Kathaka Samhita · Chapter 11

athaikādaśaṃ vacanam /
namaskāravacanam /
agnaye namo gāyatryai namastrivṛte namo rathantarāya namo vasantāya namaḥ prācyai diśe namaḥ prāṇāya namo vasubhyo namaḥ

indrāya namastriṣṭubhe namaḥ pañcadaśāya namo bṛhate namo grīṣmāya namo dakṣiṇāyai diśe namo vyānāya namo rudrebhyo namaḥ

marudbhyo namo jagatyai namassaptadaśāya namo vairūpāya namo varṣābhyo namaḥ pratīcyai diśe namo'pānāya nama ādityebhyo namaḥ

viśvebhyo devebhyo namo'nuṣṭubhe nama ekavim̐śāya namo vairājāya namaśśarade nama udīcye diśe namassamānāya namaścandramase namaḥ

mitrāvaruṇābhyāṃ namaḥ paṅktyai namastriṇavatrayastrim̐śābhyo namaśśākvararaivatābhyāṃ namo hemantaśiśirābhyāṃ nama ūrdhvāyai diśe nama udānāya namo viṣṇave namaḥ

pṛthivyai namo'gnaye namo bhūtāya namaścakṣuṣe namo'ntarikṣāya namo vāyave namo bhavyāya namaśśrotrāya namo dive namassūryāya namo bhaviṣyate namo manase namaḥ

// iti śrīyajuṣi kāṭhake carakaśākhāyāmaśvamedhanāmani pañcame granthe namaskāravacanaṃ nāmaikādaśaṃ vacanaṃ saṃpūrṇam