gaṇeśapaṃcaratna stotram · Chapter 1

mudākarātta modakaṃ sadā vimuktisādhakam / kalādharāvataṃsakaṃ vilāsi lokarakṣakam /
anāyakaika nāyakaṃ vināśitebhadaityakam / natāśubhāśunāśakaṃ namāmi taṃ vināyakam

natetarātibhīkaraṃ navoditārkabhāsvaram / namatsurāri nirjaraṃ natādhikāpaduddharam /
sureśvaraṃ nidhīśvaraṃ gajeśvaraṃ gaṇeśvaraṃ / maheśvaraṃ tamāśraye parātparaṃ nirantaram

samasta lokasaṃkaraṃ nirastadaityakuṃjaram/ daretarodaraṃ varaṃ varebhavaktramakṣaram/
kṛpākaraṃ kṣamākaraṃ mudākaraṃ yaśaskaram / manaskaraṃ namaskṛtāṃ namaskaromi bhāsvaram

akiṃcanārtimārjanaṃ cirantanokti bhājanam / purāripūrva nandanaṃ surāri garvacarvaṇam/
prapaṃca nāśabhīṣaṇaṃ dhanaṃjayādi bhūṣaṇam/ kapoladānavāraṇaṃ bhaje purāṇavāraṇam

nitāntakāntadantakānti - mantakāntakātmajam / acintya - rupamantahīna - mantarāyakṛntanam/
hradantare nirantaraṃ vasantameva yoginām/ tamekadantameva taṃ vicintayāmi santatam

phalaśrutī
mahāgaṇeśa paṃcaratnam ādareṇa yonvaham/ prajalpati prabhātake hradi smaran gaṇeśvaram/
arogitāmadoṣatāṃ susāhitīṃ suputratām/ samāhitāyu - raṣṭabhūtimabhyupaiti soScirāt//