Garga Samhita · Chapter 7.9

śrīnārada uvāca //
ityuktvā śatruhā bhānurgṛhītvā khaṅgacarmaṇī //
padātiḥ prayayau sainye vane vanyakarīvasaḥ

bhānukhaṅgena śatrūṃstāñcchinnabāhūṃścakāra ha //
dvipānhayānsaṃmukhasthānpaśvasthāṃśca dvidhākarot

khaṅgadvitīyo hyekākī reje chiṃdannarīmṛdhe //
nīhārameghapaṭalairbhānurbhānurivasphuran

hastināṃ chinnakuṃbhānāṃ bhānukhaṅgena maithila //
muktā nipetuśca yathā tārakāḥ kṣīṇakarmaṇām

lakṣamātreṇa tatsainyaṃ pātayitvā raṇāṃgaṇe //
raṃgapiṃgo pariprāgādbhānurvīro- mahābalaḥ

kṛṣṇadattena khaṅgena rathau tau raṃgapiṃgayoḥ //
chittvā hayānsanetṛṃśca bhānuryuddhedvidhākarot

khaṅgau nītvā raṃgapiṃgau teḍatustamahodbhaṭau //
bhānucarmagatau khaḍgau bhaṃgībhūtau babhūvatuḥ

bhānukhaṅgaprahāreṇa śiraso raṃgapiṃgayoḥ //
yugapatpetaturyuddhe tadadbhutamivābhavat

bhānustayośca śirasī nītvā pradyumnasaṃmukhe //
āyayau vijayī vīraḥ ślāghitaḥ sainyanāyakaiḥ //९/
divi duṃdubhayo nedurnaraduṃdubhibhiḥ samam//
abhūjjayajayā rāvaḥ puṣpavarṣāḥ suraiḥ kṛtāḥ

raṃgapiṃgau mṛtau śrutvā śiśupālo ruṣānvitaḥ //
jaitraṃ rathaṃ samāruhya yadūnāṃ saṃmukhaṃ yayau//१ १//
madacyudbhirgajai dīrghai ratnakaṃbalamaṃḍitaiḥ //
svarṇanīḍasamāyuktailoṃlaghaṃṭākvaṇatsvanaiḥ

rathaiśca devadhiṣṇyābhairvāyuvegaisturaṃgamaiḥ //
vidyādharasamairvīrairnādayanvasudhā- talam

śiśupālabalaṃ dṛṣṭvā śakradatte rathe tataḥ //
sarveṣāmagrataḥ kārṣṇiḥ prayayau dhanvināṃ vara

śaṃkhaṃ dadhmau hareḥ putro diśaḥ khaṃ nādayannṛpaḥ //
tena nādena śatrūṇāṃ kaṃpo'bhūddhṛdi mānada

śiśupālamahāsainye prāsādaiva durgame //
cakre nārācasopānaṃ sahasā rukmiṇīsutaḥ

damaghoṣasuto dhīmāndhanuṣṭaṃkārayanmuhuḥ //
brahmāstraṃ saṃdadhe yadvai dattātreyeṇa śikṣitam

pracaṃḍaṃ sarvatastejo dṛṣṭvā śrīrukmiṇīsutaḥ//
brahmāstreṇāpi dyuddhesaṃjahāra sa līlayā

śiśupālo mahādhīmānaṃgārāstraṃ samādadhe//
jāmadagnyena yaddattaṃ maheṃdre parvate nṛpa

tasmādaṃgāravarṣābhiḥ kārṣṇisenātivihvalā //
parjanyāstraṃ mahādivyaṃ tadā kārṣṇiḥ samādadhe

sthūlābhirmeghadhārābhiraṃgārāḥ śāṃtimāyayuḥ //
śiśupālastadā kruddho gajāstraṃ taṃ samādadhe

yadagastyena muninā śikṣitaṃ malayācale //
mahodbhaṭā gajā dīrghāḥ koṭiśastadvinirgatāḥ

te sainyaṃ pātayāmāsuḥ pradyumnasya mahātmanaḥ //
hāhākāro mahānāsīdyadūnāṃ vāhinīṣu ca

pradyumnotha raṇaślāghī nṛsiṃhāstraṃ samādadhe//
nṛsiṃhau nirgatā stasmānnādayanvasudhātalam

sphuratsaṭo dīrghabālo nakhalāṃgalabhīṣaṇaḥ //
nanāda huṃkṛtaiḥ śabdairbhakṣayaṃstāngajānraṇe

vidārya gajakuṃbhāṃ tamutpatanbhagavānhariḥ //
gajavṛṃdaṃ mardayitvā tatraivāṃtaradhīyata

cikṣepa parighaṃ roṣācchiśupālo mahābalaḥ//
ciccheda parighaṃ tadvai yamadaṃḍena mādhavaḥ

tataścaidyo ruṣāviṣṭo gṛhītvā khaṅgacarmaṇī //
pradyumnaṃ tamupādhāvatpataṃga iva pāvakam

kārṣṇistatāḍa taṃ khaṅgaṃ yamadaṃḍena vegataḥ //
cūrṇī babhūva tenāpi nistriṃśaścarmaṇā saha

pāśidattena pāśena sahasā yādaveśvaraḥ //
damaghoṣasutaṃ baddhvā vicakarṣa raṇāṃgaṇe

śiśupālaṃ ghātayituṃ khaṅgaṃ jagrāha roṣataḥ //
tadaiva tatkarau sākṣādgado jagrāha vegataḥ

gada uvāca //
paripūrṇatamenāpi śrīkṛṣṇena mahātmanā //
vadhyoyaṃ devavacanaṃ vacanaṃ mā vṛthā kuru

śrīnārada uvāca //
tadā kolāhale jāte śiśupālasya baṃdhane //
damaghoṣo baliṃ nītvā prāgātpradyumnasaṃmukhe

kārṣṇistamāgataṃ dṛṣṭvā tyaktvā śastrāṇi śīghrataḥ //
agrataścedipaṃ śaśvannanāma śirasā bhuvi

militvā cāśiṣaṃ dattvā pradyumnāya mahātmane//
damaghoṣo mahārājaḥ prāha gadgadayā girā

damaghoṣa uvāca //
pradyumna tvaṃ tu dhanyo'si śrīyadūnāṃ śiromaṇe //
tatputreṇa kṛtaṃ yadvai tatkṣamasva dayānidhe

śrīpradyumna uvāca //
mama doṣo na te cāyaṃ na te putrasya he prabho //
sarvaṃ kālakṛtaṃ manye priyamapriyameva vā

// śrī nārada uvāca //
ityukto damaghoṣo'pi pradyumnena prayaṃtritaḥ //
śiśupālaṃ mocayitvā nītvāgāccaṃdrikāpurīm

pradyumnasya balaṃ śrutvā sākṣācchrīkṛṣṇatejasaḥ //
na ke'pi yuyudhustena rājānaśca baliṃ daduḥ

iti śrīmadgargasaṃhitāyāṃ viśvajitkhaṃḍe nāradabahulāśvasaṃvāde raṃgapiṃgavadhe śiśupālayuddhe cedideśavijayonāma navamo'dhyāyaḥ