ગરુડ પુરાણ · અધ્યાય 1.31

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શ્રીધરા (વિષ્ણ્વર્) ચનવિધિર્નામ ત્રિંશો ઽધ્યાયઃ
શ્રી ગરુડમહાપુરાણમ્- 31
રુદ્ર ઉવાચ ।
ભૂય એવં જગન્નાથ પૂજાં કથય મે પ્રભો ।
યયા તરેયં સંસારસાગરં હ્યતિદુસ્તરમ્

હરિરુવાચ ।
અર્ચનં વિષ્ણુદેવસ્ય વક્ષ્યામિ વૃષભધ્વજ ।
તચ્છૃણુષ્વ મહાભાગ ભુક્તિમુક્તિપ્રદં શુભમ્

કૃત્વા સ્નાનં તતઃ સન્ધ્યાં તતો યાગગૃહં વ્રજેત્ ।
પ્રક્ષાલ્ય પાણી પાદૌ ચ આચમ્ય ચ વિશેષતઃ

મૂલમન્ત્રં સમસ્તં તુ હસ્તયોર્વ્યાપકં ન્યસેત્ ।
મૂલમન્ત્રં ચ દેવસ્ય શૃણુ રુદ્ર વદામિ તે

ઓં શ્રીં હ્રીં શ્રીધરાય વિષ્ણવે નમઃ ।
અયં મન્ત્રઃ સુરેશસ્ય વિષ્ણોરીશસ્ય વાચકઃ

સર્વવ્યાધિહરશ્ચૈવ સર્વગ્રહહરસ્તથા ।
સર્વપાપહરશ્ચૈવ બુક્તિમુક્તિપ્રદાયકઃ

અઙ્ગન્યાસં તતઃ કુય્યાન્દેભિર્મન્ત્રૌર્વિચક્ષણઃ ।
ઓં હાં હૃદયાય નમઃ ।
ઓં હીં શિરસે સ્વાહા ।
ઓં હૂં શિખાયૈ વષટ્ ।
ઓં હૈં કવચાય હું ।
ઓં હૌં નેત્રત્રયાય વૌષટ્ ।
ઓં હઃ અસ્ત્રાય ફટ્

ઇતિ મન્ત્રઃ સમાખ્યાતો મયા તે પ્રભવિષ્ણુના ।
ન્યાસં કૃત્વાત્મનો મુદ્રાં દર્શયેદ્વિજિતાત્મવાન્

તતો ધ્યાયેત્પરં વિષ્ણુ ત્દૃત્કોટરસમાશ્રિતમ્ ।
શઙ્ખચક્રસમાયુક્તં કુન્દેન્દુધવલં હરિમ્

શ્રીવત્સકૌસ્તુભયુતં વનમાલાસમન્વિતમ્ ।
રત્નહારકિરીટેન સંયુક્તં પરમેશ્વરમ્

અહં વિષ્ણુરિતિ ધ્યાત્વા કૃત્વા વૈ શોધનાદિકમ્ ।
યં ક્ષૈં રમિતિ બીજૈશ્ચ કઠિની કૃત્ય નામભિઃ

અણ્ડમુત્પાદ્ય ચ તતઃ પ્રણવેનૈવ ભેદયેત્ ।
તત્ર પૂર્વોક્તરૂપં તુ ભાવયિત્વા વૃષધ્વજ

આત્મપૂજાં તતઃ કુર્યાદ્રન્ધપુષ્પાદિભિઃ શુભૈઃ ।
આવાહ્ય પૂજયેત્સર્વા દેવતા આસનસ્ય યાઃ

મન્ત્રૈરેભિર્મહાદેવ તન્મન્ત્રં શૃણુ શઙ્કર ।
વિષ્ણવાસનદેવતા આગચ્છત

ઓં સમસ્તપરિવારાયાચ્યુતાય નમઃ ।
ઓં ધાત્રે નમઃ ।
ઓં વિધાત્રે નમઃ ।
ઓં ગઙ્ગાયૈ નમઃ ।
ઓં યમુનાયૈ નમઃ ।
ઓં શઙ્ખનિધયે નમઃ ।
ઓં પદ્મનિધયે નમઃ ।
ઓં ચણ્ડાય નમઃ ।
ઓં પ્રચણ્ડાય નમઃ ।
ઓં દ્વારશ્રિયૈ નમઃ ।
ઓં આધારશક્ત્યૈ નમઃ ।
ઓં કૂર્ંમાય નમઃ ।
ઓં અનન્તાય નમઃ ।
ઓં શ્રિયૈ નમઃ ।
ઓં ધર્ંમાય નમઃ ।
ઓં જ્ઞાનાય નમઃ ।
ઓં વૈરાગ્યાય નમઃ ।
ઓં ઐશ્વર્યાય નમઃ ।
ઓં અધર્ંમાય નમઃ ।
ઓં અજ્ઞાનાય નમઃ ।
ઓં અવૈરાગ્યાય નમઃ ।
ઓં અનૈશ્વર્યાય નમઃ ।
ઓંસં સત્ત્વાય નમઃ ।
ઓં રં રજસે નમઃ ।
ઓં તં તમસે નમઃ ।
ઓં કં કન્દાય નમઃ ।
ઓં નં નાલાય નમઃ ।
ઓં લાં પદ્માય નમઃ ।
ઓં અં અર્કમણ્ડલાય નમઃ ।
ઓં સોં સોમમણ્ડલાય નમઃ ।
ઓં વં વહ્નિમણ્ડલાય નમઃ ।
ઓં વિમલાયૈ નમઃ ।
ઓં ઉત્કર્ષિણ્યૈ નમઃ ।
ઓં જ્ઞાનાયૈ નમઃ ।
ઓં ક્રિયાયૈ નમઃ ।
ઓં યોગાયૈ નમઃ ।
ઓં પ્રહ્વ્યૈ નમઃ ।
ઓં સત્યાયૈ નમઃ ।
ઓં ઈશાનાયૈ નમઃ ।
ઓં અનુગ્રહાયૈ નમઃ

ગન્ધપુષ્પાદિભિસ્ત્વેતૈર્મન્ત્રૈરેતાસ્તુ પૂજયેત્ ।
પૂજયિત્વા તતો વિષ્ણું સૃષ્ટિસંહારકારિણમ્

આવાહ્ય મણ્ડલે રુદ્ર પૂજયેત્પ રમેશ્વરમ્ ।
અનેન વિધિના રુદ્ર સર્વપાપહરં પરમ્

યથાત્મનિ તથા દેવે ન્યાસં કુર્વીત ચાદિતઃ ।
મુદ્રાં પ્રદર્શયેત્પશ્ચાદર્ઘ્યાદીનર્પયેત્તતઃ

સ્નાનાં કુર્યાત્તતો વસ્ત્રં દદ્યાદાચમનં તતઃ ।
ગન્ધપુષ્પં તથા ધૂપં દીપં દદ્યાચ્ચરું તતઃ

પ્રદક્ષિણં તતો જપ્યં તતસ્તસ્મિન્સર્પયેત્ ।
અઙ્ગાદીનાં સ્વમન્ત્રૈશ્ચ પૂજાં કુર્વીત સાધકઃ

દેવસ્ય મૂલમન્ત્રેણેત્યેવં વિદ્ધિ વૃષધ્વજ ।
મન્ત્રાઞ્છૃણુ ત્રિનેત્ર ત્વં કથ્યમાનાન્મયાધુના

ઓં હાં હૃદયાય નમઃ ।
ઓં હીં શિરસે નમઃ ।
ઓં હૂં શિખાયૈ નમઃ ।
ઓં હૈં કવચાય નમઃ ।
ઓં હૌં નેત્રત્રયાય નમઃ ।
ઓં હઃ અસ્ત્રાય નમઃ ।
ઓં શ્રિયૈ નમઃ ।
ઓં શઙ્કાય નમઃ ।
ઓં પદ્માય નમઃ ।
ઓં ચક્રાય નમઃ ।
ઓં ગદાયૈનમઃ ।
ઓં શ્રીવત્સાય નમઃ ।
ઓં કૌસ્તુભાય નમઃ ।
ઓં વનમાલાયૈ નમઃ ।
ઓં પીતામ્બરાય નમઃ ।
ઓં ખડ્ગાય નમઃ ।
ઓં મુસલાય નમઃ ।
ઓં પાશાય નમઃ ।
ઓં અઙ્કુશાય નમઃ ।
શાર્ઙ્ગાય નમઃ ।
ઓં શરાય નમઃ ।
ઓં બ્રહ્મણે નમઃ ।
ઓં નારાદાય નમઃ ।
ઓં પૂર્વસિદ્ધેભ્યો નમઃ ।
ઓં ભાગવતેભ્યો નમઃ ।
ઓં ગુરુભ્યો નમઃ ।
ઓં પરમગુરુભ્યો નમઃ ।
ઓં ઇન્દ્રાય સુરાધિપતયે સવાહનપરિવારાય નમઃ ।
ઓં અગ્નયે તેજો ઽધિપતયે સવાહનપરિવારાય નમઃ ।
ઓં યમાય પ્રેતાધિપતયે સવાહનપરિવારાય નમઃ ।
ઓં નિરૃતયે રક્ષો ઽધિપતયે સવાહનપરિવારાય નમઃ ।
ઓં વરુણાય જલાધિપતયે સવાદનપરિવારાય નમઃ ।
ઓં વાયવે પ્રાણાધિપતયે સવાહનપરિવારાય નમઃ ।
ઓં સોમાય નક્ષત્રાધિપતયે સવાહનપરિવારાય નમઃ ।
ઓં ઈશાનાય વિદ્યાધિપતયે સવાહનપરિવારાય નમઃ ।
ઓં અનન્તાય નાગાધિપતયે સવાહનપરિવારાય નમઃ ।
ઓં બ્રહ્મણે લોકાધિપતયે સવાહનપરિવારાય નમઃ ।
ઓં વજ્રાય હું ફટ્ નમઃ ।
ઓં શક્ત્યૈ હું ફટ્ નમઃ ।
ઓં દણ્ડાય હું ફટ્ નમઃ ।
ઓં ખડ્ગાય હું ફટ્ નમઃ ।
ઓં પાશાય હું ફટ્ નમઃ ।
ઓં ધ્વજાય હું ફટ્ નમઃ ।
ઓં ગદાયૈ હું ફટ્ નમઃ ।
ઓં ત્રિશૂલાય હું ફટ્ નમઃ ।
ઓં ચક્રાય હું ફટ્ નમઃ ।
ઓં પદ્માય હું ફટ્ નમઃ ।
ઓં વૈં વિષ્વક્સેનાય નમઃ

એભિમન્ત્રૈર્મહાદેવ પૂજ્યા અઙ્ગાદયો નરૈઃ ।
પૂજયિત્વા મહાત્માનં વિષ્ણું બ્રહ્મસ્વરૂપિણમ્

સ્તુવીત ચાનયા સ્તુત્યા પરમાત્માનમવ્યયમ્ ।
વિષ્ણવે દેવદેવાય નમો વૈ પ્રભવિષ્ણવે

વિષ્ણવે વાસુદેવાય નમઃ સ્થિતિકરાય ચ ।
ગ્રસિષ્ણવે નમશ્ચૈવ નમઃ પ્રલયશાયિને

દેવાનાં પ્રભવે ચૈવ યજ્ઞાનાં પ્રભવે નમઃ ।
મુનીનાં પ્રભવે નિત્યં યક્ષાણાં પ્રભવિષ્ણવે

જિષ્ણવે સર્વદેવાનાં સર્વગાય મહાત્મને ।
બ્રહ્મેન્દ્રરુદ્રવન્દ્યાય સર્વેશાય નમોનમઃ

સર્વલોકહિતાર્થાય લોકાધ્યક્ષાય વૈ નમઃ ।
સર્વગોપ્ત્રે સર્વકર્ત્રે સર્વદુષ્ટવિનાશિને

વરપ્રદાય શાન્તાય વરેણ્યાય નમોનમઃ ।
શરણ્યાય સુરૂપાય ધર્મકામાર્થદાયિને

સ્તુત્વા ધ્યાયેત્સ્વહૃદયે બ્રહ્મરૂપિણમવ્યયમ્ ।
એલં તુ પૂજયેદ્વિષ્ણું મૂલમન્ત્રેણ શઙ્કર

મૂલમન્ત્રં જપેદ્વાપિ યઃ સ યાતિ નરો હરિમ્ ।
એતત્તે કથિતં રુદ્ર વિષ્ણોરર્ચનમુત્તમમ્

રહસ્યં પરમં ગુહ્યં ભુક્તિમુક્તિપ્રદં પરમ્ ।
એતદ્યશ્ચ પઠેદ્વિદ્વાન્વિષ્ણુભક્તઃ પુમાન્હર ।
શૃણુયાચ્છ્રાવયેદ્વાપિ વિષ્ણુલોકં સ ગચ્છતિ