Jataka Parijata · Chapter p17

krūragrahaiḥ subalibhirvibalaiśca saumyaiḥ catuṣṭayagateta davekṣaṇādvā /
candropagadvirasamāgasamānarūpaṃ sattvaṃ vadedyādi bhavetsa viyonisaṃjñaḥ

pāpā balinaḥ svabhāgagāḥ pārakye vibalāśca śobhanāḥ /
lagnaṃ ca viyonisaṃjñakaṃ dṛṣṭā'trāpi viyonimādiśet

kriyaḥ śiro vaktragalo vṛṣo'nye pādāṃsakaṃ pṛṣṭhomuro'tha pārśve /
kukṣistvapāno'ghnyatha medrabhuṣkau sphikpucchamityāha catuṣpadāṅge

lagnāṃśakādgrahayogekṣaṇādvā varṇān vadedbalayuktād viyonau /
dṛṣṭayā samānān pravadettu saṅkhyāṃ rekhāṃ vadetsmarasaṃsthaiśca pṛṣṭhe

dehāmbugau sukhāṅgeśau vatuṣpājjananaṃ bhavet /
deheśe sukhape vā'hiketuyukte paśorjaniḥ

atha grahaviśeṣakṣaṇādinā paśuviśeṣajaniḥ /
śkrekṣite gojananaṃ mahiṣyārkiyutekṣite /
rāhuketuyukte meṣaḥ pāpāḍhye'nyapaśojaniḥ

atha sthalāmbujaniyogakarī grahasthitiḥ /
khage dṛkaṇe balasaṃyutena vā graheṇa yukte carabhāṃśakodaye /
budhāṃśake vā vihagāḥ sthalāmbujāḥ śanaiścarendvīkṣaṇayogasambhavāḥ

horendusūriravibhirvibalaistarūṇāṃ teyasthale tarubhurvo'śakṛtaḥ prabhedaḥ /
lagnādgrahaḥ sthalajalarkṣapatistu yāvāṃstāvanta eva taravaḥ sthalatoyajātāḥ

atha ravyādīnāṃ vṛkṣaviśeṣajanikāraṇatā /
antaḥsārān janayati ravirdurbhugān sūryasūnuḥ
kṣīropetāṃstuhinakiraṇaḥ kaṇṭakāḍhyāṃśca bhaumaḥ /
vāgīśajñau saphalaviphalān puṣpavṛkṣāṃśca śukraḥ
snigdhāninduḥ kaṭukaviṭapān bhūmiputrastu bhūyaḥ

śubho'śubharkṣe ruciraṃ kubhūmijaṃ karoti vṛkṣaṃ viparītamanyathā /
parāṃśake thāvati vicyutaḥ svakād bhavanti tulyāstaravastathāvidhāḥ

atha niṣekadhidhiḥ /
kujenduhetu pratimāsamārtavaṃ gate tu pīḍarkṣamanuṣṇadīdhitau /
ato'nyathāsthe śubhapuṅgrahekṣite nareṇa saṃyogamupaiti kāminī

yathā'starāśirmithunaṃ sameti tathaiva vācyo mithunaprayogaḥ //
asadgrahālokitasaṃyute'ste saroṣa iṣṭaiḥ savilāmahāsaḥ

ravīnduśukrāvanijaiḥ svabhāvagaiḥ gurau trikoṇodayasaṃsthite'pi/ vā /
bhavatyapatyaṃ hi vibījināgine karā himāṃśorvidṛśāmivāphalāḥ

divākarendvoḥ smaragau kujarkajau gadapradau puṅgalayoṣitostadā /
vyayasvagau mṛtyukarau yutau tathā tadekadṛṣtyā maraṇāya kalpitau

vivā'rkaśukrau pitṛmātṛsaṃjñitau śanaiścarendū niśi tadviparyayāt /
pitṛvyamātṛṣvasṛsaṃjñitau ca tāvathaujayugmarkṣagatau tayoḥ śubhau

śītajyotiṣi jyoṣito'nupacayasthāne kujenekṣite /
jātaṃ garbhaphalapradaṃ khalu rajaḥ syādanyathā niṣphalam /
dṛṣṭe'smin guruṇā nijopacayage kuryānnivekaṃ pumān /
atyājye ca samūlabhe śubhaguṇe parvādikālojbhite

atha strīṇāmṛtukālaparimāṇam /
vibhāvarīṣoḍaśa bhāminīnāmṛtudramādyā ṛtukālamāhuḥ /
nādyāścatasro'tra niśekayogyāḥ parāśca yugmāḥ sutadāḥ praśastāḥ

atha turyādirātriṣu niṣeke satāne viśeṣaḥ /
putro'lpāyudārikā vaṃśakartā banhyā putraḥ sundarīśo virūpā /
śrīmān pāpā dharmaśīlastathā śrīḥsarvajñaḥ syāturyarātrāt krameṇa

atha sutādiyogakarī grahasthitiḥ /
aṣṭamāṣṭamage sūrye niṣekarkṣātsutodbhavāḥ /
athavā'dhānalagnāttu trikoṇasthe dineśvare

asminnādhanalagne tu śubhadṛṣṭiyute'thavā /
dīrghāyurbhāgyavān jātaḥ sarvavidyānnameṣyati

ojarkṣe puruṣāṃśakeṣu balibhirlagnārkagurvindubhiḥ
puṅjanma pravadetsamāṃśakagatairyugmeṣu tayorṣitaḥ /
gurvarkau viṣame naraṃ śaśisitau vakraśca yugme striyam
dvyāṅgasthā budhavīkṣaṇācca yamalau kurvanti pakṣe svake

vihāya lagnaṃ viṣamarkṣasaṃsthaḥ sauro'pi puñjanmakaro vilagnāt /
proktagrahāṇāvalokya vīryaṃ vācyaḥ prasūtau puruṣo'ṅganā vā

atha krīyatvakarā yogāḥ /
anyonyaṃ yadi paśyataḥ śaśiravī yadyārkisaumyāvapi
vakro vā samagaṃ dineśamasame candrodayau cetsthitau /
yugmaujarkṣagatāvapinduśaśijau bhūmyātmajenekṣitau
pumbhāge sitalagnaśītakiraṇāḥ ṣaṭ klībayogastvime

atha thamalādijanikarā yogāḥ /
yugme candrasitau tathaujabhavane syurjñārajīvodayāḥ
lagnendū nṛnarīkṣitau ca samagau yugmeṣu vā prāṇinaḥ /
kuryuste mithunaṃ gṛhodayagatāndvyaṅgāṃśakānpaśyati
svāṃśe jñe tritayaṃ jñagāṃśakavaśādyugmaṃ tvamiścaiḥ samam

atha vyadikajananayogaḥ /
dhanurdharasyāntyagate vilagne grahaistadaṃśopagatairbaliṣṭaiḥ /
jñenārkiṇā vīryayutena dṛṣṭe santi/prabhūtā āpi kośasaṃsthāḥ

dviśarīrāṃśasaṃyuktān grahān lagnaṃ ca paśyati /
kanyāṃśakagataścāndirgarbhasthaṃ tritayaṃ vadet

yugmāṃśakastu kanyaikā dvau pumāṃsau ca garbhajāḥ /
yugmāṃśagānvilagnaṃ ca garbhasthāḥ puruṣāstrayaḥ

kanyāyugmāṃśakopetāṃstayhā yugmāṃśago budhaḥ /
kanyānavāṃśakaḥ saumyastistro garbhagatāṅganāḥ

dvisvabhāvagatārkagurū budhanirīkṣitau /
puṃyugmaṃ kurutastadvat śaśiśukramahīsutāḥ

kurvanti strīyugaṃ tatra balābalaviśeṣataḥ // २९ १/२//
strīnapuṃsakadaścāndriḥ puṃnapuṃsakdo'rkajaḥ

niṣekakāle candrārkāvanyonyaṃ yadi paśyataḥ /
tathaiva candramandau vā klībajanmapradau tathā

niṣeke bhrātṛlagneśayoge yamalasambhavaḥ /
lagneśe bhrātṛpakṣasthe svocce vā yamalodbhavaḥ

ṣaṣṭheśo dehasambandhī budhaḥ ṣaṣṭhagato yadi /
budhakṣetre ca yasya sa strīnapuṃsakaḥ

budhasthānena śaninā puṃnapuṃsakatā bhavet // १/२//
niṣekalagneśatṛtīyanāthau lagnasthitau cedyamalodbhavaḥ syāt // १/२//
atha pādajātasvapradau yogau /
tṛtīnāthena yute niṣeke bhogīśayukte yadi pādajātaḥ

rāhūdaye lagnanāthe karmasthe pādapūrvajaḥ // १/२//
atha sarpaveṣṭitadehayadā yogāḥ /
sarāhau randhrape lagne jātaḥ syāt sarpaveṣṭitaḥ

randhreśvare pāpayute vilagne jāto nagorveṣṭidehavānsyāt /
kendre sarahau gulikena yukte lagneśvare vāvā nidhaneśayukte

krūragrahāṇāṃ ca dṛgāṇalgne jāto nagairveṣṭitadehavān syāt /
lagnatribhāge'ṇḍajasarpakolāsrannāthayuktastu tathā tribhāgaḥ /
śubhapradāṇāṃ ca dṛśā vihīne jāto nagairveṣṭitadehavān syāt

yaśāṅke pāpalgne vā vṛścikeśatribhāgage /
śubhaiḥ svāyasthitairjātaḥ sarpastadveṣṭito'pi vā

catuṣpādagate bhānau śeṣairvīryasamanvitaiḥ /
dvitanusthaiśca yamalau bhavataḥ kośaveṣṭitau

chāgasiṃhavṛṣe lagne tatsthe saure'thavā kuje /
rāśyaṃśasadṛśe gātre jatasthenālaveṣṭitaḥ

lagne sapāpe bahupāpadṛṣṭe rāhudhvajābhyāṃ sahite'thavā'tra /
pāpagrahāṇāṃ vilagnabhe vā jāto naro nālavideṣṭitāṅgaḥ

krūrāntare lanagate sarāhau lagne kuje vāsaranāthadṛṣṭe /
lagne śanu bhumisutena dṛṣṭe jāto naro nālaviveṣṭitāṅgaḥ

atha prasūtikālajñāpikā grahasthitiḥ /
tatkāla indusahito dvirasaṃśako yastatulyarāśisahite purataḥ śaśāṅke /
yāvānudeti dinarātrisamānabhāgastāvadrate dinaniśoḥ pravadanti janma

udayati mṛdubhāṃśe saptamasthe ca mande /
yadi bhavati niṣekaḥ sūtirabdatrayṇa /
śaśini tu vidhireṣa dvādaśābdaiḥ prakuryāt /
nigaditamiha cintyaṃ sūtikāle'pi yuktyā

atha saṃskāravihīnaputrajanmajñāpakā yogāḥ /
pitṛkarmeśvarau duḥsthau deheśe balasaṃyute /
vinā sīmantakamādi jātaḥ putro na saṃśayaḥ /
lābhe pāpe pāpagṛhe na sīmantayuto bhavet // ४५ १/२//
atha piturasannidhau janmayogāḥ /
piturjātaḥ parokṣasya lagnamindāvapaśyati /
videśasthasya carabhe madhyāddaṣṭe divākare

udayasthe'thavā mande vā'staṃ samāgate /
sthite vā'ntaḥ capānāthe śaśāṅkasutaśukrayoḥ

pitarayrasaḥ kṣetrajo veti jñapikā dyucarasthitiḥ /
lagne vā yadi śītāṃśau śubhakhecararāśige /
oraso'yaṃ bhavejjāto gururgasamanvite

jīvo na bhaumasandṛṣṭaḥ svavarge cārkacandramāḥ /
kṣetrajo'yaṃ bhavejjātaḥ sasaumyo vā balānvitaḥ

mandavargagate candre mandayukte tu paṅcame /
bhānubhārgavasandṛṣṭe putraḥ paunarbhavo bhavet

atha anūḍhāpatyatvsarādhako grahayogaḥ /
vyaye bhāskarasandṛṣṭe varge bhāskaracandrayoḥ /
candrasūryayute vā'pi kānīno'yaṃ bhavennaraḥ

atha dattaputratvasādhako yogaḥ /
candradṛṣṭiyuto māndirbhānuputrasamanvitaḥ
tadvīkṣaṇayuto vā'pi dattaputro bhavennaraḥ /
śanyaṅgārakasaṃyukte saptame vā'tha paṅcame
anyairavīkṣite kheṭaiḥ kṛtrimaṃ tu vinirdiśet

atha jārajatvasādhakā yogāḥ /
parasparakṣetragatau tu horārasātakeśau yadi janmalagnāt /
lagneśvaro vā hibukeśvaro vā dhvajāhiyukto jananaṃ pareṇa

lagnaṃ śaśāṅkaṃ surarājamantrī na vīkṣate naikagṛhasthitau vā /
na jīvavargageṇa yutau tadānīṃ jātaṃ vadedanyasamāgamena

svātīdvitīyā ravivārayuktā sasaptamī somajarevatī ca /
sadvādaśībhānusutaśraviṣṭhā caiteṣu jātaḥ parato vadanti

bhadrāṇyatithiyukteṣu tripādarkṣanviteṣu ca /
mandārkabhaumavāreṣu jātmanyodbhavaṃ viduḥ

na lagnamindu ca gurunirīkṣate na vā śaśāṅkaṃ raviṇā samāgatam /
sapāpako'rkeṇa yuto'thavā śaśī pareṇa jātaṃ pravadanti niścayāt

gurukṣetragate candre tadyukte cānyarāśige /
taddreṣkāṇe tadaṃśe vā na parairjāta iṣyate

atha janmani piturbaddhatvādi /
krūrarkṣagatāvaśobhanau sūryād dyūnanavātmajasthitau /
baddhastu pitā videśagaḥ sve vā rāśivaśāttathā pathi

atha janmadeśāḥ /
pūrṇe śaśini svarāśige saumye lagnagate śubhe sukhe /
lagne jalajo'stage'pi vā candre potagatā prasūyate

āoyodayamāpyagaḥ śaśī sampūrṇaḥ samavekṣate'thavā /
meṣūraṇabandhulagnagaḥ syāt sūtiḥ salile na saṃśayaḥ

udayoḍupayorvyayasthite guptyāṃ pāpanirīkṣite yame /
alikarkiyute vilagnage saure śītalarekṣite'vaṭe

mande'bjagate vilagnage budhasūryendinirīkṣite kramāt /
kīḍābhavane surālaye jananaṃ* coṣarabhūmiṣūdiśet

nṛlagnagaṃ prekṣya kujaḥ śmaśāne ramye sitendū gururagnihotre /
ravirnarendrāmaragokuleṣu śilpālayo jñaḥ prasavaṃ karoti

rāśyaṃśasamānagocare mārge janma care sthire gṛhe /
svarkṣāśagate svamandire balayogātphalamaśakarkṣayoḥ

atha mātrā syaktasya dīrghayuṣṭam /
ārārkajayāstrikoṇage candro'ste ca visṛjyate'mbayā /
dṛṣṭe'mararājamantriṇā dīrghayuḥ sukhabhāk ca sa smṛtaḥ

atha mātrā syaktasya vināśayogaḥ /
pāpekṣite tuhinagābudaye kuje'ste syakto vinaśyati kujārkajayostathā'ye /
saumye'pi paśyati tathāvidhahastameti saumye tareṣu parahastagato'pyanāyuḥ

atha prasavasthānam /
pitṛmātṛgṛheṣu tadbalāttaruśālāiṣu nīcagataiḥ śubhaiḥ /
yadi naikagataiśca vīkṣitau lagnendū vijane prasūyate

mandarkṣāśe śaśini hibuke mandadṛṣṭe'bjage vā
tadyukte vā tamasi śayanaṃ nīcasaṃsthaiśca bhūmau /
yadbhadrāśirbrajati harijaṃ garbhamokṣastu tadvat

atha sūtīgṛhe dīpajñānaṃ dvārajñānaṃ ca /
snehaḥ śaśāṅkādudayācca vartī dīpo'rkayuktarkṣavaśāṇarādyaḥ /
dvāraṃ ca tadvāstuni kendrasaṃsthairkṣyaṃ grahairvīryasamanivtairvā

atha sūtīgṛhasvarūpam /
jīrṇa saṃskṛtamarkaje kṣitisute dagdhaṃ navaṃ śītagau
kāṣṭhāḍhyaṃ sudṛḍhaṃ ravau śaśisute cānekaśilpyudbhavam /
ramyaṃ citrayutaṃ navaṃ ca bhṛguje jīve dṛḍhaṃ mandiraṃ
cakrasthaistu yathopadeśaracanāṃ sāmantapūrvāṃ vadet

atha sutīgṛhadiśā /
meṣakulīratulālighataiḥ praguttarate gurusaumyagṛheṣu /
paścimataśca vṛṣeṇa nivāso dakṣiṇabhāgakarau mṛgasiṃhau

atha sūtīgṛhe janmasthānam /
prācyādigṛhe kriyādayo dvau dvau koṇagatā dvimūrttayaḥ /
śayyāsvapi vāstuvadvadet pātaiḥ ṣaṭtrinavāntyasaṃsthitaiḥ

atha upasutikājñānam /
lagnacandrānragatairgrahaiḥ syurupasūtikāḥ /
bahirantaśca cakrārddhe dṛśādaśye'nṣavā pare

atha jātakasya svarūpādijñānam /
lagnanavāṃśapatulyatanuḥ syādvīryayutagrahatulyatanurvā /
candrasametanavāṃśaparvaṇaḥ kādivilagnavibhaktabhagātraḥ

kandṛkṣrotranasākapolahanavo vaktraṃ ca horādaya-
ste kaṇṭhāṃsakabāhupāśvahṛdayakroḍāni nābhistataḥ /
bastiḥ śiśnagude tataśca vṛṣaṇāvūrū tato jānunī
jaḍāṅdhrītyunjayatra vāmamuditairdrekkāṇabhāgairstradhā

atha jātāṅge cihvajñānam /
tasminpāpayute vraṇaṃ śubhayute dṛṣṭe ca lakṣmādiśet
svarkṣaṃśe sthirasaṃyute ca sahajaḥ syādanyathā'gantukaḥ /
mande'śmānilajo'gniśastraviṣajo bhaume budhe bhūbhavaḥ
sūrye kāṣṭhacatuṣpadena himagau śṛṅgyabjajo'nyaiḥ śubham

samanupatitā yasmin bhāge trayaḥ sabudhā grahā
bhavati niyamātasyāvāptiḥ śubheṣvaśubheṣu vā /
vraṇakṛdaśubhaḥ ṣaṣṭhe dehe tanorbhasamāśrite
tilakamaśakṛddṛṣṭaḥ saumyairyutaśca sa lakṣmavān

viyonijanmavijñānaṃ niṣekodayajaṃ phalam /
janmakālaprijñānaṃ yattadācāryabhāṣitam

iti navagrahakṛpayā vaidyanāthaviracite jātakapārijāte
ādhānajanmādhyāyastṛtīyaḥ