Garuda Purana · Chapter 1.31

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīdharā (viṣṇvar) canavidhirnāma triṃśo 'dhyāyaḥ
śrī garuḍamahāpurāṇam- 31
rudra uvāca /
bhūya evaṃ jagannātha pūjāṃ kathaya me prabho /
yayā tareyaṃ saṃsārasāgaraṃ hyatidustaram

hariruvāca /
arcanaṃ viṣṇudevasya vakṣyāmi vṛṣabhadhvaja /
tacchṛṇuṣva mahābhāga bhuktimuktipradaṃ śubham

kṛtvā snānaṃ tataḥ sandhyāṃ tato yāgagṛhaṃ vrajet /
prakṣālya pāṇī pādau ca ācamya ca viśeṣataḥ

mūlamantraṃ samastaṃ tu hastayorvyāpakaṃ nyaset /
mūlamantraṃ ca devasya śṛṇu rudra vadāmi te

oṃ śrīṃ hrīṃ śrīdharāya viṣṇave namaḥ /
ayaṃ mantraḥ sureśasya viṣṇorīśasya vācakaḥ

sarvavyādhiharaścaiva sarvagrahaharastathā /
sarvapāpaharaścaiva buktimuktipradāyakaḥ

aṅganyāsaṃ tataḥ kuyyāndebhirmantraurvicakṣaṇaḥ /
oṃ hāṃ hṛdayāya namaḥ /
oṃ hīṃ śirase svāhā /
oṃ hūṃ śikhāyai vaṣaṭ /
oṃ haiṃ kavacāya huṃ /
oṃ hauṃ netratrayāya vauṣaṭ /
oṃ haḥ astrāya phaṭ

iti mantraḥ samākhyāto mayā te prabhaviṣṇunā /
nyāsaṃ kṛtvātmano mudrāṃ darśayedvijitātmavān

tato dhyāyetparaṃ viṣṇu tdṛtkoṭarasamāśritam /
śaṅkhacakrasamāyuktaṃ kundendudhavalaṃ harim

śrīvatsakaustubhayutaṃ vanamālāsamanvitam /
ratnahārakirīṭena saṃyuktaṃ parameśvaram

ahaṃ viṣṇuriti dhyātvā kṛtvā vai śodhanādikam /
yaṃ kṣaiṃ ramiti bījaiśca kaṭhinī kṛtya nāmabhiḥ

aṇḍamutpādya ca tataḥ praṇavenaiva bhedayet /
tatra pūrvoktarūpaṃ tu bhāvayitvā vṛṣadhvaja

ātmapūjāṃ tataḥ kuryādrandhapuṣpādibhiḥ śubhaiḥ /
āvāhya pūjayetsarvā devatā āsanasya yāḥ

mantrairebhirmahādeva tanmantraṃ śṛṇu śaṅkara /
viṣṇavāsanadevatā āgacchata

oṃ samastaparivārāyācyutāya namaḥ /
oṃ dhātre namaḥ /
oṃ vidhātre namaḥ /
oṃ gaṅgāyai namaḥ /
oṃ yamunāyai namaḥ /
oṃ śaṅkhanidhaye namaḥ /
oṃ padmanidhaye namaḥ /
oṃ caṇḍāya namaḥ /
oṃ pracaṇḍāya namaḥ /
oṃ dvāraśriyai namaḥ /
oṃ ādhāraśaktyai namaḥ /
oṃ kūrṃmāya namaḥ /
oṃ anantāya namaḥ /
oṃ śriyai namaḥ /
oṃ dharṃmāya namaḥ /
oṃ jñānāya namaḥ /
oṃ vairāgyāya namaḥ /
oṃ aiśvaryāya namaḥ /
oṃ adharṃmāya namaḥ /
oṃ ajñānāya namaḥ /
oṃ avairāgyāya namaḥ /
oṃ anaiśvaryāya namaḥ /
oṃsaṃ sattvāya namaḥ /
oṃ raṃ rajase namaḥ /
oṃ taṃ tamase namaḥ /
oṃ kaṃ kandāya namaḥ /
oṃ naṃ nālāya namaḥ /
oṃ lāṃ padmāya namaḥ /
oṃ aṃ arkamaṇḍalāya namaḥ /
oṃ soṃ somamaṇḍalāya namaḥ /
oṃ vaṃ vahnimaṇḍalāya namaḥ /
oṃ vimalāyai namaḥ /
oṃ utkarṣiṇyai namaḥ /
oṃ jñānāyai namaḥ /
oṃ kriyāyai namaḥ /
oṃ yogāyai namaḥ /
oṃ prahvyai namaḥ /
oṃ satyāyai namaḥ /
oṃ īśānāyai namaḥ /
oṃ anugrahāyai namaḥ

gandhapuṣpādibhistvetairmantrairetāstu pūjayet /
pūjayitvā tato viṣṇuṃ sṛṣṭisaṃhārakāriṇam

āvāhya maṇḍale rudra pūjayetpa rameśvaram /
anena vidhinā rudra sarvapāpaharaṃ param

yathātmani tathā deve nyāsaṃ kurvīta cāditaḥ /
mudrāṃ pradarśayetpaścādarghyādīnarpayettataḥ

snānāṃ kuryāttato vastraṃ dadyādācamanaṃ tataḥ /
gandhapuṣpaṃ tathā dhūpaṃ dīpaṃ dadyāccaruṃ tataḥ

pradakṣiṇaṃ tato japyaṃ tatastasminsarpayet /
aṅgādīnāṃ svamantraiśca pūjāṃ kurvīta sādhakaḥ

devasya mūlamantreṇetyevaṃ viddhi vṛṣadhvaja /
mantrāñchṛṇu trinetra tvaṃ kathyamānānmayādhunā

oṃ hāṃ hṛdayāya namaḥ /
oṃ hīṃ śirase namaḥ /
oṃ hūṃ śikhāyai namaḥ /
oṃ haiṃ kavacāya namaḥ /
oṃ hauṃ netratrayāya namaḥ /
oṃ haḥ astrāya namaḥ /
oṃ śriyai namaḥ /
oṃ śaṅkāya namaḥ /
oṃ padmāya namaḥ /
oṃ cakrāya namaḥ /
oṃ gadāyainamaḥ /
oṃ śrīvatsāya namaḥ /
oṃ kaustubhāya namaḥ /
oṃ vanamālāyai namaḥ /
oṃ pītāmbarāya namaḥ /
oṃ khaḍgāya namaḥ /
oṃ musalāya namaḥ /
oṃ pāśāya namaḥ /
oṃ aṅkuśāya namaḥ /
śārṅgāya namaḥ /
oṃ śarāya namaḥ /
oṃ brahmaṇe namaḥ /
oṃ nārādāya namaḥ /
oṃ pūrvasiddhebhyo namaḥ /
oṃ bhāgavatebhyo namaḥ /
oṃ gurubhyo namaḥ /
oṃ paramagurubhyo namaḥ /
oṃ indrāya surādhipataye savāhanaparivārāya namaḥ /
oṃ agnaye tejo 'dhipataye savāhanaparivārāya namaḥ /
oṃ yamāya pretādhipataye savāhanaparivārāya namaḥ /
oṃ nirṛtaye rakṣo 'dhipataye savāhanaparivārāya namaḥ /
oṃ varuṇāya jalādhipataye savādanaparivārāya namaḥ /
oṃ vāyave prāṇādhipataye savāhanaparivārāya namaḥ /
oṃ somāya nakṣatrādhipataye savāhanaparivārāya namaḥ /
oṃ īśānāya vidyādhipataye savāhanaparivārāya namaḥ /
oṃ anantāya nāgādhipataye savāhanaparivārāya namaḥ /
oṃ brahmaṇe lokādhipataye savāhanaparivārāya namaḥ /
oṃ vajrāya huṃ phaṭ namaḥ /
oṃ śaktyai huṃ phaṭ namaḥ /
oṃ daṇḍāya huṃ phaṭ namaḥ /
oṃ khaḍgāya huṃ phaṭ namaḥ /
oṃ pāśāya huṃ phaṭ namaḥ /
oṃ dhvajāya huṃ phaṭ namaḥ /
oṃ gadāyai huṃ phaṭ namaḥ /
oṃ triśūlāya huṃ phaṭ namaḥ /
oṃ cakrāya huṃ phaṭ namaḥ /
oṃ padmāya huṃ phaṭ namaḥ /
oṃ vaiṃ viṣvaksenāya namaḥ

ebhimantrairmahādeva pūjyā aṅgādayo naraiḥ /
pūjayitvā mahātmānaṃ viṣṇuṃ brahmasvarūpiṇam

stuvīta cānayā stutyā paramātmānamavyayam /
viṣṇave devadevāya namo vai prabhaviṣṇave

viṣṇave vāsudevāya namaḥ sthitikarāya ca /
grasiṣṇave namaścaiva namaḥ pralayaśāyine

devānāṃ prabhave caiva yajñānāṃ prabhave namaḥ /
munīnāṃ prabhave nityaṃ yakṣāṇāṃ prabhaviṣṇave

jiṣṇave sarvadevānāṃ sarvagāya mahātmane /
brahmendrarudravandyāya sarveśāya namonamaḥ

sarvalokahitārthāya lokādhyakṣāya vai namaḥ /
sarvagoptre sarvakartre sarvaduṣṭavināśine

varapradāya śāntāya vareṇyāya namonamaḥ /
śaraṇyāya surūpāya dharmakāmārthadāyine

stutvā dhyāyetsvahṛdaye brahmarūpiṇamavyayam /
elaṃ tu pūjayedviṣṇuṃ mūlamantreṇa śaṅkara

mūlamantraṃ japedvāpi yaḥ sa yāti naro harim /
etatte kathitaṃ rudra viṣṇorarcanamuttamam

rahasyaṃ paramaṃ guhyaṃ bhuktimuktipradaṃ param /
etadyaśca paṭhedvidvānviṣṇubhaktaḥ pumānhara /
śṛṇuyācchrāvayedvāpi viṣṇulokaṃ sa gacchati