Jataka Parijata · Chapter p12

atha pañcamabhāvaphalam
putrādevamahīpaputrapitṛdhīpuṇyāni sajcintaye-
dyātrāmastautakharkamabhavanairdūrāṭanaṃ riṣphataḥ /
lagnādvandhudineśataḥ pitṛsukhaṃ jīvātmajasthānataḥ
putraprāptiraṅgavittapasitaiḥ strīsampadaścintayet

atha devatāvicāraḥ /
lagnādātmani puṅgrahekṣitayute pundevatārādhanaṃ
yugme śukreniśākarekṣitayute strīdevatāmicchati /
bhānau bhāskaramukhyamindusitayogaurī kumāraṃ kuje
viṣṇuṃ candrasute gurau śaśigharaṃ rānyādiyoge parān

lagnādhipasyātmapatau sapatne taddevabhaktiḥ sutanāśahetuḥ /
samānatā sāmyatare suhṛttve taddevatā'pārakṛpāmupaiti

atha rājyavicāraḥ /
rājasthāne gurubudhasitairīkṣite saṃyute vā
tadrāśīśe balavati nṛpaprītisampatimeti /
pāpākrānte vigatabalini svāmini krūrabhāge
jāto vidyāvinayaguṇadhīrājasanmānahīnaḥ

atha janmavicāraḥ
lagna yānapatau sukhe tanupatau dṛṣṭe'thavā khecaraiḥ
saṃyukte tu catuṣpadasya jananaṃ rāhudhvajābhyāmajaḥ /
gojanmāryasitendubhiśca mahiṣī mandena dṛṣṭe yute
jātaḥ pādapuraḥsaraṃ tanupatimani tanau bhogirāṭ

vittāstagau pañcamayānanāthau pāpekṣitau pāpasamanvitau vā /
puṃsastribhāge puruṣagrahendre jātāḥ kapikroḍabiḍālakādyāḥ

tasmindabudhekṣite tu jananaṃ piṇḍākṛtirvākpatiḥ /
sāhirdurbalavīkṣito yadi mahīdevānvayo nīcakṛt /
ekasthā gururāhubhānutanayāḥ śukrenduputrekṣitāḥ
śūdro'pi dvijataulyameti nikhilāṃ vidyāmupaiti dvijaḥ

atha putravicāraḥ /
lagnātputrakalatrabhe śubhapatiprāpte'thavā'lokite
candrādvā yadi sampadasti hi tayorjñeyo'nyathā/sambhavaḥ /
pāthonodayage ravau ravisute mīnasthite dārahā
putrasthānagataśva putramaraṇaṃ putro'vaneryacchati

putrasyānapatau tu vā navamape lagnātkalatre'thavā
yugmakṣire śaśiśukravīkṣitayute putrījano jāyate /
puṃvarge puruṣagrahekṣitayute jātastu putrādhiko
jīvātpañcamarāśitaśva tanayaprāptiṃ vaded dairikaḥ

śukrenduvarge sutabhe vilagnāccukreṇa candreṇa yute'tha dṛṣṭe /
pāpairayukte bahuputraśālī śānyāradṛṣṭe sati putrahīnaḥ

pautraprāptiraṅgabhe sutagṛhātsaumyasya rāśyaṃśake
tannāthe śubhakheṭavīkṣitayute kendratrikoṇe'thavā /
svakṣetropagate tu putragṛhape jāto'lpaputro bhavet
putreśāṃśapatiḥ svabhāmśakagato yadyekaputraṃ vadet

kendratrikoṇagṛhagaḥ sutapaḥ śubharkṣe saumyānvito yadi sutaṃ samupaiti bālye /
bhogīśayuktasutarāśipabhuktijātaḥ svalpāyurati phaṇibhuktibhavaśvirāyuḥ

putrasthānapavittapau gtabalau pāpekṣite putrabhe
jāto'nekakalatravānapi sutābhāvaṃ sameti dhruvam /
tajjāyā yadi putrayogajanitā saumyena vā pañcamāt
ṣaṣṭheśena nirīkṣite sutavatī jāreṇa sañjñāyate

putrasthāne tadīśe vā gurau vā śubhavīkṣite /
śubhagraheṇa saṃyukte putraprāptirna saṃśayaḥ

lagneśe putrabhāvasthe putreśe balasaṃyute /
paripūrṇabale jīve putraprāptirna saṃśayaḥ

putrasthānagate jīve paripūrṇabalānvite /
lagnādhipena sandṛṣṭe putraprāptirna saṃśayaḥ

vaiśeṣikāṃśake jīve putreśe ca tathāsthite /
śubhanāthena sandṛṣṭe putre tatprāptimādiśet

daśame śītagurdyune bhṛgujaḥ pāpinaḥ sukhe /
tasya santativicchedo bhaveṣyati na saṃśayaḥ

ṣaṣṭhāṣṭamastho lagneśaḥ pāpayuktaḥ sutādhipaḥ /
dṛṣṭo vā śatrunīcasthaiḥ putrahāni vaded budhaḥ

lagnasaptamadharmāntyarāśigāḥ pāpakhecarāḥ /
sapatnarāśivargasthā vaṃśavicchedakāriṇaḥ

bandhyā vṛddhā kṛśā bālā rogiṇī puṣpavarjitā /
karkaśā sthūladehā ca nāyor'ṣṭau parivarjitāḥ

gurulagneśadāreśaputrasthānādhipeṣu ca /
sarveṣu balahīneṣu vaktavyā tvanapatyatā

putrasthānaṃ gate pāpe tadīśe nīcarāśige /
śubhadṛṣtivihīne tu vaktavyā tvanapatyatā

gurulagnahimāṃśūnāṃ pañcamasthairaśobhanaiḥ /
śubhadṛmyogarahitairvaktavyā tvānapatyatā

putrasthānagate pāpe tadīśe pāpamadhyage /
saumyadṛgyogarahite vaktavyā tvanapatktā

pāpamadhyagate jīve putreśe balavarjite /
saumyadṛmyogarahite vaktavyam tvanapatkatā

putrasthāne budhakṣetre mandakṣetre'thavā yadi /
māndimandayute dṛṣṭe tadā dattādayaḥ sutāḥ

mīnastho'tyalpasantānaśvāpasthaḥ kṛcchrasantatiḥ /
asantatiḥ kulīrastho jīvaḥ kumbhe na santati

putrasthāne kulire vā mīne kumbhe śarasane /
sthito yadi surācārthastatphalaṃ kurute nṛṇām

pāpagrahena sandṛṣṭe devaśāpatsutakṣayaḥ /
ṣaṣṭādhipayute dṛṣṭe vipraśāpatmatakṣayaḥ

suteśe kujasaṃyukte ripunādhena vīkṣite /
śubhadṛṣṭivihīne ca ripudoṣatsutakṣayaḥ

navame pāpasaṃyukte mandayukte sutadhipe /
trikoṇe māndisaṃyukte pitṛdoṣātsutakṣayaḥ

mātṛsthānagate pāpe suteśe mandasaṃyute /
vyayanāśagate pāpe mātṛdośātsutakṣayaḥ

rāhu ketuyute dṛṣṭe pañcame balavarjite /
tadīśe vā tathā prāpte sarpadoṣātsutakṣayaḥ

guruputreśadāreśabhūmijāḥ saṃyutā yadi /
durdevapīḍayā putrīputranāśaṃ vaded budhaḥ

putrasthānagataḥ kaścitparipūrṇabalānvitaḥ /
adṛṣṭaḥ putranāthena tadā dattādayaḥ sutāḥ

pāpakṣetregate candre putreśe dharmarāśige /
dattaputrasya samprāptirlagneśastu trikonagaḥ

yugmodaye putranāthaścaturthasthānago'pi vā /
mandāśakasamārūḍho dattaputro bhaviṣyati

yugmāṃśe bhānujāṃśe vā puteśo'rkendujānvitaḥ /
dattaputrasya samprāptistasminyoge bhaviṣyati

mandāṃśe putrarāśīśaḥ svarāśau gurubhārgavau /
pūrvaṃ dattasutaprāptiḥ punarnāryāḥ punaḥ sutaḥ

mandāṃśakasthitāḥ kheṭāḥ śuklapakṣabalādhikāḥ /
gururyadi sukhasthāne dattaputreṇa santatiḥ

vilagnasthe dharāsūnau nidhanasthe divākare /
sukhe vā śubhasandṛṣṭe putra kālāntare bhavet

lagne dineśatanaye randhrasthānagate gurau /
pañcame durbale riṣphe bhaume kālāntare sutaḥ

putrān pañcamabhātṛtīyabhavanād bhrātṛn kalatrāt sniyo
dāsīśca kṣitirāśitaḥ svabhavanāddasāṃaśca mitrāṇi ca /
yātāṃścaiva navāṃśakājñcchubhadṛśā hatvā tathā ropayed /
vyomavyomakarairvibhajya tu bhṛtāśva putrādayaḥ

putraṃ sodarabhaṃ kalatramudayaṃ yānaṃ ca rāśi vinā
talliptāḥ śubhakheṭadṛgbalahatāḥ ṣaṣṭyā vibhaktāḥ kramāt /
vyomākāśakarāptaputrasahajastrīdāsadāsīuhṛt-
saṅkhyāḥ pāpanabhogadṛgbalabhavāḥ putrādināśapradāḥ

putrasthānapalagnapasphuṭayute rāśyaṃśakoṇe gurau
putrātiḥ sacivendranasphuṭayute rāśyaṃśasaṅkhyāḥ sutāḥ /
dhīdharmāvanināyakasphuṭacayaprāprāṃśasaṅkhyā'thavaḥ
dhīrghamakṣitigasphuṭaikyabhavane yātāṃśatulyāḥ nutāḥ

jīvāccandramaso vilagnabhavanātputrapradaṃ paścamaṃ
tasmāddharmagṛhaṃ ca tatpatidaśābhuktau mutāptiṃ vadet /
putrasthānapakāmapasphuṭayute yattārakā taddaśā
tatkheṭānvitavikṣakagrahadaśābhuktiśca putrapradā

putrasthānapakārakekṣakayutā duḥsthānapā durbalā
duḥsthāstatparipālabhūktisamaye putrasya nāśaṃ vadet /
catvāro balaśālino yadi śubhāstatpākabhktyantare
putrāptiṃ sutasampadaḥ prabhujanaprītiṃ ca kurvanti te

putreśakārakayutekṣakakhecarāṇāṃ tatkālajasphuṭayutāṃśakarāśiyātau /
vāgīśabhānutanayau yadi gocareṇa jātasya putrajanimṛtyukarau bhavetām

atha pitṛvicāraḥ /
pitṛsthāneśvare saumye kārake śubhasaṃyute /
bhāve vā śubhasaṃyukte pitṛsaukhyaṃ vinirdiśet

pārāvatādau tannāthe kārake ca tathā sthite /
svoccamitrāṃśake vā'pi pitṛdīrghayurādiśet

krūranīcāṃśakasthe vā bhāvanāthe ca kārake /
mandamāndyagusaṃyukte pitṛduḥkhaṃ vinirdiśet

saumye tadīśvare vā'pi nīcamūḍhārirāśige /
krūraṣaṣṭyaṃśake vā'pi pitṛduḥkhaṃ vinirdiśet

pitrikarmagṛhe jātaḥ pitṛtulyaguṇānvitaḥ /
pitṛjanmatṛtīyarkṣe jātaḥ pitṛvaśānugaḥ

pitṛṣaṣṭhāṣṭame jātaḥ pitṛśatrurbhaviśyati /
tadbhāvape vilagnasthe pitṛśreṣṭho bhavetsutaḥ

lagnādāyatapaḥsthanāḥ śanimahīputrāgavo mṛtyudā-
stātasyārkajabhūsutau nidhanadau balasya randhrāsthagau /
māne vā yadi pañcame kujaravicchāyākumārendavaḥ
sadyo mātulatātabālajananīnāśaṃ prakurvanti te

sabale pitṛbhāveśe lagneśenducaturthapāḥ /
durbalā yadi tanmārgarbhato maraṇaṃ viduḥ

navamādaṣṭamādhīśo navamātkharapo'thavā /
śanirvedheṣu yaḥ krūraḥ sambhavet pitṛmṛtyudaḥ

dineśasthitarāśyaṃśaprāṇitaḥ koṇage ravau /
pitṛmṛtyurmātṛmṛtyurindusthāṃśarkṣayorbalāṭ

bhānusthitāṃśapārūḍhanavāṃśadvādaśāṃśabham /
gate candre bhavenmṛtyurmātāpitroryathākramam

duṣṭasthānagate bhānau siṃhāntyadvādaśāṃśake /
jātaśvejjananātpūrvaṃ pitṛmṛtyuṃ prayacchati

mārtaṇḍe gulikasphuṭādapahṛte rāśitrikoṇe śanau
rāgaṃ tajjanakasya devasacive mṛtyustadaṃśopage /
āditye yamakaṇṭakasphuṭayute tadrāśikoṇe gurau
rāgaṃ tadbhāvanāṃśake'maragurau tātasya nāśaṃ vadet

kendre care'rke candre vā pitarau na dahetsutaḥ /
kendre dvidehagau tau cenmṛtyudāhau dvikālagau

adṛśyayātau pitṛmātṛnāthau pitrormukhādarśanadau bhavetām /
putrādhipo'ḍṛśuagṛhopagascetputrānanādarśanado'ntyakāle

atha buddhivicāraḥ /
duḥsthe buddhisthānape'dṛśyage vā jāto mandaprāyabuddhi sameti /
kendre koṇe saumyavāgiśayukte vīryopete buddhimāniṅgitajñaḥ

trikālajño bhavejjīve svāmśe mṛdvaṃśasaṃyute /
gopurādyaṃśake vā'pi śubhaṃśe śubhavīkṣite

hṛdrogī pañcame pāpe sapape ca rasātale /
krūraṣaṣtyaṃśasaṃyukte śubhadṛgyogavarjite

atha puṇyavicāraḥ /
annadānaparo nityaṃ pañcameśe śubhāṃśake /
śubhakhecarasaṃyukte bhūmije kendramāśrite

iti pañcamabhāvaphalāni /
atha ṣaṣthabhāvaphalam /
tatrādau rogavicāraḥ /
rogārivyasanakṣatāni vasudhāputrāritaścintaye-
duktaṃ rogakaraṃ tadeva ripuge jīve jitāribhavet /
dhaṇḍho'rīśabudhau vidhuntudayutau lagneśasambadhinau
liṅgasyāmayakṛd vraṇena rudhiraḥ ṣaṣṭhe salagnādhipaḥ

patnī ṣaṇḍhattrameti kṣatabhavangate kāmape sāsurejye
bhaume mandena dṛṣṭe ripibhavanagate śatrubhāryamupaiti /
saumyairdṛṣṭe yute vā na bhayamarijanācchatrubhe janmalagnāt
pāpaiḥ śatrukṣatādivraṇabhayavipulaṃ jāyate lāṅchanaṃ vā

ṣaṣthe bhāsvati lagnanāyakaripau nīcārige durbale
jātastanpitṛvargaśasahito lagneśāmitragrahe /
iṣṭasthānagate nijoccasuhṛdāṃ vargopayāte sati
jñātīnāṃ bahulaṃ vadanti munayaḥ śatruvraṇābhāvabhāk

śatrasthānagato'rinīcagṛhago vakraṃ gato vā'stago/-
anekārātijano bahukṣatataduḥ ṣaṣthādhipo vā tathā /
ṣaṣṭhasthānagateṣu bhātkaramukhadhyomātaneṣu kramāt
tattakārakakheṭavargaripuṇā sampīḍhitaḥ santatam

pāpavyomacarāstrayo'ripatitatprāptekṣakā durbalā-
govittakṣayamāmayaṃ ripubhayaṃ kurvanti janmāditaḥ /
te sarve balaśāline yadi śubhā govittamaśvadikaṃ
rājānnaṃ sakalopadaṃśasahitaṃ rogārināśaṃ vadet

teṣāmambaracāriṇāmatiśubhau kendratrikoṇāyagau
dvāvetau balaśālinau yadi laghuvyādhyādināśaṃ nṛṇām /
eko'pi prabalo yadi vraṇaripukleśādi kiṅcit phalaṃ
yattatkārakavargamūlamakhilaṃ bhodaṃ pramādaṃ tu vā

pāpe lagnagate sapatnapayute dehavraṇaṃ dehināṃ
putrasthe pitṛputrayoḥ sukhagate mātuḥ kalatre sniyāḥ /
dharmasthe sati mātulasya sahaje tasyānujasya vraṇaṃ
lābhasthe tu tadagrajasya nidhane jāto gudārto bhavet

bhānurmūdhri śaśī mukhe'vanisutaḥ kaṇṭhe tu nābheradha-
ścandraḥ sūriranāmayaṃ prakurute netrābhayaṃ bhārgavaḥ /
mando vātamhiśca keturudaravyādhi budhakṣetrago
lagneśaḥ śaśijena vīkṣitayuto guhyavraṇaṃ yacchati

lagnāiyadrāśigate phaṇīśe śukrekṣite tattanucihnameti /
mandāhiyukte ripurāśināthe turaṅgapaśvādibhayaṃ vadanti

pāpagraheṇa sandṛṣṭe balahīne'rināyake /
pāpāntaragate vā'pi śatrupīḍā bhaviṣyati /
śatrusthānādhipe duḥsthe nīcamūḍhārirāśige /
lagneśe balasaṃyukte śatrunāśaṃ vdedbudhaḥ

ṣaṣṭheśe gopurāṃśādau divākaranirīkṣite /
lagneśe balasampūrṇe jñātīnāmupakārakṛt /
iti śrīnavagrahapavā vaidyanāthaviracite
jātakapārijāte trayodaśo'dhyāyaḥ