Garuda Purana · Chapter 1.199

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe aṣṭanavatyadhikaśatatamodhyāyaḥ
śrīgaruḍamahāpurāṇam- 199
bhairava uvāca /
atha cūḍāmaṇiṃ vakṣye śubhāśubhaviśuddhaye /
sūryaṃ devīṃ gaṇaṃ soma smṛtvā tu vilikhennaraḥ

trirekhā gomūrtrikābhā athavā praśravākyataḥ /
diśasthānaprasūto vā dhvajādīngaṇayetkramāt

dhvajo dhūmo 'tha siṃhaśca śvā vṛṣaḥ kharadantinau /
dhvāṅkṣaśca aṣṭamo jñeyo nāma mantraiśca tānnyaset

dhvajasthāne dhvajaṃ dṛṣṭvā rājyacintādhanādikam /
dhvajasthāne sthito dhūmro dhātucintā ca lābhakṛt

dhvajasthāne sthite siṃhe dhanalābhādikaṃ bhavet /
sthite śunidhvajasthāne dāsīcintāsukhādikam

dhvajasthāne vṛṣaṃ dṛṣṭvā sthānacintā ca lābhakam /
dhvajasthāne kharaṃ dṛṣṭvā duḥ khakleśādikaṃ bhavet

dhvajasthāne gajaṃ dṛṣṭvā sthānacintājayādikam /
dhvajasthāne tathā dhvāṅkṣe kleśacintā dhanakṣayaḥ

dhūmrasthāne dhvajaṃ dṛṣṭvā pūrvaṃ duḥ khaṃ tato dhanam /
dhūmre dhūmraṃ tathā dṛṣṭvā kaliduḥ khādikaṃ bhavet

dhūmrasthāne sthite siṃhe manaścintādhanādikam /
dhūmrasthāne śuni sthite jayalābhādikaṃ bhavet

dhūmrasthāne vṛṣaṃ dṛṣṭvā nārīgo 'śvadhanādikam /
dhūmrasthāne kharaṃ dṛṣṭvā vyādhiścāpi dhanakṣayaḥ

dhūmrasthāne gaje dṛṣṭe rājyalābhajayādikam /
dhūmrasthāne sthite dhvāṅkṣe dhanarājyavināśanam

siṃhasthāne dhvajaṃ dṛṣṭvā rājyalābhādi nirdiśet /
siṃhasthāne sthite dhūmre kanyāprāptirdhanādikam

siṃhasthāne sthite siṃhe jayo mitrasamāgamaḥ /
kauleyake siṃhagate strīcintā grāmalābhakam

siṃha sthāne vṛṣaṃ dṛṣṭvā gṛhakṣetrārthalābhakam /
siṃhasthāne gajaṃ dṛṣṭvā grāmasvāmitvameva ca

siṃhasthāne gajaṃ dṛṣṭvā ārogyāyuḥ sukhādikam /
siṃhasthānesthite dhvāṅkṣe kanyādhānyaguṇādikam

śunaḥ sthāne dhvajaṃ dṛṣṭvā sthānacintāsukhādikam /
śunaḥ sthāne sthite dhūmre kalahaṃ kāryanāśanam

śunaḥ sthāna sthite siṃhe kāryāsiddhirbhaviṣyati /
sthite śuni śunaḥ sthāne dhananāśo bhaviṣyati

śunaḥ sthāne vṛṣaṃ dṛṣṭvā rogī rogādvi mucyate /
śunaḥ sthāne kharaṃ dṛṣṭvā kalahasya bhayaṃ bhavet

śunaḥ sthāne gajaṃ dṛṣṭvā putrabhāryāsamāgamaḥ /
śvasthāne ca sthite dhvāṅkṣe pīḍāsyātkulanāśanam

vṛṣasthāne dhvajaṃ dṛṣṭvā rājapūjāsukhādikam /
vṛṣasthāne sthite dhūmre rājapūjāsukhādikam

vṛṣasthāne sthite siṃhe saubhāgyañca dhanādikam /
sthite śuni vṛṣasthāne balaśrīkāma īritaḥ

vṛṣasthāne vṛṣaṃ dṛṣṭvā kīrtituṣṭisukhādikam /
vṛṣasthāne kharaṃ dṛṣṭvā mahālābhādikaṃ bhavet

vṛṣasthāne gajaṃ dṛṣṭvā strīgajādisamāgamaḥ /
vṛṣasthāne sthite dhvāṅkṣe sthānamānasamāgamaḥ

kharasthāne dhvajaṃ dṛṣṭvā rogaśokādikaṃ bhavet /
kharasthāne sthite dhūmre taskarādibhayaṃ bhavet

kharasthāne sthite siṃhe pūjāśrīvijayādikam /
sthite śunikharasthāne santāpadhananāśanam

kharasthāne vṛṣaṃ dṛṣṭvā sukhaṃ priyasamāgamaḥ /
kharasthāne kharaṃ dṛṣṭvā duḥ khīpīḍādi nirdiśet

kharasthāne gajaṃ dṛṣṭvā sukhaputtrādikaṃ bhavet /
kharasthāne sthite dhvāṅkṣe kalaho vyādhireva ca

gajasthāne dhvajaṃ dṛṣṭvā strījayaśrīsukhādikam /
gajasthānesthite dhūmre dhanadhānyasamāgamaḥ

gajasthāne sthite siṃhe jayasiddhisamāgamaḥ /
sthite śuni gajasthāne ārogyaṃ sukhasampadaḥ

gajasthāne vṛṣaṃ dṛṣṭvā rājamānadhanādikam /
gajasthāne kharaṃ dṛṣṭvā pūrvaṃ duḥ khaṃ tataḥ sukham

gajasthāne gajaṃ dṛṣṭvā kṣetradhānyasukhādikam /
gajasthānesthite dhvāṅkṣe dhanadhānyasamāgamaḥ

dhvāṅkṣasthāne dhvajaṃ dṛṣṭvā kāryanāśo bhaviṣyati /
dhvāṅkṣasthāne sthite dhūmre kaliduḥ khaṃ gamiṣyati

dhvāṅkṣasthāne sthite siṃhe vigraho duḥ khameva ca /
dhvāṅkṣasthāne sthite śvāne gṛhabhaṅgabhayādikam

dhvāṅkṣasthāne vṛṣaṃ dṛṣṭvā sthānabhraṃśabhayādikam /
dhvāṅkṣasthāne kharaṃ dṛṣṭvā dhananāśaparājayau

dhvāṅkṣasthāne gajaṃ dṛṣṭvā dhanakīrtyādikaṃ bhavet /
dhvāṅkṣasthāne sthite dhvāṅkṣe videśagamanādikam