃ rājānaṃ ca
(KauśS_14,5[141].32) apartudaivam ā kālam
(KauśS_14,5[141].33) <aviśeṣartukālena sarve nirghātādayaḥ smṛtāḥ | yac cānyad daivam adbhutaṃ sarvaṃ nirghātavad bhavet [-]>

(KauśS_14,5[141].34) <ṛtāv adhyāyaś chāndasaḥ kālpya āpartukaḥ smṛtaḥ | ṛtāv ūrdhvaṃ prātarāśād yas tu kaś cid anadhyāyaḥ | saṃdhyāṃ prāpnoti paścimām [-]>
(KauśS_14,5[141].35) sarveṇa pradoṣo lupyate
(KauśS_14,5[141].36) niśi nigadāyāṃ ca vidyuti śiṣṭaṃ nādhīyīta
(KauśS_14,5[141].37) <astamite dvisattāyāṃ trisattāyāṃ ca pāṭavaḥ | atha tāvat kālaṃ bhuktvā pradoṣa [corr. Bloomfield GGA 1902 514 -- ed. padoṣa] ubhe saṃdhye [-]>
(KauśS_14,5[141].38) <apsu śmaśāne śayyāyām abhiśaste khileṣu ca | antaḥśave rathyāyāṃ grāme cāṇḍālasaṃyute [-]>
(KauśS_14,5[141].39) <durgandhe śūdrasaṃśrāve paiṅge śabde bhaye rute | vaidhṛtye nagareṣu ca [-]>
(KauśS_14,5[141].40) <aniktena ca vāsasā caritaṃ yena maithunam | śayānaḥ prauḍhapādo cāgratopasthāntike guroḥ [-]>
(KauśS_14,5[141].41) <viramya mārute śīghre pratyārambho vibhāṣitaḥ | sarveṇāpararātreṇa viramya pratyārambho na vidyute [-]>
(KauśS_14,5[141].42) pauṣī pramāṇam abhreṣu_āpartu ced adhīyānām
(KauśS_14,5[141].43) varṣaṃ vidyut stanayitnur vā vipadyate
(KauśS_14,5[141].44) trirātraṃ sthānāsanaṃ brahmacaryam arasāśaṃ ca_upayeyuḥ
(KauśS_14,5[141].45) sā tatra prāyaścittiḥ sā tatra prāyaścittiḥ
(KauśS 14 Colophon) iti atharvavede kauśikasūtre caturdaśo 'dhyāyaḥ samāptaḥ
(KauśS Post Colophon) iti kauśikasūtraṃ samāptam