જૈમિનીયન્યાયમાલાવિસ્તર · અધ્યાય 1.0

ઓં તત્સદ્બ્રહ્મણૈ નમઃ
શ્રીમાધવપ્રણીતો જૈમિનીયન્યાયમાલાવિસ્તરઃ ।
વાગીશાદ્યાઃ સુમનસઃ સર્વાર્થાનામુપક્રમે ।
યં નત્વા કૃતકૃત્યાઃ સ્યુસ્તં નમામિ ગજાનનમ્

યુક્તિં માનવતીં વિદન્સ્થિરધૃતિર્ભેદે વિશેષાર્થભાગ્ આપ્તોહઃ ક્રમકૃત્પ્રયુક્તિનિપુણઃ શ્લાધ્યાતિદેશોન્નતિઃ ।
નિત્યસ્ફૂર્ત્યધિકારવાન્ગતસદાબાધઃ સ્વતન્ત્રેશ્વરો જાગર્તિ શ્રુતિમત્પ્રસઙ્ગચરિતઃ શ્રી બુક્કણક્ષ્માપતિઃ

યદ્બ્રહ્મ પ્રતિપાદ્યતે પ્રગુણયત્તત્પઞ્ચમૂર્તિપ્રથાં તત્રાયં સ્થિતિમૂર્તિમાકલયતિ શ્રી બુક્કણક્ષ્માપતિઃ ।
વિદ્યાતીર્થમુનિસ્તદાત્મનિ લસન્મૂર્તિસ્ત્વનુગ્રાહિકા તેનાસ્ય સ્વગુણૈરખણ્ડિતરદં સાર્વજ્ઞમુદ્દ્યોતતે

ઇન્દ્રસ્યાઽઙ્ગિરસો નલસ્ય સુમતિઃ શૈબ્યસ્ય મેધાતિથિર્ ધૌમ્યો ધર્મસુતસ્ય વૈન્યનૃપતેઃ સ્વૌજા નિમેર્ગૌતમિઃ ।
પ્રત્યગ્દૃષ્ટિરરુન્ધતીસહચરો રામસ્ય પુણ્યાત્મનો યદ્વત્તસ્ય વિભોરભૂત્કુલગુરુર્મન્ત્રી તથા માધવઃ

સ ખલુ પ્રાજ્ઞજીવાતુઃ સર્વશાસ્ત્રવિશારદઃ ।
અકરોજ્જૈમિનિમતે ન્યાયમાલાં ગરીયસીમ્

તાં પ્રશસ્ય સભામધ્યે વીરશ્રીબુક્કભૂપતિઃ ।
કુરુ વિસ્તરયસ્યાસ્ત્વમિતિ માધવમાદિશત્

સ ભવ્યાદ્ભારતીતીર્થયતીન્દ્રચતુરાનનાત્ ।
કૃપામવ્યાહતાં લબ્ધ્વા પરાર્ધ્યપ્રતિમો ઽભવત્

નિર્માય માધવાચાર્યો વિદ્વદાનન્દદાયિનીમ્ ।
જૈમિનીયન્યાયમાલાં વ્યાચષ્ટે બાલબુદ્ધયે