Scripture Library

Īśvarapratyabhijñāvimarśinī · Chapter 1.2

1.2.1

nanu svalakṣaṇābhāsaṃ jñānamekaṃ paraṃ punaḥ /
sābhilāpaṃ vikalpākhyaṃ bahudhā nāpi tad dvayam //

1.2.2

nityasya kasyacid draṣṭustasyātrānavabhāsataḥ /
ahaṃpratītirapyeṣā śarīrādyavasāyinī //

1.2.3

athānubhavavidhvaṃse smṛtistadanurodhinī /
kathaṃ bhavenna nityaḥ syādātmā yadyanubhāvakaḥ //

1.2.4

satyāpyātmani dṛṅnāśāttaddvārā dṛṣṭavastuṣu /
smṛtiḥ kenātha yatraivānubhavastatpadaiva sā //

1.2.5

yato hi pūrvānubhavasaṃskārātsmṛtisaṃbhavaḥ /
yadyevamantargaḍunā ko'rthaḥ syātsthāyinātmanā //

1.2.6

tato bhinneṣu dharmeṣu tatsvarūpāviśeṣatah /
saṃskārātsmṛitisiddhau syātsmartā draṣṭeva kalpitaḥ //

1.2.7

jñānaṃ ca citsvarūpaṃ cet tad anityaṃ kimātmavat /
athāpi jaḍametasya kathamarthaprakāśatā //

1.2.9

kriyāpyarthasya kāyādestattaddeśādijātatā /
nānyādṛṣṭeḥ ............................................. //

1.2.10

tatra tatra sthite tattadbhavatītyeva dṛśyate /
nānyannānyo'sti saṃbandhaḥ kāryakāraṇabhāvataḥ //

1.2.11

dviṣṭhasyānekarūpatvāt siddhasyānyānapekṣaṇāt /
pāratantryādyayogācca tena kartāpi kalpitaḥ //

Original text: Īśvarapratyabhijñāvimarśinī · Edition: Īśvara-pratyabhijñā-Vimarśinī of Abhinavagupta : doctrine of devine recognition, Sanskrit Text with the commentary Bhāskarī. vol.1-2 / edited by K.A. Subramania Iyer and K.C.Pandey. Delhi, etc. : Motilal Banarsidass , 1986 (repr.) (First Edition: The Princess of Wales Saraswati Bahvana , 1938(text no. 70) and 1950 (text no. 83). · Data entry Masahiro Takano · GRETIL (Göttingen) · CC BY-NC-SA 4.0