Kathaka Samhita · Chapter 7

atha saptamaṃ vacanam/
indrānuvacanam /
indrāya rājñe sūkaro varuṇāya rājñe kṛṣṇo yamāya rājña ṛśya ṛṣabhāya rājñe gavayaśśārdūlāya rājñe gauraḥ puruṣarājāya markaṭaḥ kṣipraśyenasya vartikā nīlaṅgoḥ kṛmissomāya rājñe kuluṅgassindhośśiśūmāro himavato hastī

mayuḥ prājāpatya ulo halikṣṇo vṛṣadam̐śaste dhātussarasvatyai śāriśśyetā puruṣavāk sarasvate śukaśśyetaḥ puruṣavāgāraṇyo'jo nakulaśśakā te pauṣṇā vāce krauñcaḥ

apāṃ naptre jhaṣo nākro makaraḥ pulīrayaste kūvarasya vāce paiṅgarājo bhagāya kuṣītaka ātī vāhaso darvidā te vāyavyā digbhyaścakravākaḥ

balāyājagara ākhussṛjayā śayāṇḍakaste maitrā mṛtyave'sito manyave svajaḥ kaumbhīnasaḥ puṣkarasādo lohitāhiste tvāṣṭrāḥ pratiśrutkāyai vāhasaḥ

puruṣamṛgaścandramase godhā kālakā dārvāghāṭaste vanaspatīnāmeṇyahne kṛṣṇo rātryai pigaḥ kṣviṅkā nīlaśīrṣṇī te'ryamṇo dhātuḥ kakkaṭaḥ

saurī balākarśyo mayūraśśyenaste gandharvāṇāṃ vasūnāṃ kapiñjalo rudrāṇāṃ tittirī rohitkuṇḍṛṇācī golattikā tā apsarasāmaraṇyāya sṛmaraḥ

pṛṣato vaiśvadevo bidvo nyaṅkuḥ kaśaste'numatyā anyavāpo'rdhamāsānāṃ māsāṃ kaśyapaḥ kuvayiḥ kuṭarurdātyauhaste sinīvālyai bṛhaspataye śimyuṭaḥ

śakā bhaumī pāṅktaḥ kaśo manthīlavaste pitṝṇāmṛtūnāṃ jahakā saṃvatsarāya lopā kapota ulūkaśśaśaste nairṛtāḥ kukavākussāvitraḥ

rurū raudraḥ kṛkilāsaśśakuniḥ pippakā te śaravyāyai hariṇo māruto brahmaṇe śārgastarakṣaḥ kṛṣṇaśśvā caturakṣo gardabhasta itarajanānāmagnaye dhūṅkṣā

alaja āntarikṣa udro madguḥ plavaste'pāmadityai ham̐sasācirindrāṇyai kīrṣā gṛdhraśśitikakṣī vārdhrīṇasaste'dityā dyāvāpṛthivyā śvāvit

suparṇaḥ pārjanyo ham̐so vṛko vṛṣadam̐śasta aindrā apāmudro'ryamṇo lopāśassim̐ho nakulo vyāghraste mahendrāya kāmāya parasvān

// iti śrīyajuṣi kāṭhake carakaśākhāyāmaśvamedhanāmani pañcame granthe indrānuvacanaṃ nāma saptamaṃ vacanaṃ saṃpūrṇam