Scripture Library

Jaiminīyanyāyamālāvistara a metrical exposition · Chapter 1.0

1.0.1

oṃ tatsadbrahmaṇai namaḥ
śrīmādhavapraṇīto jaiminīyanyāyamālāvistaraḥ /
vāgīśādyāḥ sumanasaḥ sarvārthānāmupakrame /
yaṃ natvā kṛtakṛtyāḥ syustaṃ namāmi gajānanam

1.0.2

yuktiṃ mānavatīṃ vidansthiradhṛtirbhede viśeṣārthabhāg āptohaḥ kramakṛtprayuktinipuṇaḥ ślādhyātideśonnatiḥ /
nityasphūrtyadhikāravāngatasadābādhaḥ svatantreśvaro jāgarti śrutimatprasaṅgacaritaḥ śrī bukkaṇakṣmāpatiḥ

1.0.3

yadbrahma pratipādyate praguṇayattatpañcamūrtiprathāṃ tatrāyaṃ sthitimūrtimākalayati śrī bukkaṇakṣmāpatiḥ /
vidyātīrthamunistadātmani lasanmūrtistvanugrāhikā tenāsya svaguṇairakhaṇḍitaradaṃ sārvajñamuddyotate

1.0.4

indrasyā'ṅgiraso nalasya sumatiḥ śaibyasya medhātithir dhaumyo dharmasutasya vainyanṛpateḥ svaujā nimergautamiḥ /
pratyagdṛṣṭirarundhatīsahacaro rāmasya puṇyātmano yadvattasya vibhorabhūtkulagururmantrī tathā mādhavaḥ

1.0.5

sa khalu prājñajīvātuḥ sarvaśāstraviśāradaḥ /
akarojjaiminimate nyāyamālāṃ garīyasīm

1.0.6

tāṃ praśasya sabhāmadhye vīraśrībukkabhūpatiḥ /
kuru vistarayasyāstvamiti mādhavamādiśat

1.0.7

sa bhavyādbhāratītīrthayatīndracaturānanāt /
kṛpāmavyāhatāṃ labdhvā parārdhyapratimo 'bhavat

1.0.8

nirmāya mādhavācāryo vidvadānandadāyinīm /
jaiminīyanyāyamālāṃ vyācaṣṭe bālabuddhaye

Original text: Jaiminīyanyāyamālāvistara a metrical exposition of Jaimini's Mīmāṃsāsūtra, with Mādhava's prose commentary · Edition: Pandit Sivadatta: Jaiminiyanyayamala, Poona 1892. (Anandasrama Sanskrit Series, 24) · Data entry members of the Sansknet Project · GRETIL (Göttingen) · CC BY-NC-SA 4.0