ગણેશપંચરત્ન · અધ્યાય 1

મુદાકરાત્ત મોદકં સદા વિમુક્તિસાધકમ્ । કલાધરાવતંસકં વિલાસિ લોકરક્ષકમ્ ।
અનાયકૈક નાયકં વિનાશિતેભદૈત્યકમ્ । નતાશુભાશુનાશકં નમામિ તં વિનાયકમ્

નતેતરાતિભીકરં નવોદિતાર્કભાસ્વરમ્ । નમત્સુરારિ નિર્જરં નતાધિકાપદુદ્ધરમ્ ।
સુરેશ્વરં નિધીશ્વરં ગજેશ્વરં ગણેશ્વરં । મહેશ્વરં તમાશ્રયે પરાત્પરં નિરન્તરમ્

સમસ્ત લોકસંકરં નિરસ્તદૈત્યકુંજરમ્। દરેતરોદરં વરં વરેભવક્ત્રમક્ષરમ્।
કૃપાકરં ક્ષમાકરં મુદાકરં યશસ્કરમ્ । મનસ્કરં નમસ્કૃતાં નમસ્કરોમિ ભાસ્વરમ્

અકિંચનાર્તિમાર્જનં ચિરન્તનોક્તિ ભાજનમ્ । પુરારિપૂર્વ નન્દનં સુરારિ ગર્વચર્વણમ્।
પ્રપંચ નાશભીષણં ધનંજયાદિ ભૂષણમ્। કપોલદાનવારણં ભજે પુરાણવારણમ્

નિતાન્તકાન્તદન્તકાન્તિ - મન્તકાન્તકાત્મજમ્ । અચિન્ત્ય - રુપમન્તહીન - મન્તરાયકૃન્તનમ્।
હ્રદન્તરે નિરન્તરં વસન્તમેવ યોગિનામ્। તમેકદન્તમેવ તં વિચિન્તયામિ સન્તતમ્

ફલશ્રુતી
મહાગણેશ પંચરત્નમ્ આદરેણ યોન્વહમ્। પ્રજલ્પતિ પ્રભાતકે હ્રદિ સ્મરન્ ગણેશ્વરમ્।
અરોગિતામદોષતાં સુસાહિતીં સુપુત્રતામ્। સમાહિતાયુ - રષ્ટભૂતિમભ્યુપૈતિ સોસ્ચિરાત્॥