Scripture Library

Īśvarapratyabhijñāvimarśinī · Chapter 2.2

2.2.1

kriyāsaṃbandhasāmānyadravyadikkālabuddhayaḥ /
satyāḥ sthairyopayogābhyāmekānekāśrayā matāḥ //

2.2.2

tatraikamāntaraṃ tattvaṃ tadevendriyavedyatām /
saṃprāpyānekatāṃ yāti deśakālasvabhāvataḥ //

2.2.3

taddvayālambanā etā mano'nuvyavasāyi sat /
karoti mātṛvyāpāramayīḥ karmādikalpanāḥ //

2.2.4

svātmaniṣṭhā viviktābhā bhāvā ekapramātari /
anyonyānvayarūpaikyayujaḥ saṃbandhadhīpadam //

2.2.5

jātidravyāvabhāsānām bahirapyekarūpatām /
vyaktyekadeśabhedaṃ cāpyālambante vikalpanāḥ //

2.2.6

kriyāvimarśaviṣayaḥ kārakāṇāṃ samanvayaḥ /
avadhyavadhimadbhāvānvayālambā digādidhīḥ //

2.2.7

evamevarthasiddhiḥ syānmātur arthakriyārthinaḥ /
bhedābhedavatārthena tena na bhrāntir īdṛśī //

Original text: Īśvarapratyabhijñāvimarśinī · Edition: Īśvara-pratyabhijñā-Vimarśinī of Abhinavagupta : doctrine of devine recognition, Sanskrit Text with the commentary Bhāskarī. vol.1-2 / edited by K.A. Subramania Iyer and K.C.Pandey. Delhi, etc. : Motilal Banarsidass , 1986 (repr.) (First Edition: The Princess of Wales Saraswati Bahvana , 1938(text no. 70) and 1950 (text no. 83). · Data entry Masahiro Takano · GRETIL (Göttingen) · CC BY-NC-SA 4.0