Jataka Parijata · Chapter p15

kanyamīnanṛyugmagoharidhanuḥ kumbhasthitaiḥ khecaraiḥ
senāmattamataṅgacājivipulo rājā yaśasvī bhavet /
taulicchāgavṛdhāvasānagṛhagairjāto'khilakṣmāpati-
rgicāpāntyamakendragaiḥ pṛthuyaśāḥ pṛthvīścaro jāyate

kanyāmeṣatulāmṛgendraghaṭagairjato mahīpālako
duścikyapratibhārasātalagatairbahurrthadeśādhipaḥ /
kheṭā vikramabandhuputragṛhagā dvau vittadharmasthitau
śeṣau lagnakalatrarāśisahitau rājā bhaveddvārmikaḥ

tāreśahorāsahitā gabhogā jāto yaśasvī manujādhipaḥ syāt /
saumyāstapolābhagṛhopayātāḥ pāpā ripuvyomagatā nareśaḥ

lagnāspadānaṅgagṛhopayātā balānvitaḥ śobhanakhecarendrāḥ /
kujārkaputrau navamāyasaṃsthau nṛpo bhavetsarvaguṇābhirāṃaḥ

vargottamāṃśopagate vilagne candre'thavā candravimuktakheṭaiḥ /
sukhāspadānaṅgagṛhopayātairvilokitairbhānavanāyakaḥ syāt

aśvinyāmudayasthite bhṛgusute sarvagrahairīkṣite
jāto rājakulāgnajo ripukulaghvaṃsī bahustrīrataḥ /
hitvā nīcanavāṃśamambaracaraistryādyaiḥ svamāgānvitai-
reko lagnagato yadi kṣitipatiḥ paṅcādikairvittavān

śukre'rinīcamapahāya kutumbasaṃsthe lagneśvare balayute pṛthivīpatiḥ syāt /
candre'timitranijabhāgagate niśāyāṃ śukrekṣite nṛpatiranyavilokahīne

mīne mīnanavāṃśake bhṛugusute lagnasthite bhūpatiḥ
svocce lagnagṛhādhipe balayute rājā śaśāṅkekṣite /
lagnasvāmini tuṅgamandiragate nīcāribhāgaṃvinā vinā
kendrasthānagate nabhogaviyute jāto mahīpālakaḥ

bhāgyasthe nijatuṅgamitrabhavane sampūrṇagātre vidhau
lagnādāspadavittarāśigatayoḥ śanyārayorbhūpatiḥ /
candre pūrṇakalānvite balayute lagnaṃ vinā kendrage
dṛṣṭe dānavamantriṇā ca guruṇā rājā mahīdānakṛt

ekasminparamoccage'tisuhṛdā dṛīṣṭe yadi kṣmāpati-
stattulyo bhṛgunandane balayute lābhe'thavā riḥphage /
dvitrivyomacareṣu tuṅgagṛhageṣvindau kulīre sthite
lagne pūrṇabalānvite narapatiḥ sarvatra pūjyo bhavet

sarve copacayasthitāḥ śubhasvagāḥ pāpā vilagnasthitā
mānasthā yadi vā jitārinicayaḥ krūro mahīpālakaḥ /
bhānau saptamage niśākarayute tuṅgādivargasthite
saumyāsaumyanirīkṣite'ticapalo rājā'thavā tatsamaḥ

nīcaṅgato janmani yo grahaḥ syāttadrāśinātho'pi taduccanāthaḥ /
sa candralagnādyadi kendravartī rājā bhaveddharmikacakravartī

nīcasthitagrahanavāṃśapatau trikoṇe kendre'thavā caragṛhe yadi janmalagne /
tadbhāvape caragṛhāṃśasamanvite vā jāto mahīpatiratiprabalo'thavā syāt

mānasthanapatau parābhavagate pārāvatāṃśe'thavā
svoccasvarkṣasuhṛnnavāṃśakagate rājādhirājo bhavet /
lagne nīcagṛhe puranddaragurau randhre sapāpagrahe
tadrāśyaṃśasamanvite yadi tadā rājādhirājo bhavet

jīvasya vyayage śanau sahajape lābhe'thavā bhāskare
riḥphe lagnapatau tu nirjaragurāvurvīśarājo bhavet /
bhāgyeśasthanvāṃśape tanayage bandhusthite vā nṛpo
dṛṣṭe vā śaśije surendraguruṇā yukte sa rājapriyaḥ

bhāgśeyena nirīkṣite yayisute kendrasthite bhṛgujām
tulśatvaṃ samupaiti jātamanujo lagnasthite vākpatau /
kendre vā śadi koṇage ravisute mūlatrikoṇoccage
lābheyena nirīkṣite balaśute bhūpālatulśo bhavet

lagne śītakare gurau sukhagate karmasthite bhārgave
tuṅgasvarkṣagate divākarasute rājā'thavā tatsamaḥ /
antyopā ntvavilagnavittasahajavyāpārageheṣu vā
saumyavyomacarepu bhūpatisamo rājādhirājapriyaḥ

mande cottamavargake balayute nīcā<śavarjye gurau
bhānau śobhanadṛṣtibhāgasahite rājapriyastatsamaḥ /
rāhau karmaṇi lābhage ravisute bhāgyādhipenekṣite
lagneśe yadi nīcakheṭarahite pṛthvīśatulyo bhavet

nīcaṃ gatā dvitricaturgrahendrāḥ ṣaṣṭhyaṃśake śobhanabhāgayuktāḥ /
svatuṅgarāśyāṃśasamanvitā vā dharāpatirdharmikacakravartī

lagnātkarmaśubhāhipau śubhagṛhādvayāpāradharmeśvarau
mānādāspadabhāgyapau ca sahittāvanyonyarāśisthitau /
anyonyakṣaṇakendragau dhanapateḥ sambandhinau ceddhanī
jāto yānapakāyapikṣitayutau bahurthayanādhipaḥ

ṣatasu graheṣuccagṛhasthiteṣu rājādhirājo'khilabhūpatiḥ syāt /
uccaṃ gataiḥ paṅcabhirindravandye lagnasthite sarvajanāvanīśaḥ

kumbhodayasthe ravije caturbhiḥ svoccaṅgataiḥ sarvamahīpatiḥ syāt /
meṣodayasthe yadi candraputre svoccaṃ gate devagurau nṛpālaḥ

candre vṛṣodayagate yadi ṣaḍbhiranyairdṛṣṭe'tibālyavayasi kṣitināyakaḥ syāt /
tuṅgasthitaikasvacare nijamitrayātairanyaiḥ sameti narapālasamānabhogyam

vargottame vā yadi puṣkarāṃśe sārendudevendragurau nṛpālaḥ /
karmasthite śobhanadṛṣtiyukte sampūrṇagātre śaśini kṣitīśaḥ

gurusitayutacandre cāpage candrasūnau yadi tanugṛhayāte bhūmije kanyakāyām /
mṛīgasukhabhavanasthe bhānuputre nṛpaḥ syādatiśayabalayuktaḥ sarvabhūpālapūjyaḥ

kanyāvasānayugacāpamṛgānanasthaiḥ saumyendubhaumagurubhānusutairnṛpālaḥ /
mīnodaye śaśini pūrṇatanau balāḍhye svocce kuje ravisute ghaṭage nareśaḥ

mṛgodayasthe yadi bhukumāre kulīrage candramasi kṣitīśaḥ /
dharājapūṣāmaravandyamānā mṛgājakumbhopagatā nareśaḥ

lagnādhipetarayute yadi pūrṇacandre śukrajñadevagurudṛīṣṭiyute tu rājā /
vargottamāṃśasahitā guruśukrabhaumāḥ pāpā na kendrabhavanopagatā nareśaḥ

śīrṣodayeṣu nikhiladyucareṣu candre saumyagrahekṣaṇayute kaṭake mahīpaḥ /
lagnādhipe navamage daśamasthite vā lagne sudhākarayute pṛthivīpatiḥ syāt

cāpārdhaṃ gatavān sahannakiraṇastatraiva tārādhipo
lagne bhānusute'tivīryasahite svocce ca bhūnandanaḥ /
yadyevaṃ bhavati kṣiteradhipatiḥ santyajya śauryaṃ bhayād
dūrādeva namanti tasya ripavo dagdhāḥ pratāpāgninā

upacayagṛhasaṃstho janmapo syasya candrāt
śubhagṛhanavāṃśe kendrayātāśca saumyāḥ /
sakalabalaviyuktā ye ca pāpābhidhānāḥ
sa bhavati naranāthaḥ śakratulyo balena

uccāmilāṣī savitā trikoṇe svarkṣe śaśī janmani yasya jantoḥ /
sa śāsti pṛthvī bahuratnapūrṇā bṛhaspatiḥ karkaṭakopagaścet

svasya trikoṇe raviruccago'pi vā svasvāṃśasthā raviśukrasomajāḥ /
tṛtīyaṣaṣṭhamagā niśākarāt kurvanti gopālamiva kṣitīśvaram

raviśāśibudhaśukrairvyomni mitrāṃśakasthairna ca ripubhavanasthairnāpyadṛśyairna nīcaiḥ /
sa bhavati naraputro bhupatiryat prayaṇe gajamadajalasekaiḥ sicyate yasya reṇuḥ

kṣamāsutaḥ svoccamupāśrito balī ravīnduvācaspatibhirnirikṣitaḥ /
bhavennarendro yadi kutsitastadā samastapṛthvīparirakṣaṇakṣamaḥ

bhdhodaye saptamage bṛhaspatau candre kulīre sukharāśige'male /
viyadrate bhārgavanandane grahe praśāsti pṛṭhvīmagado nirākulaḥ

pradhānabalasaṃyuktaḥ sampūrṇaḥ śaśalāṅchanaḥ /
eko'pi kurute jātaṃ narādhipamarindamam

devamantrī kuṭumbastho bhārgaveṇa samanvitaḥ /
karoti bahudhānāthaṃ nirjitārātimaṇḍalam

lagneśe kendrarāśisthe karmeśe vṛdhirāśige /
bhāgyeśe lābhage jātaścirañjivī mahīpatiḥ

raviluptakaraḥ saumyaḥ svastho mūlatrikoṇagaḥ /
sarvavidyādhiko rājā netareṣāṃ svacāriṇām

arkajñau sukharāśiśthau mandendū daśamasthitau /
kujodaye ca saṅjāto yadirājā na saṃśayaḥ

divākarodaye siṃhe śukrāṃśakvivarjite /
kanyāgate budhe jāto nīco'pi pṛthivīpatiḥ

mā(bhā)naputrodayasthau vā mandāvanisutau yadi /
pūrṇendau gururāśisthe jāto rājā bhaviṣyati

balī vilagnādhipatiśca kendre bhūpālayogaṃ kurute narāṇām /
tanmitradṛṣṭe yadi nīcavaṃśe jāto'pi rājā nṛpavandito vā

janmādhipaḥ svoccagṛhe mṛgāṅkaṃ paśyatyavaśyaṃ yadi bhūmipālaḥ /
gajādisenāturagādisaṅdhairjitārikoṭirjagati prajātaḥ

lagnaṃ vihāya kendrasthe candre pūrṇakalānvite /
gurubhārgavasandṛṣṭe jāto rājā bhavennaraḥ

lagneśe kendramāvasthe nīcamūḍhāribhaṃ vinā /
nānyagrahayukte rājā sārvabhaumo bhaviṣyati

gurucandradivānāthāḥ sutavikramadharmagaḥ /
jāto yadi mahīpālaḥ kuberasamavittavān

cāpodayasthe balini prabhākare mahīsute karmagate saśītagau /
upāntyage vā bhṛguje vyayasthite surendratulyo nṛpatiḥ prajāyate

vikramāyārigāḥ pāpā janmapaḥ śubhavīkṣitaḥ /
rājā bhavati tejasvī samastajanavanditaḥ

mṛgodayasthe balini kṣamāsute śanautapaḥsthānate'thavā'ntyage /
devākare saptamage saśītagau mahīpatiścaṅcalamānaso bhavet

lābhe sukhe vā daśame samandaścandramā yadi /
jāto nṛpakule rājā tatsamo vā dhanībhavet

jātaścopacayasthite tanupatau candre tapaḥsthānage
kendrasthāḥ śubhavargagā yadi śubhā vīryanvitā bhūpatiḥ /
jīvendū vṛṣabhasthitau balayutaḥ koṇasthito lagnapaḥ
śānyārekṣaṇavarjito yadi tadā jāto'vanīśo bhavet

vivākare mīnagṛhopayāte kulīralagne śaśini kṣitīśaḥ /
arātinīcagrahadṛṣṭiyuktā bhūpālayogaṃ na diśanti sarve

janayati nṛpameko'pyuccago mitradṛṣṭaḥ pracuraguṇasametaṃ mitrayogācca siddham /
vivasukhamūḍhavyādhito bandhutapto vadhaduritasametaḥ śatrunimnarkṣageṣu

dhanurmīnatulāmeṣabhṛgakumbhodaye śanau /
cārvaṅgo nṛpatividvān parugrāmāpraṇirbhavet

svoccatrikoṇasvasuhṛcchatrunīcagṛhārkagaiḥ /
śubhaṃ sampūrṇapādonadalapādālapniṣphalam

atha paṅca mahāpuruṣayogāḥ /
mūlatrikoṇanijatuṅgagṛhopagātā bhaumajñajīvasitabhānusutā baliṣṭhāḥ /
kendrasthitā yadā rucabhadrahaṃsamālavyacāruśaśayogakarā bhavanti

atha rucaka-yogaphalam /
jātaḥ śrīrucake balānvitavapuḥ śrīkīrtiśīlānvitaḥ
śastrī mantrajapābhicārakuśalo rājā'thavā tatsamaḥ /
lāvaṇyāruṇakāntikomalatanustyāgī jītārirdhanī
saptatyabdamitāyuṣā saha sukhī senātuṅgādhipaḥ

dharmeśalābheśadhaneśvarāṇāmeko'pi śītadyutikendravartī /
svayaṃ ca lābhādhipatirguruścedakhaṇḍasābhrājyapatitvameti

atha bhādrayogaphalam /
śārūulapratimānano gajagātiḥ pīnoruvakṣasthalo
lambāpīnasuvṛttabāhuyugalastattulyamānocchayaḥ /
mānī bandhujanopakāranipuṇaḥ śrībhadrayogodbhavo
rājā'śītibhitāyureti vipulaprajñāyaśovittavān

atha haṃsayogaphalam /
raktāsyonnatanāsikaḥ sucaraṇo haṃsakharaḥ śleṣmako
gauraṅgaḥ sukumāradārasahitaḥ kandarpatulyaḥ sukhī /
śāstrajñānaparāyaṇo'tinipuṇaḥ śrīhaṃsayoge guṇī
jāto'śītikamāyureti sayugaṃ ८४ sādhukriyācāravān

atha mālavyayogaphalam /
strīceṣṭo lalitāṅgasandhinayanaḥ saundaryaśālī guṇī
tejasvī sutadāravāhanadhanī śāstrārthavitpaṇḍitaḥ /
utsāhaprabhuśaktimantracaturastyāgī parastrīrataḥ
saptatyabdamupaiti saptasahitaṃ (77) mālavyayogodbhavaḥ

atha śaśayogaphalam /
bhūpo vā sacivo vanāclarataḥ senāpatiḥ krūradhī-
rghatovārdavinodaṅcanaparo dātā saroṣekṣaṇaḥ /
tejasvī nijamātṛbhaktinirataḥ śūro'sitāṅgaḥ sukhī
jātaḥ saptatirāyureti śaśake jārakriyāśīlavān

gargahorāyām /
yasya yogasya yaḥ kartā balavān jitadṛgyutaḥ /
adhiyogādiyogeṣu svadaśāyāṃ phalapradaḥ

atha bhāskarādiyogāḥ /
bhānorarthagate budhe śaśisutāllābhasthitaścandramā-
ścandrātkoṇagataiḥ purandaragururyogastadā bhāskaraḥ /
śūro bhāskarayogajaḥ prabhusamaḥ śāstrārthavidrupavān
gāndharvaśrutivittavān gaṇitaviddhīraḥ samartho bhavet

atha candrayogaḥ /
candrādvikramagaḥ kujo'vanisutādaste śaniḥ sūryajā-
daste daityagutuḥ sitānmadanago jīvo yadīndrāhvayaḥ /
syātastatrabhavaḥ saśīlaguṇavān bhūpo'thavā tatsamo
vāgmī vittavicitrabhūṣaṇayaśorūpapratāpānvitaḥ

atha marudyogaḥ /
śukrāt koṇagato guruḥ suraguroḥ putra śaśī śītagoḥ
kendrasthānasamāśrito dinakaro yogo marutsaṃjñakaḥ /
vāgmī vāyubhavo viśālahvadayaḥ sthūlodaraḥ śāstravit
sampannaḥ krayavikrayeṣu kuśalo rājā'thavā tatsamaḥ

atha budhayogaḥ /
lagnejño gurukendrago himakaraścandrādahirvittagaḥ
sauryasthānagatau ca bhānurudhirau yogo budhaḥ kīrtitaḥ /
rājaśrībudhayogajo'tulaprakhyātanāmā viduḥ
śāstrajñānakarakriyāsu caturo bhīmānaśatrurbhavet

atha sunaphā-anaphā-dhurandhurā-kemadrumayogāḥ /
lagnasthite himakare yadi vā madasthe kemadrumo bhavati jīvadṛśā vihīne /
atyalpabindusahitā yadi khecarendrāḥ kemadruyogaphaladā vibalāśca sarve

dvitīye dvādaśe pārśve dvaye khecarasaṃyute /
śītāṃśoḥ sunaphāyogastvanaphānām kīrtitaḥ

yogo dhurandhurākhyaḥ syādvīnā sarvatra bhāskaram /
etadyogatrayābhāve kemadrumaphalaṃ vadet

candre sabhānau yadi nīcadṛṣṭe pāpāṃśake yādi daridrayogam /
kṣīṇendulagnānnidhane niśāyāṃ pāpekṣite pāpayute tathā syāt

vidhuntudādigrahapīḍitentau pāpekṣite cāśu daridrameti /
lagnācatuṣkendragṛhe sapāpe niśākarādvā'śu daridrameti

candre parājitaśubhagrahadṛṣṭiyukte rāhvādipīḍitatanau tu daridra eva /
nīcārivīkṣaṇayute ripurāśivarge candre tulādharagate tu tathā vadanti

kendre vā yadi koṇage himakare nīcārivargasthite
candrādantyasapatnarandhragṛhage jīve daridro bhavet /
pāpāṃśe ripuvīkṣite caragṛhe candre carāṃśe'thavā
jāto yāti daridrayogamatulaṃ devejyadṛgvarjite

anyonyadṛṣtau śanidānavejyau nīcāripāpagrahavargayātau /
ekarkṣagau vā yadi rājavaṃśe jāto'pi lemadrumayogameti

candre pāpayute tu pāpabhavane pāpāmśake vā niśi
vyomeśena nirikṣite gatabale kemadruyogo bhavet /
bhāgyasthānapavīkṣite khalayute nīcāṃśake'bje tathā
candre nīcayute niśi kṣayatanau jātasya kemadrumaḥ

atha kemadrumayogāpavādaḥ /
niśākare kendragate bhṛgau vā jīvekṣite naiva daridrayogaḥ /
śubhānvite vā'śubhamadhyagendau jīvekṣite naiva daridrayogaḥ

candre'timitranijatuṅgāṃśakasthe jīvekṣite yadi daridratayā vihīnaḥ /
candre'timitranijatuṅgagṛhāṃśakasthe jīvekṣite yadi darodratayā vihīnaḥ

yoge kemadrume prāpte yasmin kasmiśca jātake /
rājayogā vinaśyanti hariṃ dṛīṣvā yathā dvipāḥ

horāyām /
hitvā'rkaṃ sunaphā'naphādurudhurā svāntyobhayatthairgrahaḥ
śītāṃśoḥ kathito'nyathā tu balibhiḥ kemadrumo'nyaistvasau /
kendre śītakare'thavā grahayute kemadrumo neṣyate
kecit kendranavāṃśakeṣu ca vadantyuktiprasiddhā na te

atha sunaphādiyogaphalam /
svayamadhigatavittaḥ pārthivastatsamo vā bhavati hi sunaphāyāṃ dhīdhanakhyātimāṃśca /
prabhuragadaśarīraḥ śīlavān khyātakīrtiviṣayasukhasuveṣo nirvṛtaścānaphāyām

datpaṅgabhogasukha bhāgdhanavāhanācyastyāgānvito durudhurāprabhavaḥ subhṛtyaḥ /
kemadrume malinaduḥkhitanīcaniḥsvāḥ preṣyāḥ khalāśca nṛpaterapi vaṃśajātāḥ

atha kujādikṛtasunaphāyogaphalāni /
jātaśca bhūpatiścaṇḍo hiṃstro himbhaḥ sudhīradhīḥ /
dhanavikramavān kopī candrāddhanagate kuje

vedaśāstrakalāgeyakuśalaḥ suśarīravān /
manasvī hitavāg dharmī candrādvittagate budhe

sarvavidyādhikaḥ śrīmān kuṭumbī nṛpallabhaḥ /
rājatulyaśastrī ca cadrātvittagate gurau

vikramastrīdhanakṣetrakarmavān bahuvittavān /
ctuṣpadāḍhyā rājastrīḥ site cadrāt kutumbage

puragrāmasthitāśeṣaiḥ pūjito dhanavān sudhiḥ /
nipuṇaḥ sarvakāryeṣu candrādvittagate śanau

atha kujādigrahakṛtānaphayogaphalāni /
mānī raṇotsukaḥ krodhī dhṛṣṭaścorajanaprabhuḥ /
dhīraḥ svatanulobhī syāccandrādantyagate kuje

gāndharvalekhyapaṭuvāk kavirvaktā sudehavān /
yaśaḥsvī rājapūjyaḥ syāt candrādvyayagate budhe

rājapūjyo'timedhāvī gāmbhīryaguṇasattvavān /
śuciḥ sthānadhanāḍhyaḥ syād candrād dvādaśage gurau

yuvatījanakadarpuḥ paścādidhanavān sudhīḥ /
dhandhānyādhikaścandrādantyasthānagate bhṛgau

vistīrṇabāhurguṇavān netā paścādivittavān /
gṛhītavākyo dustrīkaścandrādantyaṅgate śanau

atha durandharayogaphalāni /
asatyavādī guṇavān bipuṇo'tiṣaṭho guṇī /
lubdho vṛddho'satīsaktaścandre saumyāramadhyage

svakarmavibhavo dṛṣṭo yaśasvī ripipīḍitaḥ /
svagehaśīlakṛccandre madhyage kujajīvayoḥ

vyāyānī subhagaḥ krūro hṛṣṭaḥ satkāmavittavān /
bhayādaśīlaḥ śītāṃśau madhyage kujaśukrayoḥ

kutsitastrīrataḥ krodhī dhanavān piśuno'rimān /
asantṛpto niśānāthe madhyage kujamadayoḥ

dharmātmā śāstravidvāgmī satkaviḥ sajjanānvitaḥ /
yaśasvī ca niśānāthe madhyage budhajīvayoḥ

nṛtygānarataḥ kāntaḥ priyavāk śubhagaḥ sudhiḥ /
śūrprakṛtikaścandre madhyage budhaśukrayoḥ

deśāddeśaṃ gataḥ pūjyo nātividyādhanānvitaḥ /
svabandhujanavidveṣī candre mandajñamadhyage

nṛpatulyakaraḥ śrīmān nītijño vikramānvitaḥ /
khyāro'duṣṭamatiścandre madhyage guruśukrayoḥ

sukhī vinayavijñānavidyārūpaguṇānvitaḥ /
dhanī śāntikaraścandre madhyage śanijīvayoḥ

vṛddhācāraḥ kulāḍhyaśca nipuṇastrījanaprabhuḥ /
dhanī nṛpapriyaścandre sitādityasutāntare

avoccasvamitrabhavanopagateṣu sarvaṃ prāpnoti jātamanujo niyataṃ yudaktam /
svāṃśeṣu vā nijasuhṛdgṛhasaṃyuteṣu prāhusthaiva phalamasti parāśaradyāḥ

candraḥ sarāhuryadi vā saketuścandrādahirvā yadi riḥphayātaḥ /
nīcāstago vā yadi yogakartā jātasya miśraṃ phalamāhurāryāḥ

atha śakaṭayogaḥ /
ṣaṣṭhāmagataścandrātsurarājapurohitaḥ /
kendrādanyagato lagnādyogaḥ śakaṭasaṃjñitaḥ

api rājakule jāto niḥsvaḥ śakaṭayogajaḥ /
kleśāyāsavaśānnityaṃ sanṭapto nṛpaviprayaḥ

atha pārijātādiyogaphalāni /
sapārijāradyucaraḥ sukhāni nīrogatāmuttamavargayātaḥ /
sagopurāṃśo yadi godhanāni siṃhāsanasthaḥ kurute vibhūtim

karoti pārāvatabhāgayukto vidyāyaśaḥśīvipulaṃ narāṇām /
sadevaloko bahuyānasenāmairāvatastho yadi bhūpatitvam

atha adhamādi yogaḥ /
adhamasamavariṣṭhānyarkakendrādisaṃsthe
śaśini vinayavittajñānadhīnaipuṇāni /
ahani niśi ca candre svādhimitraṃśake vā
surgurusitadṛṣṭe vittavān syāt sukhī ca

atha candrādhiyogā /
saumyaiḥ smarārinidhaneṣvadhiyoga indrostasmiścamūpasacivakṣitipālajanma /
sampattisaumkhyavibhavā hataśatravaśca dīrghayuṣo vigataregabhayāśca jātāḥ

atha lagnādhiyogaḥ /
lagnādaridyūnagṛhāṣṭamasthaiḥ śubhairna pāpagrahayogadṛṣṭaiḥ /
lagnādhiyogo bhavati prasiddhiḥ pāpaḥ sukhasthānavivarjitaiśca

lagnādhiyogo bahuśāstrakartā vidyāvinītaśca balādhikārī /
mukhyastu niṣkāpaṭiko mahātmā loke yaśovittaguṇānvitaḥ syāt

atha gajakesarīyogaḥ /
kendrasthite devagurau mṛgāṅkāyogastadāhurgajkesarīti /
dṛṣṭe sitāryendusutaiḥ śaśāṅke nīcāstahīnairgajakesarī syāt

gajakesarisaṅjātastejasvī dhanadhānyavān /
medhāvī guṇasampanno rājapriyakaro bhavet

atha amalāyogaḥ /
yasya janmasamaye śaśilagnāt sadgraho yadi ca karmaṇi saṃsthaḥ /
tasya kīrtiramalā bhuvi tiṣṭhodāyuṣo'ntamavināśanasampat

lagnādvā candralagnādvā daśame śubhasaṃyute /
yogo'yamabhalā nāma kīrtirācandratārakī

rājapūjyo mahābhogī dātā bandhujanapriyaḥ /
paropakārī guṇavān amalāyogasambhavaḥ

atha vāsyādiyogāḥ /
vyayadhanayutakheṭairvāsiveveśī dineśādubhayacarikayogaścobhayasthānasaṃsthaiḥ /
nijagṛhasuhṛducasthānayātaiśca jātā bahudhanasukhayuktā rājatulyā bhavanti

vāsyādiyogaphalāni /
jātaḥ suśīlaḥ śubhavesiyoge vāgmī dhanī vītabhayo jitāriḥ /
pāpagrahe duṣṭajanānuraktaḥ pāpārmakaro vittasukhādihīnaḥ

vāsau śubhagrahayute nipuṇaḥ pradātā vidyāvinodasukhavittayaśobalāḍhyaḥ /
pāpānvite yadi videśagato'timūrkhaḥ kāmāturo vadharucirvikṛtānanaḥ syāt

saumyānvitobhayacarīprabhavā narendrāstattulyavittasukhaśīladayānuraktāḥ /
pāpānvitobhayacarau yadi pāpakṛtyā rogābhibhūtaparakarmaratā daridrāḥ

atha śubhādiyogāḥ /
śubhāśubhāḍhye yadi janmalagne śubhāśubhākhyau bhavatastadānīm /
vyayasvagaiḥ pāpaśubhairvilagnāt pāpālhyasaumyagrahakarttarī ca

śubhayogabhavo vāgmī rūpaśīlaguṇānvitaḥ /
pāpayogodbhavaḥ kāmī pāpakarmā parārthabhuk

śubhakartarisaṅjātastejovittabalādhikaḥ /
pāpakartarike pāpī bhikṣāśī malino bhavet

atha parvatayogaḥ /
saumyeṣu kendragṛhageṣu sapatnarandhre śuddhe,athavā śubhayute yadi parvataḥ syāt /
lagnāntyapau yadi parasparakendrayātau mitrekṣitau bhavati parvatanāma yogaḥ

bhāgyānvitaḥ parvatayogajāto vidyāvinodābhirataḥ pradātā /
kāmī parastrījanakelilolastejoyaśasvī puranāyakaḥ syāt

atha kāhalayogaḥ /
anyonyakendragṛhagau gurubandhunāthau lagnādhipe balayute yadi kāhalaḥ syāt /
karmeśvareṇa sahite tu vilokite vā svoccasvake sukhapatau yadi tāddaśaḥ syāt

ojasvī sāhasī mūrkhaścaturaṅgabalairyutaḥ /
yatkiṅcidgrāmanāthastu jātaḥ syāt kāhale naraḥ

atha mālikāyogaḥ /
lagnādisaptagṛhagā yadi sapta kheṭā jāto mahīpatiranekagajāśvanāthaḥ /
vittādigo nidhipatiḥ pitṛbhaktiyukto dhīro'gnarūpaguṇavān naracakravartī

jāto cadā vikramamālikāyāṃ bhūpaḥ sa śūro dhanīkaśca rogī /
sukhadikaṣed bahudeśabhāmyabhogī mahādānaparo mahīpaḥ

putrāthā yadi mālikā narapatiryanvā'thakā kīrtimān /
lātaḥ caṣṭhagṛhāt kacid dhanasukhaprāpto daridro bhavet /
kāmādigrahamālikā yadi bahustrīyajñabho bhūpatiḥ /
dīrghardhanavarjito naravarastrīnirjitaścāṣṭamān

dharmādigrahamālikā guṇanidhiryajvā tapasvī vibhuḥ /
karmādyā yadi dharmakarmanirataḥ sampūjitaḥ sajjanaiḥ /
lābhādrājavarāṅganāmanipatiḥ sarvakriyādakṣako /
jāto riḥphagṛhādbahuvyayakaraḥ sarvatra pūjyo bhavet

atha cāmarayogaḥ /
lagneśvare kendragate svatuṅge jīvekṣite cāmaranām yogaḥ /
saumyadvaye lagnagṛhe kalatre navāspade vā yadi cāmaraḥ syāt

yoge jātaścāmare rājapūjyo vidvān vāgmī paṇḍito vā mahīpaḥ /
sarvajñaḥ svādvedaśāstrādhikārī jīvelloke saptatirvatsarāṇām

atha śaṅkayogaḥ /
anyonyakednragṛhagau sutaśatrunāthau lagnādhipe balayute yadi śaṅkayogaḥ /
lagnādhipe ca gaganādhipatau carasthe bhāmyādhipe balayute tu tayā vadanti

śa//e jāto bhogaśīlo dayāluḥ strīputrārthakṣetravān puṇyakarmā /
śāstrajñānācārasādhukriyāvān jīvelloke vatsarāṇābhaśītiḥ

atha bherīyogaḥ /
svāntyodayāstabhavaneṣu viyacareṣu karmādhipe balayute yadi bheriyogaḥ /
kendraṃ gatau suraguroḥ sitalagnanāthau bhāgyeśvare balayute tu tathaiva vācyam

dīrghāyuṣo vigatarogabhayā narendrāḥ bahvarthabhūmisutadārayutāḥ prasiddhaḥ /
ācārabhurisukhaśauryamahānubhāvāḥ bherīprajātamanujā nipuṇāḥ kulīnāḥ

ath mṛdaṅgayogaḥ /
uccagrahāṃśakapatau yadi koṇakendre tuṅgasvakīyabhavanopagate balāḍhye /
lagnādhipe balayute tu mṛdaṅgayogaḥ kalyāṇarupanṛpatulyayaśaḥpradaḥ syāt

atha śrīnnāthayogaḥ /
kāmeśvare karmagate svatuṅge karmādhipe bhāgyapasaṃyute ca /
śrīnāthayogaḥ śubhadastadānīṃ jāto naraḥ śakrasamo nṛpālaḥ

atha śāradayogaḥ /
yogaḥ śāradasaṃjñakaḥ sutagate karmādhipe candraje
kendrasthe dinanāyake nijagṛhaprāpte'tivīryānvite /
candrāt koṇagate purandaragurau saumyatrikoṇe kuje
lābhe vā yadi devamantriṇi budhāttacchāradāsaṃjñakaḥ

strīputrabandhusukharūpaguṇānuraktāḥ bhūpapriyā gurumahīsuradevabhaktaḥ /
vidyāvidodaratiśīlatapobalāḍhyā jātāḥ svadharmaniratā bhuvi śāradākhye

atha matsyayogaḥ /
lagnadharmagate pāpe paṅcame sadasadyute /
caturastraṃ gate pāpe yogo'yaṃ matsyasaṃjñakaḥ

kālajñaḥ karuṇāsindhurguṇadhībalarupavān /
yaśovidyātapasvī ca matsyayogasamudbhavaḥ

atha kurmayogaḥ /
kalatraputrārigṛheṣu saumyāḥ svatuṅgamitrāṃśakarāśiyātāḥ /
tṛtīyalābhodayagāstvasaumyā mitroccasaṃsthā yadi kūrmayogaḥ

vikhyātakīrtirbhuvi rājabhogī dharmādhikaḥ sattvaguṇapradhānaḥ /
dhīraḥ sukhā vāgupakārakartā kurmodbhavo mānavanāyako vā

atha khāṅgayogaḥ /
bhāgyeśe dhanabhāvasthe dhaneśe bhāgyarāśige /
lagneśe kendrakoṇasthe khaṅgayoga itīritaḥ

vedāryaśāstranikhilāgamatattvayuktibhddhipratāpabalavīryasukhānuraktāḥ /
nirmatsarāśca nijavīryamahānubhāvāḥ khaṅge bhavanti puruṣāḥ kuśalāḥ kṛtajñāḥ

atha lakṣmīyogaḥ /
kendre mūlatrikoṇasthe bhāgyeśe paramoccage /
kagnādhipe balāḍhye ca lakṣmīyoga itīritaḥ

guṇābhirābho bahudeśanātho vidyāmahākīrtiranaṅgarūpaḥ /
digantaviśrāntanṛpālavandyo rājādhirājo bahudāraputraḥ

atha kusumayogaḥ /
sthiralagne bhṛgau kendre trikoṇendau śubhetare /
mānasthānagate saure yogo'yaṃ kusumo bhavet

dātā mahīmaṇḍalaṇathavandyo bhogī mahāvaṃśajarājamukhyaḥ /
loke mahākīrtiyutaḥ pratāpī nātho narāṇāṃ kusumodbhavaḥ syāt

atha pārijātayogaḥ /
vilagnanāthasthitarāśināthasthāneśvaro vā'pi tadaṃśanādhaḥ /
kendratrikoṇopagatae yadi syātsvatuṅgago vā yadi parijātaḥ

madhyāntasaukhyaḥ kṣitipālavandyo yuddhapriyo vāraṇavārjitayuktaḥ /
svakarmadharmābhirato dayāluryogo syādyadi pārijātaḥ

atha kalānidhiyogaḥ /
dvitīye paṅcame jīve budhaśukrayutekṣite /
kṣetre tayorvā samprāpte yogaḥ syātsa kalānidhiḥ

kāmī kalānidhibhavaḥ saguṇābhirāmaḥ saṃstūyamānacaraṇo narapālamukhyaiḥ /
senāturaṅgamadavāraṇaśaṅkhabherīvādyānvito vigataregabhayārisaṅghaḥ

atha aṃśāvatārayogaḥ /
kendragau sitadevejyau svoce kendragate'rkaje /
caralagne yadā janma yogo'yabhavatārajaḥ

puṇyaślokastīrthacārī kalājñaḥ kāmāsaktaḥ kālakartā jitātmā /
vedāntajño vedaśāstradhikārī jāto rājaśrīdharo'ṃśāvatāre

atha hari-hara-viviyogāḥ /
vitteśādbhanariḥpharandhrabhavanaprāptāśca saumyagrahāḥ
kāmeśāt sukhabhāgyarandhragṛhagā jīvāābjacandrātmajāḥ /
deheśādyadi bandhumānabhavagā sūryāsphujidbhūmijāḥ
proktāstatra purātanairhariharavrahmākhyayogā ime

nikhilanigamavidyāpāragaḥ satyavādī sakalasukhasametaścāruvāk kāmaśīlaḥ /
jitaripukulasaṅdhaḥ sarvajīvopakārī hariharavidhiyoge sambhavaḥ puṇyakarmā

atha nābhasayogaḥ /
yūpeṣuśaktiyavadaṇḍagadāsamudracchatrārddhacandraśakaṭāmbujapakṣiyogāḥ /
naucakravajnahalakārmukakūṭavāpīśṛngāṭakāśca vividhākṛtiviṃśatiḥ syuḥ

rabjurnalaśca musalastrita yāsrayākhyāḥ sragbhoginau tu dalayogabhavau bhavetām /
vīṇādayaśca kathitā daradāmapāśakedāraśūlayugagolakasaptasaṅkhyāḥ

horāyām /
rabjurmusalaṃ nala carādyaiḥ sasyastvāścayajān jagād yogān /
kendraiḥ sadasadyutairdavākhyau svaksarpau kathitau parāśareṇa

yogā vrajantyāśrayajāḥ samatvaṃ yāvābjavaśrāṇḍajagolakādyaiḥ /
kendropagaproktaphalau dalākhyāvityahuranye na pṛthak phalau tau

idānī gadāśakaṭavihagaśrṛngāṭakahalān pañca yogānāha /
āsannakendrabhavanadvayagairgadākhyastanvastageṣu śakaṭaṃ vihagaḥ svabandhvoḥ /
śṛīṅgaṭakaṃ navamapaṅcamalagnasaṃsthairlagnānyagairhalamiti pravadanti tajjñāḥ

śakaṭāṇḍajavacchubhāśubhairvajnantadviparītagairyavaḥ /
kamalaṃ tu vimiśrasaṃsthatairvāpī tadyādi kendrabāhyataḥ

kaṇṭakādipravṛttaiśca vaturgṛhagatairgrahaiḥ /
yūpeṣuśaktidaṇḍākhyā horādyaiḥ kaṇṭakaiḥ kramāt

naukūṭacchatracāpāni tadvatsaptarkṣasaṃsthitaiḥ /
ardhacandrastu horādyaiḥ proktādanyarkṣasaṃsthitaiḥ

ekāntaragatairarthātsamudraḥ ṣaḍgṛhāśritaiḥ /
vilagnādisthitaiścakrabhityākṛtijasaṅgrahaḥ

saṅgyāyogāḥ sapta saptarkṣasaṃsthairekāpāyadvallakīdāmapāśāḥ /
kedārākhyaḥ śūlayogo bugaṃ ca golaścānyān pūrvamuktānvihāya

atha āśrayadalayogaphalam /
īrṣyuvideśanirato'dhvarataśca rajjavām mānī dhanī ca musale bahubhṛtyasaktaḥ /
vyaṅgaḥ sthirāḍhyanipuṇo nalajaḥ snaguttho bhogānvito bhajagato bahuduḥkhabhājaḥ

atha gadādiyogaphalam /
yajvā'rthabhāk satatamartharucirgadāyāṃ tadvṛttibhuk śakataḥ sarujaḥ kudāraḥ /
dūto'ṭanaḥ kalakṛdvihage pradiṣṭaḥ, śṛṇgāṭake cirasukhī kṛṣakṛddhalākhye

vajne'ntyapūrvasukhitaḥ subhago'tiśūraḥ, śaucānvito'pi ca yatre sukhito vayo'ntaḥ
vikhyātakīrtyamitasaukhyaguṇāśca padme vāpyāṃ tanusthirasukhī nidhipo'nnadātā

tyāgātmavān kraturairyajate ca yūpe hiṃsro'tha guptyādhikṛtaḥ śarakṛccharākhye /
nīco'lasaḥ sukhadhanairviyutaśca śaltau daṇḍe priyairvirahitaḥ puruṣo'ntyavṛttiḥ

kṣatre cādyantasaukhyātuladhanabalavān naubhastoyajīvī
cakre rājā yaśasvī jalādhibhavanarastoyavṛttiḥ kṣitīśaḥ /
ardhendau bhogaśālī girivipinacaraḥ krūrakarmā ca kūṭe
cāpe jātā manuṣyā yadi gahanacarāścauryaniṣṭhā nikṛṣṭāḥ

vīṇāyāṃ sakalakriyāsu nipuṇaḥ saṅgītanṛtyapriyo-
dāmihyāmupakārakṛtpaṭumatiḥ prakhyātavidyādhanī /
pāśe śīladhanārjane'ticaturo vācālakaḥ putravān
kedāre kṛṣivittavānalasadīrbandhūpakārī bhavet

śūle koparattanvito dhanaruciḥ śūraḥ kṣato nirdhanī
bhikṣāśī yugayogajo'ticapalaḥ pāpaṇḍako madyapaḥ /
gole nirdvanako'laso'ṭanaparaḥ svalpāyurajñānadhī-
dvatriṃśan kathitā varāhamihirācāryeṇa yogā iye

bhūpālayogarucapaṅcakabhāskarādyāḥ kemadrumādhamasanagrahamālikāśca /
lakṣmīharīśavidhikāhalanābhasadyāḥ sūryādidevakṛpayā parikīrtitāste

iti śrīvaidyanāthadaivajñaviracite jātakapārijāte rājayogāsaye saptame'dhyāye