Kathaka Samhita · Chapter 1

athāśvamedhaḥ/
(pañcamo granthaḥ/)
atha prathamaṃ vacanam /
panthānuvacanam /
ye te panthānassavitaḥ pūrvyāso'reṇavo vitatā antarikṣe /
tebhirno adya pathibhissugebhī rakṣā ca no adhi ca brūhi deva //
namo'gnaye pṛthivikṣite lokaspṛte lokamasmai yajamānāya dehi namo vāyave'ntarikṣakṣite lokaspṛte lokamasmai yajamānāya dehi nama ādityāya divikṣite lokaspṛte lokamasmai yajamānāya dehi

devasya tvā savituḥ prasave'śvinorbāhubhyāṃ pūṣṇo hastābhyāmādade //
imāmagṛbhṇan raśanāmṛtasya pūrva āyuṣi vidatheṣu kavyā /
tayā devāssutamābabhūvurṛtasya sāman saramārapantī //
abhidhā asi bhuvanamasi // yantāsi dhartāsi so'gniṃ vaiśvānaram̐ saprathasaṃ gaccha svāhākṛtaḥ pṛthivyām̐ svagā tvā devebhyassvāhā tvā prajāpataye yantā rāḍyantāsi yamano dhartāsi dharuṇaḥ kṛṣyai tvā kṣemāya tvā rayyai tvā poṣāya tvā pṛthivyai tvāntarikṣāya tvā dive tvā sate tvāsate tvādbhyastvauṣadhībhyastvā viśvebhyastvā bhūtebhyaḥ

vibhurmātrā prabhuḥ pitrāśvo'si hayo'si mayo'syatyo'si naro'syarvāsi saptirasi vājyasi vṛṣāsi nṛmaṇā asi yayurnāmāsyādityānāṃ patvānvehyagnaye svāhā svāhendrāgnibhyām̐ svāhā viśvebhyo devebhyassvāhā prajāpataye svāhā sarvābhyo devatābhya iha dhṛtissvāheha vidhṛtissvāheha rantissvāheha ramatissvāhā bhūrasi bhuve tvā bhavyāya tvā bhaviṣyate tvā viśvebhyastvā bhūtebhyo devā āśāpālā etaṃ devebhyo'śvaṃ medhāya prokṣitaṃ gopāyata

āyanāya svāhā prāyaṇāya svāhoddrāvāya svāhoddrutāya svāhā śūkārāya svāhā śūkṛtāya svāhā palāyitāya svāhāpalāyitāya svāhā valgate svāhā parāvalgate svāhā yate svāhā prayate svāhā

agnaye svāhā somāya svāhā vāyave svāhāpāṃ modāya svāhā savitre svāhā sarasvatyai svāhā pūṣṇe svāhā bṛhaspataye svāhā mitrāya svāhā varuṇāya svāhā

pṛthivyai svāhāntarikṣāya svāhā dive svāhā sūryāya svāhā candramase svāhā nakṣatrebhyassvāhā prācyai diśe svāhā dakṣiṇāyai diśe svāhā pratīcyai diśe svāhodīcyai diśe svāhordhvāyai diśe svāhā digbhyassvāhāvāntaradiśābhyassvāhā samābhyassvāhā śaradbhyassvāhāhorātrebhyassvāhārdhamāsebhyassvāhā māsebhyassvāhartubhyassvāhā saṃvatsarāya svāhā sarvasmai svāhā

agnaye svāhā somāya svāhā savitre svāhā sarasvatyai svāhā pūṣṇe svāhā bṛhaspataye svāhāpāṃ modāya svāhā vāyave svāhā mitrāya svāhā varuṇāya svāhā

pṛthivyai svāhāntarikṣāya svāhā dive svāhāgnaye svāhā somāya svāhā sūryāya svāhā candramase svāhāhne svāhā rātryai svāharjave svāhā sādhave svāhā sukṣityai svāhā kṣudhe svāhāśitimne svāhā rocāya svāhā himāya svāhā śītāya svāhātapāya svāhāraṇyāya svāhā svargāya svāhā lokāya svāhā vṛttāya svāhā sarvasmai svāhā

bhuvo devānāṃ karmaṇāpasartasya pathyāsi vasubhirdevebhirdevatayā gāyatreṇa tvā chandasā yunajmi vasantena tvartūnām̐ haviṣā dīkṣayāmi bhuvo devānāṃ karmaṇāpasartasya pathyāsi rudrebhirdevebhirdevatayā traiṣṭubhena tvā chandasā yunajmi grīṣmena tvartūnām̐ haviṣā dīkṣayāmi bhuvo devānāṃ karmaṇāpasartasya pathyāsyādityebhirdevebhirdevatayā jāgatena tvā chandasā yunajmi varṣābhistvartūnām̐ haviṣā dīkṣayāmi bhuvo devānāṃ karmaṇāpasartasya pathyāsi viśvebhirdevebhirdevatayānuṣṭubhena tvā chandasā yunajmi śaradā tvartūnām̐ haviṣā dīkṣayāmi bhuvo devānāṃ karmaṇāpasartasya pathyāsyaṅgirobhirdevebhirdevatayā pāṅktena tvā chandasā yunajmi hemantaśiśirābhyāṃ tvartūnām̐ haviṣā dīkṣayāmi bhuvo devānāṃ karmaṇāpasartasya pathyāsyāhaṃ dīkṣāmaruhamṛtasya patnīṃ gāyatreṇa cchandasā brahmaṇā cartam̐ satye'dhām̐ satyamṛte'dhām̐ sutrāmāṇaṃ mahīmū ṣu

iṃkārāya svāheṃkṛtāya svāhā krandate svāhāvakrandate svāhā prothate svāhā praprothate svāhā gandhāya svāhā ghrātāya svāhā prāṇāya svāhā vyānāya svāhāpānāya svāhā saṃdīyamānāya svāhā saṃditāya svāhā vicṛtyamānāya svāhā vicṛttāya svāhā palāyiṣyate svāhā palāyitāya svāhoparam̐syate svāhoparatāya svāhā nivekṣyate svāhā niviśamānāya svāhā niviṣṭāya svāhā niṣatsyate svāhā niṣīdate svāhā niṣaṇṇāya svāhāsiṣyate svāhāsīnāya svāhāsitāya svāhā nipatsyate svāhā nipadyamānāya svāhā nipannāya svāhā śayiṣyate svāhā śayānāya svāhā śayitāya svāhā saṃmīliṣyate svāhā saṃmīlate svāhā saṃmīlitāya svāhā svapsyate svāhā svapate svāhā suptāya svāhā prabhotsyate svāhā prabudhyamānāya svāhā prabuddhāya svāhā jāgariṣyate svāhā jāgrate svāhā jāgṛtāya svāhā śuśrūṣamāṇāya svāhā śṛṇvate svāhā śrutāya svāhā vīkṣiṣyate svāhā vīkṣamāṇāya svāhā vīkṣitāya svāhā sam̐hāsyate svāhā saṃjihānāya svāhojjihānāya svāhā vivartsyate svāhā vivartamānāya svāhā vivṛttāya svāhotthāsyate svāhottiṣṭhate svāhotthitāya svāhā vidhaviṣyate svāhā vidhūnvānāya svāhā vidhūtāya svāhotkram̐syate svāhotkrāmate svāhotkrāntāya svāhā caṃkramiṣyate svāhā caṃkramyamāṇāya svāhā caṃkramitāya svāhā kaṇḍūyiṣyate svāhā kaṇḍūyamānāya svāhā kaṇḍūyitāya svāhā nikaṣiṣyate svāhā nikaṣamāṇāya svāhā nikaṣitāya svāhā yadatti tasmai svāhā yat pibati tasmai svāhā yanmehati tasmai svāhā yacchakṛt karoti tasmai svāhā retase svāhā prajābhyassvāhā prajananāya svāhā

agnaye svāhā vāyave svāhā sūryāya svāhartamasyṛtasyartamasi satyamasi satyasya satyamasyṛtasya panthā asi devānāṃ chāyāmṛtasya nāma tat satyaṃ yat tvaṃ prajāpatirasi //
adhi yadasmin vājinīva śubhasspardhante divassūryeṇa viśaḥ /
apo vṛṇānaḥ pavate kavīyan paśūnna gopā iryaḥ parijmā

// iti śrīyajuṣi kāṭhake carakaśākhāyāmaśvamedhanāmani pañcame granthe panthānuvacanaṃ nāma prathamaṃ vacanaṃ saṃpūrṇam