Jataka Parijata · Chapter p18

tatra saptamabhāvaphalam /
yātrāputrakalatrasaukhyamakhilaṃ saṅcintayetsaptamā-
duktaṃ putrasukhāsukhāgamaphalaṃ sarvaṃ ca yattadvadet // १/२//
jāraḥ kāmagate site madanape sāhidhvaje vā tavā
kāme jīvaygīkṣite śubhagṛhe jāto na jāro bhavet

duḥsthe kāmapatau tu pāpagṛhage pāpekṣite tadyute
tajjāyābhavanasya madhyaphalaṃ sarva śubhaṃ cānyathā /
kāmasthānapatau sitena sahite pāparkṣage kāmadhīḥ
saumyarkṣe śubhakheṭavīkṣitayute jātaḥ sitacchatravān

vittāstāripabhārgavāstanugatāḥ pāpānvitāḥ kāmukaḥ
pāpavyomacarānvitau tanuripusthānadhipau cettathā /
kāmasthe ripuvittalagnapayute pāpe parastrīrataḥ
pāpārātikalatrapā navamagāḥ kāmāturo jāyate

jāraḥ karmadhanāstapā daśamagāḥ putrādikāragrahā-
duḥsthā dhīgurukāmapāḥ sutagṛhe pāpekṣite'nātmajaḥ
jīvajñau yadivā niśākarasitau kāme bahustrīrataḥ
śukre manmatharāśige balavati strīṇāṃ bahunāṃ patiḥ

śukrārau madagau kalatrarahito dharmātmajasthau tathā
śatrusthānagatau niśākarasitau yadyekaputro bhavet /
lagnāstavyayageṣu pāpakhecareṣvindau sute durbale
vandhyāstrīpatireva jātamanujo jāyavihīno'thavā

bandhyāpatiḥ sitaravī madanodayasthau candredaye samagṛhe lallanākṛtiḥ syāt /
puṃrāśige puruṣabhāvayutaṃ kalatraṃ strīpuṅgrahekṣitayute sati miśrarūpam

bhaumāṃśe vā bhaumarāśau vilagnāt kāmasthāne janmabhe vā vadhūnām /
jāyā dāsī nīcamūḍhagrahāṃśe duṣṭā vā syādyaivane bhartṛhīnā

śubhāmśarāśau yadi sadguṇāḍhyā śubhekṣite cārutaraṃ kalatram /
candrāṃśake durbalacandrarāśau jātā patignī sabale tu sādhvī

arkāśe kulaṭā nijoccagṛhage sādhvī śubhālokite
lagne śītakare'thavā madanabhe nīcārimūḍhānvite /
pāpavyālavihaṅgapāśanigaladrekkāṇabhāgānvite
sandhyaṃśe vigatabratā ca vidhavā jātasya jāyā bhavet

kāmasthe tanupe śubhagrahayute sadvaṃśajāmicchati
krūrarkṣe madage vilagnaramaṇe durvaśajātāṅganām /
varṇaṃ rūpaguṇākṛtiṃ ca sakalaṃ yatadgṛhoktaṃ vadet
duṅyārpārakaragrahākṛtinaraprītiṃ prayātyaṅganā

pāpāprakāśasaṃyukte kalatre duṣṭacāriṇī /
ravau bandhyā tu śītāṃśau kṣīṇe tu vyabhicāriṇī

kuje tu bhriyate mande durbhagārāhusaṃyute /
paradāro'ratiḥ svīyāṃ niṣekābhāvako'sutaḥ

dhūme vivāhahīnaḥ syānbhrayate kārmuke sati /
pariveṣe tu duḥśīlā ketau bandhyā satī bhavet

kāle vidāraḥ pāpe tu garbhastrāveṇa saṃyutā /
suśīlā strī prasūtā ca pūryamāṇe sudhākare

budhe suputrā vāgīśe guṇayuktā suputriṇī /
śukre saubhāgyasaṃyuktā śrīmatī ca balānvite

strīputrape baliniśobhanakheṭadṛṣṭe ṣaṣṭhādhipena sahite sati vikṣite vā /
jāreṇa putranilābhamupaiti jāyā tasyā dhavo vahukalatrayuto'pyaputraḥ

nīce gurau madanage sati naṣṭdāro mīne kalatrabhavane ravije tathaiva /
mandārarāśinavabhāgagate surejye jāro bhavedinasutārasamanvite vā

suvaṃśajātaṃ prathamaṃ kalatraṃ lagneśvaro dārapasaṃyutaścet /
dineśakāntyābhihatastadānī svarūpahīnāṃ sutarāṃ vadanti

vitte pāpabahutve ca kalatreśe tathāsthite /
aśatrusvānagate ketau kalatratrayabhāgbhavet

kendratrikoṇe dāreśe svoccamitrasvavargage /
karmādhipena vā dṛṣṭe bahustrīsahito bhavet

kalatrādhipatau kendre śubhagrahanirīkṣite /
śubhāmśe subharāśau vā patnī vrataparāyaṇā

dārādhipe somasute sapāpe nīcārivarge ripunāśabhāve /
pāpāntare pāpadṛśā samete jāyā patighnī kulanāśinī syāt

śubhāṃśe śubhsandṛṣṭe nāthe jāyā suvaṃśajā /
pāpārūḍhe pāpavarge tasya jāyā kuvaṃśajā

kāmasthāne sakheṭe sitayutasvacarairdarasaṃsvyāṃ - vadanti
svoccasvaṅṣomavāso na bhavati gaṇane śukrayuktagrahairvā /
jāyādhīśe sitarkṣe sati dhanabhavane śukrasaṃyuktasaṅkhyā
śukrānaṅgeśayuktadyucaranavavadhūvallabho jāyate vā

dāreśena kuṭumbapena sahitā yāvadgrahā durbalā-
statsaṅkhyākakalatranāśanakarā duḥsthānāthā yadi /
yāvanto balaśālinaḥ śubhakarāstattulyajāyāsukhaṃ
kurvantyekaviyaccaro balayuto yadyekadāro bhavet

atha vivāhakājñaḥ /
lagnānaṅgapatisphuṭaivyagṛhage jīve vivāhaṃ vade-
ccandrādhiṣṭhitatārakāvadhupayoraikyāṃśake vā tathā //
jīve mitranavāṃśake balayute yadyekadārānvitaḥ
svāṃśe dvitrikalatravān bahuvadhunāthaḥ svatuṅgāṃśake

kalatranāthasthitabhāṃśakeśayoḥ sitakṣapānāyakayorbalīyasaḥ /
daśāgame dyūnayuktabhāṃśakatrikoṇage devagurau karagrahaḥ

śukropetakalatrarāśipadaśāmuktovivāhapradā
lagnādvittapatistharāśipadaśābhuktau ca pāṇigrahaḥ /
karmāyurbhavanādhināyakadaśābhuktau vivāhaḥ kramāt
kāmeśena yūtaḥ kalatragṛhagastatpākamuktau tu vā

saumyavuomacaraḥ sthitaḥ śubhagṛhe cādau dadāti śriyaṃ
pāparkṣe śubhakhecaro yadi daśāmadhye vivāhādikam /
krūraḥ pāpagṛhopago yadi phalaṃ pākāvasāne tathā
saumyrkṣe yadi sarvakālaphaladaḥ saumyānvitaḥ śobhanaḥ

lagneśvarasthitanavāṃśapatiḥ svarāśau candre purandaragurau ca kalatralābham /
kāmeśasukragṛhage'maramantriṇindau kendre'thavā guruyute sati gocareṇa

yasaṅkhyākamajādi kāmabhavanaṃ tadvatsare vā nṛṇāṃ
sāṣṭābde kṛtabhauṅjikarmaparataḥ kanyānakālo bhavet /
lagnādastavilagnanāyakayutakṣetrāṃśake sabhavā
yā sā bhartṛmanaḥprasādakaraṇi bhartā tathaiva striyāḥ

kāmānvitekṣakaviyaṇararāśijātā candrādatīva subhagā ca patipriyā syāt /
strījātake ca patiriṣṭakaro vadhūnāṃ digdeśajā bhṛgusutādabalādhipaya

atha varavadhūjātakasaṃyogaḥ /
dhanāvasānasmarayānarandhrago dharāsuto janmani yasya dārahā /
tathiva kanyājanajanmalagnapo yadi kṣamāsūnuraniṣṭadaḥ pateḥ

krūravyomacaraḥ strīṇāmaṣṭamastho vilagnataḥ /
nīcāripāpavargeṣu yadi mṛtyukaraḥ pateḥ

dyūnakuṭumbagatau yadi pāpau dāraviyogajadusvakarau tau /
tādrāśayogajadārayutaścejjīvati putradhanādiyutaśca

kalatrarāśitritaye'thavā syāttadīśasaṃyuktabharāśikoṇe /
kalatrarāśiryadi putraśālī tadānyarāśiryadi putrahīnaḥ

atha striyāḥ stanavicāraḥ /
kāṭhinyorukucā made dinakare kāmādhipe kendrage
jīvendujñasitānvite gurukucā śuṣkastanā bhūmije /
lambāpīnapayodharā sagulikacchāyāsutāhighvaje
dhūmādau viṣamākṛtistanavatī duḥsthe'thavā kāmape

atha gamyastrīvicāraṇam /
bandhyāsaṅgamine'stage samavadhūkeli niśānāyake
bhūputre tu rajasvalājanarati bandhyāvadhūmeti vā /
veśyāmindusute tu vipravanitāṃ jīve site garbhiṇī
nīcastrīratimarkajoragaśisviprāpte'thavā puṣpanīm

atha strīsaṅgame sthānavicāraḥ /
krīḍāgaramine vanaṃ sukhagate cāru svagehaṃ vidhau
bhūputre sati kuṅyamicchati budhe jāto vihārasthalam /
jīve devagṛaṃ site tu salilaṃ mande'thavā patnage
ketau bhādhavaśakkarapriyasutasthānaṃ vadhūsaṅgame

śukrāṃśe madanasthite'vanisute kāmādhipe paṅcame
jāyāriṣṭamupaiti saptamagate bhānau kalatrārthavāṇ /
duḥsthau kāmakutumbapau sabhṛgujau duścikyayāt tu vā
tasmadkhyākakalatrahā balayutau vittāstapau dāravāṇ

atha bhagacumbanayogaḥ /
jātaḥ sameti bhagacumbanasantanāthe śukreṇa vīkṣitayute bhṛgumandire vā /
evaṃ kutumbabhavavādhipatau tathā syād dārarkṣage daśamape sasite tathaiva

atha striyā bhagavicāraḥ /
kāmeśvare devaguruḥ sito vā samaṃ bhagaṃ cārutaraṃ taruṇyāḥ /
hasvaṃ bhagaṃ saptamarāśināthe śanīndutārāsutamadhyāte

dīrgha sameti bhagamastapatau jalarkṣe tatkārake jalagṛhopagate tathaiva /
sārdraṃ bhagaṃ madanage bhṛguvīkṣite'bje guhyaṃ tvanārdramupayāti vadhūḥ sapāpe

lagneśasthanavāṃśanāthagṛhage jīve sameti striyaṃ
nīcārātinavāṃśake sati mṛtastrīko vidāre'thavā /
lagne kāmapatisphuṭādapahvate rāśitrikoṇe gurau
lagne saptamarāśipasphuṭahvate jīve mṛtiṃ yoṣitaḥ

lagnātkāmapakārakau śubhakarau vīryādhike saptame
patyā sākamupaiti bhṛtyumabalā ṣāpairyuktekṣite /
kāmacchidradaśāpahārasamaye śukrāṣṭavargrdite
rāśau bhānusute kalatra karaṇaṃ jīve tadāmśānvite

madanabhavananāthe parijātādivarge suraguruyutadṛṣṭe śobhanasthānayāte /
dadhimadhudhṛtasūpakṣīrapakopadaṃśaiḥ saha śuci rucirātnaṃ cārukāntāmupaiti

iti saptamabhāvavicāraḥ /
athāṣṭamabhāvaphalam /
āyurdāyamaniṣṭahetumudayavyomāyurīśārkajai-
ruktaṃ tatsakalaṃ tathāpi nidhanaprāptiṃ pravakṣye punaḥ /
calpāyurvyayage'thavā ripugate pāpānvite randhrape
lagneśena yute tu tatra vibale jāto'lpajīvī naraḥ

svasthe randhrapatau cirāyurudayācchidrādhipau ṣaṣṭhagau
riṣphasthau yadi vā sameti manujo jātaśvirāyurbalam /
jyāpārodayarandhrarāśipatayaḥ kendratrikoṇāyagā
dīrghāyuvibalāḥ sabhānutanayā yadyalpamāyurvadet

karmeśarandhratanupā balaśālinaścejjātaśvirāyu rinanandanayogahīnāḥ /
dvāvapyatīva balinau yadi madhyamāyureko balī tadhutarāyuranāyuranyaḥ

randhrādhipe pāpagṛhopayāte duḥsthānage pāpayute'lpamāyuḥ /
śubhānvite śobhanarāśiyukte śubhekṣite randhragate cirāyuḥ

nāśasthe tanupe'thavā nidhanape pāpena yuktekṣite
mūḍhe'dṛśyagate'thavā ripugṛhe jāto gatāyurbhavet /
jīrghāyurnijatuṅgage śubhayute kendratrikoṇe'thavā
randhre randhrapatau cirāyurudayaṃ yāto vilagnādhipe

lagnādantyagṛhādhipe balavati svarkṣe cirāyuḥ sukhī
lagneśo yadi randhrapaśca balinau kendrasthitau cettathā /
ādhānodayarāśi'ṣṭmagṛhānmeṣuraṇaṃ janmabhaṃ
śukrajñāmaravanditekṣitayutaṃ yadyāyurārogyabhāk

atha mṛtyuvicāraḥ
randhreśe ripurandhrariṣphagṛhage tatpākabhuktau mṛtiṃ
mandākāntagṛheśapākasamaye randhreśabhuktau tathā /
pāke randhragṛhādhipasya tadanukrāntasya bhuktau tu vā
kheṭānāṃ baladurbalena sakalaṃ sañcintya yattadvadet

lagneśe nidhanāririṣphagṛhage sāhau saketau tu vā
horārandhrapasaṃyutagrahadaśā jātasya mṛtyupradā /
tatkheṭānvitarāśināyakadaśā nāśapradā dehināṃ
kheṭānāṃ prathamāgatasya phaṇinaḥ pākāpahāre kramāt

vyāpārarandhratanunāthaśanaiścarāṇāṃ madhye vidhuntudayuto vibalagraho yaḥ /
tatpākabhuktisamaye maraṇaṃ narāṇāṃ tadyuktavīkṣakanabhogadaśāntare vā

nāśe nāśapatau tu tadgrahadaśābhuktau sametyāmayaṃ
lagne lagnapatau tu lagnapadaśābhuktau śarīrātibhāk /
paścādāmayanāśanaṃ tanusukhaṃ modaśca sañjāyate
randhreśe balasaṃyute tanupaterdāye mṛtirdehināṃ

jātasya janmasamaye vibale vilagne lagneśarandhrapatipākalativa kaṣṭam /
paścādatīva sukhameti vilagnanāthe vīryānvite nidhanapasya mṛtiṃ daśāyām

deheśe ca vināśape balayute kendratrikoṇasthite
tadyuktagrahapākabhuktausamaye rogāpavādaḥ phalam /
randhreśastanupaśca khecarayutau kendratrikoṇasthitau
randhrasthānagatasya pākasamaye mṛtyuṃ sameti dhruvam

no cedaṣṭamakhecarau yadi tanuprāptena saṅcintaye-
nmande lagnagate'thavāṣṭabhagate tatpākabhuktau mṛtiḥ /
randhreśodayanāyakau sakhacarau yuktagraho durbalo
yastasya dyucarasya pākasamaye bhuktau ca mṛtyuṃ vadet

lagnātpaṅcamarāśipena sahitavyomāṭanānāṃ daśā-
saṅkhyābhānuhvatāvaśeṣagṛhage mṛtyuṃ daneśe sati /
putreśo na viyaccareṇa sahitaḥ svābdena saṅcintaye-
llagneśena yutābdamañgavihṛtaḥ saṅkrāntipūrvaṃ dinam

trikoṇe kendre vā yadi pitṛtanukṣetrapatayo
daśābhuktau teṣāmanumaraṇamāhurmunigaṇāḥ /
sabhaume mandāḍhye phaṇiyuji tu vendua nidhanage
tvapasmārastasmānmaraṇamathavendau kṛśatanau

candre vittagate'thavā nidhanage jāto bahusvedavām
karmasthānagate kuje budhayute durgandhadeho bhavet /
pāpe randhragate tu pāpasahite rogaprabhādākaraḥ
saumyavyomagṛhe'tiśobhanayute jātaḥ samodaḥ sukhī

śīrṣodayeṣu carabhādiṣu vittapasya lagnādhipasya bhujagasya daśāpahāre /
pṛṣṭhodaye sati tadīyadṛgāṇapasya tadvīkṣitādisahitasya mṛtiṃ vadedvā

iti aṣṭamabhāvaphalavicāraḥ
atha navamabhāvaphalam /
bhāgyapramāvagurudharmatapaḥśubhāni sañcintyennavamadevapurohitābhyām /
bhāgyeśadevasacivau śubhavargayātau bhāgye śubhagrahayute samupaiti bhāgyam

pāpārinīcaraviluptakarā nabhogā bhāgyasthitā yadi yaśodhanadharmahīnāḥ /
pāpe'pi tuṅgajamitragṛhopagaścedbhāgye tu bhāgyaphaladaḥ satatṃ narāṇām

saumyasvāmiyutekṣitaṃ navamabhaṃ bhāgyapradaṃ prāṇināṃ
tadrāśīśasametarāśiramaṇo bhāgyasya karttā bhavet /
bhāgyeśāḥ paripācako bhavati tatputreśvaro bodhaka
stuñgasvarkṣagṛhopago yadi ciraṃ bhāgye prakurvanti te

bhāgyasthe daśavargajoccabhavanasvāṃśasthite paṅcake
bhāgyaṃ śrīvipulaṃ sameti nṛpatistatsvāmiyuktekṣite /
catvāre balaśālino navamagā bhāgyaṃ prayacchanti te
tuṅgasvāṃśagatāḥ svadeśavibhavaṃ tvanyatra cānyāmśagāḥ

atha navame gurau grahadṛṣṭiphalāni /
bhāgye tatpatośobhanekṣitayute bhāgyaṃ sameti dhruvaṃ
dharme pāpayute bhṛgau śaśini vā jāto gurustrīrataḥ /
dṛṣṭe'rkeṇa gurau nṛpaḥ kṣitibhuvāṃ mantrī budhenārthavān
śukreṇāśvapatiḥ sukhī tu śaśinā mandena coṣṭādibhākh

vidvān vāraṇagotuṅgadhanavānindvarkadṛṣṭe gurau
senāvāhanaratnavānnavamage jīvekujārkekṣite /
vidyāvādavinodavittavipulaḥ sūryendujālokite
śukrādityanirīkṣite vinayavāg jīve tapaḥsthānage

mandadityanirīkṣite guṇanidhiḥ prājño bahugrāmavān
jīve candrakujekṣite pṛthuyaśāḥ senāsukhaśrīyutaḥ /
tāreśendupravilokite gṛhasukhaśreṣṭhārthaśayyāsanaḥ
śukrendupravilokite vitanayaḥ śūro dhanī karmakṛt

candrādityasutekṣite tu guṇavān vādī videśaṃ gato-
jīve śukrabudhekṣite navamage vidyādhiko jāyate /
sarvavyomacarekṣite naravaro rājā bahudravyavān
saubhāgyācararājyavittaphaladāḥ sarve tapaḥsthānagāḥ

navame dvigrahayogaphalāni
bhāgyasthe śaśini prabhākarasutajñārekṣite bhūpati-
stuṅgavyomacare tapaḥsthalagate bhūpaḥ śubhālokite /
sendau tigmakare tu tatra dhaniko netrāmayārtto bhaved
duḥkhī vādarataḥ kujena sahite bhānau nṛpālapriyaḥ

bhānau sendusute sapatnabaddulo duḥsvī rugārtaḥ sadā
vāgīśena yute pitṛpriyakaro jātaḥ svayaṃ vittavān /
rogī śukrayute ravau śaniyute rgṇaḥ pitā kukṣiruk
candre sāvaninandane tu jananīhantā dhanatyāgavān

vāgmī śāstrakalāpavān navamage candre satārasute
sendau mantriṇi dhīradhīrnaravaraḥ śrīmān gurusthānage /
tāreśe kulatāpatiḥ sabhṛguje sāpatnamātṛpriya-
ścandre mandayute vidharmaguṇavān mātā kulapracyutā

śāstrī bhogasukhī kuje budhayute sevye dhanī pūjitaḥ
śukreṇa dvivadhūpatiḥ sahakuje vādī videśaṃ gataḥ /
bhaume bhānusutānvite navamage pāpī parāstrīrataḥ
saumye sāmaravandite paṭumatividvān dhanī paṇḍitaḥ

prājño gītaratipriyaḥ sabhṛguje candrātmaje paṇḍitaḥ
saumye mandayute tu rogitanuko vittādhiko'satyavāk /
jīve śukrayute cirāyuradhikaśrīmān samande gurau
rogīratnadhanaḥ site'sitayute bhūpālatulyo bhavet

atha navame trigrahayogaphalāni /
ravīndubhaumā navamopayātā yadi kṣatāṅgaḥ pitṛmātṛīnaḥ /
hiṃsī vikarmā rāvicandrasaumyā ravindujīvāḥ sukhavāhanāḍhyaḥ

candrārkausasitau vadhūkalahakṛd rājapriyo vittahā
bhāgyasthau raviśītagū śaniyutau bhṛtyo virodhi satām /
ravyārau sabudhau tu tatra subhagaḥ kruddho vivādapriyaḥ
sejyau devapitṛpriyaḥ sutavadhūvittānvito jāyate

sūryārau sasitau vivādanirataḥ kopī vadhuduṣaka-
śchāyāsūnuyutau vibandhuradhanosādhuḥ pitumārakaḥ /
dharmasthau ravicandrajau guruyutau rājapriyo vittavān
sācchyau rājasamḥ sabhānutanayau pāpī parastrīpatiḥ

jīvārkau sitasaṃyutau paravadhūsakto dhanī paṇḍitaḥ /
sārkī jīvadivākarau yadi viṭasvāmī tapaḥsthānagau /
ādityāptitabhārgavā navamagā hīno nṛpairdaṇḍato
bālye taptamanāḥ sukhī ca parataścandrāraśītāṃśujāḥ

devārādhanatatparo navamagaiścandrāravāgīśvarai-
rjāto naṣṭakalatravān kṣatatanuḥ śukrendubhūnandanaiḥ /
kṣudro mātṛharo mahīpatisamaścandrārasūryāmtajai-
rācāryo dhanavān vibhuśca rajanīnāthajñadevāciñcataiḥ

mātuḥ sapatnījanako vibhuḥ syāt candrajñaśukrā navamopayātāḥ /
pāpī vivādapriyabuddhiyukto jātaḥ sudhāraśimabudhārkaputrāḥ

candrāmarejyau sasitau mahīpaḥ sārkātmajau sadguṇakarmaśīlaḥ /
mandajñaśukrā narapālatulyaḥ kṛṣikriyāvittaparo gurutthāḥ

rājapriyo māṇḍalikaḥ sajīvībhāvasthitau bhusutacandraputrāṃ /
śāstrī saśukrau capalaśca bhīruḥ sabhanujau vāda samarthaḥ

khyāto vidvān dharmavān jīvasauryau dharmasthāne /// /
vidyāvānmī sāsitau dharmarato rā ///////////////////

jātaḥ sāhasavikramārjitadhanaḥ sūryarajīvārkajaiḥ
śūraḥ sarvaguṇaprapa[ncarasikaḥ yukrārajīvendubhiḥ /
ṣaṭpaṅcatricaturviśaccarayute bhāgye sameti yriyaṃ
rājatyaṃ sabudhe vibodhanagurau jātaḥ sametyaśriyam

janayanti bhāgyasaṃsthā gurusaumyavivarjitā grahā puruṣam /
vyādhiprāyamakāntaṃ janahīnaṃ bandhanārtamatidīnam

bhāgyādhipe vināśasthe nīcasatrusvagekṣite /
krūrāṃśe nīcarāśyādau bhāgyahīno bhavennaraḥ

bhāgyādhipe śubhayute śubhagrahanirikṣite /
tadbhāve śubhasambandhe tatkīrtidhanabhāgyavān

siṃhāsanāṃśe tannāthe lagneśena nirīkṣite /
karmādhipena sandṛṣṭe //////'karo bhavet

jātaḥ purohito /////////////////////////// /
dānādhyakṣopakārī /// varṇamedavikalpanā

gurau tadbhāvasaṃyukte navāṃśādhipatau tathā /
śubhagrahekṣite vā'pi gurubhaktiyuto bhavet

gurusthāne saumyayute guruvargasamanvite /
tadīśe gurubhāgasthe gurubhaktirataḥ sukhī

guruśukrabudhāṃśasthe dharmanāthena vīkṣite /
śubhagrahāṇāṃ madhyasthe dharmakṛtsa naro bhavet

dharme pāpe pāpabhāk syāt tadīśe pāpasaṃyute /
krūraṣaṣṭyaṃśake vā'pi dharmahīno bhavennaraḥ

balavati śubhanāthe kendrakoṇopayāte śubhaśatamupaiāti svāmidṛṣṭe vilagne /
suragunavabhāgastrīmśadaṃśatribhāge daśamabhavanape vā vītabhogastapasvī

sakalagaganavāsāḥ svoccagā bhāgyarāśau dhanakanakasamṛddhiṃ śreṣṭhamutpādayanti /
yadi śubhasvacarendaistatra dṛṣṭā nabhogā vinihātaripupakṣau divyadehaḥ sukīrtiḥ

tāteśatatkārakakhecarendrau duḥsthau tayoḥ putramukhaṃ na dṛśyam /
kendratrikoṇe yadi tau nabhogau vadetayoḥ putramukhaṃ hi dṛśyam

idanīṃ jātasya piturmaraṇaṃ dine rāvau sa syādityāha /
piturnaśāyāṃ maraṇaṃ sukheśaśukrendavaḥ ṣaṣṭhagatā balādhyāḥ /
nārīśvarāstanbharaṇaṃ tathaiva candreṇa hīnāstu divā mṛtaḥ syāt

saumye carādyabhāgasthe bhāgyeśe balasaṃyute /
guruśukrayute dṛṣṭe japadhyānasamādhimān

devalokadibhāgasthe karmeśe bhāgyape'pi vā /
pārāvatāṃśake saumye brahmaniṣṭāparo bhavet

pārāvatādibhāgasthe dharmeśe gurusaṃyute /
lagneśe gurusandṛṣṭe mahādāakaro bhavet

iti śrīnavagrahakṛpayā vaidyanāthaviracite jātakapārijāte caturdaśo'dhyāyaḥ