Garuda Purana · Chapter 1.214

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe pañcottaradviśatatamo 'dhyāyaḥ
śrīgaruḍamahāpurāṇam- 214
brahmovāca /
atha snānavidhiṃ vakṣye snānamūlā kriyā yataḥ /
mṛdgomayatilāndarbhānpuṣpāṇi surabhīṇi ca

āharetsnānakāle ca snānārtho prayataḥ śuciḥ /
gandhodakāntaṃ vivikte (dhaṃ) sthāpayettānyatha kṣitau

tridhā kṛtvā mṛdaṃ tāṃ tu gomayaṃ ca vicakṣaṇaḥ /
adbhirmṛdbhiśca caraṇau prakṣālyātha karau tathā

upavītī baddhaśikhaḥ samyagācamya vāgyataḥ /
uruṃ rājetyṛcā toyamupasthāya pradakṣiṇam

āvartayettadudakaṃ ye te śatamititryṛcā

oṃ uruṃ hi rājā varuṇaścakāra sūryāya panthānamanveta vā /
pratidhātā ca vaktārastāhṛdayāvipaścit /
namo 'gnyaruṇāyā bhiṣṭutovaruṇasya pāśaḥ /
varuṇāya namaḥ

oṃ ye te śataṃ varuṇaye sahasraṃ yajñiyāḥ pāśā vitatā mahāntaḥ /
tebhirno adya savitota viṣṇurviśve muñcantu marutaḥ svarkāḥ svāhā /
sumitriyāna ityabañjalimākṛtyottareṇa toyaṃ paścādvirājya caiva viniḥ kṣipet /
oṃ sumitriyā na āpa oṣadhayaḥ santu /
durmitriyāstasmai santu yo 'smāndveṣṭi yañca vayaṃ dviṣmaḥ

pādau kaṭiṃ caiva pūrvaṃ mṛdbhistribhistribhiḥ /
prakṣālya hastā vācamya namaskṛtya jalaṃ tataḥ

oṃ idaṃ viṣṇurvicakrame tredhā nidhe padam samūḍhamasya pāṃsure /
mahāvyāhṛtibhiḥ paścādācāmetprayato 'pi san

mārjayedvai mṛdāṅgāni idaṃ viṣṇuriti tvṛcā /
bhāskarābhimukho majjedāpo asmānitityṛcā

oṃ āpo asmānmātaraḥ śundhayantu ghṛtena no ghṛtaṣvaḥ punantu /
viśvaṃ hi ripraṃ pravahanti devīrudidābhyaḥ śucirāpūta emi

tato 'vṛghṛṣya pātrāṇi nimajyonmajya vai śanaiḥ /
gomayena vilipyātha mānastoka ityṛcā

oṃ mānastoke tanaye mā na āyuṣi mā no goṣu mā no aśveṣu rīriṣaḥ /
mā no vīrānrudrabhāmino 'badhīrhaviṣmantaḥ sadamitvā havāmahe

tato 'bhiṣiñcenmantraistu varuṇaistu yathākramam /
imaṃme varuṇe dvābhyāṃ tvannaḥ satvanna ityapi

āpo tvantumasīti ca muñcantvavabhṛteti ca /
oṃ imaṃme varuṇa śrudhīhavamadyā ca mṛḍayatvā mavasyurācake

oṃ tattvayāmi brahmaṇā vandamānastadāśāste yajamāno havirbhiḥ /
aheḍamāno varuṇeha bodhyuruśaṃ samāna āyuḥ pramoṣīḥ /
oṃ tvanno agne varuṇasya vidvāndevasya heḍo avayāsisīṣṭhāḥ /
yajiṣṭho vahnitamaḥ śośucāno viśvā dveṣāṃsipramumugdhyasmatsvāhā /
oṃ sa tvanno agnevamo bhavatī nediṣṭho asyā uṣasovyuṣṭau /
avayakṣvano varuṇaṃ rarāṇo vīhimṛḍīkaṃ suhavo na edhi /
oṃ āpo nauṣadhi hiṃsārdhamno rājastato varuṇo nomuñcā yadāharaghnyā iti varuṇeti śapārmahe tato varuṇa no muñca /
oṃ uduttamaṃ varuṇa pāśamasmadavādhamaṃ vimadhyamaṃśrathāya /
athāvayamādityavrate tavānāgaso aditaye syāma /
muñcantumāmapyathādvaruṇasya tvat /
aho yamasya patnīmānaḥ sarvasmādeva kilbiṣāt /
avabhṛthanicaṃ punarvicerusi nityaṃ prannaḥ /
avadevairdevakṛtā manoyāsi samavatyai kṛtaṃ puṣpācchā devadhīmalpāhī

abhiṣicya tathātmānaṃ nimajyācamya vai punaḥ /
darbheṇa pāyayenmantrairaliṅgaiḥ pāvanairimaiḥ

āpohiṣṭheti tisṛbhiridamāpo haviṣmatīḥ /
devīrāpa iti dvābhyāṃ āpodevā iti tryṛcā

drupadādiva iti ca śanno devīrapāṃ rasaḥ /
āpo devo pāvamānyaḥ punantvādyā ṛco nava

citpatirmeti ca śanaiḥ plāvyātmanaṃ samāhitaḥ /
hiraṇyavarṇā iti ca pāvamānyastathā parāḥ

taratsāmā śuddhavatyaḥ pavitrāṇi ca śaktitaḥ /
vāruṇyā bahavaḥ puṇyāḥ śaktitaḥ saṃprayojayet

oṃ kāreṇa vyāhṛtibhirgāyatryā ca samanvitaḥ /
ādāvante ca kurvīta abhiṣekaṃ yathākramam

jalamadhyasthitasyaiva mārjanaṃ tu vidhīyate /
antarjale japenmantraṃ triḥ kṛtvā cāghamarṣaṇam

drupadādyāstrirāvartedayaṃ gauriti ca tryṛcam /
anyāṃścaiva tu mantrānvā smṛtidṛṣṭānsamāhitaḥ

savyāhṛtiṃ sapraṇavāṃ gāyatrīṃ vā japedbudhaḥ āvartayedvā praṇavaṃ smaredvā viṣṇamavyayam

viṣṇorāyatanaṃ tvāpaḥ sa evāppatirucyate /
tasyaivaṃ tanavastvetāstasmāttaṃ hyapsu saṃsmaret

tadviṣṇoriti mantreṇa nimajyāpsu punaḥ punaḥ /
gāyattrī vaiṣṇavī hyeṣā viṣṇoḥ saṃsmaraṇāya vai

oṃ idamāpapravahatā svaṃ malaṃ kṣālalohitam /
yathātvahotrāmṛtaṃ yacca śophe abhīṣaṇam

āpo mā tasmādenasaḥ pāvamānaśca muñcatu iviṣmato vimā āpohaviṣmān āvirāsati /
haviṣmān deva asuro haviṣmān astu sūryaḥ /
devīrāpo apā patnyā yaśca ūrmirhaviṣyaḥ indriyavānmādityantanaḥ taṃ devebhyo devatā dābhuśukralebhyasteṣāṃ bhāgakarṣivasisamudrasya dakṣiṇyāgrayāsimenāpograrbhiraśmatamodhoḥ /
āpo devī madhumatīragṛhṇantu hyannatī rājasvatilāḥ /
yābhirmitrāvaruṇasya siñcayābhirindramanayatyanna vātī vadrupadāṃ śanno devī apāmasṛgdvayasaṃsūrye santaṃ samāhitaṃ apāṃrasasya yo rasya yo gṛhṇāsyuttamam /
āpo devīrupasūrya madhumatīvayasyāya prajābhyaḥ tāsā māsthānātvarjihatāmoṣadhayaḥ sapippalāḥ /
punantu mā pitaraḥ saumyāsaḥ punantvanāpi pitā sahasāḥ pavitreṇa gatāyuṣā /
punantu mā pitāmahāḥ punantu prapitāmahāḥ /
pavitreṇa gatāyuṣā viśvamāyurvyaśravaiḥ /
agna āyūṃṣi parasatmācarorjamiṣañca tvace vāvasvatvacchūnām /
punantu mā devajanāḥ punantu manasā dhiyaḥ /
punantu viśvā bhūtāni jātavedaḥ ! punīhi mā /
pavitreṇa punīhi mā śukreṇa deva dīdyat /
agne kratvā kratūṃranu /
yatte pavitramarciṣyagne vitatamantarā brahmā tena punātu mā /
pavamānaḥ suvarjanaḥ / pavitreṇa vicarṣaṇiḥ / yaḥ potā sa punātu mā /
ubhābhyāṃ deva savitaḥ / pavitreṇa savena ca / idaṃ brahmapunīmahe /
vaiśvadevīḥ punatī devyā gṛbhnāsyāmisāvakṣyastānnovīta pūjyāḥ /
tayāmadantaḥ sadhamādeṣu vayaṃ syāma patayo rayīṇām /
citpa tirmā punātvacchidreṇa pavitreṇa sūryasya raśmibhiḥ /
tasya te pavitrapūtasya yatkāmaḥ /
praṇitacchakeyaṃ devo vākpatirmā savitā tvacchidreṇa pavitreṇa sūryasya raśmibhiḥ /
tasya te pavitrapate ! pavitrapūtasya catkāmaḥ /
punastacchakeyaṃ dyupatiṃ ayaṃ gauḥ pṛśrirakramīsadaśaśataṃ mātaraṃ punaḥ pitarañca prayasmaḥ /
devo mā savitā punātvacchidreṇa pavitreṇa sūryasya raśmibhiḥ /
tasya te pavitrapate pavitrapūtasya yatkāmaḥ punātacchakeyam? /
oṃ tadviṣṇoḥ paramaṃ padaṃ sadā paśyanti sūrayaḥ /
divīva cakṣurātatam

snātvaivaṃ vāsasī dhaute acchinne paridhāya ca /
prakṣālya ca mṛdādbhiśca hastau prakṣālya vai tadā

ācānte punārācāmenmantreṇa snānabhojane /
drupadāṃ ca trirāvartya tathā caivāghamarṣaṇam

ācamyāplāvya cātmānaṃ trirācamyaśanerasūn /
athopatiṣṭedādityaṃ mūrdhni puṣpānvitāñjaliḥ

prakṣipyodakamaddhūya udutyaṃ citramityapi /
taccakṣurdeva iti ca haṃsaḥ śuciṣadityapi

etāñjapedūrdhvabāhuḥ sūryamīkṣya samāhitaḥ /
gāyattrīṃ ca tathā śaktyā upasthāya divākaram

vibhrāḍityanuvākena sūktena puruṣasya ca /
śivasaṅkalpena ca tathā maṇḍalabrāhmaṇena ca

divākīrtyā tathā cānyaiḥ saurairmantraiśca śaktitaḥ /
japayajñastu kartavyaḥ sarvadevapraṇītakaiḥ

adhyātmavidyāṃ vidhivajjapedvā japasiddhaye /
savyaṃ kṛtvā trirācamya śriyaṃ medhāṃ dhṛtiṃ kṣitim

vācaṃ vāgīśvarīṃ puṣṭiṃ tuṣṭiñca paritarpayet /
umāmarundhatīṃ caiva śacīṃ mātarameva ca

jayāṃ ca vijayāṃ caiva sāvitrīṃ śāntimeva ca /
svāhāṃ svadhāṃ dhṛtiṃ caiva tathaivāditimuttamām

ṛṣipatnīśca kanyāśca tarpayetkāmyadevatāḥ /
sarvamaṅgalakāmastu tarpayetsarvamaṅgalām

ābrahmastambaparyantaṃ jagattṛpyatvidaṃ bruvan /
kṣipedapo 'ñjalīṃstrīṃśca kurvankāṅkṣeta tarpaṇam