Kalika Purana · Chapter 63

//īśvara uvāca//
vaiṣṇavītantramantrasya yathāpūrvaṃ mayoditam/
maṇḍalaṃ pratipattyā tu paryāyo maṇḍalasya yaḥ

sa evaṃ prathamaṃ kāryaḥ śilāyāṃ puṣpacandanaiḥ/
pātrādīnāṃ pratiṣṭhānaṃ tathaivātrāpi yojayet

vaiṣṇavītantramantrasya proktā yāḥ pratipattayaḥ/
atra tāḥ sakalā yojyā āsanādyaiśca pūjanam

tebhyo'nyo yo viśaṣo'tra tad vakṣye śṛṇu bhairava/
prathamaṃ bhāskarāyārghyaṃ pradadyācśvetasarṣapaiḥ

puṣpacandanasaṃvītaiḥ sagaṇāya mahātmane/
āsanārcanaśeṣe tu paṭhoktāḥ sarvadevatāḥ

pīṭhanāmnā tu saṃyojya maṇḍalasya tu maghyataḥ/
dhyānasvarūpaṃ bhinnaṃ tad vaiṣṇavyā saha bhairava

kāmāyāḥ sarvamanyat tu mahāmāyāstavoditam /
yoginistu catuḥṣaṣṭiḥ pūjayecca pṛthak pṛthak

guhāṃ manobhavāṃ cāpi mahotsāhāṃ tathā sakhīm/
anantaraṃ pūjayet tu dikpālāṃśca navagrahān

rūpatastān samud‌diśya pūjayediṣṭasiddhaye/
pūrvadvāre gaṇapatiṃ prathamaṃ tu prapūjayet

nandinaṃ ca hanūmantaṃ paścimadvāri pūjayet/
bhṛṅgī cottarataḥ pūjyo mahākālastu dakṣiṇe

ete mama dvārapālā devyā dvāre prapūjayet/
pātrāmṛtīkṛtividhau kuryād vai kāmudrayā

bhūtāpasāraṇaṃ kuryāt pūrvaṃ tālatrayeṇa tu/
vāmahaste dakṣiṇena pāṇinā tālamāharet

hūm̐ hūm̐ phaḍitimantreṇa vetālādīṃśca sārayet/
sarvamuttaratantroktaṃ tantraṃ kuryāt tu sādhakaḥ

atroktena svarūpeṇa praṇāyāmaṃ tathā caret/
snāpayet prathamaṃ devīṃ mūlamantrema pūjakaḥ

madhukṣīrājyadadhibhirgomūrtrairgomayaistathā/
ratnodakaiḥ śarkarābhirguḍaratnakuśodakaiḥ

sitasarṣapamudgābhyāṃ tilakṣīraistathā yavaiḥ/
raktacandanapuṣpaiśca dūrvābhī rocanāyutaiḥ

navabhirvitaredarghyaṃ śilāyāṃ yonisannidhau/
āsanaṃ pādyamarghyaṃ ca tata ācamanīyakam

madhuparkaṃ snānajalaṃ vastraṃ candanabhūṣaṇam/
puṣpaṃ dhūpaṃ ca dīpaṃ ca netrāñjanamataḥ param

naivedyācamanīye ca pradakṣiṇanamaskṛtī/
ete ṣoḍaśa nirdiṣṭā upacārāstu pīṭhataḥ

āvāhayenmahādevīṃ gāyatryā kāmayogayā/
tāmeva viddhi vetāla guhyaṃ bhairavadaivatam

kāmākhye tvamihāgaccha yathāvanmama sannidhau/
pūjākarmaṇi sānnidhyamiha kalpaya kāmini

kāmākhyāyai ca vidmahe kāmeśvarye tu dhīmahi/
tataḥ kuryānmahādevī tataścānu pracodayāt

eṣā tu kāmagāyatrī pūjayedanayā śubhām/
pūjāvasāne ca balīndevyāḥ prītyai nivedayet

rudrākṣamālayā jāpyamādāyaiva samācaret/
trayakṣarairmūlamantrasya tridhā vṛttaḥ prapūjayet

kāmākhyāyāḥ ṣaḍaṅgāni āhvānānantare tathā/
vaiṣṇavītantramantrasya karāṅganyāsayośca ye

svarāḥ proktāstaiḥ svaraistu sārdacandraiḥ sabindukaiḥ/
mūlamantrādyakṣarābhyāṃ yugapattu niyojitaiḥ

kaniṣṭhādikrameṇaiva hyaṅganyāsaṃ samācaret/
aṅganyāsakaranyāsau kṛtvā paścāttu sādhakaḥ

hṛcchirastu śikhāvarmanetrāsyodarapṛṣṭhataḥ/
bāhvoḥ pāṇyorjaṅghayosca pādayoścāpi vinyaset

abhayaṃ varadaṃ hastamakṣamālāṃ ca sūtrakam/
pūjayecchaśinaṃ sūryaṃ śiraścādrakalāṃ tathā

raktapad‌maṃ śavaṃ caiva lauhityaṃ brahmaputrakam/
manobhavāṃ śilāṃ tatra śaktisthāṃ śavamadhyataḥ

devyāḥ prapūjayedbhaktaḥ kāravālaṃ ca pārśvataḥ/
pīṭhādidevatāstatra yajet kāmeśvarīṃ śubhām

tripurāṃ pūjayenmadhye pīṭhapratyadhidevatām/
śāradāṃ ca mahotsāhāṃ madhya eva prapūjayet

caṇḍeśvarī mahādevī devyā nirmālyadhāriṇī/
yonimudrā samākhyātā kāmākhyā visarjane

idaṃ dravyaṃ tu sindūracdanāgurukuṃṅkumaiḥ/
iti yo hi mayā prokto viśeṣaḥ paripūjane

ebhirviśeṣaiḥ sahitaṃ vaiṣmavītantragocaram/
sarvaṃ kalpaṃ samāsādya kāmākhyāṃ paripūjayet

anenaiva vidhānena kāmākhyāṃ yastu pūjayet/
manobhavaguhāmadhye sa yāti paramāṃ gatim

brahmāṇī caṇḍikā raudrī gaurīndrāṇī tathaiva ca/
kaumārī vaiṣṇavī durgā narasiṃhī ca kālikā

cāmuṇḍā śivadūtī ca vārāhī kauśikī tathā/
māheśvarī śāṅkarī ca jayantī sarvamaṅgalā

kālī kapālinī medhā śivā sākambharī tathā/
bhīmā śāntā bhrāmarī ca rudrāṇī cāmbikā tathā

kṣamā dhātrī tathā svāhā svadhāparṇā mahodarī/
ghorarūpā mahākālī bhadrakālī bhayaṅkarī

kṣemakarī cogracaṇḍā caṇḍogrā caṇḍanāyikā/
caṇḍā caṇḍavatī caṇḍī mahāmohā priyaṅkarī

kalavikariṇī devo balapramathinī tathā/
madanonmathinī devī sarvabhūtasya dāmano

umā tārā mahānidrā vijayā ca jayā tathā/
pūrvoktāḥ sailaputryādyā yoginyaṣṭau ca yāḥ kramāt

tābhirebhiśca sahitāḥ catuḥṣaṣṭiṃ ca yoginoḥ/
pūjayenmaṇḍalasyāntaḥ sarvakāmārthasiddhaye

nānāvidhaṃ tu naivedyaṃ pānaṃ pāyasameva ca/
modakāpūpapiṣṭādi devyai samyak pradāpayet

evaṃ tu pūjayed devīṃ kāmākyāṃ varadāyinīm/
bhaktiyukto naro yastu sarvān labhate priyān

mahotsāhā tu yā devī mahāmāyā tu sā smṛtā/
vaiṣṇavītantramantreṇa sā pūjya yonimaṇḍale

tadeva maṇḍalaṃ cāsya hyaṅganyāsaṃ tathaiva ca/
sā eva pūjāparyāye tad‌dhyānaṃ saiva daivatā

tantraṃ tadevamuktaṃ tu tasmānnānyaṃ tu kiñcana/
maṇḍalādivisṛṣṭyarthaṃ mahāmāyāmahotsave

yatproktaṃ tena tāṃ devīṃ mahotsāhāṃ tu maṇḍale/
snānapūrvaṃ pūjayettu madhvājyādibhirāsavaiḥ

śṛṇutaṃ tripurāmūrteḥ kāmākhyāyāḥ prapūjanam/
etasyā mūlamantraṃ tu pūrvamuttaratantrake

yuvayoriṣṭayoḥ smyak kramāt tat pratipāditam/
vāgbhavaṃ kāmabojaṃ tu ḍāmaraṃ ceti tattrayam

sarvadharmārthakāmādisādhakaṃ kuṇḍalīyutam/
trīṇyasmāt purato dadyād durgā dhyātā maheśvarī

tripureti tataḥ khyātā kāmākhyā kāmarūpiṇī/
tasyāstu snāpanaṃ yādṛkkāmākhyāyāḥ prakīrtitam

tenaiva snāpanaṃ kuryānmūlamantreṇa pūjakaḥ /
trikoṇaṃ maṇḍalaṃ cāsyāstripuraṃ tu trirekhakam

mantraṃ tu akṣaraṃ jñeyaṃ tathā rūpaṃ trayaṃ punaḥ/
trividhā kuṇḍalī śaktistridevānāṃ ca sṛṣṭaye

sarvaṃ trayaṃ trayaṃ yasmāt tripurā tena sā smṛtā/
udīcyādyatha pūrvāntā rekhāḥ kāryāstu maṇḍale

tristrirekhāstu kartavyāstā eva puṣpacandanaiḥ/
aiśānyamatha nairṛtyāṃ mantraṃ kṛtvā tu saṃlikhet

naiṛtyāṃ caiva vāyavyāṃ tato hyaiśānyagāṃ punaḥ/
evaṃ trikoṇaṃ vilikhenmaṇḍalasyāntare punaḥ

aiśānyādyāstu yā rekhā sā tu śaktirnigadyate/
nairṛtyāṃ vāyavīṃ yātā tato hyaiśānyagā tu yā

sā tu śambhuḥ samākhyātā śaktyā śambhuṃ vibhed‌yet/
śaktyā vibhinnaṃ bhūteśaṃ veṣṭayet kamalena tu

aṣṭapatreṇa tāṃ dhyātvā trivarṇāṃ prāk prapūjayet/
tribhistribhistu rekhābhiḥ śaktiṃ śambhuṃ ca veṣṭayet

sthānasyābyukṣaṇaṃ samyaddha mārjanaṃ likhanaṃ tathā/
astramantraprayogāṇāṃ bhūtānāmapasāraṇam

vaiṣṇavītantramantroktaṃ tathaivottaratantrake/
yat proktaṃ tat tu sāmānyaṃ prāk kuryāt sādhako naraḥ

tripurāyā viśeṣeṇa sahitaṃ pūjanakramam/
etat trikoṇaṃ devānāṃ trayāṇāṃ sthānamiṣyate

aiśānyāṃ tu tatheśāno nairṛtyāṃ caturānanaḥ/
vāyavyāṃ tu tathā brahmā ṣaṭ‌koṇeṣu prakīrtitāḥ

dalaṃ tvekapuraṃ proktaṃ keśaraṃ cāparaṃ puram/
puraṃ śeṣaṃ trikoṇaṃ tu trikoṇaṃ maṇḍalaṃ smṛtam

daleṣu keśare cāpi trikoṇe ca tridhā tridhā/
rekhāstu vihitāḥ samyak kuryāt tatra punaḥ punaḥ

uttaraṃ tad bhaved dvāraṃ tasya vai dhanurākṛtiḥ/
pūrvadvāraṃ tu ṣaṭ‌koṇaṃ catuṣkoṇaṃ tu dakṣiṇe

paścimaṃ toraṇākāraṃ yathā cānyatra maṇḍale/
aiśānyāṃ pañcabāṇāṃstu likheda vahnau ca tad‌dhanuḥ

nairṛtyāṃ pustakaṃ cāpi vāyavyāmakṣamālikām/
evaṃ kṛtvā maṇḍalaṃ tu dhṛtvā vāmena pāṇinā

vāg‌veśmane nama iti maṇḍalaṃ pūjayet tataḥ/
pūjayitvā tato bhūtān nālikātritayena tu

mūlamantreṇa pūrvoktairmantrairapi samācaret/
navabhiśchoṭikābhistu tridā kṛtvā tu veṣṭanam

abhyukṣaṇaṃ tataḥ kuryād bhūtānāmapasāraṇam/
pratipattistu pātrasya ardhyārthaṃ navadhā punaḥ

pūrvavat sādhakaḥ kuryād dahanaṃ plavanaṃ tathā/
amṛtīkaraṇaṃ kuryāt prathamaṃ dhenumudrayā

yonimudrāṃ tataḥ kuryāt pātratoyaṃ tu triḥ spṛśet/
mārtaṇḍabhairavāyārghyaṃ dūrvābhiḥ siddhasarṣapaiḥ

raktapuṣpaiścandanaiśca sagaṇāya nivedayet/
pāṇikacchapikāṃ kṛtvā cintanaṃ yonimudrayā

ādau madhye ca kartavyaṃ kramād vetālabhairava/
astramantreṇa pātrasya sthāpanārthaṃ tu maṇḍalam

ṣaṭ‌koṇaṃ tu likhet pūrvaṃ tanmantrasthāpane'pi ca/
aim̐ ām̐ klīmiti mantreṇa tridhā pātre jalaṃ kṣipet

tridhā gandhaṃ ca puṣpaṃ ca tridhā dūrvākṣataṃ punaḥ/
hrām̐ hrīm̐ hrūm̐ hraim̐ hraumiti ca aṅguṣṭhādi kramānnyaset

ॐ hra ityastramantreṇa pāṇipṛṣṭhatale tathā/
hṛdayādikramāt paścānnyāsaṃ kuryāt tridhā tridhā

saṃyojya pāṇyoḥ kramataścāṅguṣṭhādi dvayaṃ dvayam/
tridhā tridhā pṛthak kuryāccheṣāṅgāni ca vinyaset

karṇaranghre tathā brahmadvāraṃ keśatalaṃ tathā/
nāsikārandhrayugalaṃ jānuyugmaṃ padadvayam

tridhā tridhā nyasedebhiḥ ṣaḍ‌bhirmantraiḥ pṛthak pṛthak/
prāṇāyāmaṃ tataḥ kuryāt pūrakaiḥ stambhakaistathā

recakenāpi tripurāmūrti devīṃ vicintayet/
dahanaplavanaṃ kṛtvā ādyāṃ mūrtiṃ vicintayet

tridhādṛtyātha hṛdaye tāṃ murtiṃ śṛṇu bhairava/
sindūrapuñjasaṃkāśāṃ trinetrāṃ tu caturbhujām

vāmordhve puṣpakodaṇḍaṃ dhṛtvādhaḥ pustakaṃ tathā/
dakṣiṇordhve pañcabāṇānakṣamālāṃ dadhātyadhaḥ

caturṇāṃ kuṇapānāṃ tu pṛṣṭhe'nyaṃ kuṇapāntaram/
nidhāya tasya pṛṣṭhe tu samapādena saṃsthitām

jaṭājūṭārdhacandreṇa samābaddhaśirodharāma/
nagnāṃ trivalibhedena cārumadhyāṃ manoharām

sarvālaṅkārasampūrṇāṃ sarvāṅgasundarī śubhām/
sravad‌draviṇasandohāṃ sarvalakṣaṇasaṃyutām

enāṃ tu prathamaṃ dhyātvā tridhātmānaṃ tu cintayet/
tadrūpaṃ ca tataḥ paścāt puṣpaṃ tad‌vāgbhavena tu

svamastake punardadyādaṅganyāsaṃ punastathā/
mantradvaṃya tridhā japtvā vāgbhavādyaṃ tu sādhakaḥ

aghyapātrasya toyeṣu taistoyaiḥ secayecciraḥ/
pajopakaraṇaṃ cāpi trirabhyukṣya tathaiva tu

kāmapīṭhaṃ tato dhyātvā pūjayet kramatastvimān/
gaṇeśaṃ ca gaṇādhyakṣaṃ gaṇanāthaṃ tathaiva ca

gaṇakrīḍaṃ ca pūrvādidvāre mantreṇa pūjayet/
hairambabījameteṣāṃ mantrastu parikīrtitaḥ

vidyāśāntinivṛttiśca pratiṣṭhā dvārapālakāḥ/
kalāntāḥ pūjayet samyak pūrvādikramatastathā

siddhaputraṃ jñānaputraṃ tathā sahajaputrakam/
śeṣaṃ samayaputraṃ tu pūjayet baṭukānimān

pratyekaṃ tu śriyaṃ devīṃ baṭukānāṃ pare vare/
śrīmityanena mantreṇa pūrvādau pūjayet kramāt

siddhasya sahajasyātha jñānasya samayasya ca/
kumārīṃ pūjayet koṇe aiśānyādo tu maṇḍale

goraṭaṃ ḍāmaraṃ caiva lohajaṅghaṃ tathaiva ca/
bhūtanāthaṃ kṣetrapālamīśānādau prapūjayet

maṇḍalasya ca madhye tu paप़ñcabāṇān prapūjayet/
drāvaṇaṃ śoṣaṇaṃ caiva bandhanaṃ mohanaṃ tathā

ākarṣaṇaṃ ca madhyena mantreṇaiva prapūjayet/
tatastriṣvatha koṇeṣu pūjayet tu triyoginīḥ

bhagaṃ ca bhagajihvāṃ ca bhagāsyāmuttarādikam /
kramāttu pūjyastisro anyā madhye trikoṇake

bhāgamālinīṃ tu prathame dvitīye tu bhagodarīm/
tṛtīye bhagarohāṃ tu yoginīṃ kāmarūpiṇīm

anaṅgakusumāṃ devīṃ tathaivānaṅgamekhalām/
anaṅgamadanāṃ caiva hyanaṅgamadanāturām

anaṅgaveśāṃ cānaṅgamālinīṃ madanānuturām /
dalakeśaramadhye tu hyaṣṭamīṃ madanāṅgakuśām

śailaputryādayaścāṣṭau tripurāpūjanakrame/
etannāmabhiravyagrā babhūvuḥ kāmayoginīḥ

vāg‌bhavena tathā durgāṃ netrabījāntakena tu/
aṅganyāsaṃ samantraistu ṣaḍbhiraṣṭāvimān punaḥ

pūjayet kṣetrapālāṃstu mavye kiñjalkapatrayoḥ/
hetukaṃ vipuraghnaṃ ca agnijihvaṃ tathaiva ca

agnivetālasaṃjñaṃ ca kālaṃ cātha karālakam/
ekapādaṃ bhīmanāthamuttarādikrameṇa tu

ebhirevāṣṭabhirmantraiḥ kāmarājena saṃyutaiḥ/
navaitānasitāṅgādīn nāyakān pūjayet kramāt

maṇḍalasya caturdikṣu dvau dvau pūrvādiṣu kramāt/
padmamaṇḍalayormadhye śeṣamekaṃ tu pūjayet

asitāṅgo rurucaṇḍaḥ krodhonmattau bhayaṅkaraḥ/
kapālī bhīṣaṇaścaiva saṃhāraśceti vai nava

aiśānyādikramād dve dve nāyikāṃ pūjayennaraḥ/
padmamaṇḍalayormadhye agnau dve ca prapūjayet

brahmāṇīṃ bhairavīṃ caiva tathā māhesvarīmapi/
kaumārīṃ vaiṣṇavīṃ caiva nārasiṃhīṃ tathaiva ca

vārāhīṃ ca tathendrāṇīṃ cāmuṇḍāṃ caṇḍikāṃ tathā/
ādhāraśaktiprabhṛtīn maṇḍalasya tu madhyataḥ

vaiṣṇavī tantrakalpoktān sarvān bhairava pūjayet/
śivasya pañca yāḥ proktāḥ sadyojātādayaḥ purā

mūrtayastāḥ padmadhye pañcapretatvamāgatāḥ/
tāḥ pañca pūjayenmadhye raktapad‌maṃ śavaṃ tathā

siṃhaṃ ca pūjayet tatra jagadādhārasaṃjñitam/
jayantīṃ maṅgalāṃ kālīṃ bhadrakālīṃ kapālinīm

durgāṃ kṣamāṃ śivāṃ dhātrīṃ svadhāṃ svāhāṃ ca pūjayet/
ugracaṇḍā pracaṇḍā caṇḍogrā caṇḍanāyikā

caṇḍā caṇḍavatī caiva caṇḍarūpāticaṇḍikā/
etāḥ sampūjayenmadhye maṇḍalasya viśeṣataḥ

ādityādīn grahān sarvān rūpato hyastrasaṃyutān.
kramāt pratyekamuddiśya pārśve pārśve prapūjayet

dik‌pālānāṃ tu mantreṇa tathā sarvāṃstu dikpatīn/
astramantraistu tān sarvāṃsteṣāṃ mantrāṇi bhārava

nāthaṃ kāmeśvaraṃ tatra ekavaktraṃ caturbhujam/
bhasmasvetaṃ madhyahṛdi raktapuṣpaistu kuṅ‌kumaiḥ

triśūlaṃ ca pinākaṃ ca vāmahastadvaye sthitam /
utpalaṃ bījapūraṃ ca dakṣiṇadvitaye tathā

śvetapadmoparisthaṃ ca dhyātvā madhye prapūjayet/
kāmākhyāṃ mūrtito dhyātvā kāmākhyāmapi pūjayet

kāmeśvarīṃ tatra devīṃ pūjayet parameśvarīm/
vakṣyamāṇena rūpeṇa tatra vetālabhairavau

karālaṃ kṣetrapālaṃ la kartrikharparadhāriṇam/
pūjayedīśamatyarthaṃ daṃṣṭrābhinnādharaṃ bhayam

tintiḍīṃ kalpavaṛkṣaṃ succhāyaṃ ratnabhūṣitam/
trikūṭaṃ kṛṣṇavarṇaṃ ca nīlaśailaṃ mahādyutim

manobhavāṃ guhāṃ tatra pañcavyāmāyatāṃ subhāvam/
ratnamaṇḍalasaṃyuktāṃ raktavarṇāṃ suvarttulām

aparājitāṃ ca vallīṃ ca vyāmatrayasuvistṛtām/
āraktavarṇāṃ satataṃ kusumairūpaśobhitām

baṭukaṃ kambalākhyaṃ tu svarṇagauraṃ gajāsanam/
dvibhujaṃ dakṣiṇe daṇḍapāṇiṃ vāme kapālakam

bibhrataṃ purato devyāḥ pūjyo vighnavipattaye/
bhairavaḥ pāṇḍunāthaśca raktagauścarbhujaḥ

gadāṃ padmaṃ ca śaktiṃ ca cakraṃ cāpi kareṣu ca/
bibhrad devyāḥ purobhāge pūjyo'yaṃ viṣṇurūpadhṛk

śmaśānaṃ herukākhyaṃ ca raktavarṇaṃ bhayaṅkaram/
asicarmadharaṃ raudraṃ bhuñjanāṃ manujāmiṣam

tisṛbhirmuṇḍamālābhirgaladraktābirājitam/
agninirdagdhavigalad‌dantapretoparisthitam

pūjyeccintanenaiva śatrasvāhanabhūṣaṇam/
mahotsāhāṃ yoginīṃ tu mahāmāyāsvarūpiṇīm

dhyānato rūpatastāṃ tu devyā agre prapūjayet/
purīṃ candravatīṃ devyā nīlaparvatapūrvata

yojanadvayavistīrṇāmardhayojanamāyatām /
uccairanekaprasāda saudhasadmavibhūṣitām

maṇiratnasuvarṇau ghajātaprāsādavistṛtām/
krīḍāsarovaraiḥ sadbhiḥ sañchannāṃ vikacaiḥ kacaiḥ

saṃyutāṃ pūjayet tatra devyā agre samantrakam/
lauhityaṃ raktagaurāṅgaṃ nīlavastravibhūṣitam

ratnamālāsamāyuktaṃ caturbāhusamanvitam/
pustakaṃ śvetapadmaṃ ca bibhrataṃ dakṣiṇe kare

vāme śaktidhvajaṃ caiva śiśumārasthitaṃ śubham/
pīṭheśvarānimān madhye mantreretaiḥ prapūjayet

nātha kāmeśvaraṃ devaṃ prāsādena prapūjayet/
kāmeśvaryāstu mantreṇa yajet kāmeśvarī śubhām

dvāvupāntau balenaiva madanānte ca tatkramāt/
yojayennādabindubhyāṃ māyākaraṇamantrakam

caṇḍikānetrabījasya yaccheṣamakṣaraṃ tu tat/
kalpaṃ tintiḍikāvṛkṣamantrametat prakīrtitam

ugrāyā madhyabījaṃ tu nīlaśailasya mantrakam/
manobhavasya bījaṃ tu mahādevena saṃhitam

ādisthenendunā binduyuktaṃ vāntena yojitam/
manobhavaguhāyāṃ tu mantrametat prakīrtitam

vaiṣṇavotantramantrasya yaccheṣaṃ bījamasvaram/
tadadho vāntasaṃśliṣṭaṃ caturthasvarasaṃyutam

candrabindusamāyuktaṃ tanmantrañcāparājitam/
hayagrīvasvarūpasya viṣṇoryad‌bījamuttamam

kambalasya tu tanmantraṃ pūjanaṃ parikīrtitam/
kevalaḥ saprarohādiṣaṣṭhasvarasamanvitaḥ

candrabindusamāyuktaṃ hayagrīvasya bījakam/
bhairavaṃ pāṇḍunāthaṃ ca vanamālisvarūpiṇam

vārāhema tu bījena pūjayet tu vidhānataḥ/
saparau dvāvanusvāravisargābhyāṃ tu saṃyutau

mahābhairavamantreṇa bhairavāntena pūjayet/
mahotsāhāṃ mahāmāyāṃ dvitīyāṣṭākṣareṇa tu

devītantroditenaiva pūjayed bhūtivṛddhaye/
ādyākṣaraṃ tu sāmīndubindubhyāṃ samalaṅkṛtam

svanāmnaścandravatyāstu pūjāmantraṃ prakīrtitam/
sarvalakṣaṇasampūrṇaṃ sarvālaṅkārabhūṣitam

lauhityanadarājasya brahmaputrasya bhūtidam/
brahmabījaṃ tu manmatraṃ vahnibhāryāntamiṣyate

dvitīyaṃ tripurārūpaṃ tathaiva tu tṛtīyakam/
āvāhanārthaṃ devyāstu cintayed yonimudrayā

bandhūkapuṣpasaṅkāśāṃ jaṭājūṭendumaṇḍitām/
sarvalakṣaṇasampūrṇāṃ sarvālaṅkārabhūṣitām

udyadraviprabhāṃ padmaparyaṅkeṣu susaṃsthitām/
muktāratnāvalīyuktāṃ pīnonnatapayodharām

valīvibhaṅgacaturāmāsavāmodamoditām/
netrāhṇādakarīṃ śubhrāṃ kṣomaṇīṃ jagatāṃ tathā

trinetrāṃ yonimudrāyāmīṣaddhāsasamāyutām/
navayauvanasampannāṃ mṛṇālābhacaturbhujām

vāmārdhe pustakaṃ dhatte akṣamālāṃ tu dakṣiṇe/
vāmenābhayadāṃ devīṃ dakṣiṇārdhe varapradām

sravadraktaughasūryābhāṃ śiromālāṃ tu bibhratīm/
āpādalambinīṃ kalpadru mamāsādya saṃsthitām

kadambopavanāntasthāṃ kāmāhlādakarīṃ śubhām/
dvitīyāṃ tripurāṃ dhyāyedevaṃrūpāṃ manoharām

tṛtīyaṃ tripurārūpaṃ śṛṇu vetālabhairava/
javākusumasaṅkāśāṃ muktakeśīṃ śubhānanām

sadāśivaṃ hasantaṃ tu pretavad vinidhāya vai/
hṛdaye tasya devasya hyarddhapadmāsanasthitām

raktotpalairmiśritāṃ tu muṇḍamālāṃ padānugām/
grīvāyāṃ dhārayantī tu pīnonnatapayodharām

caturbhujāṃ tathā nagnāṃ dakṣiṇārdhe'kṣamālinīm/
varadāṃ tadadho vāme jaganmāyāṃ tathābhayām

adhastu pustakaṃ dhatte trintrāṃ hasitānanām/
sravadrudhirabhogārtāṃ tathā sarvāṅgasundarīm

evaṃvidhaṃ tṛtīyaṃ tu rūpaṃ dhyāyet tu pūjakaḥ/
ādyaṃ tu vāgbhavaṃ rūpaṃ dvitīyaṃ kāmarājakam

ḍāmaraṃ mohanaṃ cāpi tṛtīyaṃ parikīrtitam/
ekaikaṃ tu trirūpāṇi prāgvicintyārthasādhakaḥ

mantratrayeṇa pratyekaṃ hṛdi ṣoḍaśakaistathā/
pūjayedupacāraistu bahiryad‌vattathaiva ca

mantratrayaṃ tathaikatra kṛtvā ca manamūrtayaḥ/
kartavyā ekatastatra madhyarūpe niveśayet

nasāpuṭena niḥsārya dakṣiṇenātha tāṃ punaḥ/
avatārya karābhyāṃ tu devīmāvāhayet tridhā

gāyatrītrayamucārya snāpayet prathamaṃ tu tām/
āvāhane tu mantro'yaṃ paṭhitavyaśca sādhakaiḥ

ehi devi śubhāvarte yajñe'smin mama sannidhau/
avyucchinnāṃ tataḥ śubhrāṃ vācaṃ kaṇṭhasya dehi me

ehye hi bhagavatyamba tripure kāmadāyini/
imaṃ bhāgabaliṃ gṛhya sānnidhyamiha kalpaya

nārāyaṇyai ca vidmahe vāgmayāyai ca dhīmahi/
evamuktvā tataḥ paścāt tanno devī pracodayāt

nārāṇyai vidmahe tvāṃ caṇḍikāya ca dhīmahi/
śeṣabhāge prayuñjīta tannaḥ kubji pracodayāt

mahāmāyāyai vidmahe tvāṃ sammohinyai ca dhīmahi/
paścādevaṃ prayuñjīta tannāścaṇḍi pracodayāt

etāstu tripurādevyā gāyatryaḥ parikīrtitāḥ/
pratyekaṃ snāpanaṃ kuryāt tripurāṇāṃ ca tisṛbhiḥ

vāgbhavena tu mantreṇa prathamaṃ pūjayecchivām/
kāmarājena vai paścāḍ‌ḍāmareṇāpi pūjayet

paścādenāṃ tribhirmantraikatraiva tu pūjayet/
tato mantreṇa vai dadyādupacārāṃstu ṣoḍaśa

kāmākhyātantragaditān sampūjyāṅgākṣarān punaḥ/
aṅgatyāsasya yanmatrairdevyā aṅgāni pūjayet

śeṣaṃ tu mūlamantreṇa cāṣṭāṅgānāṃ prapūjanam/
ekaikaṃ prakramaṃ pūjya tripurāyai namastataḥ

navadhā pūjayed devīṃ tripurāṃ kāmarūpiṇīm/
uttarādicatuṣpatre padmasyaitān prapūjayet

brahmāṇaṃ mādhavaṃ śambhuṃ bhāskaraṃ ca tathaiva ca/
aiśānyādiṣu teṣvevaṃ kramād devyāḥ prapūjayet

jayantīṃ prathamaṃ paścād vāyavyāmaparājitām/
nairṛtyāṃ vijayāṃ caiva tathāgneyyāṃ jayāhvayām

trikoṇe keśarasyānte kāmaṃ prītiṃ ratiṃ tathā/
pūjayet pañcabāṇāṃśca puṣpaṃ cāpaṃ ca pustikām

akṣamālāṃ pañcaśarān ratnaparyaṅkameva ca/
pretapadmaśivaṃ caiva samyak tatraiva pūjayet

sampūjya pūrvavanmālāṃ sphāṭikāmeva bhairava/
ādāyātottarīyeṇa tāmācchādya prayatnataḥ

pūrvod‌dhṛtaṃ japet samyak sādhakastripurāmanum/
japtvā stutiṃ paṭhitvā ca praṇamya ca muhūrmuhuḥ

tripurāyai baliṃ dadyāt sambhavāt tat trijātikam/
saphenaistoyasaṃyuktaiḥ śarkarāmadhusaindhavaiḥ

abhyukṣya rudhiraṃ dadyāt kāmarājena bhairava/
chedayed vāgbhavenaiva ḍāmarairviharecchiraḥ

yatra yatra baliṃ dadyāt sādhako devātarccane/
vaiṣṇavītantrakalpoktamādadyāt pūjane balim

tato devyai valīn dadyādetad‌varṇakramāt punaḥ/
gokṣīraṃ brāhmaṇoṃ dadyād gavyamājyaṃ tu rājajaḥ

vaiśyastu mākṣikaṃ dadyācchūdraḥ puṣpāsavādikram/
ghrātvā puṣpamathaiśānyāṃ nirmālyaṃ nikṣiped budhaḥ

nirmālyadhāriṇī cāsyā devī tripuracaṇḍikā/
visṛjyādau yonimudrāṃ padmamudrāṃ tathaiva ca

ardhamudrāṃ trimudrāṃ ca pratyekamapi darśayet/
nirmālyamatha gṛhṇīyāt kāmarājahvayena tu

evaṃ yaḥ pūjayed devī tripurāṃ kāmarūpiṇīm/
sa kāmanākhilān prāpya devīlokamavāpnuyāt

iti śrīkālikāpurāṇe tripurāpūjane triṣaṣṭitamo'dhyāyaḥ//